{N: 1}
Preces, domine, tuorum respice oblationesque fidelium, ut tibi gratae sint pro martyrum festiuitate sanctorum, et nobis conferant tuae propitiationis auxilium
[TIT: VIII MENSE APRILE / VI.ITEM ALIA]
{N: 2}
Uere dignum: tibi enim festa sollemnitas agitur, tibi dies sacrata celebratur, quam beati sancti Tiburti martyris tui sanguis in ueritatis tuae testificatione profusus magnifico nominis tui honore signauit. Et ideo cum angelis
[TIT: VIII MENSE APRILE / VI.ITEM ALIA]
{N: 3}
Uere dignum: tuas enim, domine, uirtutes tuasque uictorias admiramur, quotiens in aeclesia tua horum dierum festa celebrantur, quos insignes confessorum tuorum et martyrum palmae ad perennem memoriam sollemnemque laetitiam fidelibus populis sacrauerunt
[TIT: VIII MENSE APRILE / VI.ITEM ALIA]
{N: 4}
Quos donis caelestibus satias, domine, defende praesidiis, ut noxiis omnibus expediti post salutaria tua toto corde curramus
[TIT: VIII MENSE APRILE / VI.ITEM ALIA]
{N: 5}
Gratiae tuae, quaesumus, domine, supplicibus tuis tribue largitatem, ut mandata tua te operante sectantes, et consolationem uitae praesentis accipiant, et futura gaudia conpraehendant
[TIT: VIII MENSE APRILE / VI.ITEM ALIA]
{N: 6}
Presta nobis, domine, misericordiam tuam sanctorum tuorum suffragiis imploratam, et quos intercessores nostros esse tribuisti, fac eos et maiestatem tuam iugiter exorare et salutaria inpetrare pro nobis
[TIT: VIII MENSE APRILE / VII.ITEM ALIA]
{N: 7}
Deus, qui nos idoneos non esse perspiciens ad magnificentiam tuam sicut dignum est exorandam, eorum nobis qui tibi placuerunt praesidia contulisti: presta, ut eorum praecibus adiuuemur, quorum prouidisti nobis miseratus auxilium
[TIT: VIII MENSE APRILE / VII.ITEM ALIA]
{N: 8}
Exaudi, domine, populum tuum cum sanctorum tuorum tibi patrocinio supplicantem, et temporalis uitae nos tribue pace gaudere, et aeternae repperire subsidium
[TIT: VIII MENSE APRILE / VII.ITEM ALIA]
{N: 9}
Adesto, Deus noster, famulis tuis, et oblationes nostras sanctorum tuorum placationibus propitiatus intende; ut quod nostra fiducia non meretur, pia supplicatio reddat acceptum
[TIT: VIII MENSE APRILE / VII.ITEM ALIA]
{N: 10}
Da nobis, domine, tuae pietatis effectum, et commendantibus sanctis tuis etiam nostra munera propitius intuere
[TIT: VIII MENSE APRILE / VII.ITEM ALIA]
{N: 11}
Uere dignum: quoniam tui operis tuaeque pietatis est, ut in munere sanctorum tuorum multitudini non solum credere in filium tuum dominum nostrum, sed etiam pro eo pati posse donatum est, ut quos iustificabat fides, glorificaret finis
[TIT: VIII MENSE APRILE / VII.ITEM ALIA]
{N: 12}
Uere dignum: tuas enim, domine, uirtutes tuasque uictorias admiramur, quotiens in aeclesia tua horum dierum festa celebrantur, quos insignes tuorum martyrum palmae ad perennem memoriam sollemnemque laetitiam fidelibus populis sacrauerunt
[TIT: VIII MENSE APRILE / VII.ITEM ALIA]
{N: 13}
Propitiare, domine, supplicationibus nostris, et sanctorum tuorum suffragantibus meritis praeces nostras dignanter exaudi
[TIT: VIII MENSE APRILE / VIII ITEM ALIA]
{N: 14}
Praeces nostras, domine, quaesumus, propitiatus admitte, et ut dignae tuis famulemur altaribus, sanctorum tuorum nos intercessione custodi
[TIT: VIII MENSE APRILE / VIII ITEM ALIA]
{N: 15}
Uere dignum: quia tu es gloriosus in sanctis tuis, quibus et in confessione uirtutem et in passione uictoriam contulisti. Propterea cum angelis
[TIT: VIII MENSE APRILE / VIII ITEM ALIA]
{N: 16}
Corporis sacri et praetiosi sanguinis repleti libamine quaesumus, deus noster: quod pia deuotione gerimus, certa redemptione capiamus
[TIT: VIII MENSE APRILE / VIII ITEM ALIA]
{N: 17}
Tuere, domine, populum tuum, et salutaribus praesidiis semper adiutum beneficiis adtolle continuis et mentis et corporis
[TIT: VIII MENSE APRILE / VIII ITEM ALIA]
{N: 18}
Omnipotens sempiterne deus, qui sanctorum tuorum nos intercessione custodi: presta, ut quorum fouemur meritis, proficiamus piae confessionis exemplis
[TIT: VIII MENSE APRILE / VIIII ITEM ALIA]
{N: 19}
Supplicatio tibi nostra, domine, et grata pariter exsistat oblatio, quae cum pro sanctorum tuorum commemoratione defertur, indulgentiam nobis hisdem suffragantibus consequatur
[TIT: VIII MENSE APRILE / VIIII ITEM ALIA]
{N: 20}
Uere dignum: qui non solum martyrum, sed etiam confessorum tuorum es uirtute mirabilis. Licet enim illi passione sint clari, qui manifestis acerua supplicia sustinere tormentis, etiam isti tamen occultae proposito castigationis adflicti et cruciati spiritalis obseuantiae disciplinis illorum sunt uestigia subsecuti
[TIT: VIII MENSE APRILE / VIIII ITEM ALIA]
{N: 21}
Hostias, domine, tuae plebis intende, et quas in honorem sanctorum tuorum deuota concelebrat, proficere sibi sentiat ad medellam
[TIT: VIII MENSE APRILE / X ITEM ALIA]
{N: 22}
Uere dignum: qui dum confessores tuos etiam nunc tanta festiuitate glorificas, simul et nullum aput te sanctum propositum doces esse sine praemio, et praeter duriora certamina fragiles quosque ad tuae retributionis munus inuitas
[TIT: VIII MENSE APRILE / X ITEM ALIA]
{N: 23}
Sumentes pignus caelestis arcani et in terris positi iam superno pane satiati supplicamus, domine, depraecantibus sanctis tuis, ut quod in nobis mysticae geritur, ueraciter inpleatur
[TIT: VIII MENSE APRILE / X ITEM ALIA]
{N: 24}
Inpetret, quaesumus, domine, fidelibus tuis auxilium oratio iusta sanctorum; et in quorum sunt celebritate deuoti, fiant in eorum perpetua sorte participes
[TIT: VIII MENSE APRILE / X ITEM ALIA]
{N: 25}
Prosint nobis, domine, quaesumus, tuorum suffragia collata sanctorum; ut quae nostris non possumus orationibus obtinere, placentium tibi praecibus adsequamur
[TIT: VIII MENSE APRILE / XI ITEM ALIA]
{N: 26}
Sanctorum, Domine, martyrum tuorum supplicationibus tribue nos foueri; ut quorum uenerabilem diem annuo frequentamus obsequio, eorum et intercessionibus commendemur et meritis
[TIT: VIII MENSE APRILE / XI ITEM ALIA]
{N: 27}
Deus, qui ad depraecandum te conscientiae nostrae prespicis non sufficere facultatem: cunctos martyres tuos fac orare pro nobis, quos digne possis audire
[TIT: VIII MENSE APRILE / XII ITEM ALIA]
{N: 28}
Offerimus tibi, domine, fidelium tuorum dona sollemnia, sanctorum martyrum interuentionibus confidentes; ut quod nos exsequimur minus idonea seruitute, illorum potius meritis efficiatur acceptum
[TIT: VIII MENSE APRILE / XII ITEM ALIA]
{N: 29}
Uere dignum: qui sic hostis antiqui machinamenta destruxit, ut diabulo, quem sua uirtute prostrauerat, etiam sanctos suos spiritu ueritatis armatos redderet fortiores, ne uel saeuitiam metuerent persequentum, uel de promissae beatitudinis aeternitate dubitarent. Quorum gloriam hodierna festiuitate recolentes hostias tibi laudis offerimus. Cum angelis
[TIT: VIII MENSE APRILE / XII ITEM ALIA]
{N: 30}
Consecuti gratiam muneris sacri supplices, domine, te rogamus, ut inplorantibus pro nobis sanctis martyribus tuis, diuinae uirtutis effectum, quem corporaliter sumpsimus, spiritaliter sentiamus
[TIT: VIII MENSE APRILE / XII ITEM ALIA]
{N: 31}
Protege, domine, plebem tuam cum sanctorum tuorum patrocinio supplicantem, et in tua pietate confisam interius exteriusque purifica; ut per haec quae diuino sacrificio gustauerunt, et mentium salutem mereantur et corporum
[TIT: VIII MENSE APRILE / XII ITEM ALIA]
{N: 32}
Praetende nobis, domine, misericordiam tuam, et sanctos tuos, quorum nos fecisti patrociniis adiuuari, tribue maiestatem tuam iugiter exorare pro nobis
[TIT: VIII MENSE APRILE / XIII ITEM ALIA]
{N: 33}
Suscipe, domine, sacrificium placationis et laudis, quod nos interuenientibus sanctis et perducat ad ueniam, et in perpetua gratiarum constituat actione
[TIT: VIII MENSE APRILE / XIII ITEM ALIA]
{N: 34}
Repleti substantia reparationis et uitae quaesumus, domine deus noster, ut per ea, quae nobis munera dignaris praeuere caelestia, per haec eadem tribue nos inherere caelestibus
[TIT: VIII MENSE APRILE / XIII ITEM ALIA]
{N: 35}
Protector in te sperantium Deus, salua populum tuum, tuere, dispone; ut a peccatis liber, ab hoste sucurus, in tua semper gratia perseueret
[TIT: VIII MENSE APRILE / XIII ITEM ALIA]
{N: 36}
Propitius esto, domine, plebi tuae, et auxilium nobis de sancto celerius fac adesse
[TIT: VIII MENSE APRILE / XIIII ITEM ALIA]
{N: 37}
Ostende nobis, domine, misericordiam tuam, et salutaris tui dona concede
[TIT: VIII MENSE APRILE / XIIII ITEM ALIA]
{N: 38}
Laudis tuae, domine, hostias immolamus, quibus nos et praesentibus exui malis confidimus et futuris
[TIT: VIII MENSE APRILE / XIIII ITEM ALIA]
{N: 39}
Uere dignum: maiestatem tuam suppliciter exorantes, ne perire patiaris, quibus tanta remedia prouidisti; et conlata praesidia non ad cumulum reis damnationis eueniant, sed potius ad effectum saluationis accedant
[TIT: VIII MENSE APRILE / XIIII ITEM ALIA]
{N: 40}
Ab omni nos, domine, quaesumus, uetustate purgatos sacramenti ueneranda perceptio in nouam transferat creaturam
[TIT: VIII MENSE APRILE / XIIII ITEM ALIA]
{N: 41}
Non praeiudicet, quaesumus, Domine, fidelibus tuis nostra minus idonea depraecatio seruitutis, sed merita nostra praeuincens aeclesiam tuam sanctifica, guberna, salua, prosequere; et tibi sine cessatione deuotam perpetua redemptione confirma
[TIT: VIII MENSE APRILE / XIIII ITEM ALIA]
{N: 42}
Exaudi, domine, praeces nostras, et sanctorum martyrum nos tuere praesidiis
[TIT: VIII MENSE APRILE / XV ITEM ALIA]
{N: 43}
Respice, domine, munera, quae in sanctorum tuorum commemoratione deferimus; ut quorum honore sunt grata, eorum nobis fiant intercessione perpetua
[TIT: VIII MENSE APRILE / XV ITEM ALIA]
{N: 44}
Uere dignum: te etenim laudant et benedicunt omnes sancti tui, quibus et in confessione uirtutem et in passione uictoriam contulisti
[TIT: VIII MENSE APRILE / XV ITEM ALIA]
{N: 45}
Presta, domine deus noster, ut quorum nobis festiuitate uotiua sunt sacramenta, eorum salutaria nobis intercessione reddantur
[TIT: VIII MENSE APRILE / XV ITEM ALIA]
{N: 46}
Tuere, domine, supplices tuos, sustenta fragiles, purga terrenos; et inter mortalium tenebras mortales ambulantes tua semper luce uiuifica, adque a malis omnibus clementer ereptos ad summa bona peruenire concede
[TIT: VIII MENSE APRILE / XV ITEM ALIA]
{N: 47}
Presta, quaesumus, domine, ut martyrum tuorum iugiter celebremus meritum, quorum continuum sentimus auxilium
[TIT: VIII MENSE APRILE / XVI ITEM ALIA]
{N: 48}
Sacrificium tibi, domine, pro sanctorum martyrum nataliciis immolamus; ut quorum gaudemus praesidiis, gloriam frequentemus
[TIT: VIII MENSE APRILE / XVI ITEM ALIA]
{N: 49}
Uere dignum: cognoscimus etenim, domine, sanctorum nos martyrum depraecatione muniri, maiestatem tuam profusius implorantes, ut et temporaliter his patrociniis nos foueri, et spiritaliter praecipias adiuuari
[TIT: VIII MENSE APRILE / XVI ITEM ALIA]
{N: 50}
Da nobis, quaesumus, domine, ut cum martyrum sollemnitate sanctorum perpetua tuitione laetemur
[TIT: VIII MENSE APRILE / XVI ITEM ALIA]
{N: 51}
Exsultet, domine, populus christianus de magnorum fili tui glorificatione membrorum; et quanto eminentiora sunt ceteris, tanto magis de eorum culmine inferiora congaudeant
[TIT: VIII MENSE APRILE / XVI ITEM ALIA]
{N: 52}
Esto propitius, domine, quaesumus, plebi tuae, et suffragantibus sanctis tuis tribue nobis ueniam peccatorum; concedas placatus et pacem, ut propitius largiaris auxilium
[TIT: VIII MENSE APRILE / XVII ITEM ALIA]
{N: 53}
Suscipe, domine, quaesumus, praeces nostras, et huius oblationis obsequium, quod in sancte martyris tuae commemoratione offerimus, ad placationem tui nominis copiosa nobis fac prouenire clementia, et ad gaudium nobis transeat sempiternum
[TIT: VIII MENSE APRILE / XVII ITEM ALIA]
{N: 54}
Uere dignum: quoniam tu sanctis tuis et patientiam tolerantiae, et in beati fine certaminis das triumphum
[TIT: VIII MENSE APRILE / XVII ITEM ALIA]
{N: 55}
Sacris reparati mysteriis suppliciter exoramus, ut interuenientibus sanctis tuis adpraehendamus rebus ¦:effectum:¦, quod actionibus celebramus ¦:affectu:¦
[TIT: VIII MENSE APRILE / XVII ITEM ALIA]
{N: 56}
Creator populi tui, deus, adque reparator: tuere supplices, tuere misericordiam postulantes; ut satisfactio pro se intercedente sanctum illum et instituta bona recipiant, et restaurata custodiant
[TIT: VIII MENSE APRILE / XVII ITEM ALIA]
{N: 57}
Concede, domine, populo tuo ueniam peccatorum et religionis aumentum; adque ut ei tua dona multiplices, sanctorum martyrum tuorum patrocinia fac adesse
[TIT: VIII MENSE APRILE / XVIII ITEM ALIA]
{N: 58}
Suscipe, domine, propitius aeclesiae tuae munera, et sanctorum praecibus nos tuere, qui tuae iustitiae sunt placentes
[TIT: VIII MENSE APRILE / XVIII ITEM ALIA]
{N: 59}
Uere dignum: quia te benedicunt et laudant omnes sancti tui, quibus et in confessionem uirtutem et in passione gloriam contulisti
[TIT: VIII MENSE APRILE / XVIII ITEM ALIA]
{N: 60}
Sanctorum percipientibus, domine, quaesumus, salus et mentium praestetur et corporum, ut doni tui fiat nobis et benedictio copiosa et larga protectio
[TIT: VIII MENSE APRILE / XVIII ITEM ALIA]
{N: 61}
Da auxilium, domine, quaesumus, maiestati tuae potestatique subiectis, et quidquid suis meritis non praesumunt, sanctorum tuorum praecibus consequantur
[TIT: VIII MENSE APRILE / XVIII ITEM ALIA]
{N: 62}
Adesto, domine, praecibus nostris, quas in sanctorum tuorum commemoratione deferimus, ut qui nostrae iustitiae fiduciam non habemus, eorum qui tibi placuerunt meritis adiubemur
[TIT: VIII MENSE APRILE / XVIIII ITEM ALIA]
{N: 63}
Exaudi nos, domine deus noster, cum sanctorum tuorum tibi patrocinio supplicantes, ut quorum celebramus triumphos, possimus retinere constantiam
[TIT: VIII MENSE APRILE / XVIIII ITEM ALIA]
{N: 64}
Praetende nobis, domine, misericordiam tuam, et sanctos tuos, quorum nos dedisti patrociniis adiubari, tribue maiestatem tuam iugiter exorare pro nobis
[TIT: VIII MENSE APRILE / XVIIII ITEM ALIA]
{N: 65}
Auxiliare, domine, fragilitati nostrae, ut tuorum intercessione sanctorum non reprobemur meritis, quos tantis deputare dignaris officiis
[TIT: VIII MENSE APRILE / XVIIII ITEM ALIA]
{N: 66}
Tribue, quaesumus, domine, donis tuis libera nos mente seruire, ut interuenientibus sanctis tuis munera quae deferimus et medellam nobis operentur et gloriam
[TIT: VIII MENSE APRILE / XVIIII ITEM ALIA]
{N: 67}
Uere dignum: quia tu es gloriosus in omnibus sanctis tuis, quibus et in confessione uirtutem et passione uictoriam contulisti
[TIT: VIII MENSE APRILE / XVIIII ITEM ALIA]
{N: 68}
Uere dignum: quoniam tui operis tuaeque uirtutis est, quod sanctis tuis non solum credere in filium tuum dominum Iesum Christum, sed etiam pro eo pati posse donatum est, ut quos iustificabat fides, glorificaret et finis
[TIT: VIII MENSE APRILE / XVIIII ITEM ALIA]
{N: 69}
Sacri corporis et sanguinis praetiosi renobati libamine quaesumus, domine, clementiam tuam, ut quod frequenti deuotione gerimus, certa redemptione capiamus
[TIT: VIII MENSE APRILE / XVIIII ITEM ALIA]
{N: 70}
Conserua, domine, populum tuum, et quem salutaribus praesidiis non desinis adiubare, perpetuis tribue gaudere beneficiis et mentis et corporis
[TIT: VIII MENSE APRILE / XVIIII ITEM ALIA]
{N: 71}
Sanctorum tuorum, domine, praecibus adiuuemur, et quod possibilitas nostra non optinet, eorum nobis postulatione donetur
[TIT: VIII MENSE APRILE / XX ITEM ALIA]
{N: 72}
Hostiam nostram, quaesumus, domine, sancti Laurenti martyris tui et confessio ueneranda et beata commendet oratio
[TIT: VIII MENSE APRILE / XX ITEM ALIA]
{N: 73}
Uere dignum: qui nos per mundi caligines tamquam luminaribus caeli sanctorum tuorum exemplis instituens et intercessione prosequeris
[TIT: VIII MENSE APRILE / XX ITEM ALIA]
{N: 74}
Inter innumera, domine, pietatis tuae subsidia hinc fragilitatem nostram confidimus non relinqui, quia tanta nobis placentium tibi patrocinia sunt prouisa
[TIT: VIII MENSE APRILE / XX ITEM ALIA]
{N: 75}
Deus, errantes in uia posse redire ueritatis lumen ostendis: da cunctis qui christiana professione censentur, et illa respuere qui huic inimica sunt nomini, et ea quae sunt apta sectari
[TIT: VIII MENSE APRILE / XX ITEM ALIA]
{N: 76}
Omnipotens sempiterne deus, qui tuae mensae participes a diabolico iubes abstinere conuiuio: da, quaesumus, plebi tuae, ut gustu mortiferae prophanitatis abiecto puris mentibus ad aepulas aeternae salutis accedant
[TIT: VIII MENSE APRILE / XX ITEM ALIA]
{N: 77}
Uere dignum: cuius aeclesia sic ueris confessoribus falsisque permixta nunc agitur, ut tamen et fragilitatis humanae semper cauenda mutatio et nullius sit desperanda conuersio. Quo magis supplices te rogamus, ut quia sine te non potest solida constare deuotio, et firmis perseuerantiam et resipiscentiam largiaris infirmis
[TIT: VIII MENSE APRILE / XX ITEM ALIA]
{N: 78}
Da, quaesumus, domine, populo tuo a diabolicis quibus renuntiauit laqueis abstinere, et toto tibi corde prosterni
[TIT: VIII MENSE APRILE / XX ITEM ALIA]
{N: 79}
Maiestati tuae nos, domine, martyrum supplicatio beata conciliet, ut qui incessabiliter actibus nostris offendimus, continuis iustorum praecibus expiemur
[TIT: VIII MENSE APRILE / XXI ITEM ALIA]
{N: 80}
Grata tibi munera nostra sint, domine, quae tuis sunt instituta praeceptis, et sanctorum festiuitatis gloriosa commendat
[TIT: VIII MENSE APRILE / XXI ITEM ALIA]
{N: 81}
Uere dignum: te in sanctorum tuorum confessione laudantes, quorum dum sollemnia frequentantur, copiosiora nobis fidei proponuntur exempla; dum saepius uictoriae reuoluuntur, crebriora nobis ministrantur auxilia; dum multipliciter ¦:uberius:¦ meritum praedicatur et gloria, spes nobis aeternae beatitudinis propensius intimatur
[TIT: VIII MENSE APRILE / XXI ITEM ALIA]
{N: 82}
Repleti, domine, caelesti mysterio et benedictionibus suffragantum gratias agimus nomini tuo, qui nos et salutari munere comitaris, et sanctorum patrociniis benignus adtollis
[TIT: VIII MENSE APRILE / XXI ITEM ALIA]
{N: 83}
Martyrum tuorum nos, domine, semper festa laetificet, et quorum celebramus meritum, experiamur auxilium
[TIT: VIII MENSE APRILE / XXII ITEM ALIA]
{N: 84}
Magnificamus, domine, nomen tuum, omnipotens et misericors Deus, qui fragilitati nostrae subueniens, non solum nobis mysteria diuina largiris, sed etiam per quorum praeces his digni reddamur
[TIT: VIII MENSE APRILE / XXII ITEM ALIA]
{N: 85}
Uere dignum: celebramus enim tuorum natalicia praetiosa iustorum, quae dum cotidiae toto resplendeant, semper et incoantur expleta, et explentur iugiter incoanda
[TIT: VIII MENSE APRILE / XXII ITEM ALIA]
{N: 86}
Frequenti sacramentorum perceptione satiati ¦:ditati:¦ quaesumus, domine, ut quorum honore geminantur, salutifera nobis oratione proueniant
[TIT: VIII MENSE APRILE / XXII ITEM ALIA]
{N: 87}
Adsit, domine, misericordia tua populo sanctorum depraecatione placatus, quae eum semper et purget a crimine et ab hoste defendat, temporalibus proueat adiumentis et ad sanctorum gaudia sempiterna perducat
[TIT: VIII MENSE APRILE / XXII ITEM ALIA]
{N: 88}
Sacrae festiuitatis nobis, quaesumus, domine, dona multiplica, cum et salutis nostrae uota recolimus, et eorum qui tibi sunt placiti patrociniis adiubemur
[TIT: VIII MENSE APRILE / XXIII ITEM ALIA]
{N: 89}
Exercemus, domine, gloriosa conmercia: offerimus quae dedisti, ut te ipsum mereamur accipere
[TIT: VIII MENSE APRILE / XXIII ITEM ALIA]
{N: 90}
Uere dignum: quoniam licet inmensa sint omnia, quae initiis humanae sunt conlata substantiae: quod eam scilicet crearis ex nihilo, quod tui dederis cognitione pollere, quod cunctis animantibus summae rationis participatione praetuleris, quod tota mundi possessione ditaris: longe tamen mirabiliora sunt opera, ut terrenam mortalemque materiam non solum uiuificaris extinctam, sed efficeris et diuinam
[TIT: VIII MENSE APRILE / XXIII ITEM ALIA]
{N: 91}
Altaribus tuis, domine, munera terrena gratanter offerimus, ut caelestia consequamur; damus temporalia, ut sumamus aeterna
[TIT: VIII MENSE APRILE / XXIIII ITEM ALIA]
{N: 92}
Uere dignum: quis enim aut possit aut audeat a tua laude cessare, perpendens mirandae depositionis effectus, quod de substantiae genere peccatricis immaculata hostia gigneretur, cuius pro eiusdem reatu naturae possis immolatione placari
[TIT: VIII MENSE APRILE / XXIIII ITEM ALIA]
{N: 93}
Da nobis haec, quaesumus, Domine, frequentata mysteria: quia quotiens hostiae tibi placatae commemoratio celebrantur, opus nostrae redemptions exeritur
[TIT: VIII MENSE APRILE / XXV ITEM ALIA]
{N: 94}
Uere dignum: quia, cum totus mundus experiatur et cernat generis humani principia deiecta erigi, inueterata renouari et ad culmen subacta reduci: sicut ueteres sancti quod credidere faciendum cognoscit inpleri, sic fiducialiter quae nunc promittuntur expectat
[TIT: VIII MENSE APRILE / XXV ITEM ALIA]
{N: 95}
Sacrificium, domine, celebramus, quod ita nobis debet esse perpetuum, sicut nos eius opere fieri iugiter desideramus aeternum
[TIT: VIII MENSE APRILE / XXVI ITEM ALIA]
{N: 96}
Uere dignum: qui se ipsum tibi pro nobis offerens immolandum idem sacerdos et sacer agnus exhibuit
[TIT: VIII MENSE APRILE / XXVI ITEM ALIA PASCHALIS E F SP]
{N: 97}
Tribue nobis, domine, misericordiam tuam, per quam et nostris reatibus possimus abolui, et his mysteriis conuenienter aptari
[TIT: VIII MENSE APRILE / XXVI ITEM ALIA]
{N: 98}
Omnipotens sempiterne Deus, qui sanctorum martyrum confessionibus aeclesiae tuae sacrum corpus exornas: da nobis, quaesumus, ut et doctrinis eorum tibi placentia et pio sequamur auxilio
[TIT: VIII MENSE APRILE / XXVII ITEM ALIA]
{N: 99}
Exaudi, domine, supplicum praeces, et quas merita nostra destituunt, sanctorum tuorum commendatio reddat acceptas
[TIT: VIII MENSE APRILE / XXVII ITEM ALIA]
{N: 100}
Suscipe, domine, munera tuorum uotiua populorum; et eorum tibi grata praecibus, pro quorum sollemnitatibus offeruntur
[TIT: VIII MENSE APRILE / XXVII ITEM ALIA]
{N: 101}
Uere dignum: qui nos sanctorum martyrum tribuis gloriosas indesinenter celebrare uictorias. Isti sunt enim confessores illius nominis, in quo nobis unicum salutis nostrae praesidium, pater aeternae, posuisti. Et ut ad eius cognitionem possimus accedere, paruularum mentium fidem eorum et testificationibus instrues et intercessionibus benignus adtollis
[TIT: VIII MENSE APRILE / XXVII ITEM ALIA]
{N: 102}
Sanctorum praecibus, domine, confidentes quaesumus: per ea quae sumpsimus aeterna remedia capiamus
[TIT: VIII MENSE APRILE / XXVII ITEM ALIA]
{N: 103}
Supplicem tibi populum, domine, tua munitione custodi, nec difficulter quod pie quod iuste postulat consequatur, cui sanctorum tuorum merita suffragantur
[TIT: VIII MENSE APRILE / XXVII ITEM ALIA]
{N: 104}
Hostias tibi, domine, sanctorum tuorum dicatas meritis benignus adsume, et ad perpetuum nobis tribue prouenire subsidium
[TIT: VIII MENSE APRILE / XXVIII ITEM ALIA]
{N: 105}
Praesta, nobis, domine, quaesumus, uniuersa peccata pariter adque pericula corporis et mentis euadere, quos innumerabilium martyrum pia confessione circumdas
[TIT: VIII MENSE APRILE / XXVIII ITEM ALIA]
{N: 106}
Sacrificium tibi, domine, laudis offerimus in uenerabilium commemoratione sanctorum. Da, quaesumus, ut quod illis contulit gloriam, nobis proficiat salutem
[TIT: VIII MENSE APRILE / XXVIII ITEM ALIA]
{N: 107}
Uere dignum: qui nos beatorum martyrum palmas in diebus, quod sanguine signauere uenerantes, in tua exaltare potentia, in tuo, domine, tribues semper honore gaudere
[TIT: VIII MENSE APRILE / XXVIII ITEM ALIA]
{N: 108}
Sumpsimus, domine, sanctorum tuorum sollemnia celebrantes caelestia sacramenta; quorum suffragiis, quaesumus, largiaris, ut quod temporaliter gerimus, aeternis gaudiis consequamur
[TIT: VIII MENSE APRILE / XXVIII ITEM ALIA]
{N: 109}
Apostolica nos muniat, domine, semper oratio; ut hisdem suffragatoribus dirigatur aeclesia, quibus principibus gloriatur
[TIT: VIII MENSE APRILE / XXVIIII ITEM ALIA]
{N: 110}
Sanctorum tuorum...miseris esto, domine, refugium singulare, quorum pro nobis et honore placeris et merito
[TIT: VIII MENSE APRILE / XXVIIII ITEM ALIA]
{N: 111}
Ad martyrum tuorum, domine, festa uenientes cum muneribus nomini tuo dicatis occurrimus, ut illis reuerentiam deferentes nobis ueniam consequamur
[TIT: VIII MENSE APRILE / XXVIIII ITEM ALIA]
{N: 112}
Uere dignum: quoniam tu es gloriosus in sanctis, quibus et in persecutione tolerantiam tribuis et in passione uictoriam contulisti
[TIT: VIII MENSE APRILE / XXVIIII ITEM ALIA]
{N: 113}
Memento, domine, quaesumus, condicionis humanae, ut sancti tui pro nobis et clementiam tuam semper exorent, et incessabiliter audiantur
[TIT: III MENSE APRILE / XXVIIII ITEM ALIA]
{N: 114}
Protege nos, domine, tuorum depraecatione iustorum ¦:sanctorum:¦, ut quorum circumdamur suffragio, foueamur auxiliis
[TIT: VIII MENSE APRILE / XXX ITEM ALIA]
{N: 115}
Da nobis, quaesumus, domine, semper haec tibi uota deferre, quibus sanctorum tuorum natalicia celebrantes tuam gloriam praedicemus
[TIT: VIII MENSE APRILE / XXX ITEM ALIA]
{N: 116}
Uere dignum: quia sanctorum tuorum sollemnia repetentes, quorum ueneranda confessio et mirabilia tuae uirtutis expleuit, et illis praemium caeleste quaesiuit, et nobis patrocinia praeparauit
[TIT: VIII MENSE APRILE / XXX ITEM ALIA]
{N: 117}
Prosint nobis, domine, iustorum tuorum frequentata sollemnia: quoniam quanto fragiliores sumus, tanto tibi placentibus praesidiis indigemus
[TIT: VIII MENSE APRILE / XXX ITEM ALIA]
{N: 118}
Peccatorum nostrorum, domine, multitudine praeualente ad sanctorum tuorum annua festa recolimus singulare suffragium, per eos tuam misericordiam depraecantes, quorum nos uoluisti patrociniis adiuuari
[TIT: VIII MENSE APRILE / XXXI ITEM ALIA]
{N: 119}
Offerentium tibi munera, quaesumus, domine, ne delicta respicias, sed intercessorum merita propitius intuere
[TIT: VIII MENSE APRILE / XXXI ITEM ALIA]
{N: 120}
Uere dignum: te in tuorum glorificantes confessione sanctorum, qui mirabili dispensatione sapientiae tuae et illis beatitudinem sempiternam, et fragilitati nostrae congrua praeparasti subsidia, ut quos ad te placandum praeuideris dignos, eorum qui tibi placuerunt dignis praecibus propitiatus intenderis. Unde supplices inploramus, ut sicut illos manet aeterna felicitas, sic pro nobis eorum depraecatio continuata non desit
[TIT: VIII MENSE APRILE / XXXI ITEM ALIA]
{N: 121}
Peccauimus tibi, omnipotens et misericors deus. Remedium non habemus, nisi miseraris nobis tuorum depraecatione sanctorum
[TIT: VIII MENSE APRILE / XXXI ITEM ALIA]
{N: 122}
Da nobis, omnipotens et misericors deus, ut sanctorum tuorum natalicia celebrantes, quorum praedicamus triumphos, eorum fidem ueraciter imitemur
[TIT: VIII MENSE APRILE / XXXII ITEM ALIA]
{N: 123}
Offerimus, domine, munera tuorum tibi sollemnitatibus grata sanctorum, tuam clementiam depraecantes, ut quod ad illorum gloriam, nobis prosit ad ueniam
[TIT: VIII MENSE APRILE / XXXII ITEM ALIA]
{N: 124}
Uere dignum: quorum martyrum beatorum pro confessione tui nominis uenerabilis sanguis effusus, sicut tua mirabilia manifestat, qui perficis in infirmitate uirtutem, ita nostris et studiis dat profectum, et fragilitatibus prestat auxilium
[TIT: VIII MENSE APRILE / XXXII ITEM ALIA]
{N: 125}
Sanctis interuenientibus, Domine, tibi seruitus nostra conplaceat, et obsequia munerum fiant praesidia deuotorum
[TIT: VIII MENSE APRILE / XXXII ITEM ALIA]
{N: 126}
Aspice nos, domine, praecibus exoratus uenerandi martyris Gregori, tua miseratione concedens, ut sicut nobis eius passio contulit hodiernum in tua uirtute conuentum [laetitiam], ita suffragetur et meritum
[TIT: VIII MENSE APRILE / XXXIII ITEM ALIA]
{N: 127}
Fiat, domine, quaesumus, hostia sacranda placabilis praetiosi celebritate martyrii, quae et corda nostra purificet, et tuorum tibi uota conciliet
[TIT: VIII MENSE APRILE / XXXIII ITEM ALIA]
{N: 128}
Uere dignum: propensius exorantes, ut sicut infirmitati nostrae prescius contulisti subsidia copiosa iustorum, ita nobis eorum tribuas intercessione refoueri
[TIT: VIII MENSE APRILE / XXXIII ITEM ALIA]
{N: 129}
Exaudi nos, domine, clamantes ad te, et quos non deseris sacramentis, necessariis adtolle praesidiis
[TIT: VIII MENSE APRILE / XXXIII ITEM ALIA]
{N: 130}
Deus, qui beati Petri apostoli dignitatem ubique facis esse gloriosam: presta, quaesumus, ut et doctrina semper ipsius foueamur et meritis
[TIT: VIII MENSE APRILE / XXXIIII ITEM ALIA IN DEDICATIONE]
{N: 131}
Suscipe, domine, quaesumus, hostias, quas maiestati tuae in honore beati apostoli Petri cui haec est basilica sacrata deferimus, et eius praecibus nos tuere
[TIT: VIII MENSE APRILE / XXXIIII ITEM ALIA IN DEDICATIONE]
{N: 132}
Uere dignum: qui ut in omni loco dominationis tuae beati Petri apostoli magnificis potestatem, non solum ubi uenerabiles eius reliquiae conquiescunt, sed ubicumque praetiosa reuerentia fuerit inuocata, tribues esse praesentem; ut nunc etiam perseuerare demonstres, quod in omnem terram sonus eius exeat, et toto orbe salutaria uerba decurrant
[TIT: VIII MENSE APRILE / XXXIIII ITEM ALIA IN DEDICATIONE]
{N: 133}
Benedicimus, domine, misericordias tuas, qui nos incessabiliter beati apostoli tui Petri sinis commemoratione foueri, suppliciter exorantes, ut cuius sollemnia gerimus, patrocinia sentiamus
[TIT: VIII MENSE APRILE / XXXIIII ITEM ALIA IN DEDICATIONE]
{N: 134}
Si uis, potens es mundare, Domine, et quam uox iniquitatis nostrae non obtinet, tuorum nobis praecibus ueniam donare sanctorum
[TIT: VIII MENSE APRILE / XXXV ITEM ALIA]
{N: 135}
Supplices, domine, te rogamus, ut quamuis offensiones nostrae inpendiant, recordatione tamen martyrum tuorum munus nostrum non sit ingratum
[TIT: VIII MENSE APRILE / XXXV ITEM ALIA]
{N: 136}
Uere dignum: prostrato corde poscentes, ut quamuis tanta sint nostra facinora, quibus etiam cum innumeribus sanctorum suffragiis laboremus, tu tamen inmensa pietate concedas, ne scelera magis nostra praeualeant quam satisfactio pro nobis copiosa iustorum
[TIT: VIII MENSE APRILE / XXXV ITEM ALIA]
{N: 137}
Presta, domine, quaesumus, ut quam inmensis erroribus adgrauati fiduciam conscientiae non habemus, martyrum tuorum nobis supplicatio beata subueniat
[TIT: VIII MENSE APRILE / XXXV ITEM ALIA]
{N: 138}
Prosint meritis, domine, patrocinia multiplicata sanctorum, et iniustitias nostras tot oratio beatorum pro nobis fusa dissoluat
[TIT: VIII MENSE APRILE / XXXVI ITEM ALIA]
{N: 139}
Ne, quaesumus, domine, pro nostris excessibus munera delata despicias, sed pro tuorum intercessione sanctorum potius ad indulgentiam conuertere supplicibus
[TIT: VIII MENSE APRILE / XXXVI ITEM ALIA]
{N: 140}
Uere dignum: tu etenim, domine, discernis populum tuum, et... ad martyrum festa multitudo conueniat, qui in tuorum uere fidelium sint parte cognoscis: adque ideo in nulla remaneat diaboli portione, qui in sanctorum cupis sorte numerari
[TIT: VIII MENSE APRILE / XXXVI ITEM ALIA]
{N: 141}
Annue quaesumus, domine, sacris martyribus tuis, ut opem nobis suae depraecationis inpendant, et iram tuam quam nostris prauitatibus meruimus euadamus
[TIT: VIII MENSE APRILE / XXXVI ITEM ALIA]
{N: 142}
Non obruamur, domine, quaesumus, quamuis inmensis molibus peccatorum, qui ubique sanctis tuis [domine] depraecantibus exoramus, ut malis nostris offensus praesentes hostias non repellas, sed tibi nos placitos sacramenti uirtute perficias
[TIT: VIII MENSE APRILE / XXXVII ITEM ALIA]
{N: 143}
Uere dignum: donari nobis suppliciter exorantes, ut sicut sancti tui mundum in tua uirtute uicerunt, ita nos a mundanis erroribus postulent expediri
[TIT: VIII MENSE APRILE / XXXVII ITEM ALIA]
{N: 144}
Quia nostrae uoces, domine, non merentur audiri, sanctorum tuorum interuentio, quaesumus, sit accepta ¦:fiat grata:¦ pro nobis pro nobis
[TIT: VIII MENSE APRILE / XXXVII ITEM ALIA]
{N: 145}
Praeces nostras, domine, propitiatus admitte, et ut digne tuis famulemur altaribus, sanctorum tuorum nos intercessione custodi
[TIT: VIII MENSE APRILE / XXXVIII ITEM ALIA]
{N: 146}
Tribue nos, domine, quaesumus, donis tuis libera mente seruire, ut purificante nos gratia tua hisdem quibus famulamur mysteriis emundemur
[TIT: VIII MENSE APRILE / XXXVIII ITEM ALIA]
{N: 147}
Uere dignum: tibi etenim, domine, sacra festiuitas agitur, tibi dies sacrata celebratur, quam beatorum martyrum tuorum sanguis in ueritatis tuae testificatione profusus magnifico nominis tui honore signauit
[TIT: VIII MENSE APRILE / XXXVIII ITEM ALIA]
{N: 148}
Omnipotens sempiterne deus, qui fragiliati nostrae consulens adsidua nos sanctorum celebritate solaris: da nobis sub patronis talibus constitutis, et perpetua securitate muniri, et salutari gaudere profectu
[TIT: VIII MENSE APRILE / XXXVIII ITEM ALIA]
{N: 149}
Grata tibi munera nostra sint, domine, quae et tuis sunt instituta praeceptis, et sanctorum tuorum festiuitas gloriosa commendat
[TIT: VIII MENSE APRILE / XXXVIII ITEM ALIA]
{N: 150}
Uere dignum: tuas enim, domine, uirtutes tuasque uictorias admiramur, quotiens in aeclesia tua horum dierum sollemnia celebramus, quos insignes confessorum tuorum et martyrum palmae ad perennem memeriam sanctamque laetitiam fidelibus populis sacrauerunt
[TIT: VIII MENSE APRILE / XXXVIII ITEM ALIA]
{N: 151}
Quaesumus, domine deus noster, ut diuina mysteria, quae in tuorum commemoratione sanctorum frequentamus actu, subsequamur et sensu
[TIT: VIII MENSE APRILE / XXXVIII ITEM ALIA]
{N: 152}
Adesto, domine, populo tuo cum sanctorum patrocinio supplicanti, ut quod propria fiducia non praesumit, suffragantium meritis consequatur
[TIT: VIII MENSE APRILE / XXXVIII ITEM ALIA]
{N: 153}
Omnipotens sempiterne deus, qui nos idoneos non esse perpendis ad maiestatem tuam, sicut dignum est, exorandam: da sanctos martyres tuos pro nostris supplicare peccatis, quos dignae possis audire
[TIT: VIII MENSE APRILE / XXXVIIII ITEM ALIA]
{N: 154}
Adiuba nos, domine, tuorum praece sanctorum, quorum festa gerimus, sentiamus auxilium
[TIT: VIII MENSE APRILE / XXXVIIII ITEM ALIA]
{N: 155}
Oblationem familiae tuae, domine, sanctorum martyrum praesidia deputata commendent, et ut tibi grata sint, placentium tibi supplicationibus offerantur
[TIT: VIII MENSE APRILE / XXXVIIII ITEM ALIA]
{N: 156}
Uere dignum: qui non solum debitum mortis antique, quo idem non tenebatur, exsoluens pro debitoribus repensauit, sed martyribus suis contulit, ut, quod humana substantia contra uoluntatem sui creatoris agendo contraxerat et praefixa lege fuerat solutura, dum pro testimonio creatoris sponte susciperent, fieret eis de reatu iustitia, et poena transiret ad gloriam
[TIT: VIII MENSE APRILE / XXXVIIII ITEM ALIA]
{N: 157}
Sint tibi placita, domine, populi tui uotiua sacrificia, et quod fragilitas nostra non inpetrat, eorum supplictio pro quorum gloria deferuntur obtineat
[TIT: VIII MENSE APRILE / XL. ITEM ALIA]
{N: 158}
Dicata nomini tuo munera, domine, sanctorum tuorum pro nobis satisfactio prosequatur, ut offensae nostrae per eos qui in conspectu tuo digni sunt relaxentur
[TIT: VIII MENSE APRILE / XL. ITEM ALIA]
{N: 159}
Uere dignum: qui ad maiorem triumphum de humani generis hoste capiendum praeter illam gloriam singularem, qua ineffabilibus modis Domini uirtute prostatus est, ut etiam a sanctis martyribus superaretur effecit, adque in membris quoque suis uictoria sequeretur, quae praecessit in capite
[TIT: VIII MENSE APRILE / XL. ITEM ALIA]
{N: 160}
Exaudi, domine, praeces nostras, et ut digna sint munera, quae oculis tuae maiestatis offerimus, subsidium nobis tuorum concede sanctorum
[TIT: VIII MENSE APRILE / XLI. ITEM ALIA]
{N: 161}
Uere dignum: tui enim operis, domine, tuaeque uirtutis est, ut inimicus humanae substantiae non tantum per filium tuum Dominum nostrum, sed etiam per sanctos martyres tuos deuitrici suae quondam naturae redderetur obnoxius, et subditae sibi subderetur. Et ideo cum angelis.
[TIT: VIII MENSE APRILE / XLI. ITEM ALIA]
{N: 162}
Quaesumus, domine deus noster, ne aput iustitiam tuam peccata nostra nos adgrauent quam tuae pietatis inuicta miseratio; nec nos quamlibet innumeris grauari patiaris erroribus, quos tantis uoluisti sanctorum tuorum suffragiis adiuuari
[TIT: VIII MENSE APRILE / XLII. ITEM ALIA]
{N: 163}
Respice propitius, domine, super haec munera, quae et pro sanctorum tuorum commemoratione deferimus, et pro nostris offensionibus immolamus
[TIT: VIII MENSE APRILE / XLII. ITEM ALIA]
{N: 164}
Uere dignum: pugnauit enim in beatis martyribus tuis contra profanitatem mundi tuae fidei gloriosa confessio, contra inrationabilem saeuitiam persequentum sapiens sanctaque patientia, contra inlecebras temporales spes caelestium ¦:promissio:¦ praemiorum, contra uitae praesentis adfectum uenturae salutis aeternitas: et in omnibis frementis machinamenta diaboli dextera tua in eis dimicante uicerunt
[TIT: VIII MENSE APRILE / XLII. ITEM ALIA]
{N: 165}
Oblationes nostras, quaesumus, domine, tua tibi dignatione fac placitas: quia nihil in nobis quod placare te possit, nisi depraecantibus sanctis tua nos propitiatione praeuenias
[TIT: VIII MENSE APRILE / XLIII. ITEM ALIA]
{N: 166}
Uere dignum: uenerabilium martyrum praeconia recolentes: quoniam tui operis, domine, tuaeque uirtutis est, quod innumeris sanctorum tuorum multitudini non solum credere in filium tuum, sed etiam pro eo pati posse donatum est, ut quos iustificabat fides, glorificaret et fines
[TIT: VIII MENSE APRILE / XLIII. ITEM ALIA]
{N: 167}
Et nataliciis sanctorum, domine, et sacramenti munere uegetati quaesumus, ut bonis quibus per tuam gratiam nunc fouemur, perfruamur aeternis
[TIT: VIII MENSE APRILE / XLIII. ITEM ALIA]
{N: 168}
Adsit, domine, quaesumus, propitiatio tua populo supplicanti, ut ¦:et:¦ quod te inspirante fideliter expetit, tua celeri largitate percipiat
[TIT: VIII MENSE APRILE / XLIII. ITEM ALIA]
{N: 169}
Adesto, domine, supplicationibus nostris, ut sicut humani generis saluatorem consedere tecum in tua maiestate confidimus, ita usque ad consummationem saeculi manere nobiscum, quemadmodum es pollicitus, sentiamus
[TIT: VIIII MENSE MAIO PRAECES IN ASCENSA DOMINI]
{N: 170}
Omnipotens sempiterne deus, tribue nobis munere festiuitatis hodiernae, ut illuc filiorum tuorum dirigatur intentio, quo in tuo unigenito tecum est nostra substantia
[TIT: VIIII MENSE MAIO PRAECES IN ASCENSA DOMINI]
{N: 171}
Exaudi nos, misericors deus, et da mentibus nostris, quo redemptor noster conscendit adtolli; ut secundo mediatoris aduentu manifesto munere capiamus, quod nunc audemus sperare promissum
[TIT: VIIII MENSE MAIO PRAECES IN ASCENSA DOMINI]
{N: 172}
Presta nobis, omnipotens et misericors Deus, ut quae uisibilibus mysteriis celebrando suscepimus, inuisibili consequamur effectu
[TIT: VIIII MENSE MAIO PRAECES IN ASCENSA DOMINI]
{N: 173}
Da nobis, domine, non terrena sapere, sed amare caelestia, et inter praetereuntia constitutos iam nunc inherere mansuris
[TIT: VIIII MENSE MAIO PRAECES IN ASCENSA DOMINI]
{N: 174}
Exaudi nos, deus salutaris noster, ut per haec sacrosancta mysteria ¦:commercia:¦ in totius aeclesiae confidimus corpore faciendum, quod eius praecessit in capite: per eundem Iesum Christum dominum nostrum
[TIT: VIIII MENSE MAIO PRAECES IN ASCENSA DOMINI]
{N: 175}
Uere dignum: qui post resurrectionem saeculis omnibus gloriosam discipulis suis uisu conspicuus tantoque palpabilis usque in quadragensimum diem manifestus apparuit, ipsisque cernentibus est eleuatus in caelum: in id proficientibus per has moras aeclesiae primitiuis, ut et certius fierent quod credidissent, et plenius discerent quod docerent
[TIT: VIIII MENSE MAIO PRAECES IN ASCENSA DOMINI]
{N: 176}
Uere dignum: iusta enim nobis exultatione laetandum est inter gaudia festiuitatis hodiernae, quia in caelos ascensio mediatoris dei et hominum hominis Iesu Christi a nostra non est humilitate discessio, dum et in ea gloria, quam tecum semper habuit, et in ea natura est, quam suam fecit ex nobis: ac sic homo dignatus exsistere est, ut et nos diuinitatis suae tribueret esse participes. Propterea.
[TIT: VIIII MENSE MAIO PRAECES IN ASCENSA DOMINI .II.]
{N: 177}
Uere Dignum: qui mirantibus angelis angelorumque principibus rex gloriae dominusque uirtutum resurrectionis beatae primitias, throno tuae maiestatis oblatus, in tua secum dextera collocauit. Et ideo
[TIT: VIIII MENSE MAIO PRAECES IN ASCENSA DOMINI .III.]
{N: 178}
Communicantes, et diem sacratissimum celebrantes ascensionis in caelum Domini nostri Iesu Christi: sed et memoriam uenerantes
[TIT: VIIII MENSE MAIO PRAECES IN ASCENSA DOMINI]
{N: 179}
Uere dignum: teque suppliciter exorare, ut mentibus nostris tua inspiratione concedas, quo redemptor noster conscendit adtolli: ut secundo mediatoris aduentu manifesto munere capiamus, quod nunc audemus sperare promissum: per hunc eundem Iesum Christum dominum nostrum, per quem te laudant angeli
[TIT: VIIII MENSE MAIO PRAECES IN ASCENSA DOMINI IIII ITEM ALIA]
{N: 180}
Presta, quaesumus, omnipotens deus, ut nostrae mentis intentio, quo sollemnitatis hodiernae gloriosus auctor ingressus est semper intendat, et quo fide pergit conuersatione perueniat
[TIT: VIIII MENSE MAIO PRAECES IN ASCENSA DOMINI IIII ITEM ALIA]
{N: 181}
Exultationem nostrae condicionis ¦:humanae substantiae:¦ respice, deus, ut tua dignatione mundati sacramentis magnae pietatis aptemur
[TIT: VIIII MENSE MAIO PRAECES IN ASCENSA DOMINI V ITEM ALIA]
{N: 182}
Uere dignum: ut sensibus nostris dignanter infundas, ne terrenis adfectionibus inherendo oculos ad caelestia non leuemus; ne infirmis uoluptatibus occupati mentes non ualeamus adtollere, quo saluator noster ascendit; ne diabolica sectando uestigia a Christi consortio recedamus; quia nemo potest summi uirique regis celsitudine delectari, nisi qui pestifera ¦:destructa:¦ subuersa tyranni iura calcarit
[TIT: VIIII MENSE MAIO PRAECES IN ASCENSA DOMINI V ITEM ALIA]
{N: 183}
Da, quaesumus, omnipotens deus, illo subsequi tuorum membra fidelium, quo caput nostrum principiumque praecessit
[TIT: VIIII MENSE MAIO PRAECES IN ASCENSA DOMINI VI ITEM ALIA]
{N: 184}
Uere dignum: in hac die, quo Iesus Christus filius tuus dominus noster diuini consummato fine mysterii dispositionis antique munus expleuit, ut scilicet et diabolum caelestis operis inimicum per hominem quem subiugarat elideret, et humanam reduceret ad superna dona substantiae
[TIT: VIIII MENSE MAIO PRAECES IN ASCENSA DOMINI VI ITEM ALIA]
{N: 185}
Tribue, quaesumus, domine, ut illuc tendat christianae nostrae deuotionis affectus, quo tecum est nostra substantia
[TIT: VIIII MENSE MAIO PRAECES IN ASCENSA DOMINI VI ITEM ALIA]
{N: 186}
Communicantes et diem sacratissimum celebrantes, quo dominus noster unigenitus filius tuus unitum sibi hominem nostrae substantiae in gloriae tuae dextera collocauit: sed et memoriam
[TIT: VIIII MENSE MAIO PRAECES IN ASCENSA DOMINI VI ITEM ALIA]
{N: 187}
Deus, qui si uellis reddere quod meremur, prius deficimus, quam merita supplicia perferamus: quaesumus, absolue nostros placatus errores, et ut possimus ad tua praecepta conuerti, copiosa propitiatione nos praeueni
[TIT: X MENSE MAIO ORATIONES PRIDIE PENTICOSTEN]
{N: 188}
Clemens, omnipotens et misericors deus, duritiam nostri cordis auerte, qua nec uerbera multiplicata metuimus, nec tantis mysteriis collata dona sentimus; et tua nobis inspiratione concede, ut et delictis ueniam postulemus, et gratias pro nostra saluatione reddamus
[TIT: X MENSE MAIO ORATIONES PRIDIE PENTICOSTEN]
{N: 189}
Domine deus noster, cuius est prima causa miserendi, qua nomen tuum timeamus et amemus, cordibus nostris miseratus infunde, ut quae tibi non placent refutantes, sincera tibi uoluntate subdamur
[TIT: X MENSE MAIO ORATIONES PRIDIE PENTICOSTEN]
{N: 190}
Parce, domine, parce peccantibus; et ut ad propitiationem tuam possimus accedere, spiritum nobis tribue corrigendi
[TIT: X MENSE MAIO ORATIONES PRIDIE PENTICOSTEN]
{N: 191}
Omnipotens sempiterne deus, qui pascale sacramentum quinquaginta dierum uoluisti mysterio contineri: presta, ut gentium facta dispersio diuisione linguarum ad unam confessionem tui nominis caelesti munere congregetur
[TIT: X MENSE MAIO ORATIONES PRIDIE PENTICOSTEN ITEM ALIA]
{N: 192}
Supplices tuam, domine, clementiam depraecamur, ut qui praeuenis semper mala merita nostra miserendo, tibi placita fieri piis actibus et ieiuniis salubribus expiando
[TIT: X MENSE MAIO ORATIONES PRIDIE PENTICOSTEN ITEM ALIA]
{N: 193}
Presta, quaesumus, omnipotens deus, ut dignitas condicionis humanae per inmoderantiam sauciata, medicinalis parsimoniae studiis reformetur
[TIT: X MENSE MAIO ORATIONES PRIDIE PENTICOSTEN ITEM ALIA]
{N: 194}
Annue, misericors deus, ut qui diuina praecepta uiolando paradisi felicitate decidimus, ad aeternae beatitudinis redeamus accessum per tuorum custodiam mandatorum
[TIT: X MENSE MAIO ORATIONES PRIDIE PENTICOSTEN ITEM ALIA]
{N: 195}
Adesto, domine, fidelibus tuis, adesto supplicibus: et terrestribus non deseras adiumentis, quos caelestium rerum facis esse participes
[TIT: X MENSE MAIO ORATIONES PRIDIE PENTICOSTEN ITEM ALIA]
{N: 196}
Sacri nos, domine, muneris operatio mundet et foueat, renouet et donis societ sempiternis
[TIT: X MENSE MAIO ORATIONES PRIDIE PENTICOSTEN ITEM ALIA]
{N: 197}
Uere dignum: qui, ut ad id quod facta est, repararetur humana condicio, in uno eodemque hominem suum cuique conuenienter adtribuis. Corpus alitus aescis, anima ieiuniis saginatur: nisi conpetentibus sustentata ciuis membra non seruiont, absque continentia non uiget mentis imperium. In qua diuersitate substantiae sic tuo moderamine nos gubernas, ut quia sine his non potest constare, quibus refouetur alterutrum, ac temperie sumi praecipias, qua utrumque uegetetur: ac simul alimonia carni non desit unde subsistat, et adsit obseruantia unde mens polleat
[TIT: X MENSE MAIO ORATIONES PRIDIE PENTICOSTEN ITEM ALIA. I.]
{N: 198}
Sacris caelestibus, domine, uitia nostra purgentur, [et] ut muneribus tuis possimus semper aptari
[TIT: X MENSE MAIO ORATIONES PRIDIE PENTICOSTEN ITEM ALIA]
{N: 199}
Supplicem, tibi, domine, plebem tuam placatus intende, et in tua misericordia confidentem clementia largiore comitare; ut quia sine te non potest omnino consistere, tuis beneficiis temporalibus gubernetur, ut proficiat ad aeterna
[TIT: X MENSE MAIO ORATIONES PRIDIE PENTICOSTEN ITEM ALIA]
{N: 200}
Presta nobis, ineffabilis et misericors Deus, ut adoptio, quam in id ipsum sanctus spiritus aduocauit, nihil in dilectione terrenum, nihil habeat in confessione diuersum
[TIT: X MENSE MAIO ORATIONES PRIDIE PENTICOSTEN I. IN PENTECOSTEN ASCENDENTIBUS A FONTE]
{N: 201}
Propitius, domine, quaesumus, haec dona sanctifica, et hostiae spiritalis oblatione suscepta nosmet ipsos tibi perfice munus aeternum
[TIT: X MENSE MAIO ORATIONES PRIDIE PENTICOSTEN I. IN PENTECOSTEN ASCENDENTIBUS A FONTE]
{N: 202}
Uere dignum: qui ascendit super omnes caelos sedensque ad dexteram tuam promissum spiritum sanctum in filios adoptionis effudit. Unde laetantes inter altaria tua, domine uirtutum, hostias tibi laudis offerimus, et cetera
[TIT: X MENSE MAIO ORATIONES PRIDIE PENTICOSTEN I. IN PENTECOSTEN ASCENDENTIBUS A FONTE]
{N: 203}
Hanc igitur oblationem, quam tibi offerimus pro his, quos ex aqua et spiritu sancto regenerare dignatus es, tribuens eis remissionem omnium peccatorum, quaesumus, placatus accipias, eorumque nomina ascribi iubeas in libro uiuentium
[TIT: X MENSE MAIO ORATIONES PRIDIE PENTICOSTEN I. IN PENTECOSTEN ASCENDENTIBUS A FONTE]
{N: 204}
Communicantes, et diem Pentecostem sacratissimum celebrantes, quo spiritus sanctus apostolos plebemque credentium praesentia suae maiestatis impleuit: sed et mememoriam uenerantes
[TIT: X MENSE MAIO ORATIONES PRIDIE PENTICOSTEN I. IN PENTECOSTEN ASCENDENTIBUS A FONTE]
{N: 205}
Benedic, domine, et has tuas creaturas fontis mellis et lactis, et pota famulos tuos ex hoc fonte aquae uitae, perennis qui est spiritus ueritatis, et enutri eos de hoc lacte et melle, quemadmodum...patribus nostris Abraham Isac et Iacob introducere te eos in terram promissionis, terram fluentem melle et lacte. Coniunge ergo famulos tuos, domine, spiritui sancto, sicut coniunctum est hoc mel et lac, quo caelestis terrenaeque substantiae significatur unitio in Christo Iesu Domino nostro: per quem haec omnia.
[TIT: X MENSE MAIO ORATIONES PRIDIE PENTICOSTEN I. IN PENTECOSTEN ASCENDENTIBUS A FONTE]
{N: 206}
Da nobis, quaesumus, domine, per gratiam spiritus sancti nouam tui paracliti spiritalis obseruantiae disciplinam, ut mentes nostrae sacro purgatae ieiunio cunctis reddantur eius muneribus aptiores
[TIT: X MENSE MAIO ORATIONES PRIDIE PENTICOSTEN II. ITEM ALIA]
{N: 207}
Concede nobis, domine, praesidia miliatiae christianae sanctis incoare ieiuniis, ut contra spiritales nequitias pugnatori continentiae muniamur auxiliis
[TIT: X MENSE MAIO ORATIONES PRIDIE PENTICOSTEN II. ITEM ALIA IN IEIUNIO QUARTI MENSIS]
{N: 208}
Deus, cuius mysteriis mundamur et pascimur: presta, ut eadem sic temporaliter celebremus, ut nobis experiamur aeterna
[TIT: X MENSE MAIO ORATIONES PRIDIE PENTICOSTEN II. ITEM ALIA IN IEIUNIO QUARTI MENSIS]
{N: 209}
Uere dignum: qui post illut ineffabiliter institutum diuinae humanaeque naturae consortium, sponsi filios usque ad eius abscessum non posse ieiunare praemonuit, ne rudes animos paruulorum, supernis eruditionibus inbuendos, honeraret austerioribus disciplinis, sed proficientibus exercitia maiora seruaret: quibus uberiore dono spiritus sancti sufficienter instructis ieiunii subsequentis primitias dedicauit; ut quia post creationem primi hominis initium peccati concupiscentia ministrarat, post reparationem generis humani continentia fieret origo uirtutum
[TIT: X MENSE MAIO ORATIONES PRIDIE PENTICOSTEN II. ITEM ALIA PRAESUMPTIO ET REPARATIO PRIMI HOMINIS]
{N: 210}
Omnipotens sempiterne Deus, qui paschalis sollemnitatis arcanum hodierni mysteri plenitudine perfecisti: da quaesumus, ut filii tuae adoptionis effecti, quam dominus noster Iesus Christus ad te ueniens dereliquid, mereantur et pacem
[TIT: X MENSE MAIO ORATIONES PRIDIE PENTICOSTEN II. ITEM ALIA ]
{N: 211}
Da, quaesumus, aeclesiae tuae, misericors deus, ut sancto spiritu congregata hostili nullatenus incursione turbetur
[TIT: X MENSE MAIO ORATIONES PRIDIE PENTICOSTEN II. ITEM ALIA ]
{N: 212}
Hostias populi tui, quaesumus, domine, miseratus intende, et ut tibi reddantur acceptae, conscientias nostras sancti spiritus salutaris aduentus emundet
[TIT: X MENSE MAIO ORATIONES PRIDIE PENTICOSTEN II. ITEM ALIA ]
{N: 213}
Uere dignum: in die sollemnitatis hodiernae, quo humanam de uaria superstitione substantiam spiritu uere perficis religionis unitam
[TIT: X MENSE MAIO ORATIONES PRIDIE PENTICOSTEN II. ITEM ALIA ]
{N: 214}
Adesto, domine, quaesumus, populo tuo, et quem mysteriis caelestibus inbuisti, ab hostium furore defende
[TIT: X MENSE MAIO ORATIONES PRIDIE PENTICOSTEN II. ITEM ALIA ]
{N: 215}
Adesto, domine, praecibus nostris, ut adoptio, quam in id ipsum sanctus spiritus aduocauit, nihil habeat in dilectione terrenum, nihil in confessione diuersum
[TIT: MENSE MAIO XI IN DOMINICUM PENTECOSTEN]
{N: 216}
Propitius, domine, quaesumus, haec dona sanctifica, et hostiae spiritalis oblatione suscepta nosmet ipsos tibi perfice munus aeternum
[TIT: MENSE MAIO XI IN DOMINICUM PENTECOSTEN]
{N: 217}
Uere dignum: haec tibi nostra confessio, pater gloriae, semper accepta sit, de cordibus filiorum promissionis emissa: quia nihil sublimius collatum aeclesiae tuae probamus exordiis, quam ut euangelii tui praeconia linguis omnibus credentium ora loquerentur; ut et illa sententia, quam superbae quondam turris extructio meruit, solueretur, et uocum uarietas aedificationi aeclesiasticae non difficultatem faceret, sed augeret potius unitatem
[TIT: MENSE MAIO XI IN DOMINICUM PENTECOSTEN]
{N: 218}
Exaudi, domine, praeces nostras, et sicut profanas mundi caligines sancti spiritus luce euacuasti, sic hostes Romani nominis et inimicos catholicae professionis expugna
[TIT: MENSE MAIO XI IN DOMINICUM PENTECOSTEN II CONTRA INIMICOS CATHOLICAE PROFESSIONIS]
{N: 219}
Deus, qui uastatoris antiqui perfidiam uirtute filii tui et sancti spiritus destruendo dedisti nobis de captiuitate uictoriam: concede, quaesumus, ut qui nos inpetere moliuntur, potentiae tuae dextera conterantur
[TIT: MENSE MAIO XI IN DOMINICUM PENTECOSTEN CONTRA INPETITORES]
{N: 220}
Accipe, quaesumus, domine, munus oblatum, et dignanter operare, ut quod mysteriis agimus, piis effectibus celebremus
[TIT: MENSE MAIO XI IN DOMINICUM PENTECOSTEN II]
{N: 221}
Uere dignum: clementiam tuam suppliciter exorantes, ut sicut nobis aeternae securitatis aditum passione Domini nostri Iesu Christi et sancti spiritus inluminatione reserasti, sic etiam tranquillitatem uitae praesentis indulgeas, per quam tanti doni particeps deuotio quieta proficiat, et negligentiae terror inlatus ad fidei tranferatur aumentum
[TIT: MENSE MAIO XI IN DOMINICUM PENTECOSTEN II]
{N: 222}
Purificet nos, quaesumus, Domine, muneris praesentis oblatio, ut dignos sacra participatione perficiat
[TIT: MENSE MAIO XI IN DOMINICUM PENTECOSTEN III. ITEM ALIA]
{N: 223}
Mentes nostras, quaesumus, domine, sanctus spiritus diuinis praeparet sacramentis, quia ipse est omnium remissio peccatorum
[TIT: MENSE MAIO XI IN DOMINICUM PENTECOSTEN III. ITEM ALIA PRAECE. SF.]
{N: 224}
Communicantes, et diem sacratissimum Pentecosten celebrantes, quo apostoli apostolorumque discipuli omnium charismatum spiritalia dona sumpserunt: sed et memoriam uenerantes
[TIT: MENSE MAIO XI IN DOMINICUM PENTECOSTEN III. ITEM ALIA]
{N: 225}
Adsit nobis, domine, quaesumus, uirtus spiritus sancti, qui et corda nostra clementer expurget, et ab omnibus tueatur inimicis
[TIT: MENSE MAIO XI IN DOMINICUM PENTECOSTEN III. ITEM ALIA]
{N: 226}
Adesto, domine, supplicibus tuis, ut hoc sollemne ieiunium, quod animis corporibusque curandis salubriter institutum est, deuoto seruitio celebremus
[TIT: MENSE MAIO XII. IN IEIUNIO MENSIS QUARTI]
{N: 227}
Presta, domine deus noster, ut contra omnes fremitus impiorum mentis puritate uincamus; et qui nos in sua confidentes uirtute moliuntur adfligere, a nobis ieiunantibus subiugentur
[TIT: MENSE MAIO XII. IN IEIUNIO MENSIS QUARTI]
{N: 228}
Offerimus tibi, domine, quae dicanda tuo nomini tu dedisti, suppliciter exorantes, ut sicut eadem nobis efficis sacramentum, ita fieri tribuas remedium sempiternum
[TIT: MENSE MAIO XII IN IEIUNIO MENSIS QUARTI]
{N: 229}
Uere dignum: post illos enim laetitiae dies, quos in honorem Domini a mortuis resurgentis et in caelos ascendentis exigimus, postque perceptum Sancti Spiritus donum necessariae nobis haec ieiunia sancta prouisa sunt, ut pura conuersatione uiuentibus quae diuinitus aeclesiae sunt collata permaneant
[TIT: MENSE MAIO XII IN IEIUNIO MENSIS QUARTI]
{N: 230}
Refecti participatione muneris sacri quaesumus, domine deus noster, ut cuius exsequimur cultum, sentiamus effectum
[TIT: MENSE MAIO XII IN IEIUNIO MENSIS QUARTI]
{N: 231}
Adesto, domine, populis tuis tua protectione fidentibus, et tuae se dexterae suppliciter inclinantes perpetua defensione conserua. Percipiant, quaesumus, domine, uitae praesentis auxilium, et gratiam repperiant sempiternam
[TIT: MENSE MAIO XII IN IEIUNIO MENSIS QUARTI]
{N: 232}
Uirtutum caelestium deus, qui nos annua beati Iohannis baptistae sollemnia frequentare concedes: presta, quaesumus, ut et securis eadem mentibus celebremus, et eorum patrocinio promerente plene capiamus securitatis aumentum
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE]
{N: 233}
Ad offerenda munera, domine, laeti concurrimus, supplices implorantes, ut [et] uenerando gloriam nuntiantis sumamus gratiam nuntiati
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE]
{N: 234}
Uere dignum: exhibentes sollemne ieiunium, quod beati Iohannis baptistae natalicia praeuenimus. Cuius genitor et uerbi dei nuntium dubitans nasciturum uocis est priuatus officio, et eodem recepit nascente sermonem; quique angelo promittente dum non credit ommutuit, magnifici praeconis exhortu et loquens factus est et profeta: materque pariter sterilis aeuoque confecta non solum puerperio fecunda processit, sed etiam, quo beatae Mariae fructum sedula uoce ¦:benedictione:¦ susciperet, spiritu diuinitatis impleta est; ipseque progenitus, utpote uiae caelestis adsertor, uiam Domino monuit praeparari, seraque in ¦:suprema:¦ parentum aetate concretus et editus, procreandum nouissimis temporibus humani generis disseruit redemptorem
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE]
{N: 235}
Sanctorum tuorum nos, domine, patrocinia collata non deserant, quae fragilitatem nostram et praecibus tueantur et meritis
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE]
{N: 236}
Omnipotens et misericors deus, qui beatum baptistam Iohannem tua prouidentia destinasti, ut perfectam plebem Christo Domino praepararet: da, quaesumus, ut familia tua huius intercessione praeconis et a peccatis omnibus exuatur, et [ad] eum quem profetauit inueniant
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE]
{N: 237}
Omnipotens sempiterne deus, da cordibus nostris illam tuorum rectitudinem semitarum, quam beati Baptistae Iohannis uox clamantis edocuit
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE II ITEM ALIA]
{N: 238}
Tua, domine, muneribus altaria cumulamus, illius natiuitatem honore debito celebrantes, qui saluatorem mundi et cecinit adfuturum et adesse monstrauit
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE II ITEM ALIA]
{N: 239}
Uere dignum: in die festiuitatis hodiernae, quo beatus ille baptista Iohannis exortus est, nondum terrena conspiciens, caelestia iam reuelans; lucis aeternae praedicator, priusquam lumen temporale sentiret; testis ueritatis, antequam uisus; et ante propheta quam natus; maternis uisceribus latens, et unigenitum Dei prescia exultatione praenuntians; Christique tui nondum genitus iam praecursor. Nec mirum, si filium tuum, domine, procreatus ostendit, quem adhuc utero clausus agnouit: meritoque inter natos mulierum nullus inuentus est similis, quia nulli hominum prorsus indultum est, ut exsecutor diuinitatis exsisteret, priusquam uitam humanae condicionis auriret: satisque firmatum, quam esset mirabilis nuntiatus, cuius tam insignis nuntius appareret; conuenienterque pro lauacri ministerio, quod gerebat, detulit famulatum perfecti baptismatis mysterium consecranti, et ad remissionem peccatorum mortalibus conferendam huic iure deuitam reddidit, quem mundi tollere dixerat uenisse peccatum.
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE II ITEM ALIA]
{N: 240}
Beati Iohannis baptistae nos, domine, praeclara comitetur oratio, et quem uenturum esse praedixit, poscat nobis fauere placatum
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE II ITEM ALIA]
{N: 241}
Magnis mysteriis incitata plebs tua, domine, per uiam salutis et pacis incidat, et beati praecursoris hortamenta sectando ad eum quem praedixit secura perueniat
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE II ITEM ALIA]
{N: 242}
Omnipotens sempiterne deus, qui etiam in beati Iohannis generatione promenda confessionem sacratae tibi plebis institues: auge nobis fidei pietatisque constantiam, ut magis magisque fateamur excellentiam nuntiati, cum tanta sit gloria nuntiantis
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE III ITEM ALIA]
{N: 243}
Uota populi tui, domine, propitiatus intende; et quorum nos tribues sollemnia celebrare, fac gaudere suffragiis
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE III ITEM ALIA]
{N: 244}
Uere dignum: quoniam merito huic inter hominum filios nemo praelatus est, quem ab exordio sui usque in finem tot honorum insignibus, tot charismatum splendoribus consecrari: decebat enim, ut ineffabile domini sacramentum, quod profetica uoce praedixerat, uisibiliter etiam monstraturus ceteris eius nuntiis eminentior appareret.
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE III ITEM ALIA]
{N: 245}
Presta, quaesumus, domine, ut sicut de praeteritis ad noua sacramenta transimus, ita uetustate deposita sanctificatis mentibus innouemur
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE III ITEM ALIA]
{N: 246}
Benedic, quaesumus, domine, plebem tuam, et sanctorum tuorum depraecationibus confidentem tribue consequi, quod sperare donasti
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE III ITEM ALIA]
{N: 247}
Omnipotens sempiterne deus, qui instituta legalia et sanctorum praeconia profetarum in diebus beati famuli tui Iohannis inplesti: presta, ut cessantibus significationum figuris ipsa sui manifestatione ueritas eloquatur
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE IIII ITEM ALIA. AD FONTEM]
{N: 248}
Da, quaesumus, domine, lumen intellegentiae paruulis tuis, ut pro ueteris gratia sacramenti praesentis sacrificii gratia succedente sic gloriemur nobis, ut non abutamur antiquis
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE IIII ITEM ALIA. AD FONTEM]
{N: 249}
Uere dignum: quoniam plena sunt omnia saecula misericordia tua, quam recurrentibus data lege temporibus etiam in huius diei festiuitate ueneramur: agnoscentes ad magnum pietatis tuae pertinuisse consilium, ut sanctus tuus Iohannis, cuius natalem ad nominis tui gloriam celebramus, tot donis mirabilis nasceretur
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE IIII ITEM ALIA. AD FONTEM]
{N: 250}
Annue, domine, praecibus nostris, ut sicut de praeteritis ad noua sumus sacramenta translati, ita uetustate deposita sanctificatis mentibus innouemur
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE IIII ITEM ALIA. AD FONTEM]
{N: 251}
Deus, qui praesentem diem honorabilem nobis in beati Iohannis natiuitate fecisti: da populis tuis spiritalium gratiam gaudiorum, et omnium fidelium mentes dirige in uiam salutis et pacis
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE V ITEM ALIA.]
{N: 252}
Omnipotens sempiterne deus, qui tuis fidelibus contulisti, ut ille, quo inter natos mulierum nullus est maior, oreretur et unigeniti tui gloriosus praecursor exsisteret: prouidentiae tuae munus exsequere, [et] ut quae manifestauit testificatio nuntii, impleat praesentia nuntiati
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE V ITEM ALIA.]
{N: 253}
Remotis obumbrationibus carnalium uictimarum spiritalem tibi, summe pater, hostiam supplici seruitute deferimus, quae miro ineffabilique mysterio et immolatur semper et eadem semper offertur, pariterque et deuotorum munus et remunerantis est praemium
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE V ITEM ALIA.]
{N: 254}
Uere dignum: in die festiuitatis hodiernae, qua beatus Iohannis exhortus est, qui uocem matris domini nondum aeditus sensit, et adhuc clausus utero ad aduentum salutis humanae profetica exultatione gestiuit; qui et genetricis sterelitatem conceptus abstersit, et patris linguam natus absoluit, solusque omnium profetarum redemptorem mundi, quem praenuntiauit ostendit, et ut sacrae purificationis effectum aquarum natura conceperet, sanctificandis Iordanis fluentis ipsum baptismatis lauit auctorem
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE V ITEM ALIA.]
{N: 255}
Caelestis doni benedictione percepta supplices te, deus omnipotens, depraecamur, ut hoc idem nobis semper et sacramenti causa sit et salutis
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE V ITEM ALIA.]
{N: 256}
Quos tuos effices, domine, tua pietate circumtege, et fragilibus sanctorum omnium praetende subsidia; ut ad promissiones tuas te inspirante currant, te gubernante perueniant
[TIT: MENSE IUNIO. XIII. VIII KALENDAS IULIAS. NATALE SANCTI IOHANNIS BAPTISTAE V ITEM ALIA.]
{N: 257}
Omnipotens sempiterne deus, qui nos idoneos non esse perpendens ad maiestatem tuam, sicut dignum est, exorandam: da sanctos martyres tuos pro nostris supplicare peccatis, quos digne possis audire
[TIT: MENSE IUNIO. XIIII. IN NATALE SANCTORUM IOHANNIS ET PAULI]
{N: 258}
Adiuua nos, domine deus, tuorum praece sanctorum, ut quorum festa gerimus, sentiamus auxilium
[TIT: MENSE IUNIO. XIIII. IN NATALE SANCTORUM IOHANNIS ET PAULI]
{N: 259}
Uere dignum: qui non solum debitum mortis antiquae, quo idem non tenebatur, exsoluens pro debitoribus repensauit, sed martyribus suis contulit, ut, quod humana substantia contra uoluntatem sui creatoris agendo contraxerat et praefixa lege fuerat solutura, dum pro creatoris testimonio sponte suscipiunt, fieret eis de reatu iustitia, et poena transiret ad gloriam
[TIT: MENSE IUNIO. XIIII. IN NATALE SANCTORUM IOHANNIS ET PAULI]
{N: 260}
Sint tibi placita, domine, populi tui uotiua sacrificia, et quod fragilitas nostra non impetrat, sanctorum supplicatio pro quorum gloria deferuntur optineat
[TIT: MENSE IUNIO. XIIII. IN NATALE SANCTORUM IOHANNIS ET PAULI. II ITEM ALIA]
{N: 261}
Dicata nomini tuo munera, domine, sanctorum tuorum pro nobis satisfactio prosequatur, ut offensae nostrae per eos qui tibi sunt placiti relaxentur
[TIT: MENSE IUNIO. XIIII. IN NATALE SANCTORUM IOHANNIS ET PAULI. II ITEM ALIA]
{N: 262}
Uere dignum: qui ad maiorem triumphum de humani hoste capiendum praeter illam gloriam singularem, qua ipsius domini uirtute prostratus est, ut etiam a sanctis martyribus superaretur effecit, et eadem uictoria sequeretur in membris ¦: adque in membris quoque suis uictoria sequeretur :¦, quae praecessit in capite
[TIT: MENSE IUNIO. XIIII. IN NATALE SANCTORUM IOHANNIS ET PAULI. II ITEM ALIA]
{N: 263}
Exaudi, domine, praeces nostras, et ut digna sint munera, quae oculis tuae maiestatis offerimus, subsidium nobis tuorum concede sanctorum
[TIT: MENSE IUNIO. XIIII. IN NATALE SANCTORUM IOHANNIS ET PAULI. III ITEM ALIA]
{N: 264}
Uere dignum: tui enim operis, domine, tuaeque uirtutis est, ut inimicus humanae substantiae non tantum per dominum nostrum Iesum Christum filium tuum, sed etiam per sanctos martyres tuos deuitrici quondam naturae redderetur obnoxius, et sibi subditae subderetur
[TIT: MENSE IUNIO. XIIII. IN NATALE SANCTORUM IOHANNIS ET PAULI. III ITEM ALIA]
{N: 265}
Adesto, domine, quaesumus, aeclesiae tuae uotis, adesto muneribus; et quod conscientia nostra non supplet, sanctorum tuorum intercessio conpenset et meritum
[TIT: MENSE IUNIO. XIIII. IN NATALE SANCTORUM IOHANNIS ET PAULI. IIII ITEM ALIA]
{N: 266}
Uere dignum: quia mira sunt opera iustitiae tuae adque pietatis, cum uel a te deuians homo diabolicae subicitur potestati, uel ad te per tuam gratiam remeans, non solum ius infesti dominatoris euadit, sed in eum, sicut probamus in sanctis tuis, accipit tua uirtute dominatum
[TIT: MENSE IUNIO. XIIII. IN NATALE SANCTORUM IOHANNIS ET PAULI. IIII ITEM ALIA]
{N: 267}
Sancti tui, domine, quaesumus, tuam misericordiam depraecentur, ut sacramenta quae sumpsimus et praesentis uitae nobis remedia conferant et futurae
[TIT: MENSE IUNIO. XIIII. IN NATALE SANCTORUM IOHANNIS ET PAULI. IIII ITEM ALIA]
{N: 268}
Beatis martyribus supplicantibus, domine, fideles tuos propitiatus intende. Tui sunt, domine, tibique subiecti. Benedictiones tuas te largiente percipiant, quas humili indesinenter expectant: sed ut munera conlata custodiant, pie iusteque sperata percipiant
[TIT: MENSE IUNIO. XIIII. IN NATALE SANCTORUM IOHANNIS ET PAULI. IIII ITEM ALIA]
{N: 269}
Quaesumus, omnipotens deus, ut nos geminata laetitia hodiernae festiuitatis excipiat, quae beatorum Iohannis et Pauli glorificatione procedit, quos eadem fides et passio fecit esse germanos
[TIT: MENSE IUNIO. XIIII. IN NATALE SANCTORUM IOHANNIS ET PAULI. V ITEM ALIA]
{N: 270}
Hostias altaribus tuis, domine, placationis inponimus, potentiam tuam in sanctorum tuorum passionibus honorando, et per eos nobis inplorando ueniam peccatorum
[TIT: MENSE IUNIO. XIIII. IN NATALE SANCTORUM IOHANNIS ET PAULI. V ITEM ALIA]
{N: 271}
Uere dignum: quamuis enim tuorum merita praetiosa iustorum, quocumque fideliter inuocentur, in tua sint uirtute praesentia, potenter tamen nobis clementi prouidentia contulisti, ut non solum passionibus martyrum gloriosis urbis istius ambitum coronares, sed etiam in ipsis uisceribus ciuitatis sancti Iohannis et Pauli uictricia membra reconderes, ut interius exteriusque cernentibus et exemplum piae confessionis occurreret, et magnifice benedictionis non deesset auxilium
[TIT: MENSE IUNIO. XIIII. IN NATALE SANCTORUM IOHANNIS ET PAULI. V ITEM ALIA]
{N: 272}
Honor martyrum beatorum deferre nos tibi munera, domine, fidenter hortatur, quia per eos nobis credimus profutura
[TIT: MENSE IUNIO. XIIII. IN NATALE SANCTORUM IOHANNIS ET PAULI. VI ITEM ALIA]
{N: 273}
Uere dignum: fulget enim uox illa piissima domini Iesu Christi, qua mundo subueniens clementer praedixit: nisi granum trittici cadens in terram mortuum fuerit, ipsum solum manet; si autem mortuum fuerit, multum fructum adferet. Ex quo uidemus uberem pullulasse toto terrarum orbe sationum, et de principali cruce prodisse gloriosarum segitem passionum; quia pro impiis seruis sanguinem suum creator effundens, ut pro immaculato domino famuli peccatores certatim morerentur, effecit
[TIT: MENSE IUNIO. XIIII. IN NATALE SANCTORUM IOHANNIS ET PAULI. VI ITEM ALIA]
{N: 274}
Propitius, domine, quaesumus, oblationem nostrae seruitutis intende, et ut sanctorum tuorum praecibus commendetur indulge
[TIT: MENSE IUNIO. XIIII. IN NATALE SANCTORUM IOHANNIS ET PAULI. VII ITEM ALIA]
{N: 275}
Uere dignum: cuius inspiratione succensi beati martyres ad passionis gloriam cucurrerunt, non timentes qui corpus occiderent, sed eum qui corpus animamque mittere poterat in gehennam; adque ideo illos persecutio saeua non perdidit, sed beata confessio sublimauit
[TIT: MENSE IUNIO. XIIII. IN NATALE SANCTORUM IOHANNIS ET PAULI. VII ITEM ALIA]
{N: 276}
Oblata munera nomini tuo, domine, nostrae sanctificationi proficere tuorum praecibus concede sanctorum
[TIT: MENSE IUNIO. XIIII. IN NATALE SANCTORUM IOHANNIS ET PAULI. VIII ITEM ALIA]
{N: 277}
Uere dignum: quia tuae uirtutis esse cognoscimus, ut sancti tui, secundum magnificam domini nostri Iesu Christi caelestemque doctrinam, sanctas anima odiendo diligerent, et non seruando potius custodirent; hac simul pietatis imitationem nobis et praesidium relinquentes
[TIT: MENSE IUNIO. XIIII. IN NATALE SANCTORUM IOHANNIS ET PAULI. VIII ITEM ALIA]
{N: 278}
Da, quaesumus, domine deus noster, ut sicut tuorum commemoratione sanctorum temporali gratulamur officio, ita perpetuo laetemur aspectu
[TIT: MENSE IUNIO. XIIII. IN NATALE SANCTORUM IOHANNIS ET PAULI. VIII ITEM ALIA]
{N: 279}
Exultet plebs tua, domine, placitorum tibi fulta praesidiis, quibus et sanctificationem referat, et subsidia propriae fragilitatis adquirat
[TIT: MENSE IUNIO. XIIII. IN NATALE SANCTORUM IOHANNIS ET PAULI. VIII ITEM ALIA]
{N: 280}
Deus, qui hunc diem beatorum apostolorum Petri et Pauli martyrio consecrasti: da aeclesiae toto terrarum orbe diffusae eorum semper magisterio gubernari, per quos sumpsit religionis exordium
[TIT: MENSE IUNIO. XV.IN NATALE APOSTOLORUM PETRI ET PAULI]
{N: 281}
Munera plebis tuae, domine, quaesumus, beatorum apostolorum fiant grata suffragiis; ut pro quorum triumphis tuo nomini deferuntur, ipsorum digna perficiantur et meritis
[TIT: MENSE IUNIO. XV.IN NATALE APOSTOLORUM PETRI ET PAULI]
{N: 282}
Uere dignum: qui secundum promissionis tuae ineffabile constitutum apostolicae confessionis superna dispensatione largiris, ut in ueritatis tuae fundamine solidatae nulla mortiferae falsitatis iura praeualeant; et quantalibet exsistat errantium multitudo, illi sint redemptionis tuae filii et illis aeclesia tota numeretur, qui ab electorum tuorum principali traditione non dissonant
[TIT: MENSE IUNIO. XV.IN NATALE APOSTOLORUM PETRI ET PAULI]
{N: 283}
Hanc etiam oblationem, domine, tibi uirginum sacratarum, quarum ante sanctum altarem tuum oblata nomina recitantur, quaesumus, placatus accipias. Pro quibus maiestatem tuam supplices depraecamur, ut propositum castitatis, quod te auctore professae sunt, te protectore custodiant
[TIT: ]
{N: 284}
Apostolorum tuorum praecibus, domine, quaesumus, plebis tuae dona sanctifica, ut quae tibi grata sunt instituto, fiant gratiora patrocinio supplicantum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. II ITEM ALIA]
{N: 285}
Uere dignum: teque laudare mirabilem deum in sanctis tuis, in quibus magnificatus es uehementer, per ipsos unigeniti tui sacrum corpus exornans, et in ipsis aeclesiae tuae fundamenta constituens. Quorum beatissimum Petrum, gratiae tuae electionisque primitias, in apostolicae dignitatis culmen ascitum, ita ad confitendum te deum uiuum et dominum nostrum Iesum Christum secreta tui reuelatione docuisti, ut in cognoscenda unigeniti tui gloria nullis carnis et sanguis inpediretur obstaculis. Pro qua magistra omnium credentium fide confessorem tuum caelorum clauibus praefecisti, ut cui ad te per te fuerat accessus, per ipsum ceteris ad regnum tuum pateret introitus. Huic quoque beatum apostolum Paulum ad salutem gentium non inpari uocatione consocias; quem magnis laboribus praeparatum gratia tua et mentem mutauit et nomen. Huius igitur triumphi diem hodierna deuotione celebrantes hostias tibi, domine, laudis offerimus.
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. II ITEM ALIA]
{N: 286}
Oblationes populi tui, domine, quesumus, apostolorum tuorum passio beata conciliet; et quae nostris minus ¦:non:¦ aptae sunt meritis, fiant tibi placitae tuorum depraecatione iustorum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. III ITEM ALIA]
{N: 287}
Uere dignum: qui aeclesiam tuam in tuis fidelibus ubique pollentem apostolicis facis constare doctrinis, ut per quos initium diuinae cognitionis accepit, per eos usque in finem saeculi capiat regni caelestis aumentum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. III ITEM ALIA]
{N: 288}
Munus hoc, domine, quaesumus, apostolica pro nobis interuentio prosequatur, ut quod tremente seruitio nos uouemus oblatum, eorum nobis praecibus efficias sacramentum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. IIII ITEM ALIA]
{N: 289}
Uere dignum: tu etenim tribues, domine, ut praedicationis apostolicae claritatem nulla iuris inferni subdola doctrina subuertat, nulla praeuaricatio ueritatis offuscet
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. IIII ITEM ALIA]
{N: 290}
Perceptis, domine, sacramentis subdito corde rogamus et petimus, ut interuenientibus beatis apostolis, quae pro eorum celebrata sunt gloria, nobis proficiant ad medellam
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. IIII ITEM ALIA]
{N: 291}
Gregem tuum, pastor bone, placatus intende et per apostolos tuos peruigili protectione custodi, ut hisdem rectoribus gubernetur, quos eidem contulisti ¦:praeficisti:¦ operis tui uicarios esse pastores
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. IIII ITEM ALIA]
{N: 292}
Omnipotens sempiterne deus, qui ineffabili sacramento ius apostolici principatus in Romani nominis arche posuisti, unde se euangelica ueritas per tota mundi regna diffunderet: presta, ut quod in orbem terrarum eorum praedicatione manauit, christianae deuotionis sequatur uniuersitas
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. V ITEM ALIA]
{N: 293}
Presta, quaesumus, aeclesiae tuae, domine, de tantis dignae gaudere principibus, et illam sequi pia deuotione doctrinam, qua dilectos tibi greges sacris mysteriis inbuerunt
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. V ITEM ALIA]
{N: 294}
Uere dignum: quia non mundi reges et proceres, non facundos aut diuites, sed abiectos et pauperes, ineruditos adque ignobiles elegisti, quibus maiestatis tuae potentiam et coaeterni tibi filii reuelaris arcanum; ut non possibiliatis humanae, sed doni probaretur esse diuini, quamque uniuersa praecipua uidentur in saeculo, absque te deo monstrarentur inania; et quaelibet infirma per te docerentur esse sublimia: cum tua dispensante uirtute non de gloriosis humilia, sed de humilibus gloriosa penderent; et ille quondam Petrus piscator exiguus, repente factus apostolus, non potentibus subiaceret, sed eos potius salubri rete concluderet; nec cuiquam esset ambiguum, in secreta beatitudine collocatum ius habere demittendi delicta mortalium, cuius meritum cerneret toto orbe uenerandum regnare post mortem. Beatum quoque apostolum Paulum, domine, simili dignatione glorificas; qui deiectus in terris, leuatur in caelum; captus oculis corporalibus lucem uidit aeternam; adque uno eodemque modo contumax tuus et uindicatam sensit et gratiam; tantaque felicior ultione participes diuinorum meruit esse post poenam
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. V ITEM ALIA]
{N: 295}
Offerimus tibi , domine, [quaesumus], praeces et munera: quae, ut tuo sint digna conspectui, beatorum apostolorum tuorum praecibus adiuuemur
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VI ITEM ALIA]
{N: 296}
Uere dignum: qui aeclesiam tuam in apostolica soliditate fundatam ab infernarum erues terrore portarum, ut in tua ueritate consistens nulla recipiat consortia perfidorum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VI ITEM ALIA]
{N: 297}
Quae, tuo nomini, domine, sunt dicata, quaesumus, aeclesiae tuae principum commendet oratio
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VII ITEM ALIA]
{N: 298}
Uere dignum: qui aeclesiam tuam sempiterna pietate non deserens, per apostolos tuos iugiter eam et erudis et protegis
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VII ITEM ALIA]
{N: 299}
Apostolica pro nobis interuentio, quaesumus, domine, prosequatur munus oblatum, ut quod tremente seruitio nos uouemus, eius praecibus efficiatur acceptum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VIII ITEM ALIA]
{N: 300}
Uere dignum: tu enim tribues, domine, ut praedicationis apostolicae claritatem nulla iuris inferni subdola doctrina commaculet, nulla praeuaricatio ueritatis offuscet
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VIII ITEM ALIA]
{N: 301}
Celebratis, domine, quae pro apostolorum tuorum beata passione peregimus, ipsorum, quaesumus, nobis fiant intercessione salutaria, in quorum nataliciis sunt exultanter inpleta
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VIII ITEM ALIA]
{N: 302}
Audi, domine, populum tuum toto tibi corde subiectum, et tuitionem mentis et corporis eisdem rogantibus sanctis apostolis tuis presta continumm
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VIII ITEM ALIA]
{N: 303}
Omnipotens sempiterne deus, qui hunc diem beatorum apostolorum Petri et Pauli martyrio consecrasti: da aeclesiae tuae toto terrarum orbe diffusae eorum semper moderamine gubernari, per quos sumpsit religionis exordium
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VIIII ITEM ALIA]
{N: 304}
Suscipe, domine, munera plebis tuae pro beatorum apostolorum triumphis oblata; et quia non est digna fiducia, placentium tibi praecibus fiat grata deuotio
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VIIII ITEM ALIA]
{N: 305}
Uere dignum: quia tui est operis tuaeque uirtutis, ut beatorum apostolorum Petri et Pauli gloriosa confessio nec capiatur umquam falsis nec perturbetur aduersis; sed caelestis eruditio, sicut per eos ab ipsa ueritate suscepta posterisque mandata est, ita hisdem suffragantibus intemerata perduret
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. VIIII ITEM ALIA]
{N: 306}
Offerimus tibi, domine, praeces et munera, quae, ut tuo sint digna conspectu, beatorum apostolorum tuorum, quaesumus, praecibus expientur
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. X ITEM ALIA]
{N: 307}
Uere dignum: qui ineffabili sacramento ius apostolici principatus in Romani nominis arce posuisti, unde se euangelica ueritas per tota mundi regna diffunderet, et quod in orbem terrarum eorum praedicatione manasset, christianae deuotionis sequeretur uniuersitas; salubrique conpendio et hi, qui ab illorum tramite deuiassent, haberentur externi, et tantummodo filii ueritatis exsisterent, qui a principali nullatenus traditione discederent
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. X ITEM ALIA]
{N: 308}
Uere dignum: qui nos ideo temporalibus salubriter flagellas incommodis, quia aeternarum rerum non uis subire dispendium: et quoniam facilis est in securitate prolabsus, malis potius praesentibus castigatos ad diuina proficere, quam mundana prosperitate permittis a sempiternae beatitudinis itinere deuiare. Per quae prouidentiae tuae beneficia cognoscentes apostolicis nos institutionibus erudiri, diem gloriosae passionis eorum subdito corde ueneramur
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XI ITEM ALIA. POST INFIRMITATE]
{N: 309}
Quaesumus, domine deus noster, quae in hoc altari proposita oculis tuae maiestatis offerimus, beatorum apostolorum tuorum supplicationibus propitiatus adsume
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XII ITEM ALIA]
{N: 310}
Uere dignum: qui aeclesiam tuam in apostolica soliditate fundatam ab infernarum erues terrore portarum, et in tua ueritate persistens nulla recipiat consortia perfidorum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XII ITEM ALIA]
{N: 311}
Peractis sollemniter, domine, quae pro apostolorum tuorum beata celebrauimus passione, ipsorum, quaesumus, nobis fiant intercessione salutaria, in quorum nataliciis sunt exultanter inpensa
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XII ITEM ALIA]
{N: 312}
Audi, domine, populum tuum tota tibi mente subiectum, et apostolicam tuitionem supplici decerne propitiatus: ut corpore et corde protectus, quod pie credit appetat, quod iuste sperat optineat
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XII ITEM ALIA]
{N: 313}
Munera, quae deferimus, domine, benignus adsume; quia nostris inpediuntur offensis, apostolorum tuorum praecibus adiubentur
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XIII ITEM ALIA]
{N: 314}
Uere dignum: nos enim temporalibus flagellas incommodis, quia aeternarum rerum non uis subire dispendium, meliusque est malis praesentibus castigatos ad diuina proficere, quam prosperitate mundana a beatitudinis sempiternae tramite deuiare. Inter quae praeceptis nos apostolicis pariterque cognoscimus praesidiis erudiri. Et idcirco horum sollemnia celebrantes hostias tibi laudis offerimus
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XIII ITEM ALIA POST INFIRMITATE]
{N: 315}
Caelestibus refecti sacramentis et gaudiis supplices, domine, te rogamus, ut quorum gloriamur triumphis, protegamur auxiliis
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XIII ITEM ALIA]
{N: 316}
Gregem tuum, pater bone, placatus intende et per beatos apostolos perpetua protectione custodi, quos totius aeclesiae prestitisti filii tui uicarios esse pastores
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XIII ITEM ALIA]
{N: 317}
Omnipotens sempiterne deus, da populis tuis praecipuorum apostolorum natalem diem plena deuotione uenerari; ut quorum doctrinis ad confessionem deitatis unius institutus est mundus, eorum suffragantibus meritis diuinae seruiat unitati
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XIIII ITEM ALIA]
{N: 318}
Aeclesiae tuae, quaesumus, domine, praeces et hostias apostolica commendet oratio, ut quod pro illorum gloria celebramus, nobis prosit ad ueniam
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XIIII ITEM ALIA]
{N: 319}
Uere dignum: qui secundum promissionis tuae inuiolabile constitutum apostolicae confessioni superna dignatione largiaris, ut in ueritatis tuae fundamine solidatae nulla mortifere falsitatis iura praeualeant; et quantalibet exsistat errantium multitudo, illi tamen redemptionis tuae sint filii et illis aeclesia cuncta numeretur, qui ab electorum tuorum traditione non dissonant: ipsaque sit sacri corporis ubique uera conpago, quae et dispensante deuota subsequitur, quidquid sedis illa censuerit, quam tenere uoluisti totius aeclesiae principatum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XIIII ITEM ALIA]
{N: 320}
Perceptis, domine, sacramentis supplices te rogamus, ut intercedentibus beatis apostolis, quae pro illorum ueneranda gerimus passione, nobis proficiant ad medellam
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XIIII ITEM ALIA]
{N: 321}
Familiam tuam, domine, propitius intuere et apostolicis defende praesidiis; ut eorum praecibus gubernetur, quibus nititur te constituente principibus
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XIIII ITEM ALIA]
{N: 322}
Omnipotens sempiterne deus, qui fragilitati nostrae consulens adsidua nos sanctorum celebritate solaris: da nobis sub patronis talibus constitutis et continua securitate muniri, et salutari gaudere profectu
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XV ITEM ALIA]
{N: 323}
Grata tibi munera nostra sint, domine, quae et tuis sunt instituta praeceptis, et sanctorum festiuitas gloriosa commendat
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XV ITEM ALIA]
{N: 324}
Uere dignum: qui inter errorum caligines mundanorum luminaria multiplices beatique martyrii coruscare tribuisti, ut in conspectu generis humani mirabilis appareret in eorum agone mutatio, qui praeualendo deficiunt persequentes, et deficiendo praeualent interempti; quo illorum seuientium memoria ac potestas euanuit, horum obeuntium mors ubique praetiosa fulget et nomen; illorum nulla supersunt regiae potestatis insignia, istorum uirtutem monstrat effectus; et quid de utrisque geratur, non solum fide cernitur, sed etiam uisibiliter adprobatur
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XV ITEM ALIA]
{N: 325}
Quaesumus, domine deus noster, ut interuenientibus sanctis tuis sacrosancta mysteria, quae frequentamus actu, subsequamur et sensu
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XV ITEM ALIA]
{N: 326}
Adesto, domine, populo tuo cum sanctorum tuorum patrocinio supplicanti, ut quod propria fiducia non praesumit, suffragantium meritis consequatur
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XV ITEM ALIA]
{N: 327}
Deus, qui aeclesiae tuae in sanctis montibus fundamenta posuisti: da, ut nullis errorum subruatur incursibus, nulla mundi perturbatione quatiatur; sed apostolica semper et institutione sit firma et interuentione secura
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVI ITEM ALIA]
{N: 328}
Offerimus sacrificium, domine, quod pro reuerentia beatorum apostolorum Petri et Pauli maiestati tuae iugiter et reddimus et debemus
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVI ITEM ALIA]
{N: 329}
Uere dignum: aput quem cum beatorum apostolorum Petri et Pauli continuata festiuitas, aeterna celebritas, et triumphi caelestis perpetuus sit natalis, nos tamen beatae confessionis initia recolentes frequenti tribuis deuotione uenerari, ut crebrior honor inpensus sacratissimae passioni maiorem nobis prosit ad gratiam
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVI ITEM ALIA]
{N: 330}
Beatorum apostolorum, domine, quaesumus, intercessione nos adiuua, pro quorum sollemnitate percepimus tua sancta laetantes
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVI ITEM ALIA]
{N: 331}
Adesto, domine, fidelibus tuis, nec eos ullis mentis et corporis patiaris subiacere periculis, quos beatorum apostolorum Petri et Pauli munit gloriosa confessio
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVI ITEM ALIA]
{N: 332}
Omnipotens sempiterne deus, qui aeclesiam tuam in apostolica soliditate fundatam ab infernarum erues terrore portarum: presta, ut in tua ueritate persistens nulla recipiat consortia perfidorum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVII ITEM ALIA]
{N: 333}
Quae in hoc altari proposita, domine, quaesumus, oculis tuae maiestatis offerimus, beatorum apostolorum supplicationibus pro pitiatus adsume
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVII ITEM ALIA]
{N: 334}
Uere dignum: qui nos ideo temporalibus salubriter flagellas incommodis, quia aeternarum rerum non uis subire dispendium: et quoniam facilis est in securitate prolapsus, praesentibus malis potius castigatos ad diuina proficere, quam mundana prosperitate permittis a sempiternae beatitudinis itinere deuiare. Per quae prouidentiae tuae beneficia cognoscentes apostolicis nos institutionibus erudiri, diem gloriosae passionis eorum multiplici sollemnitate ueneramur
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVII ITEM ALIA]
{N: 335}
Aeternae pignus uitae capientes humiliter imploramus, ut apostolicis fulti patrociniis, / quod in imagine gerimus sacramenti, manifesta perceptione sumamus
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVII ITEM ALIA]
{N: 336}
Tuere, domine, plebem tuam et beatorum apostolorum defende subsidiis. Tui famuli famulaeque sunt, domine, tibique subiecti. Benedictiones tuas iugiter adsequantur, quas suppliciter et indesinenter expectant
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVII ITEM ALIA]
{N: 337}
Exaudi nos, deus salutaris noster, et apostolorum tuorum nos tuere praesidiis, quorum donasti fideles esse doctrinis
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVIII ITEM ALIA]
{N: 338}
Suscipe, quaesumus, domine, munera plebis tuae, quae pro beatorum apostolorum Petri et Pauli nataliciis obtulerunt, et eorum tibi placita meritis propitius esse concede
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVIII ITEM ALIA]
{N: 339}
Uere dignum: qui aeclesiam tuam sempiterna pietate non deserens, per apostolos tuos iugiter eam et erudis et proteges
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVIII ITEM ALIA]
{N: 340}
Sumpto, domine, sacramento beatis apostolis interuenientibus depraecamur, ut quod temporaliter gerimus, capiamus aeternum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVIII ITEM ALIA]
{N: 341}
Protege, domine, populum tuum, et apostolorum patrocinio confidentem perpetua defensione conserua
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVIII ITEM ALIA]
{N: 342}
Omnipotens sempiterne deus, da populis tuis praecipuorum apostolorum Petri et Pauli natalem diem plena deuotione uenerari; ut quorum doctrinis ad confessionem deitatis unius institutus est mundus, ipsorum nunc quoque suffragiis diuinae pareat unitati
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVIIII ITEM ALIA]
{N: 343}
Uere dignum: quia tui operis tuaeque uirtutis est, ut beatorum apostolorum Petri et Pauli gloriosa confessio, cuius annua uota celebramus, nec capiatur umquam falsis nec perturbetur aduersis; sed ut potius tui corporis ubique deuota conpago te dispensante suscipiat, quod sedis illa censuerit, quam tenere uoluisti totius aeclesiae principatum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVIIII ITEM ALIA]
{N: 344}
Concede, quaesumus, domine, beatos apostolos tuos inter uenire pro nobis; ita enim nos saluari posse confidimus, si eorum praecibus aeclesia gubernetur, quibus utitur te constituente principibus
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVIIII ITEM ALIA]
{N: 345}
Perceptis, domine, sacramentis subdito corde rogamus et petimus, ut intercedentibus beatis apostolis tuis nobis proficiant ad medellam, quae pro illorum gesta sunt passione
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XVIIII ITEM ALIA]
{N: 346}
Omnipotens sempiterne deus, qui nos eorum multiplici facis celebritate gaudere, quorum nostrae fragilitati patrocinia contulisti: da quaesumus, ut illorum saepius iterata sollemnitas nostrae sit tuitionis aumentum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XX ITEM ALIA]
{N: 347}
Hostias populi tui, domine, propitius intuere; ut quod nostra fiducia non meretur, per eos quos nobis constituisti praesules incessabiliter largiaris
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XX ITEM ALIA]
{N: 348}
Uere dignum: qui, ut hanc sedem regimen aeclesiae totius efficeris, et quod haec praedicasset ostenderis ubique seruandum, simul in ea et apostolicae principem dignitatis et magistrum gentium collocasti
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XX ITEM ALIA]
{N: 349}
Repleti benedictione caelesti suppliciter imploramus, ut quae fragili caelebramus officio, per beatos apostolos tuos nobis prod esse sentiamus auxilio
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XX ITEM ALIA]
{N: 350}
Protector in te sperantium, deus, respice populum supplicantem, et apostolico interueniente suffragioperfice miseratus pia desideria singulorum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XX ITEM ALIA]
{N: 351}
Placatus, quaesumus, domine, quidquid pro peccatis meremur auerte; nec aput te delicta nostra praeualeant, sed misericordia tua semper exhorta praeuincat
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXI ITEM ALIA]
{N: 352}
Omnipotens sempiterne deus, qui nos omnium apostolorum merita sub una tribuisti celebritate uenerari: quaesumus, ut celerem nobis tuae propitiationis abundantiam multiplicatis intercessoribus largiaris
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXI ITEM ALIA]
{N: 353}
Munera, domine, tuae glorificationis offerimus, quae tibi pro nostris grata ieiuniis eorum, quaesumus, depraecatio, quorum sollemnia celebramus, efficiat
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXI ITEM ALIA IN IEIUNIO]
{N: 354}
Uere dignum: qui in omnis sanctis caelestis Hierusalem fundamenta posuisti, quae duodecim solidata lapidibus apostolorum chorus aeclesiae tuae spiritali constructione declarat: ostendens nobis et in trinitate quadriformis euangelii constare mysterium, et in unoquoque euangeliorum trinitatis plenitudinem contineri; simulque fragilitati[s] nostrae per tuam gratiam fuisse prouisos huius dispensationis magistros, suffragatores et praesules; ut sacri muneris uenerabile sacramentum nihil amplius, nihil minus, nossemus esse quaerendum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXI ITEM ALIA]
{N: 355}
Sanctificati, domine, salutari mysterio quaesumus, ut pro nobis eorum non desit oratio, quorum nos donasti patrocinio gubernari
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXI ITEM ALIA]
{N: 356}
Presta populo tuo, domine, quaesumus, consolationis auxilium, et diuturnis calamitatibus laborantem respirare concede. Da ueniam peccatis, et cor eius ab iniquitate custodi; ut quia humana fragilitas incessabiliter meretur offensam, interuenientibus sanctis tuis indulgentia lapsis continuata subueniat
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXI ITEM ALIA]
{N: 357}
Omnipotens sempiterne deus, qui hunc diem beatorum apostolorum Petri et Pauli mysterio consecrasti: da aeclesiam tuam toto terrarum orbe diffusam eorum sequi pia deuotione doctrinam, per quos sumpsit religionis exordium
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXII ITEM ALIA]
{N: 358}
Presta, quaesumus, aeclesiae tuae, domine, de tantis dignae gaudere principibus, et illam perseueranter regulam custodire, qua idem inter uerum falsumque diuidentes dilectos tibi greges sacris mysteriis inbuerunt
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXII ITEM ALIA]
{N: 359}
Apostolorum, domine, beatorum Petri et Pauli desiderata sollemnia recensemus. Presta, quaesumus, ut eorum supplicatione muniamur, quorum regimur principatu
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXIII ITEM ALIA]
{N: 360}
Munera tibi, domine, laetantes offerimus, quae beatorum apostolorum Petri et Pauli nataliciis nobis intercessionibus confidimus profutura
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXIII ITEM ALIA]
{N: 361}
Uere dignum: qui praeuidens, quantis nostra ciuitas laboratura esset incommodis, apostolici roboris in eadem praecipua membra posuisti. Sed o felix, si tuos praesules, Romana, cognosceres et tantos dignae studeris celebrare rectores. Nulli te hostes inpeterent, nulla prorsus arma terrerent, si eorum famulata doctrinis ueraciter adque ¦:ueraci fidelique proposito:¦ fideliter eos proposito christianae sinceritatis ambires; cum tibi sufficienter appareat, quae bene meritis dona conferrent, qui tuentur etiam peccatores
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXIII ITEM ALIA]
{N: 362}
Quaesumus, omnipotens deus, ut qui nostris fatigamur offensis, sacris mysteriis expiemur; et qui merito nostrae iniquitatis adfligimur, apostolicis satisfactionibus protegamur
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXIII ITEM ALIA]
{N: 363}
Esto, domine, plebi tuae sanctificator et custus, ut apostolicis gubernata ¦:munita:¦ praesidiis et conuersatione tibi placeat et secura deseruiat
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXIII ITEM ALIA]
{N: 364}
Largiente te, domine, beati Petri et Pauli natalicium nobis lumen effulsit. Concede, quaesumus, ut hodierna gloria passionis, sicut illis magnificentiam tribuit sempiternam, ita nobis perpetuum munimen operetur
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXIIII ITEM ALIA]
{N: 365}
Oblatio tibi, domine, uotiua defertur. Praecamur, ut pariter ad laudem tui nominis, et apostolicae reuerentiam dignitatis, et ad nostrum proueniat sanctificata praesidium
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXIIII ITEM ALIA]
{N: 366}
Uere dignum: quoniam beatus Petrus et Paulus apostoli tui, quod in lacrimis seminarunt, in gaudio metere nunc probantur. Et qui euntes ibant et flebant, non morte perterriti, sed ut beatae perciperent plenitudinem passionis, gloriosi sanguinis semina praetiosa mittendo, uenientes ecce nunc ueniunt in exultatione totius aeclesiae, fructum uictoriae sempiternae et praesentibus referentes praemiis et futuris
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXIIII ITEM ALIA]
{N: 367}
Apostolorum tuorum praecibus, domine, plebis tuae dona sanctifica, ut quae tibi tuo grata sunt instituto, gratiora fiant patrocinio supplicantum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXV ITEM ALIA]
{N: 368}
Hostias, domine, quas nomini tuo sacrandas offerimus, apostolica prosequatur oratio, per quam nos expiare tribuis et defendi
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXV ITEM ALIA]
{N: 369}
Uere dignum: tui enim muneris tuaeque uirtutis est, ut aeclesia tua in apostolica soliditate fundata infernarum non uincatur terrore portarum, et in tua ueritate consistens nulla recipiat consortia perfidorum
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXV ITEM ALIA]
{N: 370}
Beatorum apostolorum, domine, quaesumus, intercessione nos adiuua, pro quorum sollemnitate percepimus tua sancta laetantes
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXV ITEM ALIA]
{N: 371}
Adesto, domine, fidelibus tuis, nec eos nullis mentis et corporis patiaris subiacere periculis, quos beatorum apostolorum Petri et Pauli munit gloriosa confessio
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXV ITEM ALIA]
{N: 372}
Apostolico, domine, quaesumus, beatorum Petri et Pauli patrocinio nos tuere, et eosdem, quorum tribuisti sollemnia celebrare, securos fac nostros semper esse custodes
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXVI ITEM AD SANCTUM PAULUM]
{N: 373}
Munera supplices, domine, tuis altaribus adhibemus, quantum de nostro merito formidantes, tantum beati Petri et Pauli, pro quorum sollemnibus offeruntur, intercessione confisi
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXVI ITEM AD SANCTUM PAULUM]
{N: 374}
Uere dignum: cuius prouidentia donisque concessum est, ut festiuitatem nobis annuam beatorum Petri et Pauli triumphos prestet insignem. Par mundo uenerabile, apostolatus ordine primus et minimus, sed gratia et passione participes: hic princeps fidei confitendae, ille intellegendae clarus adsortor; hic Christum filium dei uiui pronuntiauit diuinitus inspiratus, ille hunc eundem uerbum sapientiam dei adque uirtutem uas factus electionis adstruxit hic Israheliticae deliuationis instituens aeclesiam primitiuam, ille magister et doctor gentium uocandarum. Sic dispensatione diuersa unam Christi familiam congregantes, tempore licet discreto, recurrens una dies in aeternum et una corona sociauit
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXVI ITEM AD SANCTUM PAULUM]
{N: 375}
Intende, praecamur, altissime, uota quae reddimus; et tibi placita fieri eorum praecibus, pro quorum deferuntur honore concede
[TIT: MENSE IUNIO. XVII CONIUNCTIO OBLATIONIS VIRGINUM SACRATARUM. XXVII ITEM ALIA]
{N: 376}
Uere dignum: suppliciter exorantes, ut gregem tuum, pastor aeternae, non deseras, et per beatos apostolos continua protectione custodias, ut hisdem rectoribus dirigantur, quos operis tui uicarios eidem contulisti praeesse pastores
[TIT: MENSE IUNIO. XVII CONIUNCTIO OBLATIONIS VIRGINUM SACRATARUM. XXVII ITEM ALIA]
{N: 377}
Sollemnitatis apostolicae multiplicatione gaudentes clementiam tuam depraecamur, omnipotens deus, ut tribuas iugiter nos eorum confessione benedici et patrociniis confoueri
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXVIII ITEM ALIA]
{N: 378}
Presta, quaesumus, domine deus noster, et apostolorum natalicia nos tuorum continua deuotione uenerari, et in suis crebrius honorare principiis
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXVIII ITEM ALIA]
{N: 379}
Populi tui, deus, institutor et rector, peccata quibus inpugnantur expelle, ut semper et tibi placitus et tuo munimen sit securus
[TIT: MENSE IUNIO. XVI CONIUNCTIO OBLATIONIS VIRGINUM SACRATARUM. XXVIII ITEM ALIA]
{N: 380}
Exaudi, domine, praeces nostras, et interuenientibus sanctis tuis praeces nostras placatus admitte
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA]
{N: 381}
Suscipe, domine, propitius oblationes nostras, et tuorum depraecatione sanctorum pietati tuae perfice benignus acceptas
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA]
{N: 382}
Beatorum martyrum tuorum nos, domine, praecibus et intercessione defende; ut qui nostrae conscientiae fiduciam non habemus, placentium tibi meritis protegamur: per
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. ITEM ALIA]
{N: 383}
Suscipe, quaesumus, domine, tuorum munera famulorum, quae intercedentibus sanctis tuis prosint nobis et ad piae deuotionis officium, et ad tuae sanctificationis effectum
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. ITEM ALIA]
{N: 384}
Repleti, domine, benedictione caelesti, sanctorum tuorum concede suffragiis, ut quae humiliter gerimus, salubriter sentiamus
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. ITEM ALIA]
{N: 385}
Deus, qui nos sanctorum tuorum et sollemnitate laetificas et imitatione suscitas ad profectum: presta, ut quos ueneramur officio, etiam piae conuersationis sequamur exemplo
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. ITEM ALIA. IN IEIUNIO]
{N: 386}
Sint tibi, quaesumus, domine, nostri munera grata ieiunii, quia tunc eadem in sanctorum tuorum digna commemoratione deferimus, si et actus illorum pariter subsequamur
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. ITEM ALIA]
{N: 387}
Uere dignum: quia tu es mirabilis in omnibus sanctis tuis, quos et nominis tui confessione praeclaros, et suscepta pro te fecisti passione gloriosos. Unde sicut illi ieiunando orandoque certarunt, ut hanc possent obtinere uictoriam, ita nos potius quae exercuere sectantes, conuenientius eorum natalicia celebramus
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. ITEM ALIA]
{N: 388}
Repleti, domine, munificentiae gratiae tuae benedictione copiosa, et pro nostrae seruitutis obsequiis, et pro celebritate sanctorum caelestia dona sumentes gratias tibi referimus
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. ITEM ALIA]
{N: 389}
Familiam tuam, domine, supplicantem oculis tuae miserationis intende, ut quae te inspirante deposcit, sanctorum martyrum patrocinio consequatur
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. ITEM ALIA]
{N: 390}
Protector noster aspice, deus, et misericordiam tuam humiliter inplorantes clementer exaudi
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. II ITEM ALIA]
{N: 391}
Ad humilitatis nostrae praeces, domine, placatus / intende; nec nos foueas et diaboli laqueos patiaris incidere, quostantis sanctorum martyrum praesidiis munire dignaris
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. II ITEM ALIA]
{N: 392}
Omnipotens et misericors deus, qui nos sacramentorum tuorum et participes effices et ministros: presta, quaesumus, ut in hisdem proficiamus et fideli consortio, et digno seruitio
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. II ITEM ALIA]
{N: 393}
Uere dignum: qui nos ideo frequentibus sanctorum martyrum festiuitatibus benignus exerces, ut ad constantiam fidei et ad perseuerantiam pietatis beata commemoratione perducas: pariter nobis in eorum contemplatione constituens et salutiferae confessionis exemplum, et copiosae protectionis auxilium: adque ad spem nostrae per eos promissionis inuitans, quorum adhuc latentem gloriam iam tamen etiam in huius uitae regione manifestas
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. II ITEM ALIA]
{N: 394}
Domine deus noster, multiplica super nos gratiam tuam; et quorum celebramus gloriosa certamina, tribue subsequi in sancta professione uictoriam
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. II ITEM ALIA]
{N: 395}
Erudi, domine, quaesumus, populum tuum spiritalibus instrumentis; et quorum prestas sollemnia uenerari, fac eorum et consideratione / deuotum et defensione securum
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. II ITEM ALIA]
{N: 396}
Presta nobis, omnipotens et misericors deus, ut sanctorum martyrum tuorum copiosa uictoria, sicut eis perpetuum dat triumphum, ita nobis continuum prestet auxilium
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. III ITEM ALIA]
{N: 397}
Accipe, quaesumus, domine, munera populi tui pro martyrum festiuitate sanctorum; et sincero nos corde fac eorum nataliciis interesse
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. III ITEM ALIA]
{N: 398}
Uere dignum: quia licet in omnium sanctorum tuorum tu sis, domine, prouectione mirabilis, in his tamen speciale tuum munus agnoscimus, quos et fratres sorte nascendi, et magnifica prestitisti passione germanos: ut simul esset et uenerandae gloria genetricis et florentissima proles aeclesiae
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. III ITEM ALIA]
{N: 399}
Caelesti munere satiati quaesumus, domine deus noster, ut haec nos dona martyrum tuorum depraecatione sanctificent
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. III ITEM ALIA]
{N: 400}
Da nobis, quaesumus, domine, sanctorum martyrum passionibus gloriari; ut eorum semper et patrociniis confidamus, et fidem congrua deuotione sectemur
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. IIII ITEM ALIA]
{N: 401}
Offerimus, domine, munera tuorum tibi sollemnitatibus grata sanctorum, suppliciter exorantes, ut quod ad illorum pertinet gloriam, nobis prosit ad ueniam
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. IIII ITEM ALIA]
{N: 402}
Uere dignum: qui sic tribues aeclesiam tuam sanctorum martyrum commemoratione proficere, ut eam semper illorum et festiuitate laetificis, et exemplo piae confessionis exerceas, et grata tibi supplicatione tuearis
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. IIII ITEM ALIA]
{N: 403}
Et sanctorum tuorum exultatione gaudentes et sacramenti tui perceptione satiati gratias tibi referimus, domine, sancte pater, omnipotens aeternae deus
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. IIII ITEM ALIA]
{N: 404}
Omnipotens sempiterne deus, qui in sanctis tuis semper es ubique mirabilis: quaesumus clementiam tuam, ut sicut illis eminentem gloriam contulisti, sic ad consequendas misericordias tuas eorum nos facias praecibus adiuuari
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. V ITEM ALIA]
{N: 405}
Plebis tuae munera, quaesumus, domine, propitiatus intende; et quae sacris mysteriis exsequendis temporaliter nos offerre docuisti, ad aeternam nobis proficere fac salutem
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. V ITEM ALIA]
{N: 406}
Uere dignum: qui non solum pro salutem mundi persecutionem sustinuit impiorum, sed fidelibus suis etiam haec dona concessit, ut eius fierent aut passione aut confessione consorte
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. V ITEM ALIA]
{N: 407}
Omnipotens sempiterne deus, qui inter innumera beneficia sanctorum tuorum nos sollemnitatibus praecipuae consolaris: presta, quaesumus, ut ad caelestis operis instituta et recordatio beata nos incitet, et oratio iustorum digna perducat
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. VI ITEM ALIA]
{N: 408}
Concede, quaesumus, domine deus noster, ut inter aduersa, quae peccatorum debitis sustinemus, quod fiducia nostra non obtinet, martyrum tuorum nobis intercessio consequatur
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. VI ITEM ALIA]
{N: 409}
Sanctis interuenientibus, domine, tibi seruitus nostra conplaceat, et obsequia munerum fiant praesidia deuotorum
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. VI ITEM ALIA]
{N: 410}
Uere dignum: quoniam martyrum beatorum pro confessione nominis tui uenerabilis sanguis effusus simul et tua mirabilia manifestat, quo perficis in infirmitate uirtutem, et nostris studiis dat profectum, et infirmis aput te prestat auxilium
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. VI ITEM ALIA]
{N: 411}
Aspice, quaesumus, domine, quae oculis tuae maiestatis offerimus, ut tuorum depraecatione sanctorum et tuitionem nobis praebeant et medillam
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. VII ITEM ALIA]
{N: 412}
Uere dignum: congaudet namque totum corpus aeclesiae de sublimium glorificatione membrorum; et quaelibet eius infirmae portiones ad suam quoque pertinere non ambigunt dignitatem, quidquid excellit partium in eadem conpagem magnarum: quia sicut superioribus ima conexa sunt, ita summa debent humilibus unitatis affectum
[TIT: MENSE IULIO. XVII. VI IDUUM IULIARUM. NATALE SANCTORUM MARTYRUM FELICIS FILIPPI IN CYMETERIO PRISCILLAE. UITALIS ET MARTIALIS ET ALEXANDRI IN CYMETERIO IORNARUM. ET SILANI IN CYMETERIO MAXIMI UIA SALARIA. ET IANUARI IN CYMETERIO PRETEXTATE UIA APPIA. VII ITEM ALIA]
{N: 413}
Omnipotens sempiterne deus, qui nulli nos inferre mandasti, quod nobis non optamus inferri: presta, quaesumus, ut nec fingamus aliis, nec aliorum fictionibus inludamur
[TIT: MENSE IULIO. XVIII. INCIPIUNT ORATIONES ET PRAECES DIURNAE]
{N: 414}
Deus, qui humani generis fida societate laetaris, da, quaesumus,ut et nos liberam praeueamus omnibus caritatem, et illi non pro bonis mala reddere moliantur
[TIT: MENSE IULIO. XVIII. INCIPIUNT ORATIONES ET PRAECES DIURNAE]
{N: 415}
Oblatio tibi, domine, nostra defertur, quae ut tuo sit digna conspectu, te, quaesumus, largiente mentes nostrae sinceritate promatur
[TIT: MENSE IULIO. XVIII. INCIPIUNT ORATIONES ET PRAECES DIURNAE]
{N: 416}
Uere dignum: qui nos spiritalibus erudiens institutis, sic doces illorum iugiter relaxare, qui nobis aduersantur, offensas, ut eorum tamen non incidamus insidias; sic dissimulare culpas, ut sub speciae gratiae nocere cupientium declinemus, in qua student perseuerare, malitiam. Tu etenim, domine, mittens in medium nos luporum, manere uis simplices similitudine columbarum, et astutos fieri more serpentum: non utique, ut cuiquam noxii simus, sed ut sollicite dolos caueamus alienos. Ita mites ad omnes esse nos inbues, ut pariter corripere praecipias inquietos. Longe aliud quippe est contumeliam praeterire, aliud, ne per inprouidam benignitatem capiamus, intendere. Quoniam et tua clementia ea lege nostros resoluit errores, ut nos denuo, ne deteriora subeamus, errare prohibeat, nec sibi quisquam aut non cessum indicet fuisse delictum, aut laesum se fortassis exsistimet, si facultas eidem potius subtrahatur subsiciua laedendi, cum hoc ipso magnum beneficium talibus conferatur, ut mali esse dediscant uel inpossibilitate peccandi
[TIT: MENSE IULIO. XVIII. INCIPIUNT ORATIONES ET PRAECES DIURNAE]
{N: 417}
Redemptionis nostrae munere uegetati quaesumus, domine, ut hoc nobis perpetuae / salutis auxilium fides semper uera perficiat
[TIT: MENSE IULIO. XVIII. INCIPIUNT ORATIONES ET PRAECES DIURNAE]
{N: 418}
Salua, quaesumus, domine, pleuem tuam, et benedictionis sancte super eam effunde clementiam; ut inter condicionis humanae et diabolicae fraudis incursus indulgentia tua laboranti continuata succurrat
[TIT: MENSE IULIO. XVIII. INCIPIUNT ORATIONES ET PRAECES DIURNAE]
{N: 419}
Adesto, domine, supplicationibus nostris, et ut nos ab hostibus dignanter eripias, a tibi non placitis prius moribus benignus emunda: quia sine dubitatione defendes, quos tuis perspexeris conuenire mandatis
[TIT: MENSE IULIO. XVIII. INCIPIUNT ORATIONES ET PRAECES DIURNAE. II. ITEM ALIA]
{N: 420}
Deus, qui prudentem sinceramque concordiam tuorum cordibus inesse uoluisti, da nobis legitimae dilectionis tenere mensuram, ut qui a iuste pacis puritate dissentiunt, in nobis tamen, quod merito debeant lacerare, non habeant
[TIT: MENSE IULIO. XVIII. INCIPIUNT ORATIONES ET PRAECES DIURNAE. II. ITEM ALIA]
{N: 421}
Presta nobis, quaesumus, domine, terrena despicere et amare caelestia; ut per haec sacra quae gerimus, et a transituris desideriis expiari mereamur, et incipiamus inherere perpetuis
[TIT: MENSE IULIO. XVIII. INCIPIUNT ORATIONES ET PRAECES DIURNAE. II. ITEM ALIA]
{N: 422}
Uere dignum: qui sic rationabilem non deseris creaturam, ut et quibus modis placere tibi, et qualiter possit inpetrare quae poscit ostendas; praecipiens, ut te principaliter toto corde uenerantes, consequenter et uniuersos homines, sicut nosmet ipsos tamquam consortes nostri generis diligamus; tunc circa eos uerum probantes affectum, ut quemadmodum nos purgari desideramus a uitiis, ita et eorum quos amamus optemus. Quibus praeceptis duobus totam legem sine difficultate conplentes, bona praesentia sumamus et aeterna
[TIT: MENSE IULIO. XVIII. INCIPIUNT ORATIONES ET PRAECES DIURNAE. II. ITEM ALIA]
{N: 423}
Da nobis, domine, quaesumus, ambire quae recta sunt et uitare quae noxia, ut sancta quae capimus non ad iudicium nobis, sed proficiant potius ad medellam
[TIT: MENSE IULIO. XVIII. INCIPIUNT ORATIONES ET PRAECES DIURNAE. II. ITEM ALIA]
{N: 424}
Tuere, domine, quaesumus, famulos tuos, et a terrenis erroribus expeditos ad uirtutum tuarum fac instituta proficere; sicque temporalibus auxiliis foueantur, ut magis gaudeant sempiternis
[TIT: MENSE IULIO. XVIII. INCIPIUNT ORATIONES ET PRAECES DIURNAE. II. ITEM ALIA]
{N: 425}
Aeclesiae tuae, domine, uoces placatus admitte, ut destructis aduersantibus uniuersis secura tibi seruiat libertate
[TIT: MENSE IULIO. XVIII. INCIPIUNT ORATIONES ET PRAECES DIURNAE. III. ITEM ALIA]
{N: 426}
Presta, domine, quaesumus, ut toto tibi corde subiecti tumentium uoluntatum respuamus adflatus
[TIT: MENSE IULIO. XVIII. INCIPIUNT ORATIONES ET PRAECES DIURNAE. III. ITEM ALIA]
{N: 427}
Hostias, quaesumus, domine, nostrae deuotionis adsume, et per sacrificia gloriosa subditorum tibi corda purifica
[TIT: MENSE IULIO. XVIII. INCIPIUNT ORATIONES ET PRAECES DIURNAE. III. ITEM ALIA]
{N: 428}
Uere dignum: cuius inspiratione beatus Paulus apostolus aeclesiae dicens: prouidentes bona non solum coram deo, sed etiam coram hominibus: euidenter ostendit non esse prorsus, quo malis actibus uel in hac uita possimus abscondi, dum te non latemus interius, et extrinsecus humanos quoque non uitamus aspectus. Nihil ergo iubat eos, qui dedecora sua notasque non cernunt, et quia ipsi se non uident, aestimant nec ab aliis se uideri. Cum enim idem clamat apostolus: quae secundum faciem sunt, uidete: quemadmodum se celare posse confidunt, qui, sicut scribtum est, per dulces sermones suos seducentes corda fallacia, et sicut euangelium ait, Christum in cubiles requirentes, palam manifesteque declarant, quid et dictis exsequantur et factis ? Nec eos fulcit aut munit, quia, ut se uelare contendant, uolumina diuina percurrunt; cum per haec ipsi potius inprobos mores suos et profiteantur et damnent, nescientes, quod traduntur in reprobum sensum, ut faciant quae non conueniunt, iam de poena diuini uenire iudicii. Quapropter huiusmodi declinantes actu, et solo miserantes quo debemus affectu
[TIT: MENSE IULIO. XVIII. INCIPIUNT ORATIONES ET PRAECES DIURNAE. III. ITEM ALIA]
{N: 429}
Annue, quaesumus, domine deus noster, ut per hoc tuae sapientiae sacramentum circumspecta moderatione uiuamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. III. ITEM ALIA]
{N: 430}
Da aeclesiae tuae, domine, non superbae sapere, sed in tibi placita humilitate proficere: ut proterua despiciens et matura quaeque desiderans, exerceat liberam caritatem
[TIT: MENSE IULIO. XVIII. INCIPIUNT ORATIONES ET PRAECES DIURNAE. III. ITEM ALIA]
{N: 431}
Absolue, domine, quaesumus, iniquitates nostras; et ut tua dona mereamur percipere, fac nos amare iustitiam
[TIT: MENSE IULIO. XVIII. INCIPIUNT ORATIONES ET PRAECES DIURNAE. IIII. ITEM ALIA]
{N: 432}
Concede nobis, domine deus noster, ut et te tota mente ueneremur, et omnes homines rationabili diligamus affectu
[TIT: MENSE IULIO. XVIII. INCIPIUNT ORATIONES ET PRAECES DIURNAE. IIII. ITEM ALIA]
{N: 433}
Consecra, quaesumus, domine, quae de terrenis fructibus nomini tuo dicanda mandasti: ut et gratam tibi nostram facias seruitutem, et sacramentum nobis perpetuae saluationis instituas
[TIT: MENSE IULIO. XVIII. INCIPIUNT ORATIONES ET PRAECES DIURNAE. IIII. ITEM ALIA]
{N: 434}
Uere dignum: qui fideles tuos mutua faciens lege concordes, ueram pacem tuam tali foedere nexuisti, ut nec alteri quisquam moliretur infligere, quod sibi nollet inferri; et bona, quae suis utilitatibus tribui cupiret a consorte naturae, haec eidem ipse quoque prestaret: quatenus dum per alterutrum pietatem se repperiunt communes in singulis, fieret semet ipsam diligens ¦:esset:¦ mens una cunctorum
[TIT: MENSE IULIO. XVIII. INCIPIUNT ORATIONES ET PRAECES DIURNAE. IIII. ITEM ALIA]
{N: 435}
Satiati participatione caelesti, et gratias tibi referimus, domine deus noster, et ut nobis fiat perpetua depraecamur
[TIT: MENSE IULIO. XVIII. INCIPIUNT ORATIONES ET PRAECES DIURNAE. IIII. ITEM ALIA]
{N: 436}
Beneficiis tuis, domine, quaesumus, populus fidelis semper exultet; ut te instruente dispositus et conuersatione tibi placeat, et quae uotis expetit, salubriter adsequatur
[TIT: MENSE IULIO. XVIII. INCIPIUNT ORATIONES ET PRAECES DIURNAE. IIII. ITEM ALIA]
{N: 437}
Omnipotens sempiterne deus, qui superbis resistis et gratiam prestas humilibus: tribue, quaesumus, ut non indignationem tuam prouocemus elati, sed propitiationis tuae capiamus dona subiecti
[TIT: MENSE IULIO. XVIII. INCIPIUNT ORATIONES ET PRAECES DIURNAE. V. ITEM ALIA]
{N: 438}
Maiestatem tuam, domine, supplices exoramus, ut nec terreri nos lacerationibus patiaris iniustis, nec captiosis adulationibus inplicari: sed potius amare concedas qui ueraciter arguunt, quam qui fallaciter blandiuntur
[TIT: MENSE IULIO. XVIII. INCIPIUNT ORATIONES ET PRAECES DIURNAE. V. ITEM ALIA]
{N: 439}
Offerimus tibi, domine, munus, quod sicut duplici sumentes corde condemnat, ita sincera capientes mente iustificat
[TIT: MENSE IULIO. XVIII. INCIPIUNT ORATIONES ET PRAECES DIURNAE. V. ITEM ALIA]
{N: 440}
Uere dignum: qui nos sic pietate pariter adque iustitia uis esse perfectos, ut et cautelae nostrae non desit socianda benignitas, et indiscreta non subripiat facilitas caritati. Praecipis enim, ut pro nostris oremus inimicis, pro calumniantibus supplicemus, nec desinamus misericordiam tuam persequentibus inpetrare; non utique ut in hisdem nequitiis perseuerent, quia hoc inpraecari est potius quam salutaria postulare; sed ut ab his iniquitatibus expediti ad modesta sese sanaque conuertant. Cum enim docente te, domine, probos mores nobis optare debeamus, tunc proximos nostros sicuti nosmet ipsos uere diligimus, si eis quae nos habere cupimus expetamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. V. ITEM ALIA]
{N: 441}
Recreati [domine] sacri muneris gustu quaesumus, domine, non inde sumentibus nobis uertatur ad poenam, sed fideliter libantibus prosit ad ueniam
[TIT: MENSE IULIO. XVIII. INCIPIUNT ORATIONES ET PRAECES DIURNAE. V. ITEM ALIA]
{N: 442}
Tua, domine, protectione confidens benedictionem suppliciter inploratam deuota tibi familia consequatur; ut tuo secura munimine, nec temporalibus destituatur auxiliis, et bonis aptetur aeternis
[TIT: MENSE IULIO. XVIII. INCIPIUNT ORATIONES ET PRAECES DIURNAE. V. ITEM ALIA]
{N: 443}
Omnipotens et misericors deus, a bellorum nos, quaesumus, turbine fac quietos: quia bona nobis rcluncta prestabisfl si pacem dederis et mentis et corporis
[TIT: MENSE IULIO. XVIII. INCIPIUNT ORATIONES ET PRAECES DIURNAE. VI. ITEM ALIA]
{N: 444}
Protector noster aspice, deus, et ab hostium nos defende formidine, ut omni perturbatione submota liberis tibi mentibus seruiamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. VI. ITEM ALIA]
{N: 445}
Suscipe, domine, munera familiae tuae, quibus et nostris, quaesumus, sis placatus erroribus, et sanctificationem tuae nobis redemptionis opereris
[TIT: MENSE IULIO. XVIII. INCIPIUNT ORATIONES ET PRAECES DIURNAE. VI. ITEM ALIA]
{N: 446}
Uere dignum: agnoscimus enim, domine deus noster, agnoscimus, sicut profetica dudum uoce testatus es, ad peccantium merita pertinere, ut seruorum tuorum labore quaesita sub conspectu nostro manibus diripiantur alienis, et quae desudantibus famulis nasci tribuis, ab hostibus patiaris absumi. Totoque corde prostrati supplices exoramus, ut praeteritorum concedas ueniam delictorum, et ab omni mortalitatis incorsu continuata miseratione nos protegas. Quia tunc defensionem tuam non diffidimus adfuturam, cum a nobis quibus offendimus dignanter expuleris
[TIT: MENSE IULIO. XVIII. INCIPIUNT ORATIONES ET PRAECES DIURNAE. VI. ITEM ALIA]
{N: 447}
Sacrosancti corporis et sanguinis domini nostri Iesu Christi refectione uegetati supplices te rogamus, deus, ut hoc remedio singulari et ab omnium peccatorum nos contagione purifices, et a periculorum munias incursione cunctorum
[TIT: MENSE IULIO. XVIII. INCIPIUNT ORATIONES ET PRAECES DIURNAE. VI. ITEM ALIA]
{N: 448}
Miserere, domine, depraecantis aeclesiae et inclinantium tibi sua corda propitiatus intende; ut quos diuinarum sinis esse participes, nec peccatis fieri permittas obnoxios, nec opprimi patiaris aduersis
[TIT: MENSE IULIO. XVIII. INCIPIUNT ORATIONES ET PRAECES DIURNAE. VI. ITEM ALIA]
{N: 449}
Miserere, domine, populi tui, et continuis tribulationibus laborantem propitius respirare concede
[TIT: MENSE IULIO. XVIII. INCIPIUNT ORATIONES ET PRAECES DIURNAE. VII. ITEM ALIA]
{N: 450}
Uox clamantis aeclesiae ad aures, quaesumus, domine, tuae pietatis ascendat; ut percepta uenia peccatorum te fiat operante deuota, te protegente secura
[TIT: MENSE IULIO. XVIII. INCIPIUNT ORATIONES ET PRAECES DIURNAE. VII. ITEM ALIA]
{N: 451}
Nomini tuo, domine, munera, quaesumus, dicata sanctifica, ut et sacramentum nobis aeternae uitae praeueant et profectum
[TIT: MENSE IULIO. XVIII. INCIPIUNT ORATIONES ET PRAECES DIURNAE. VII. ITEM ALIA]
{N: 452}
Uere dignum: inter quelibet enim mundi pericula sola est a te non recessis se prosperitas, cum in tua misericordia confidentes nulla aduersa percellant, sed potius exerceant ad salutem
[TIT: MENSE IULIO. XVIII. INCIPIUNT ORATIONES ET PRAECES DIURNAE. VII. ITEM ALIA]
{N: 453}
Uiuificet nos, quaesumus, domine, participatio tui sancta mysterii, et pariter nobis expiationem tribuat et munimen
[TIT: MENSE IULIO. XVIII. INCIPIUNT ORATIONES ET PRAECES DIURNAE. VII. ITEM ALIA]
{N: 454}
Auxiliare, domine, plebi tuae, et toto tibi corde subiectae presta conuersationis effectum: quia bonis omnibus hanc replebis, si tibi placere perfeceris
[TIT: MENSE IULIO. XVIII. INCIPIUNT ORATIONES ET PRAECES DIURNAE. VII. ITEM ALIA]
{N: 455}
Ab omnibus nos, quaesumus, domine, peccatis propitiatus absolue, et eos qui nos inpugnare nituntur expugna
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIII. ITEM ALIA]
{N: 456}
Conprime, domine, quaesumus, deus, iniqua loquentium, et eos qui nos muliuntur insimulare confuta
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIII. ITEM ALIA]
{N: 457}
Quaesumus, domine deus noster, ut per haec caelestis uitae commercia, declinantes laquaeos falsitatum, ad ueritatem tuam concessae nobis diuinitus uiae tramite dirigamur
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIII. ITEM ALIA]
{N: 458}
Uere dignum: qui famulos tuos informare dignaris, ut non tam nos exagitet inepta laceratio superuorum, quam potius moueat miseratio lacerantum. Quoniam, sicut nos conuenit praecauere ne ueraciter inpetamur, sic eorum qui a ueritate sunt deuii flere debemus interitum, quaesumus: uel illis correctionem suppliciter exorando subuenire possimus, uel nobis fructum pietatis adquirere
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIII. ITEM ALIA]
{N: 459}
Quos reficisti, domine, caelesti mysterio, propriis alienisque propitius absolue delictis; ut diuino munere purificatis mentibus perfruamur
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIII. ITEM ALIA]
{N: 460}
Porrige dexteram, quaesumus, domine, plebi tuam misericordiam postulanti, per quam et terrores declinet humanos, et solacia uitae mortalis accipiat, et sempiterna gaudia conprehendat
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIII. ITEM ALIA]
{N: 461}
Libera nos, domine, quaesumus, a nostrorum debitis peccatorum, adque ut nos a malis omnibus propitiatus eripias, iniquitates nostras quibus iuste retribuuntur absolue
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIIII. ITEM ALIA]
{N: 462}
Contere, quaesumus, domine, hostes populi tui, et delicta nostra quorum merito nobis dominantur emunda; ut cum tibi placitam puritatem mentibus nostris infuderis, largiaris et pacem
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIIII. ITEM ALIA]
{N: 463}
Accipe, domine, quaesumus, sacrificium singulare, quod maiestati tuae semper et redditur et debetur
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIIII. ITEM ALIA]
{N: 464}
Sit nomini tuo, domine, hoc sacrificium cum exhibetur acceptum, ut efficiatur iugiter exigendum
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIIII. ITEM ALIA]
{N: 465}
Uere dignum: qui nos castigando sanas et refouendo benignus erudis, dum mauis saluos esse correptos quam perire neglectos
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIIII. ITEM ALIA]
{N: 466}
Supplices te rogamus, domine deus noster, ut qui percepimus caelestis mensae substantiam, ad uitam pertineamus aeternam
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIIII. ITEM ALIA]
{N: 467}
Tui sunt, domine, populi, qui ministerium nostrae uocis expectant. Quaesumus clementiam tuam, ut salutaria eius poscentibus, quidquid fiducia non habet depraecantis, gratia tua quae bonorum nostrorum non indiget largiatur
[TIT: MENSE IULIO. XVIII. INCIPIUNT ORATIONES ET PRAECES DIURNAE. VIIII. ITEM ALIA]
{N: 468}
Adesto, domine, supplicationibus nostris ¦:supplicibus tuis:¦ et sperantes in tua misericordia caelesti protege benignus auxilio
[TIT: MENSE IULIO. XVIII. INCIPIUNT ORATIONES ET PRAECES DIURNAE. X. ITEM ALIA]
{N: 469}
Respice, domine, quaesumus, pietatis tuae subsidium postulantes. Da indulgentiam reis, ut nobis subuenias propitiatus adflictis
[TIT: MENSE IULIO. XVIII. INCIPIUNT ORATIONES ET PRAECES DIURNAE. X. ITEM ALIA]
{N: 470}
Sanctificationem tuam nobis, domine, his mysteriis placatus operare, quae nos et a terrenis purget uitiis, et ad caelestia dona perducat
[TIT: MENSE IULIO. XVIII. INCIPIUNT ORATIONES ET PRAECES DIURNAE. X. ITEM ALIA]
{N: 471}
Uere dignum: qui nostras mentes expiando iustificas, et inmortalitatis efficis iustificando capaces
[TIT: MENSE IULIO. XVIII. INCIPIUNT ORATIONES ET PRAECES DIURNAE. X. ITEM ALIA]
{N: 472}
Repleamur, domine, gratia muneris sacri; et quae gustu corporeo dulci ueneratione contingimus, dulciora mentibus sentiamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. X. ITEM ALIA]
{N: 473}
Familiae tuae, domine, praeces miseratus intende, et toto tibi corde subiectum prosequere, sustenta, circumtege; ut quae te gubernatore confidit, et nullis inplicetur malis, et bonis omnibus expleatur
[TIT: MENSE IULIO. XVIII. INCIPIUNT ORATIONES ET PRAECES DIURNAE. X. ITEM ALIA]
{N: 474}
Omnipotens sempiterne deus, cuius uiae misericordia est semper et ueritas: presta, quaesumus, ut qui a tua clementia confouemur, crescamus etiam religionis aumentum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XI. ITEM ALIA]
{N: 475}
Da nobis, quaesumus, domine, tua digne tractare mysteria, ut et miserationibus tuis congrua respondeamus obsequia, et fiducialius speranda poscamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XI. ITEM ALIA]
{N: 476}
Uere dignum: pietatem tuam uotis omnibus expetentes, ut humanarum rerum prosperitate percepta, terrenis eatenus consolationibus gratulemur, ne gaudia quaerere superna cessemus; sed quidquid laetitiae temporalis inpenditur, eruditioni proficiat sempiternae
[TIT: MENSE IULIO. XVIII. INCIPIUNT ORATIONES ET PRAECES DIURNAE. XI. ITEM ALIA]
{N: 477}
Quaesumus, domine deus noster, quos sacramentis reficis, sustenta praesidiis; et quos beneficiis / temporalibus refobis, pasce diuinis ¦:perpetuis:¦
[TIT: MENSE IULIO. XVIII. INCIPIUNT ORATIONES ET PRAECES DIURNAE. XI. ITEM ALIA]
{N: 478}
Aeclesiam tuam, domine, perpeti miseratione prosequere, ut inter saeculi turbines constituta et praesenti iucunditate respiret, et aeternae beatitudinis percipiat claritatem
[TIT: MENSE IULIO. XVIII. INCIPIUNT ORATIONES ET PRAECES DIURNAE. XI. ITEM ALIA]
{N: 479}
Adesto, domine, supplicationibus nostris; et apostolicis intercessionibus confidentes, nec minis aduersantium, nec ullo perturbemur incursu
[TIT: MENSE IULIO. XVIII. INCIPIUNT ORATIONES ET PRAECES DIURNAE. XII. ITEM ALIA]
{N: 480}
Auxiliare, domine, temporibus nostris, ut tua nos ubique dextera protegente et religionis integritas, et Romani nominis securitas reparata consistat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XII. ITEM ALIA]
{N: 481}
Supplices quaesumus, domine, ut munus trepida seruitute propositum; non de nostris meritis aestimetur, sed quod a te institutum est, offerentium tua sanctificetur dignatione praesentum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XII. ITEM ALIA]
{N: 482}
Uere dignum: cuius nobis etiam ipsa medetur austeritas, dum peccandi cohercet affectum; dum ad supplicandum tibi mens humana fit promptior; dum gratior redit post aduersa tranquillitas, et inter haec probata fides eruditur ad praemium
[TIT: MENSE IULIO. XVIII. INCIPIUNT ORATIONES ET PRAECES DIURNAE. XII. ITEM ALIA]
{N: 483}
Libera nos ab omni malo propitiusque concede, quae nobis poscimus relaxari, ipsi quoque proximis remittamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XII. ITEM ALIA]
{N: 484}
Quaesumus, domine deus noster, ut quod nobis ad inmortalitatis pignus esse uoluisti, ad salutis aeternae tribuas prouenire suffragium
[TIT: MENSE IULIO. XVIII. INCIPIUNT ORATIONES ET PRAECES DIURNAE. XII. ITEM ALIA]
{N: 485}
Inclinantes se, domine, maiestati tuae propitiatus intende, ut qui diuino munere sunt refecti, caelestibus semper muniantur auxiliis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XII. ITEM ALIA]
{N: 486}
Da nobis, quaesumus, domine deus noster, in tua semper deuotione gaudere: quia perpetua est et plena felicitas, si bonorum omnium iugiter seruiamus auctori
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIII. ITEM ALIA]
{N: 487}
Quaesumus, omnipotens deus, ne ad dissimulationem tui cultus prospera nobis collata succedant, sed ad gratiarum actionem tibi propinsius exhibendam potius nos semper accendant
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIII. ITEM ALIA]
{N: 488}
Hostias tibi, domine, deferimus inmolandas, qui temporali consolatione significas, ut promissa non desperemus aeterna
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIII. ITEM ALIA]
{N: 489}
Uere dignum: quoniam sicut tua clementia non solum beneficia prestat inmeritis, sed affectum quoque nobis quo gratias referamus inspirat, ita nos conuenit laudes tuas, quia non possumus conpetenter explere, saltim sine cessatione depromere; ut quas numquam sufficienter exsoluimus, numquam reddere desinamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIII. ITEM ALIA]
{N: 490}
Obseruationis annuae celebritate gratulantes... ut eorum, quorum actionibus inheremus, plenis effectibus gaudeamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIII. ITEM ALIA]
{N: 491}
Aeclesia tua, domine, caelestis gratia repleatur et crescat, adque ab omnibus uitiis expiata percipiat sempiternae redemptionis aumentum; ut quod in membris suis copiosa temporum prorogatione ueneratur, spiritalium capiat largitate donorum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIII. ITEM ALIA]
{N: 492}
Omnipotens sempiterne deus, mentes nostras, quaesumus, ad opera tibi placitura conuerte; ut correptio tua non sit neglegentibus maior causa poenarum, sed fiat eruditio paterna correctis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIIII. ITEM ALIA]
{N: 493}
Deus, qui sacra legis omnia constituta in tua et proximi dilectione posuisti: da nobis horum propitius efficientiam mandatorum: quia inpossibile sibi nullus excusat, quod tanta breuitate concluditur, tanta aequitate percipitur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIIII. ITEM ALIA]
{N: 494}
Omnipotens sempiterne deus, qui offerenda tuo nomini tribuis, et oblata deuotioni nostrae seruitutis asscribis: quaesumus clementiam tuam, ut quod prestas unde sit meritum, proficere nobis largiaris ad praemium
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIIII. ITEM ALIA]
{N: 495}
Uere dignum: qui mutabilitatem nostram ad incommutabilia ita iustus et benignus erudis, ut nec fragilitatem destituas et coherceas insolentes: quo pariter instituti pia conuersatione et caelestibus sacramentis, sic bonis praetereuntibus nunc utimur, ut iam possimus inherere perpetuis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIIII. ITEM ALIA]
{N: 496}
Exaudi, deus, orationem nostram; et tua sancta, quae sumpsimus, non ad iudicium nobis prouenire patiaris, sed ad remedium propitiationis inmensae
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIIII. ITEM ALIA]
{N: 497}
Placidus aspice, domine, plebem tuam, et quam donis tui facis esse consortem, a malis omnibus corporis et mentis emunda; ut noxia perturbatione cessante liberum tibi semper exhibeat famulatum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XIIII. ITEM ALIA]
{N: 498}
Concede nobis, domine, quaesumus, gratiam tuam per quam boni esse possimus, et presta [quaesumus], ut eandem studiis conpetentibus exsequamur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XV. ITEM ALIA]
{N: 499}
Deus, quem iniustitia nostra incessanter offendit: da nobis recte conuersationis effectum, / per quem consequamur et ueniam
[TIT: MENSE IULIO. XVIII. INCIPIUNT ORATIONES ET PRAECES DIURNAE. XV. ITEM ALIA]
{N: 500}
Oblatio nos, domine, quaesumus, sacranda purificet, ac sui ministerio pariter et participatione dignos efficiat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XV. ITEM ALIA]
{N: 501}
Uere dignum: qui curam nostri ea ratione moderaris, ut prouentus exterior de internorum qualitate procedat. Nullis quippe forinsecus miseriis adfligemur, si uitia frenemus animorum; nec uisibili dedecori subiaceuit, qui foedis cupiditatibus obuiarit; nulla inquietudo praeualeuit extrinsecus, si agamus corde sincero; nullis subdemur hostibus, si pacem teneamus internam. Ita, sicut a nemine magis quam a nobis laedimur, sic noxia cuncta succumbent, si nosmet ipsos ante uincamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XV. ITEM ALIA]
{N: 502}
Tribuat nobis, domine, quaesumus, sanitatem mentis et corporis sacramenti tui medicina caelestis; ut huius operatione uegetati,tam praesentia quam aeterna subsidia capiamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XV. ITEM ALIA]
{N: 503}
Consequatur, domine, quaesumus, tuae benedictionis auxilium, quod supplex poscit aeclesia: percipiat indulgentiam, boni operis instruatur, temporalium necessitatum consolatione respiret, ad gaudia sempiterna perueniat et adsumat aeterna
[TIT: MENSE IULIO. XVIII. INCIPIUNT ORATIONES ET PRAECES DIURNAE. XV. ITEM ALIA]
{N: 504}
Adiuba nos, deus salutaris noster; et quibus supplicandi tibi prestas affectum, tribue tuae propitiationis effectum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVI. ITEM ALIA]
{N: 505}
Mysteria tua, domine, debitis seruitiis exsequentes supplices te rogamus, ut quod ad honorem tuae maiestatis offerimus, nobis proficiat ad salutem
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVI. ITEM ALIA]
{N: 506}
Uere dignum: cuius et propitiationis exordium principaliter inde sentimus, cum tuorum sensibus dignanter infundis totis tibi mentibus supplicare, nec humanis opibus, sed tua uirtute confidere; et indeficientem gratiam conprobamus, cum nos uel in hac deuotione tribues permanere, uel de perceptis beneficiis non in nobis, sed in tuo nomine gloriari
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVI. ITEM ALIA]
{N: 507}
Satiati munere salutari tuam, domine, misericordiam depraecamur, ut hoc eodem sacramento quo nos temporaliter uegetas, efficias perpetuae uitae participes
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVI. ITEM ALIA]
{N: 508}
Auxiliare, domine, famulis tuis, et in tua pietate fidentibus iugiter esto propitius; ut et praesentia pericula te protegente declinent, et futura gaudia te largiente percipiant
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVI. ITEM ALIA]
{N: 509}
Parce, domine, parce populo tuo, ut dignis flagellationibus castigatus in tua miseratione respiret
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVII. ITEM ALIA]
{N: 510}
Exaudi, domine, plebem tuam, et quod non habent merita supplicantum, tua nos semper gratia praeueniens largiatur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVII. ITEM ALIA]
{N: 511}
Altaribus tuis, domine, munera nostrae seruitutis inferimus, quae placatus accipiens, et acceptum tibi nostrum, quaesumus, famulatum, et sacramentum nostrae redemptionis efficias
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVII. ITEM ALIA]
{N: 512}
Uere dignum: a tua enim numquam est laude cessandum; quia et inter angustias necessarium prestat auxilium, et in prosperitate gratiarum tibi referens actionem, quanto nos memores facit esse beneficii, tanto nobis tua magis dona conciliat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVII. ITEM ALIA]
{N: 513}
Quaesumus, domine deus noster, ut quos diuina tribues participatione gaudere, humanis non sinas subiacere periculis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVII. ITEM ALIA]
{N: 514}
Omnipotens sempiterne deus, populi fidelis institutor et rector, in familia sacramento tui nominis adquisita gratiae tuae dona custodi: ut bona, quae te auctore percipit, te protegente seruentur ¦: aliter te largiente copiosius augeantur :¦
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVII. ITEM ALIA]
{N: 515}
Omnipotens sempiterne deus, da nobis uoluntatem tuam fideli mente retinere, et pia conuersatione depromere; ut aeclesia tua a profanis uanitatibus expiata non aliud profiteatur uerbis, aliud exerceat actione
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIII. ITEM ALIA]
{N: 516}
Exaudi nos, domine deus noster, et a prauitatibus mundi tuorum discerne corda fidelium; ut qui dominum sua uoce pro nuntiant, in diabolicam non reccidant seruitutem
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIII. ITEM ALIA]
{N: 517}
Ut tibi grata sint, domine, munera populi tui, ab omni, quaesumus, eum contagio peruersitatis emunda; nec falsis gaudiis inherere patiaris, quos ad ueritatis tuae praemia uenire promittis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIII. ITEM ALIA]
{N: 518}
Uere dignum: qui aeclesiam tuam a diabolica simulatione uis esse purgatam; adque ut a fictis sincera discernas, ex operum qualitate fructus intellegi praecipis uoluntatum; ad te pertinere non reputans, quos uel dissimulare quae tua sunt, uel his contraria perspexeris operari. Unde benedicimus te, dormine, teque debita seruitute laudamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIII. ITEM ALIA]
{N: 519}
Adesto nobis, omnipotens et misericors deus, et... sacramenta quae sumpsimus, nec nostris excessibus, nec alienis nos permittas uiolari peccatis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIII. ITEM ALIA]
{N: 520}
Gregem tuum, domine, pastor bone, placatus intende, et oues, quas praetioso sanguine redimisti, diabolica non sinas incursione lacerari
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIII. ITEM ALIA]
{N: 521}
Suscipe, quaesumus, domine, praeces nostras, et clamantium ad te pia uota propitius intuere
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIIII. ITEM ALIA]
{N: 522}
Exaudi, domine, quaesumus, gemitum populi tui, nec plus aput te ualeat offensio delinquentum, quam miseratio tua semper indulta fletibus supplicantum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIIII. ITEM ALIA]
{N: 523}
Sacrificium tibi, domine, celebrandum placatus intende; quod et nos a uitiis nostrae condicionis emundet, et tuo nomini reddat acceptos
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIIII. ITEM ALIA]
{N: 524}
Uere dignum: qui ideo differs uota poscentium, ut in ipsa quoque depraecationis diuturnitate proficiant; et tardius postulata prestando fidelium tuorum mentibus prestare cognosceris deuotionis aumentum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIIII. ITEM ALIA]
{N: 525}
Maiestatem tuam, domine, supplices depraecamur, ut sicut nos corporis et sanguinis sacrosancti pascis alimento, ita diuinae naturae facias esse consortes
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIIII. ITEM ALIA]
{N: 526}
Caelestibus, domine, quaesumus, praesidiis muniantur, qui in tua protectione confidunt, ut te solo praesule gloriantes tuo semper foueantur auxilio
[TIT: MENSE IULIO. XVIII. INCIPIUNT ORATIONES ET PRAECES DIURNAE. XVIIII. ITEM ALIA]
{N: 527}
Exaudi, domine, praeces nostras, et celeri nos propitiatione laetifica
[TIT: MENSE IULIO. XVIII. INCIPIUNT ORATIONES ET PRAECES DIURNAE. XX. ITEM ALIA]
{N: 528}
Intende, domine, quaesumus, supplices nos, et pariter nobis indulgentiam tribue benignus et gaudium
[TIT: MENSE IULIO. XVIII. INCIPIUNT ORATIONES ET PRAECES DIURNAE. XX. ITEM ALIA]
{N: 529}
Hostias, domine, suscipe placatus oblatas, quas sanctificando nobis, quaesumus, efficias salutares
[TIT: MENSE IULIO. XVIII. INCIPIUNT ORATIONES ET PRAECES DIURNAE. XX. ITEM ALIA]
{N: 530}
Uere dignum: qui caelestibus disciplinis ex omni parte nos instruens, qualiter a fidelibus tuis falsos fratres discerneremus ostendis, unigeniti tua uoce pronuntias: ex fructibus eorum cognoscetis eos. De his sunt enim inflati sensu carnis suae, et non tenentes caput. De his sunt, qui terrena sapientes ideo depraecantium te uerba fastidunt, quia animales atque carnalis, quae sunt spiritus dei, stulta mente non capiunt. De his sunt reprobi circa fidem, quam, nescientes quae loquantur neque de quibus adfirment, sepe subuertere conati sunt et conantur. De his sunt subdoli operarii, qui introeunt explorare aeclesiae libertatem quam habet in Christo, ut eam secum in turpem redigant seruitutem. De his sunt, qui penetrant domos, et captiuas ducunt mulierculas, honeratas peccatis, non solum uiduarum facultates, sed deuorantes etiam maritarum.
Isti iam nec iustos appetunt se uideri, nec saltim deforis sunt uel dealbati uel loti, sed palam pudore calcato de prauis conuersationibus suis etiam gloriantur, et domi forisque spurcitiam contrahentes, non tam referti sunt ossibus mortuorum, quam magis ipsi sunt mortui. Quibus euangelica sententia conuenienter exclamat: si lumen quod in te est tenebrae sunt, ipsae tenebrae quantae sunt ? Nam cum in his quae uidentur obscura sint et malae famae nigra dedecore, satis euidenter apparet haec eos in occulto gerere, quae etiam turpe sit dicere. Isti non solum ad tuam gratiam uenientes sui foeditate deterrent, sed etiam intrinsecus fratribus constitutis, pro quibus Christus est mortuus, offendiculum suae peruersitatis opponunt. Tales cauere nos iubes per apostolum tuum docens: separate uos ab omni fratre inordinate ambulantem. Et ea nos praecipis operari, quae uidentes cuncti uere fideles tui te caelestem patrem conlaudent adque magnificent, a quo rationabiles conscientiae bonaeque famae donum omne perfectum optimumque descendit
[TIT: MENSE IULIO. XVIII. INCIPIUNT ORATIONES ET PRAECES DIURNAE. XX. ITEM ALIA]
{N: 531}
Quod ore sumpsimus, domine, quaesumus, mente capiamus, et de munere temporali fiat nobis remedium sempiternum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XX. ITEM ALIA]
{N: 532}
Famulos et famulas, domine, quaesumus, intuere, quibus in te sperare donasti; ac pariter eis et quae tibi placeant postolare, et potius postulata concede
[TIT: MENSE IULIO. XVIII. INCIPIUNT ORATIONES ET PRAECES DIURNAE. XX. ITEM ALIA]
{N: 533}
Concede nobis, domine, ueniam delictorum, et eos qui nos inpugnare moliuntur expugna: quia sub tuo munimine constitutis nulla diaboli noceuit obreptio
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXI. ITEM ALIA]
{N: 534}
Protector in te sperantium deus, exaudi praeces nostras et miserere nostri; ut corpore et mente uegetati tuis semper inhereamus officiis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXI. ITEM ALIA]
{N: 535}
Supplices te rogamus, deus, ut munera quae deferimus, et deuotionis gratiam nobis conferant et salutem
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXI. ITEM ALIA]
{N: 536}
Uere dignum: quia aeclesiae tuae filios sicut erudire non cessas, ita non desines adiuuare, ut recte facienda cognoscant, et possibilitatem capiant exsequendi
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXI. ITEM ALIA]
{N: 537}
Sumentes dona caelestia gratias tibi referimus, sancte pater, omnipotens aeterne deus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXI. ITEM ALIA]
{N: 538}
Protege, domine, fideles tuos, et quos spiritali ciuo uiuificare dignatus es, perpetua salutatione comitare
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXI. ITEM ALIA]
{N: 539}
Auge fidem tuam, domine, quaesumus, miseratus in nobis: quia pietatis tuae subsidia non negabis, quibus in te credendi contuleris firmitatem
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXII. ITEM ALIA]
{N: 540}
Da nobis, domine, quaesumus, in te tota mente confidere: quoniam sicut superbis in sua uirtute praesumentibus semper obsistis, ita non deseris in tua misericordia gloriantes
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXII. ITEM ALIA]
{N: 541}
Munera, domine, quaesumus offerentes, ut et ab omnibus mundare peccatis, et a cunctis nos protegere digneris aduersis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXII. ITEM ALIA]
{N: 542}
Uere dignum: quia, cum omne opus bonum a te incoari constet et perfici... hanc ipsam, quam nobis tribues perseuerantiam supplicandi, certi sumus inpetrare nos posse quae poscimus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXII. ITEM ALIA]
{N: 543}
Tribue nobis, domine, caelestis mensae uirtute satiatis et desiderare quae recta sunt, et desiderata percipere
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXII. ITEM ALIA]
{N: 544}
Tu esto, quaesumus, domine, populi tui munimen et custus, tu uitae praesentis sustentator et rector, tu conlator aeternae
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXII. ITEM ALIA]
{N: 545}
Tuere, domine, quaesumus, famulos tuos, ut a peccatis omnibus abstinentes prompta tibi uoluntate famulemur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXIII. ITEM ALIA]
{N: 546}
Grata tibi sit, quaesumus, domine, tuae plebis oblatio, per quam et sanctificationem referat, et quae piae praecatur obtineat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXIII. ITEM ALIA]
{N: 547}
Uere dignum: qui fragilitatem nostram miseratus intendens, et mentem nobis tribues depraecandi, et tua supplicibus dona largiris
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXIII. ITEM ALIA]
{N: 548}
Adesto nobis, domine deus noster, et quos tuis mysteriis recreasti, perpetuis defende praesidiis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXIII. ITEM ALIA]
{N: 549}
Familiam tuam, domine, benignus inlustra, et benedictionis tuae largitate confirma; ut te in omnibus ducem, te mereatur habere custodem
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXIII. ITEM ALIA]
{N: 550}
Omnipotens et misericors deus, ad cuius beatitudinem sempiternam non fragilitate carnis, sed alacritate mentis ascenditur: fac nos atria supernae ciuitatis et te inspirante semper ambire, et tua indulgentia fidenter intrare
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXIIII. ITEM ALIA]
{N: 551}
Deus, qui, cum muneribus nullis indigeas, ipse nobis munera concta largiris: accipe propitius, quae de tuis donis tibi nos offerre uoluisti; non solum nostrae reputans deuotioni quae tua sunt, sed etiam per haec nos ad caelestia regna perducens
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXIIII. ITEM ALIA]
{N: 552}
Gratias tibi, domine, laudesque persoluimus, qui nos corporis et sanguinis dilectissimi filii tui domini nostri communione uegetasti; misericordiam tuam suppliciter exorantes, ut hoc tuum, domine, sacramentum non sit nobis reatus ad poenam, sed fiat intercessio salutaris ad ueniam
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXIIII. ITEM ALIA]
{N: 553}
Protege, quaesumus, domine, Romani nominis ubique rectores; ut his tua uirtute uincentibus pax populi tui secura proueniat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXV. ITEM ALIA]
{N: 554}
Praetende nobis, domine, misericordiam tuam, ut quae uotis expetimus, conuersatione tibi placita consequamur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXV. ITEM ALIA]
{N: 555}
Exaudi, domine, praeces nostras ut redemptionis nostrae sacrosancta commercia et uitae nobis conferant praesentis auxilium, et gaudia sempiterna concilient
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXV. ITEM ALIA]
{N: 556}
Sacramentorum tuorum benedictione satiati quaesumus, domine, ut per haec semper emundemur a uitiis, et periculis exuamur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXV. ITEM ALIA]
{N: 557}
Adesto, quaesumus, domine, plebi tuae, ut quae sumpsere fideliter et mente sibi et corpore te protegente custodiant
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXV. ITEM ALIA]
{N: 558}
Exaudi, domine, praeces nostras, et ut tuis nos muneribus iugiter prosequaris, maiestati tuae fac semper deuotos
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVI. ITEM ALIA]
{N: 559}
Omnipotens sempiterne deus, qui nos donis tuis praeuenis dignanter inmeritos: da, ut tibi gratias referentes efficiamur et meriti
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVI. ITEM ALIA]
{N: 560}
Offerimus tibi, domine, munera quae dedisti, ut et creationis tuae circa mortalitatem nostram testificentur auxilium, et remedium nobis inmortalitatis operentur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVI. ITEM ALIA]
{N: 561}
Uere dignum: quia, cum nostra laude non egeas, grata tibi tamen est tuorum deuotio famulorum; nec te augent nostra praeconia, sed nobis proficiunt ad salutem. Quoniam sicut fontem uitae praeterire causa moriendi est, sic eodem iugiter redundare effectus est sine fine uiuendi
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVI. ITEM ALIA]
{N: 562}
Libantes, domine, dona caelestia praesidium nobis inesse gaudemus et inter ista quae transeunt, et eorum quae mansura confidimus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVI. ITEM ALIA]
{N: 563}
Protege, domine, famulos tuos, subsidiis pasce corporeis, et spiri talibus enutriens alimentis a cunctis hostibus redde securos
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVI. ITEM ALIA]
{N: 564}
Conuerte nos, domine, tuae propitiationis auxilio; ut castigatio peccatoribus conuenienter adhibita fiat correctio salutaris
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVII. ITEM ALIA]
{N: 565}
Respice, quaesumus, domine, praeces nostras, et his muneribus praesentiam tuae maiestatis intersere; ut quod nostro seruitio geritur, te potius operante formetur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVII. ITEM ALIA]
{N: 566}
Uere dignum: cuius propitiationem in hac primum parte sentimus, cum ea, quae tibi sunt placita et nobis salutaria, desideramus adpetere. Dum enim sine te nihil recti uelle possimus aut agere aut perficere, indubitanter est gratiae, quidquid conuenienter operamur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVII. ITEM ALIA]
{N: 567}
Caelestia dona capientibus, quaesumus, domine, non ad iudicium prouenire patiaris, quod fidelibus tuis ad remedium prouidisti
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVII. ITEM ALIA]
{N: 568}
Adesto, domine, populis, qui sacra donaria contigerunt; ut nullis periculis adfligantur, qui te protectore confidunt
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVII. ITEM ALIA]
{N: 569}
Magnificentiam tuam, domine, praedicamus suppliciter inplorantes, ut qui nos inminentibus periculis exuisti, a peccatis quoque benignus absoluas; ut beneficia nobis maiora concedas, et tuis nos facias parere mandatis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVIII. ITEM ALIA]
{N: 570}
Munera nomini tuo, domine, cum gratiarum actione deferimus, qui nos ab infestis hostibus liberatos paschale sacramentum secura ¦:placida:¦ tribuisti mente suscipere
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVIII. ITEM ALIA]
{N: 571}
Uere dignum: maiestatem tuam totis sensibus depraecantes, ut sic uitia nostra depellas, sicut quorum ferales extingues inimicos; nec captiuitatem, quam extrinsecus summouisti, sustinere nos patiaris internam. Sed ut noxia quaeque discutias et prospera iugiter largiaris, semper nos et quae praua sunt declinare perficias, et amare quae iusta sunt
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVIII. ITEM ALIA]
{N: 572}
Laudes tuas, domine, non tacemus: quia nos a malis quae merebamur expediens, bona tua prestas celebrare laetantes
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVIII. ITEM ALIA]
{N: 573}
Da, quaesumus, domine, fidelibus tuis in sacra semper actione persistere; ut qui tua miseratione sunt digni, fiant pietatis officii digniores
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVIII. ITEM ALIA]
{N: 574}
Omnipotens et misericors deus, de cuius munere uenit, ut tibi a fidelibus tuis dignae et laudabiliter seruiatur: tribue, ut ad promissiones tuas sine offensione curramus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVIIII. ITEM ALIA]
{N: 575}
Suscipe, quaesumus, domine, munera, quae de tuis offerimus collata beneficiis; et quod nostrae deuotioni concedis effici temporalis, tuae nobis fiat praemium redemptionis aeternae
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXVIIII. ITEM ALIA]
{N: 576}
Ne despicias, domine, quaesumus, in adflictione clamantes, sed laborantibus celeri succure placatus auxilio
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXX. ITEM ALIA]
{N: 577}
Respice nos, omnipotens et misericors deus, et ab omnibus tribulationibus propitiatus absolue
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXX. ITEM ALIA]
{N: 578}
Mitte, domine, quaesumus, spiritum sanctum, qui et haec munera praesentia nostra tuum nobis efficiat sacramentum, et ad hoc percipiendum nostra corda purificet:
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXX. ITEM ALIA]
{N: 579}
Uere dignum: quia te sine cessatione praedicantibus nec aduersa praeualent, nec prospera negabuntur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXX. ITEM ALIA]
{N: 580}
Sit nobis, domine, reparatio mentis et corporis caeleste mysterium, et cuius exequimur actionem, sentiamus effectum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXX. ITEM ALIA]
{N: 581}
Plebs tua, domine, quaesumus, benedictionis sancte munus accipiat, per quod et noxia quaeque declinet, et optata repperiat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXX. ITEM ALIA]
{N: 582}
Omnipotens sempiterne deus, qui nos et castigando sanas et ignoscendo conseruas: presta supplicibus tuis, ut et tranquillitatis optatae consolatione laetemur, et ad correctionis effectum donum tuae pacis utamur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA]
{N: 583}
Praeces nostras, domine, propitiatus admitte, et a terrenis effice contagiis expiatos, quos caelestibus tribues seruire mysteriis:
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA]
{N: 584}
Uere dignum: per quem nos eruis a peccatis, a periculis exuis, et ad gaudia sempiterna perduces
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA]
{N: 585}
Quaesumus, domine deus noster, ut mensae tuae sancta libantes, non ad iudicium nobis, sed ad praesidium sempiternum caelestia dona sumamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA]
{N: 586}
Respice, domine, propitius populum tuum, adque ad tuam misericordiam pertinentes et temporalibus ¦:praesentibus:¦ sustenta beneficiis et ¦:futuris:¦ aeternis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA]
{N: 587}
Deus, qui diem discernis et noctem, actos nostros a tenebrarum distingue caligine; ut semper quae sancta sunt meditantes, in tua iugiter luce uiuamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA. ORATIONES MATUTINAS UEL AD UESPERUM]
{N: 588}
Annue, domine, praecibus nostris, et tuis seruitiis inherentes peruigili protectione custodi
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA. ORATIONES MATUTINAS UEL AD UESPERUM]
{N: 589}
Domine deus noster, diurno labore fatigatos soporis quiete nos refoue; ut adiuti necessario fragilitatis auxilio, et corpore tibi simus et mente deuoti
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA. ORATIONES MATUTINAS UEL AD UESPERUM]
{N: 590}
Propitiare, domine, quaerentibus misericordiam tuam, et statum Romani nominis ubique defende, ¦: aliter et Romani nominis ubique protege principatum:¦, ut pax salusque perpetua tuorum possit uigere populorum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA. ORATIONES MATUTINAS UEL AD UESPERUM]
{N: 591}
Quaesumus, domine deus noster, diei molestias noctis quiete sustenta; ut necessaria temporum uicissitudine succedente nostra reficiatur infirmitas
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA. ITEM AD UESPERUM]
{N: 592}
Exaudi nos, omnipotens sempiterne deus, et ne sine terminis operum fragilitas humana deficiat, ipsa mutabilium rerum uarietate nos refoue
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA. ITEM AD UESPERUM]
{N: 593}
Adesto, domine, praecibus nostris et die nocteque protege; ut quibusliuet alternationibus temporum tua semper incommutabilitate firmetur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXI. ITEM ALIA. ITEM AD UESPERUM]
{N: 594}
Respice propitius, domine, quaesumus, adflictionem populi tui: et ne ad perdendum peccata nostra praeualeant, sed ad saluandum nos tua potius misericordia copiosa praeuincat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXII. ITEM ALIA.]
{N: 595}
Propitius intuere munera, domine, quaesumus, quae tuis altaribus exhibemus; ut quod nostra fragilitate defertur, tua uirtute sacretur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXII. ITEM ALIA.]
{N: 596}
Sumpsimus, domine, sacri dona mysterii humiliter depraecantes, ut quae in tui commemorationem nos facere praecipisti, in nostrae proficiant infirmitatis auxilium
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXII. ITEM ALIA.]
{N: 597}
Rege, domine, quaesumus, tuorum corda fidelium; et ut bona tua te largiente percipiant, ipsorum primitus bonas esse concede ¦:aliter effice:¦ uoluntates
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXII. ITEM ALIA.]
{N: 598}
Omnipotens sempiterne deus, da nobis fidei spei et caritatis aumentum; et ut mereamur adsequi quod promittis, fac nos amare quod praecipis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIII. ITEM ALIA.]
{N: 599}
Deus, qui plenitudinem mandatorum in tua et proximi dilectione posuisti: hanc nobis gratiam largire propitius, ut quia in multis offendimus tua caritas abundet in nobis, per quam peccata mundantur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIII. ITEM ALIA.]
{N: 600}
Domine, sancte pater, omnipotens aeterne deus, oblationes familiae tuae propitiatus intende, ut haec piae deuotionis obsequia et rectores sanctificent et regendos
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIII. ITEM ALIA.]
{N: 601}
Deus, qui fidelium tuorum... ad ueram uis innocentiam peruenire, fac nos per indulgentiam tuam illius participes sanctitatis, quae nec sibi noxia, nec cuiquam inueniatur aduersa
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIII. ITEM ALIA.]
{N: 602}
Domine, sancte pater, omnipotens aeternae deus, da seruis tuis hunc caritatis affectum, ut bona pro malis reddere tuo incitentur exemplo, et de inimicis suis correctionem magis cupiant quam ultione gaudere
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIII. ITEM ALIA.]
{N: 603}
Propitiare, domine, supplicum uotis, et populi tui oblationibus praecibusque susceptis omnium nostrum ad te corda conuerte
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIII. ITEM ALIA.]
{N: 604}
Omnipotens sempiterne deus, Romanis auxiliare principibus, ut tua uirtute roboratis omnis hostilitas nec uiribus possit praeualere nec fraude
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIIII. INCIPIUNT PRAECES DIURNAE CUM SENSIBUS NECESSARIIS.]
{N: 605}
Nostris, quaesumus, domine, propitiare temporibus; ut tuo munere dirigantur et Romana securitas et deuotio christiana:
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIIII. INCIPIUNT PRAECES DIURNAE CUM SENSIBUS NECESSARIIS.]
{N: 606}
Supplices, domine, depraecamur, ut per haec dona sacrificii singularis et abolitio peccatorum, et tua nobis sanctificatio praeueatur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIIII. INCIPIUNT PRAECES DIURNAE CUM SENSIBUS NECESSARIIS.]
{N: 607}
Uere dignum: qui ineffabilibus modis hostes nostros etiam in tuam pateris contumeliam prosilire; ut quia nos de eorum seuitia uindicari pro nostris actibus non meremur, dum ad ultionem tuae rediguntur iniuriae, nobis licet inprobis consolatur; te pariter ad monente, cum peccatoribus ista prestentur, quanta possis ministrare correctis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIIII. INCIPIUNT PRAECES DIURNAE CUM SENSIBUS NECESSARIIS.]
{N: 608}
Tua nos, quaesumus, domine, miseratio gloriosa purificet, et dignos quibus sua beneficia prestet efficiat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIIII. INCIPIUNT PRAECES DIURNAE CUM SENSIBUS NECESSARIIS.]
{N: 609}
Fidelem populum, quaesumus, domine, potentiae tuae muniat inuicta defensio, sanctumque sibi caelesti dispensatione percipiat; ut pio tibi semper deuotus affectu, et ab infestis liberetur inimicis, et in tua iugiter gratia perseueret
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXIIII. INCIPIUNT PRAECES DIURNAE CUM SENSIBUS NECESSARIIS.]
{N: 610}
Supplicandi tibi, quaesumus, domine, da nobis sine cessatione constantiam; ut quos non deseris in tribulatione subiectos, cupiosius foueas maiestatem tuam iugiter exorantes
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 611}
Presta, quaesumus, domine, ut hac oblatione mundati sumamus et depraecandi fiduciam, et gratiam quae iusta ¦:bona:¦ sunt inpetrandi
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 612}
Uere dignum: tantoque propensius agere, quod pro nostro mudulo nitimur operari, quanto ieiuniis et orationibus expiemur, consequi nos posse, quae poscimus; praesertim dum prestitorum testificatio spem tribuat petendorum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 613}
Domine deus noster, qui salutaria et praeuidis solus et tribuis: tu, quaesumus, et mentibus nostris largire semper effectum tuam misericordiam postulandi, et quae nobis sint utilia placatus inpende
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 614}
Exaudiat uos dominus deus noster, et pro sua quemque necessitate clamantem benignus aspiciat; solacia propitius administret, quae humana poscit infirmitas; peccata, quae aduersantur, auertat; pariterque corporibus uestris et mentibus semper profutura concedat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 615}
Domine deus noster, quaesumus, concede propitius, ut aeclesia tua iugiter et religione crescat et pace
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVI. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 616}
Conciliet nobis misericordiam tuam, domine, munus oblatum, nostraeque simul protectioni proficiat et saluti
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVI. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 617}
Uere dignum: qui non solum peccantibus nobis ueniam tribues, sed hostibus nostris potenter obsistis, et quos perpeti malis operibus promeremur, magnifica pietate depelles; ut nos ad tuae reuerentiae cultum et terrore cogas et amore perducas
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVI. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 618}
Tantis, domine, repleti muneribus, ut salutaria semper dona capiamus, presta, quaesumus, ut a tua numquam laude cessemus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVI. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 619}
Porrige, quaesumus, dexteram, domine, populo depraecanti; et cui tribuis supplicandi benignus affectum, praebe placatus auxilium; ut te ductore confidens, et mala cuncta declinet, et omnia quae bona sunt adpraehendat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVI. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 620}
Omnipotens sempiterne deus, aeclesiae tuae concede propitius, ut mortiferis ¦:sacrilegis:¦ oblectationibus amputatis, aeternitatis tuae potius delectatione laetentur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 621}
Auxiliare nobis, misericors deus, ut et cunctos hostes expugnare possimus, presta, quaesumus, ut nostros uincamus errores
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 622}
Repelle, domine, quaesumus, a nobis sacrilegas uoluntates, et tribue, ut diuina ¦:aliter beata:¦ mysteria castis iucunditatibus celebremus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 623}
Uere dignum: suppliciter exorantes, ut omnis a nostro discedat corde profanitas, et quod professione respuimus, actione uitemus: quia nimis est exsecrandum, ut cum uanae superstitionis ipsos quoque remoueris sectatores, a fidelibus tuis diabolica figmenta tractentur. Qui hoc ipso praui spiritus non dubium est, quo factis probantur et dictis, labem moribus inrogare, dum scilicet uel aguntur crimina uel canuntur. Promptiusque debemus, omni ritu pestifere uetustatis abolito, caelestis uitae nouitate gaudere: quia tunc propitiatio superna non deerit, si cunctis abominationibus abdicatis, ad uerae diuinitatis salutaria mandata currentes, laudes eius sancta uoce cantemus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 624}
Laetificet nos, quaesumus, domine, sacramenti ueneranda sollemnitas, pariterque mentes nostras et corpora et spiritali sanctificatione fecundet, et castis gaudiis semper exerceant
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 625}
Purifica, domine, quaesumus, familiam tuam, et ab omnibus contagiis prauitatis emunda; tuis donis exultent, te semper et ubique conlaudent: ut redempta uasa sui domini passione non spiritus inmundi rursus inficiant, sed salutatio sempiterna possideat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 626}
Omnipotens sempiterne deus, ab hostium nos defende formidine, ut omni perturbatione summota liberis tibi mentibus seruiamus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 627}
Presta, quaesumus, domine deus noster, ut et inter quaslibet angustias constituti non desinamus tuo nomini supplicare, et cum propitiatio caelestis inpenditur, a tua numquam laude cessemus
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 628}
Placatio tua nobis, domine, sit propinqua, quam etsi nostris operibus non meremur, interueniente sacrificio singulari tua percipiamus miseratione praeuenti
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 629}
Uere dignum: tu enim nos per euangelicae relationis exemplum, quod meritis non ualemus, ianuam misericordiae tuae pulsando diutius inpetrare posse docuisti; adque ideo supplices te rogamus, ut et perseuerantiam nobis tribuas depraecandi, et pium pandas tuae propitiationis auditum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 630}
Sentiamus, domine, quaesumus, tui perceptione sacramenti subsidium mentis et corporis; ut in utroque saluati de caelestis remedii plenitudine gloriemur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 631}
Effunde, quaesumus, domine, spiritum gratiae super familiam tuam, et ab ea quidquid diabolicae fraudis inrepit, quidquid terrenae labis incurrit expelle; ut interius exteriusque mundata et puram tibi deuotionem semper exhibeat, et facilius possit adsequi, quod rationabiliter et conuenienter exposcit
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 632}
Annue, quaesumus, omnipotens deus, ut sacramentorum tuorum gesta recolentes, et temporali securitate releuemur, et erudiamur legalibus institutis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 633}
Da nobis, domine deus noster, ut et mundi cursus pacifico nobis tuo ordine dirigatur, et aeclesia tua tranquilla deuotione laetetur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 634}
Protege nos, domine, quaesumus, tuis mysteriis seruientes, ut diuinis rebus et corpore famulemur et mente
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 635}
Uere dignum: qui profutura tuis et facienda prouidis et facta dispensas, mirisque modis aeclesiae tuae gubernacula moderaris, ut exerceatur aduersis et prosperis subleuetur: ne uel inpugnatione memores subcumbat, uel securitate torpiscat, sed subdito tibi semper affectu, nec in tribulatione supplicare deficiat, nec inter gaudia gratias referre desistat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 636}
Repleti sumus, domine, muneribus tuis. Tribue, quaesumus, ut et eorum emundemur effectu et muniamur auxilio
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 637}
Adueniat, quaesumus, domine, misericordia sperata suppli cibus, et eisdem caelestis munificentia tribuatur, qua et recte poscenda cognoscant et postulata percipiant
[TIT: MENSE IULIO. XVIII. INCIPIUNT ORATIONES ET PRAECES DIURNAE. XXXVIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 638}
Presta nobis, domine, quaesumus, auxilium gratiae tuae; ut sine qua nihil boni possumus, eadem largiente dignae quae tua sunt et cogitatione ualeamus et facere
[TIT: MENSE IULIO. XVIII. INCIPIUNT ORATIONES ET PRAECES DIURNAE. XL. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 639}
Concede nobis, domine deus noster, ut celebraturi sanctorum non solum obseruantiam corporalem, sed quod est potius habeamus mentium puritatem
[TIT: MENSE IULIO. XVIII. INCIPIUNT ORATIONES ET PRAECES DIURNAE. XL. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 640}
Uere dignum: tua nobis enim munera conferri posse confidimus abundantiam deuotionis et pacis, ut et securitatem tribuat recte curata religio, et sacris sollemnitatibus famuletur concessa securitas ¦:tranquillitas:¦
[TIT: MENSE IULIO. XVIII. INCIPIUNT ORATIONES ET PRAECES DIURNAE. XL. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 641}
Tribue nobis, domine, quaesumus, ut mysterii salutaris et intellectu proficiamus et cultu
[TIT: MENSE IULIO. XVIII. INCIPIUNT ORATIONES ET PRAECES DIURNAE. XL. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 642}
Famulos et famulas tuas, domine, caelesti uisitatione circumda; mentibus eorum adque corporibus ros tuae benedictionis infunde; ut sacris sollemnitatibus conuenienter aptati, et sanctificationis gratiam referant, et quae piae praecantur obtineant
[TIT: MENSE IULIO. XVIII. INCIPIUNT ORATIONES ET PRAECES DIURNAE. XL. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 643}
Omnipotens sempiterne deus, tota nos ad te mente conuerte; ut qui talia dona prestas inmeritis, praeueas maiora deuotis
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 644}
Hostias tibi, domine, laudis offerimus, qui nos et praesentibus simul bonis cumulas et futuris
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 645}
Uere dignum: qui cum desidiosis et duris operariis semper adsint inmensa praesidia, quanta toto tibi corde subiectis conferre possis, ostendis; et dum haec largiris indignis, dignos fieri quibus meliora tribuantur hortaris
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 646}
Gratias tibi referimus, domine, qui nos a temporalibus facis respirare pressuris, ut ad gaudia sempiterna promoueas
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 647}
Perfice, domine, misericordias tuas populo supplicanti, quem tuorum largitate donorum et instantius gratiam postulare maio rem et fiducialius sperare concedes
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 648}
Respice, domine, quaesumus, adflictionem populi tui; et ab omnibus necessitatibus liberatum secura tribue tibi mente seruire
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 649}
Laetifica nos, domine, quaesumus, consolationibus tuis; et ut nobis dona caelestis gratiae largiaris, ueniam propitiatus inpende
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 650}
Deuotionem, quaesumus, domine, nostrae mentis informa, ut cum oblationibus hostiarum purum tibi pectus exhibeat
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 651}
Uere dignum: qui aeclesiam tuam et fouere beneficiis et non desinis exercere promissis; ut dum postulata concedes, confidentius facias speranda deposci: gratiarumque tibi actiones, etiam si iugiter offerantur, sine cessatione debeamus, cum et prestitorum praeconia non tacentur, et de prestandis necessariae supplicatur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 652}
Uiuificent nos , domine, tui munera sacramenti, ut diuina participatione semper mereamur augeri
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 653}
Famulos et famulas tuas, quaesumus, domine, propitius intuere; ut ea semper cupiant quae tibi placita, et ea semper quae sunt eis salubria consequantur
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 654}
Adesto, domine, plebi tuae, et in tua misericordia confidenti opem tuae propitiationis inpende
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 655}
Ad aures misericordiae tuae, domine, supplicum uota perueniant; et ut possimus inpetrare quae poscimus, fac nos semper tibi placita postulare
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 656}
Purifica nos, domine, hisdem quibus seruitium dependimus sacramentis, ut oblatio tibi nostra sacrificium pariter reddatur et actio
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 657}
Uere dignum: quia tu semper in nostra perficiens infirmitate uirtutem, aeclesiam tuam inter aduersa crescere tribuisti; ut cum putaretur oppressa, tunc potius exaltata praeualeret: dum simul et experientiam fidei declinarat adflictio, et per te superata uitae praesentis efficit gloriosam
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 658}
Caelestis uitae munere uegetati, quaesumus, domine, ut quod est nobis in praesenti uita mysterium, fiat aeternitatis auxilium
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 659}
Presta famulis tuis, domine, abundantiam protectionis et gratiae. Da salutem mentis et corporis. Da continuae prosperitatis aumenta; et tibi semper fac esse deuotos
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 660}
Omnipotens sempiterne deus, Romani nominis defende rectores, ut in tua dextera confidentes fiant cunctis hostibus fortiores
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 661}
Da, quaesumus, domine deus noster, gratiae tuae donis et iustificari nos semper et instrui, quos cottidianum tibi sacrificium praecipis exhibere
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 662}
Uere dignum: qui ideo praesentium rerum prospera plerumque suspendes, ne his retenti caelestia non quaeramus; et tunc eadem magis benignus inpendis, cum haec in tui nominis cultum transferimus promptiorem
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 663}
Maiestati tuae, domine, debitas laudes offerimus, qui nos et temporalibus subsidiis refouis et pacis aeternae
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 664}
Esto, quaesumus, domine, propitius plebi tuae, ut de die in diem quae tibi non placent respuentes, tuorum potius repleantur dilectionibus mandatorum; et mortalis uitae consolationibus gubernati proficiant ad inmortalitatis effectum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLIIII. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 665}
Custodi, domine, populum tuum, et ut eidem perpetuam misericordiam largiaris, tuo semper nomini fac deuotum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 666}
Auxiliare, domine, supplicibus tuis, ut opem tuae gratiae consequantur, qui in tua pietate confidunt
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 667}
Deus, qui mysteriorum tuorum dignanter operaris effectus praesta, quaesumus, ut sacris apta muneribus fiant nostra seruitia
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 668}
Uere dignum: qui humanum genus iusta sinceraque decernens societate constare, et ideo cuncta refutanda docuisti quae praepediunt aequitati, quia per haec turbatur tranquilla concordia iniustitiamque praecipis esse uitandum, ut unanimitas inoffensa permaneat; nobisque est magnopere festinandum, ut quae tibi non placent rennuentes, ea potius appetamus, quibus possimus habere placatum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 669}
Subsidium nostrae salutis accepto supplices, domine, te rogamus, ut quos tanti mysterii tribues esse consortes, eosdem dignos efficias
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 670}
Adesto, domine, propitius plebi tuae; et ut eam perpetua bonitate non deseras, piis operibus indesinenter exerce: quia omnia dona prestabis, quibus concesseris religionis aumentum
[TIT: MENSE IULIO. XVIII. INCIPIUNT ORATIONES ET PRAECES DIURNAE. XLV. INCIPIUNT PRAECES DIURNAE CUM SENSIBUS NECESSARIIS. ITEM ALIA]
{N: 671}
Omnipotens sempiterne deus, qui primitias martyrum in sancti leuitae Stefani sanguine dedicasti: tribue, quaesumus, ut pro nobis intercessor exsistat, qui pro suis etiam persecutoribus supplicauit
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI VIA APPIA]
{N: 672}
Offerimus hostias nomini tuo, domine, quantum de nostro merito trepidi, tantum de sanctorum suffragiis confidentes. Presta, quaesumus, ut nobis et ueniam conferant et salutem
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA]
{N: 673}
Uere dignum: tuae etenim, domine, uictoriae celebrantur tuorum praedicatur potentia triumphorum, quotiens sanctorum martyrum sollemnia recoluntur; quia tu in eis et fortitudinem dimicandi, et palmam fecisti florere iustitiae. Inter quos beatus leuita Stefanus gloriosus effulsit. Quem sancto spiritu redundante non solum operum qualitas indicabat, sed tantum etiam caelestis magnificabat gloriae claritudo, ut eam persequentium cernere non possit intuitus. Qui sic in ministrando strenuus et fidelis apparuit, ut eidem apostolicarum committeretur praerogatio sancta mensarum. Ita castitate pariter et largitate praecipuus, ut uiduarum curam misericors et pudicus expleret. Eatenus diuinis instructus eloquiis, ut palam concilia uinceret Iudaeorum. In tantum filii tui confessione flammatus, ut post eius crucem primus susciperet passionem. Ita regna caelestia mente iam penetrans, ut adhuc constitutus in terris, stantem a dextris uirtutis tuae ipsum, pro quo lapidabatur, intenderet; et caelo uim facens, quam nomine praeferebat meritis praeriperet iam coronam
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA]
{N: 674}
Laetamur, domine, tuorum celebritate sanctorum. Presta, quaesumus, ut quos ueneramur obsequio, adesse nobis sentiamus auxilio
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA]
{N: 675}
Da, quaesumus, domine, fidelibus tuis hunc caritatis affectum, ut sanctorum tuorum celebritate feruentes, nullis inplicentur erroribus, nullis aduersitatibus adfligantur; salutaribus proficiant institutis, qui talibus praesidiis adiuuantur
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA]
{N: 676}
Omnipotens sempiterne deus, qui sanctorum uirtute multiplici aeclesiae tuae sacrum corpus exornans, primitias martyrum gloriosi leuitae / Stefani sanguine dedicasti: da nobis diem natalis eius honore praecipuo celebrare: quia non diffidimus eum fidelibus tuis specialiter suffragari, qui dominicae caritatis 9 imitator etiam pro persecutoribus supplicauit
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. II. ITEM ALIA]
{N: 677}
Presta nobis, quaesumus, domine deus noster, ut sicut in tuo conspectu mors est praetiosa sanctorum, ita eius merita uenerantium accepta tibi reddatur oblatio:
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. II. ITEM ALIA]
{N: 678}
Uere dignum: quoniam non solum nobis tu per Iesum Christum dominum adoptionis tuae filiis contulisti, ut ille tristis aculeus saeuientis inferni, et qui eius acceperat potestatem diabolus calcaretur; morsque poenaliter contracta peccato, dum pro iustitia toleratur, transiret ad praemium; tantumque superabundantis gratiae tuae largitas emineret, ut non solum hoc in ipso nostrae redemptionis auctore, sed etiam in eum credentium confessione perciperet humana substantia, huiusque muneris uictoriaeque principium sanctus Stefanus noui testamenti leuita primus et martyr initiaret post domini passionem
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. II. ITEM ALIA]
{N: 679}
Propitius tribue, domine, ut hac oblatione mundemur, pro qua sancti tui inter supplicia dimicando ¦:confitendo:¦ sempiternam gloriam sunt adepti
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. III. ITEM ALIA]
{N: 680}
Uere dignum: tu enim nobis hanc festiuitatem beati sancti Stefani passione uenerabilem consecrasti; cui tantum gratia spiritus sanctus infundit, ut leuitici primus officii, pietatis operarius dispensatione mensarum, uiduarum gubernaculo castitatis exemplum, clarus uirtute signorum, uerbi tui potentia perfidiam destruens Iudaeorum, lapidantibus ueniam feruore caritatis inplorans, caelorum sibi patente secreto, a dextris uirtutis inmensae filium hominis cerneret constitutum, regnumque domini saluatoris nondum consummato certamine palam solus aspiceret, quod sanctis omnibus ostensum est post agonem
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. III. ITEM ALIA]
{N: 681}
Omnipotens sempiterne deus, qui primitias martyrum gloriosi leuitae Stefani sanguine dedicasti: da nobis diem natalis eius honore praecipuo celebrare: quia non diffidimus eum fidelibus tuis specialiter suffragari, qui dominicae caritatis imitator etiam pro persecutoribus supplicauit
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. IIII. ITEM ALIA]
{N: 682}
Donorum omnium, deus, auctor adque largitor, qui sanctorum uirtute multiplici aeclesiae tuae sacrum corpus exornas: da eum in ipsorum defendi praece membrorum, de quorum excellentia gloriatur
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. IIII. ITEM ALIA]
{N: 683}
Presta nobis, quaesumus, domine deus noster, ut sicut in conspectu tuo mors est praetiosa sanctorum, ita eius merita uenerantium accepta tibi reddatur oblatio
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. IIII. ITEM ALIA]
{N: 684}
Uere dignum: quoniam tu nobis non solum per Iesum Christum dominum contulisti, ut ille tristis aculeus euidentis inferni, et qui eius acceperat potestatem diabolus calcaretur; sed ut hoc etiam in eundem filium tuum credentium confessione perciperet humana substantia; huiusque muneris uictoriaeque principium sanctus Stefanus nobi testamenti leuita primus et martyr initiaret post domini passionem
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. IIII. ITEM ALIA]
{N: 685}
Propitius tribue, domine, quaesumus, ut hac oblatione mundemur, pro qua sancti tui inter supplicia demicantes sempiternam gloriam sunt adepti
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. V. ITEM ALIA]
{N: 686}
Uere dignum: tu enim nobis hanc festiuitatem beati Stefani passione sacrasti; cui tantam gratiam spiritus sanctus infudit, ut leuitici primus officii, pietatis operarius despensatione mensarum, uiduarum gubernaculo castitatis exemplum, clarus uirtute signorum, uerbi tui potentia Iudaicam destruens constanti uoce regnum perfidiam, lapidantibus ueniam Christi uerus sectator inplorans, caelorum sibi patente secreto, a dextris uirtutis inmensae filium cerneret hominis constitutum, praemiumque suum nondum consummato certamine palam solus aspiceret, quod sanctis omnibus ostenditur post agonem
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. V. ITEM ALIA]
{N: 687}
Offerendorum tibi munerum, deus, auctor et dator, presta, ut quod sanctis martyribus in persecutione contulisti claritatem, nobis fiat in deuotione praesidium
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VI. ITEM ALIA]
{N: 688}
Uere dignum: in die sollemnitatis hodiernae, qua sanctus Stefanus primitibus tuae fidei candidatus, ob hoc infidelium persecutione lapidatus est, ut confessionis sacrae lapis uiuus exsisteret; et quod insigni decoratis uocabulo praeferebat, inplerert corona martyrii
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VI. ITEM ALIA]
{N: 689}
Omnipotens sempiterne deus, qui in terrena substantia constitutos diuina tractare concedis: presta depraecantibus sanctis tuis, ut eadem consequamur conuersatione caelesti
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VI. ITEM ALIA]
{N: 690}
Conserua, quaesumus, domine, filiorum tuorum tibi subditam seruitutem; ut interuenientibus sanctis tua redemptione sint digni, tua semper gratia sint repleti
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VI. ITEM ALIA]
{N: 691}
Deus, qui nos unigeniti tui clementer incarnatione redimisti, da nobis patrocinia tuorum continuata sanctorum, quibus capere ualeamus salutaris mysterii portionem
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VII. ITEM ALIA]
{N: 692}
Presta, quaesumus, omnipotens deus, ut beatus Stefanus leuita magnifica, sicut ante alios imitator dominicae passionis et pietatis enituit, ita sit fragilitatis nostrae promptus adiutor
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VII. ITEM ALIA]
{N: 693}
Inter nostrae redemptionis miranda beneficia et sanctorum martyrum gloriosa sollemnia cum muneribus, domine, tuae laudis occurrimus, agentes gratias et de remedii largitate et de prouisione suffragii
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VII. ITEM ALIA]
{N: 694}
Uere dignum: beati Stefani leuitae simul et martyris natalicia recolentes; qui fidei, qui sacrae militiae, qui dispensationis et castitatis aegregiae, qui praedicationis mirabilisque constantiae, qui confessionis ac patientiae nobis exempla ueneranda proposuit; et ideo natituitatem filii tui merito prae ceteris passionis suae festiuitate subsequitur, cuius gloriae sempiternae primus martyr occurrit
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VII. ITEM ALIA]
{N: 695}
Hostias, domine, suppliciter immolamus, in sanctis nobis collata martyribus salutaris tui subsidia praedicantes
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VIII. ITEM ALIA]
{N: 696}
Uere dignum: tu es quippe mirabilis in sanctis tuis; et ideo licet in singulis, quae ad cultum diuinitatis aspiciunt, conpetens debeamus officium, in cunctis tamen te sine dubio praedicamus, quem in beatorum triumphis martyrum mirabilia cuncta pronuntiant
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VIII. ITEM ALIA]
{N: 697}
Gratias agimus, domine, multiplicatis circa nos miserationibus tuis, qui et filii tui natiuitate nos saluas, et martyrum beatorum de praecatione sustentas
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VIII. ITEM ALIA]
{N: 698}
Deus, generis institutor et reparator humani, presta, quaesumus, ut [et] plebs tua et sacramentis instructa salutaribus et fulta praesidiis, sic praesentia dona percipiat, ut capere mereatur aeterna
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VIII. ITEM ALIA]
{N: 699}
Da, quaesumus, omnipotens deus, ut sicut per cuncta mundi spatia martyrum tuorum facis uictorias propagari, sic te auxiliante nobis eorum sentiamus ubique praesentiam
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VIIII. ITEM ALIA]
{N: 700}
Grata tibi sint, domine, munera, quaesumus, deuotionis hodiernae, quam beati Stefani martyris tui commemoratio gloriosa depromit
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VIIII. ITEM ALIA]
{N: 701}
Uere dignum: hac festiuitate laetantes, quo dicata nomini tuo basilica beatus Stefanus martyr suo honore signauit, leuita uenerandus, castitatis exemplum, fidelis apostolicae dispensator alimoniae, noui testamenti inter contradicentes promptus adsertor, primus caelestis martyrii dedicator
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VIIII. ITEM ALIA]
{N: 702}
Et sacramentis tuis, domine, et gaudiis optatae celebritatis expleti quaesumus, eorum nobis praecibus dent medellam quorum recordationibus exhibentur
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VIIII. ITEM ALIA]
{N: 703}
Protegat, domine, quaesumus, populum tuum et participatio caelestis indulta conuiuii, et depraecatio collata iustorum
[TIT: MENSE AUGUSTO. XVIIII. IIII NONAS AUGUSTAS. NATALE SANCTI STEFANI IN CYMETERIO CALLISTI UIA APPIA. VIIII. ITEM ALIA]
{N: 704}
Deus omnium fortitudo sanctorum, qui illis ad hanc gloriam ueniendi copiosum munus gratiae contulisti: nostris, quaesumus, ueniam concede peccatis, ut eorum sollemnia digne celebrare possimus
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA.]
{N: 705}
Offerendorum tibi munerum auctor et dator, presta, ut hoc sacrificium singulare, quod sanctis tuis in passione contulit claritatem, nobis tribuat in deuotione praesidium
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA.]
{N: 706}
Uere dignum: quoniam inter innumeras toto mundo martyrum palmas, quibus orbis huius praecipue coronatus est ambitus, etiam hunc nobis uenerabilem diem beati Xysti sacerdotis et martyris tui sanguine consecrasti
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA.]
{N: 707}
Omnipotens sempiterne deus, qui sanctis tuis non solum credere in filium tuum, sed etiam pro eodem pati posse donasti: nostrae quoque fragilitati diuinum praetende subsidium, ut misericordiam sempiternam, pro qua illi felices animas exalarunt, nos saltim sincera confessione mereamur
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. II. ITEM ALIA]
{N: 708}
Magnificasti, domine, sanctos tuos suscepta passione pro Christo. Presta, quaesumus, ut nos etiam suppliciter celebrata purificet
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. II. ITEM ALIA]
{N: 709}
Uere dignum: natalem diem sancti martyris et sacerdotis tui Xysti deuita festiuitate recolentes, qui apostolici pontificatus dignus in sua aetate successor, et passione fortissimus imitator, persecutoris gladium intrepida ceruice suscepit; gaudens pro eo se capite truncari, a quo non possit abscidi
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. II. ITEM ALIA]
{N: 710}
Tribue, quaesumus, domine, sanctos tuos et iugiter orare pro nobis, et semper clementer audiri
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. III. ITEM ALIA]
{N: 711}
Sancta tua nobis, domine, quaesumus, interuenientibus qui tibi placuere proficiant ad salutem; nec reatus mortalitatis reddat indignos, quos tua redemptio prestat innocuos
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. III. ITEM ALIA]
{N: 712}
Uere dignum: in die festiuitatis hodiernae, qua beatus Xystus pariter sacerdos et martyr deuotum tibi sanguinem exultanter effudit: qui ad eandem gloriam promerendam doctrinae suae filios incitabat, et quos erudiebat ortatu, praeueniebat exemplo
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. III. ITEM ALIA]
{N: 713}
Da nobis, domine, fidei tuae miseratus aumentum; ut quae sanctos martyres tuos usque ad sanguinem retenta glorificat, nos etiam iustificet ueraciter hanc sequentes
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. III. ITEM ALIA]
{N: 714}
Adsint nobis, domine, patrocinia tibi grata sanctorum, et quae pro illorum sollemnitate deferimus, eorum commendet oratio
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. III. ITEM ALIA]
{N: 715}
Uere dignum: qui sancto martyri tuo Xysto ac praecipuo sacerdoti non solum propriae passionis triumphum, sed ut etiam subiectis sibi ministris aeclesiae proficerent contulisti. Gloriosum denique uirum nec inferior beatitudo discipuli, nec tardior est secuta uictoria
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. III. ITEM ALIA]
{N: 716}
Adesto, domine, supplicationibus nostris, et intercedentibus sanctis tuis ab hostium nos defende propitiatus incursu
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. IIII. ITEM ALIA]
{N: 717}
Suscipe, domine, munera passionibus tuorum dicata sanctorum, et quae illis inter persecutiones fortitudinem ministrarunt, nobis praeueant inter aduersa constantiam
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. IIII. ITEM ALIA]
{N: 718}
Uere dignum: qui sanctum Xystum sedis apostolicae sacerdotem hodierna die felici martyrio coronasti. Pro quibus operibus tuis adque muneribus multiplici gratiarum actione laetantes hostias tibi laudis offerimus
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. IIII. ITEM ALIA]
{N: 719}
Prodest quidem, domine, continuata censura peccantibus, sed temperetur, quaesumus, tuorum intercessione sanctorum; ut non deficiamus infirmi, sed per tuam gratiam possimus emendare correcti
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. IIII. ITEM ALIA]
{N: 720}
Defende, domine, plebem tuam in sola tuae misericordiae uenia confidentem; et interuenientibus sanctis tuis, quidquid eidem debetur pro castigatione delicti, transeat ad consolationis effectum
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. IIII. ITEM ALIA]
{N: 721}
Adesto, domine, martyrum depraecatione sanctorum, et quos pati pro tuo nomine tribuisti, fac tuis fidelibus suffragari
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. V. ITEM ALIA]
{N: 722}
Domine deus noster, tuis nos purifica sacramentis, et quorum nos tribues interesse mysteriis, concede remediis gaudere perpetuis
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. V. ITEM ALIA]
{N: 723}
Uere dignum: tibi enim festa sollemnitas agitur, tibi dies sacrata celebratur, qua sancti Xysti praesulis apostolici natalicia praelibantes, quibus in confessionem tui nominis uenerabilis eius sanguis effusus est, annua maiestati tuae uota persoluimus
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. V. ITEM ALIA]
{N: 724}
Refecti ciuo potuque caelesti, deus noster, te supplices exoramus, ut in quorum haec commemoratione percepimus, eorum muniamur et praecibus
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. V. ITEM ALIA]
{N: 725}
Praetende, domine, misericodiam tuam, et esto populi tui defensor et custus; ut sanctorum tuorum ueneranda sollemnia securo possint frequentare conuentu
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. V. ITEM ALIA]
{N: 726}
Fac nos, quaesumus, domine, sanctorum tuo rum semper festa sectari, quorum suffragiis protectionis tuae dona sentimus
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VI. ITEM ALIA]
{N: 727}
Concede, quaesumus, domine deus noster, ut per tua semper sacramenta uiuamus: quia protegere non desistis, quos tuis semper indulseris inherere mysteriis
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VI. ITEM ALIA]
{N: 728}
Uere dignum: adest enim nobis sancti sacerdotis et martyris tui Xysti desiderata festiuitas; quam annua recursione uenerantes hostias tibi laudis offerimus. Cum angelis
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VI. ITEM ALIA]
{N: 729}
Repleti sumus, domine, misericodia tua, et benedictione sanctorum et securitatis munere releuati
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VI. ITEM ALIA]
{N: 730}
Deus, qui nos ad sancti pontificis et martyris tui Xysti natalicia tribuisti peruenire laetantes: presta, quaesumus, ut sicut securis eadem mentibus, ita dignis celebremus officiis
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VII. ITEM ALIA]
{N: 731}
Accipe munera, domine, quae in eorum tibi sollemnitate defe rimus, quorum scimus patrocinia liberari
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VII. ITEM ALIA]
{N: 732}
Uere dignum: cognoscimus enim, domine, tuae pietatis effectus, quibus nos ideo gloriosi sacerdotis et martyris tui Xysti semper honoranda sollemnia nec inter praeteritas mundi tribulationes omittere uoluisti, et nunc reddita prestas libertate uenerari
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VII. ITEM ALIA]
{N: 733}
Magnificantes, domine, clementiam tuam, supplices exoramus, ut qui nos sanctorum tuorum frequentibus facis nataliciis interesse, perpetuis tribuas gaudere consortiis
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VII. IN NATALE SANCTORUMFELICISSIMI ET AGAPITI]
{N: 734}
Da nobis, omnipotens deus, in sanctorum tuorum te semper commemoratione laudare: quia refouere curabis, quos in honore tuo perseuerare concesseris
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VII. IN NATALE SANCTORUMFELICISSIMI ET AGAPITI]
{N: 735}
Accepta tibi sit, domine, sacratae plebis oblatio pro tuorum honore sanctorum, quorum se meritis percepisse de tribulatione cognoscit auxilium
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VII. IN NATALE SANCTORUMFELICISSIMI ET AGAPITI]
{N: 736}
Uere dignum: qui nos sanctorum Felicissimi et Agapiti festa semper optanda fecisti celebrare gaudentes; et qui dedisti fidem inter aduersa constantem, reddes beneficia ¦:munera:¦ libertatis
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VII. IN NATALE SANCTORUMFELICISSIMI ET AGAPITI]
{N: 737}
Presta, domine, quaesumus, ut quorum memoriam sacramenti participatione recolimus, fidem quoque proficiendo sectemur
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VII. IN NATALE SANCTORUMFELICISSIMI ET AGAPITI]
{N: 738}
Respice subditam tibi, domine, familiam tuam, et cuius exaudire praeces in merore dignatus es, actionem gratiarum propensius intuere
[TIT: MENSE AUGUSTO. XX. VIII IDUS AUGUSTAS. NATALE SANCTI XYSTI IN CYMETERIO CALLISTI ET FELICISSIMI ET AGAPITI IN CYMETERIO PRAETEXTATE UIA APPIA. VII. IN NATALE SANCTORUMFELICISSIMI ET AGAPITI]
{N: 739}
Deus, qui nos sanctorum martyrum munitione conseruas, da aeclesiam tuam dignae talium celebrantes sollemnia, et illos tibi iugiter supplicare pro nobis
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI]
{N: 740}
Uere dignum: praeuenientes natalem diem beati Laurenti, qui leuita simul martyrque uenerandus et proprio claruit gloriosus officio, et memoranda refulsit passione sublimis
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI]
{N: 741}
Sumpsimus, domine, pignus redemptionis aeternae. Sit nobis, quaesumusr interuenientibus sanctis tuis uitae praesentis auxilium pariter et futurae
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI]
{N: 742}
Adesto, domine, populo tuo, et quem sanctorum tuorum tribuis frequentationibus interesse, protectione perpetua fac securum
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI]
{N: 743}
Concede nobis, domine, gratiam tuam in beati Laurenti martyris celebritate multiplicem; ut de tanti agone certaminis discat populus christianus et firma solidari patientia, et pia exultare uictoria
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. II. ITEM ALIA]
{N: 744}
Pro beati Laurenti martyris passione ueneranda hostias tibi, domine, suppliciter immolamus eius oratione placituras, pro cuius meritis offeruntur
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. II. ITEM ALIA]
{N: 745}
Uere dignum: et tuam magnificentiam propensius exorare, qui nobis hunc diem sancti Laurenti martyrio tribuisti uenerandum: quem ita omni genere pietatis inbueras, ut idem tibi ara adque sacrificium, idem sacerdos esset et templum
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. II. ITEM ALIA]
{N: 746}
Satiasti, domine, familiam tuam muneribus sacris. Eius,quaesumus, semper interuentione nos refoue, cuius sollemnia celebramus
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. II. ITEM ALIA]
{N: 747}
Omnipotens sempiterne deus, aeclesiae tuae uotis propitiatus aspira; ut beati Laurenti martyris meritis adiubetur, cuius passione laetatur
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. II. ITEM ALIA]
{N: 748}
Magnificasti, domine, sanctos tuos suscepta passione pro Christo. Presta, quaesumus, ut etiam nos suppliciter celebrata purificet
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. III. ITEM ALIA]
{N: 749}
Uere dignum: quoniam tu es omnium sanctorum insuperabilis fortitudo, qui inter mundanae conuersationis aduersa praecipua nos beatorum martyrum glorificatione solaris, et ad sublimia exempla patientiae triumpho nos sancti Laurenti, quem hodie celebramus, accendis
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. III. ITEM ALIA]
{N: 750}
Repleti, domine, donis tuis in tuorum festiuitate sanctorum, presta, ut haec sancta mysteria, quae celebramus uotis, experiamur auxiliis
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. III. ITEM ALIA]
{N: 751}
Suscipe, quaesumus, domine, munera pro sanctorum tuorum commemoratione exultanter oblata; et quod illos fecit passione gloriosos, nos deuotione reddat innocuos
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. IIII. ITEM ALIA]
{N: 752}
Uere dignum: quoniam tuis donis adque muneribus beati Laurenti martyris passionem hodierna sollemnitate ueneramur, qui pro confessione Iesu Christi filii tui diuersa supplicia spiritu feruente suscipiens, subiectos ignes et crudeli ingenio persequentum mutata tormenta inmutabili uirtute superauit, ac fluentibus membris solida parte uictor mente permansit
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. IIII. ITEM ALIA]
{N: 753}
Excita, domine, in aeclesia tua spiritum, cui sanctus Laurentius leuita seruiuit; ut eodem nos replente studeamus amare quod amauit, et opere exercere quod docuit
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. IIII. ITEM ALIA]
{N: 754}
Accepta tibi sit, domine, nostrae seruitutis oblatio, et salutaris nobis beati Laurenti praecibus, pro cuius commemoratione defertur, existat
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. V. ITEM ALIA]
{N: 755}
Uere dignum: quo pietatis officio pro sollemnitate sancti Laurenti martyris sacrificium tibi laudis offerimus: quia tua factum est operante uirtute, ut nullis calumniis impiorum, nulla seuitia persequentum, nulla dirarum atrocitate poenarum uir tuo ignitus spiritu uinceretur
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. V. ITEM ALIA]
{N: 756}
Oblata tibi, domine, munera populi tui pro tuorum honore sanctorum suscipe propitius, quaesumus, et eorum nobis intercessione sanctifica
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VI. ITEM ALIA]
{N: 757}
Uere dignum: beati Laurenti annua uota repetentes. Qui dispensator egregius et usque ad sanguinem nominis tui confessor eximius, simul in alendis pauperibus aeclesiasticae pietatis et testificationis filii tui domini nostri praebuit martyr beatus exemplum
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VI. ITEM ALIA]
{N: 758}
Adesto, domine, supplicationibus nostris, et intercessione sancti Laurenti martyris tui perpetuam nobis misericordiam benignus inpende
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VII. ITEM ALIA]
{N: 759}
Accipe, quaesumus, domine, munera dignanter oblata; et beati Laurenti suffragantibus meritis ad nostrae salutis auxilium prouenire concede
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VII. ITEM ALIA]
{N: 760}
Uere dignum: et pro honore beati Laurenti martyris tui hostias tibi laudis offerimus
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VII. ITEM ALIA]
{N: 761}
Repleti gustu gratiae tuae et caelestis mensae dulcedine uegetati gratias tibi referimus
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VII. ITEM ALIA]
{N: 762}
Annue, quaesumus, domine, praecibus familiae tuae; et quod nostris actibus non meremur, sanctorum tuorum nobis concede suffragiis
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VII. ITEM ALIA]
{N: 763}
Cum sanctorum tuorum, domine, supplicationibus imploramus, ut sacris muneribus offerendis gratam tibi nostri ministerii facias seruitutem
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VIII. ITEM ALIA]
{N: 764}
Uere dignum: quidquid enim sanctorum tuorum meritis adhibemus, ad tuam laudem recurrit et gloriam, qui in eorum semper es uirtute mirabilis
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VIII. ITEM ALIA]
{N: 765}
Sancti Laurenti nos, domine, praecatio iusta tueatur; et quod nostra conscientia non praesumit, eius nobis qui tibi placuit oratione donetur
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VIII. ITEM ALIA]
{N: 766}
Supplices te rogamus, deus, ut interuentu beati Laurenti martyris et tua in nobis dona multiplices, et tempora nostra disponas
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VIIII. ITEM ALIA]
{N: 767}
Debitum nostrae reddimus seruitutis suppliciter exorantes, ut suffragiis eius in nobis tua munera tuearis, pro cuius honoranda confessione hostiam tibi laudis offerimus
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VIIII. ITEM ALIA]
{N: 768}
Uere dignum: de tua misericordia postulantes, ut quorum ad honorem nominis tui merita celebramus, pia quoque opera nitamur imitari
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VIIII. ITEM ALIA]
{N: 769}
Tuere nos, domine, praecibus sancti Laurenti martyris tui; ut gratia tua semper mereamur augeri, qui talium praesidiis confidimus patronorum
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. VIIII. ITEM ALIA]
{N: 770}
Laeta nos, domine, quaesumus, sancti Laurenti martyris tui festiuitas semper excipiat; quae et iucunditatem nobis suae glorificationis infundat, et tibi nos reddat acceptos
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. X. ITEM ALIA]
{N: 771}
Perfice nobis, domine, fructum gratulationis hodiernae; ut praecibus beati Laurenti martyris tui, eius natalicia uotiua praecurrens perfectis gaudiis expleatur oblatio
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. X. ITEM ALIA]
{N: 772}
Uere dignum: tuam misericordiam depraecantes, ut mentibus nostris beati Laurenti martyris tui tribuas iugiter suauitatem, qua et nos amemus eius meritum passionis, et indulgentiam nobis semper fidelis ille patronus optineat
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. X. ITEM ALIA]
{N: 773}
Gratias tibi, domine, quoniam sanctum Laurentium martyrem tuum te inspirante diligimus; ut eius natalicia praeeuntes, piis semper intercessionibus foueamur et meritis
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. X. ITEM ALIA]
{N: 774}
Auge, quaesumus, domine, fidem populi tui de sancti Laurenti martyris festiuitate conceptam; ut ad confessionem tui nominis nullis properare terreamur aduersis, sed tantae uirtutis intuitu potius incitemur
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XI. ITEM ALIA]
{N: 775}
Adsint nobis, domine, patrocinia tibi grata sanctorum, ut quae pro illorum sollemnitate deferimus, eorum commendet oratio
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XI. ITEM ALIA]
{N: 776}
Uere dignum: in die sollemnitatis hodiernae, qua beati Laurenti hostiam tibi placitam casti corporis glorioso certamine suscepisti. Prunis namque superposita stridebant membra uiuentia, nec tamen erat poena patientis, sed piae confessionis incensum. Neque terreno liberari cruciatu martyr optabat, sed coronari depraecabatur in caelis
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XI. ITEM ALIA]
{N: 777}
Annue, quaesumus, domine, praecibus nostris, ut sancti Laurenti martyris tui sollemnia, quae cultu tibi debito praeuenimus, prospero suscipiamus effectu
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XII. ITEM ALIA]
{N: 778}
Muneribus nostris, domine, sancti Laurenti martyris tui festa praecedimus, ut quae conscientiae nostrae praepediuntur obstaculis, illius meritis grata reddantur
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XII. ITEM ALIA]
{N: 779}
Uere dignum: quamuis enim sanctorum tuorum propagante te, domine, toto orbe clara sit gloria, de beati tamen sollemnitate Laurenti peculiarius prae ceteris Roma laetatur; cuius nascendo ciuis, sacer minister, et dicatum nomini tuo munus est proprium. Qui per tuam gratiam commissae sibi dispensationis exsecutor egregius, ut ad martyrium perueniret, emeruit; et pro praemio, quo caelestis exsisteret, consecutus est passionem
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XII. ITEM ALIA]
{N: 780}
Intercessio beati Laurenti martyris tui, domine, de sua nobis confessione nascentium mereatur plenitudinem gaudiorum
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XII. ITEM ALIA]
{N: 781}
Exultet populus tuus, domine, quaesumus, in sancti commemoratione Laurenti; et cuius de uotiuo laetatur officio, suffragio releuetur optato
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XII. ITEM ALIA]
{N: 782}
Adsit, nobis, domine, sancti Laurenti martyris in tua glorificatione benedictio, cuius nobis est hodie facta suffragium in tua uirtute confessio
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XIII. ITEM ALIA]
{N: 783}
Offerimus hostias, domine, in sancti Laurenti martyris tui hodierna festiuitate ¦:confessione:¦ gaudentes, quae nobis operante te, domine, et auxilium contulit et profectum
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XIII. ITEM ALIA]
{N: 784}
Uere dignum: praetiosam mortem sancti Laurenti martyris tui exultantibus animis celebrantes, quam te uincente diaboli cernimus esse uictricem
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XIII. ITEM ALIA]
{N: 785}
Da nobis, omnipotens deus, ut beati Laurenti martyris tui ueneranda sollemnitas et deuotionem nobis augeat et salutem
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XIII. ITEM ALIA]
{N: 786}
Sanctorum tuorum nos, domine, continua sollemnitate comitare; ut qui nostris meritis inpedimur, eorum qui tibi placuerunt praecibus adiuuemur
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XIIII. ITEM ALIA]
{N: 787}
Ut sacrificia nostra, domine, propitiatus intendas, sancti Laurenti nos martyris tui commendet oratio
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XIIII. ITEM ALIA]
{N: 788}
Uere dignum: quia in sanctorum tuorum semper es uirtute gloriosus, et quotiens illorum festa recolimus, te mirabilem confitemur
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XIIII. ITEM ALIA]
{N: 789}
Sancti Laurenti nos, domine, sollemnitas repetita tueatur, et misericordiae tuae intercessio beata conciliet
[TIT: MENSE AUGUSTO. XXI. IIII IDUS AUGUSTAS. NATALE SANCTI LAURENTI. XIIII. ITEM ALIA]
{N: 790}
Deus, qui nos in sanctorum martyrum multiplicatione custodis, da, ut quorum sollemnia frequentamus, incessabili iubemur auxilio
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI]
{N: 791}
Respice, domine, munera populi tui, sanctorum festiuitate uotiba; et tuae testificatio ueritatis nobis proficiat ad salutem
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI]
{N: 792}
Uere dignum: tibi enim, domine, festa sollemnitas agitur, tibi dies sacrata celebratur, quam sancti Ypolyti martyris tui sanguis in ueritatis tuae testificatione profusus magnifico nominis tui honore signauit
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI]
{N: 793}
Sacro munere satiati supplices, domine. depraecamur, ut quod deuitae seruitutis celebramus officio, saluationis tuae sentiamus aumentum
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI]
{N: 794}
Deus, qui aeclesiam tuam innumeris sanctorum patrociniis et glorificas et tueris: presta, ut quorum celebrat conuentum, experiatur deuota suffragium
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI]
{N: 795}
Perpetuis nos, domine, sanctorum tuere praesidiis; et quanto fragiliores sumus, tanto magis necessariis adtolle suffragiis
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI. II. ITEM ALIA]
{N: 796}
Quaesumus, omnipotens deus, ut sanctorum tuorum caelestibus mysteriis celebrata sollemnitas indulgentiam nobis tuae propitiationis adquirat
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI. II. ITEM ALIA]
{N: 797}
Uere dignum: qui non solum malis nostris bona retribues, sed ut miseris uberiora dona concedas, qui dignae pro nobis possint intercedere, contulisti; et quod nostra conscientia non habebat, intercessio supplet tibi grata iustorum
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI. II. ITEM ALIA]
{N: 798}
Sancti martyris Agapiti, domine, quaesumus, ueneranda festiuitas salutaris auxilii nobis prestet aumentum
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI. II. ITEM ALIA]
{N: 799}
Plebs tua, domine, laetetur tuorum semper honore sanctorum; et eorum percipiat intercessione uotiba subsidia, quorum patrociniis gratulantur
[TIT: MENSE AUGUSTO. XXII. IDUS AUGUSTAS. NATALE SANCTORUM YPOLITI ET PONTIANI. II. ITEM ALIA]
{N: 800}
Da nobis, omnipotens deus, ut eorum semper festa sectemur, quorum digna pro nobis interuentione confidimus
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS]
{N: 801}
Sancti Felicis et Adauti natalicia recensentes munus offerimus, quod eorum tibi, domine, quaesumus, intercessione sit gratum
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS]
{N: 802}
Uere dignum: sanctorum martyrum gloriam cum exultatione recolentes, in quibus mirabilis tuae maiestatis effectus et patrocinia nobis prouisa cognoscimus
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS]
{N: 803}
Gratias tibi referimus, domine, qui nos et caelestis participatione sacramenti, et tuorum refices celebritate iustorum
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS]
{N: 804}
Maiestatem tuam, domine, supplices depraecamur, ut sicut nos iugiter sanctorum tuorum commemoratione laetificas, ita semper supplicatione defendas
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. II. ITEM ALIA]
{N: 805}
Tanto placabiles, quaesumus, domine, nostrae sint hostiae, quanto sanctorum martyrum, pro quibus sollemnitatibus exhibentur, tibi grata sunt merita
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. II. ITEM ALIA]
{N: 806}
Uere dignum: quamuis enim semper in tui gaudeamus actione mysterii, copiosius tamen eius munere gratulamur, cum pro martyrum sollemnitate sanctorum, per quos tibi commendamur, offertur
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. II. ITEM ALIA]
{N: 807}
Donis caelestibus cum sanctorum tuorum recordatione satiati gratias tibi referimus
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. II. ITEM ALIA]
{N: 808}
Pro familia tua, domine, quaesumus, sanctorum martyrum uenerabilis intercedat oratio; ut quorum sollemnia deuota mente non deseris, eorum piis adiuta praesidiis et consolationem referat et salutem
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. II. ITEM ALIA]
{N: 809}
Quaesumus, domine deus noster, ut non desinant sancti tui pro nostris supplicare peccatis, a quibus te uoluisti pro peccatoribus exorari
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. III. ITEM ALIA]
{N: 810}
Presta nobis, quaesumus, omnipotens deus, ut nostrae humilitatis oblatio et pro tuorum grata sit honore sanctorum et nos corpore pariter et mente purificet
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. III. ITEM ALIA]
{N: 811}
Uere dignum: orantes potentiam tuam, ne dicant gentes: ubi est deus eorum? Sed ut dignanter ostendas, quia non plus ad perdendum nos ualeant nostra delicta, quam ad saluandum uel patrocinia copiosa iustorum, uel tuae maiestatis inuicta clementia
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. III. ITEM ALIA]
{N: 812}
Supplices te rogamus, deus, ne aut malis propriis adgrauemur, aut infestemur ab hostibus, qui tantis sanctorum tuorum meritis commonemur
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. III. ITEM ALIA]
{N: 813}
Sanctorum tuorum, quaesumus, domine, quorum nos adsiduis festiuitatibus consolaris, defende praesidiis
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. IIII. ITEM ALIA]
{N: 814}
Salutari sacrificio, domine, populus tuus semper exultet, quo et debitus honor sacris martyribus exhibetur, et sanctificationis tuae munus adquiritur
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. IIII. ITEM ALIA]
{N: 815}
Uere dignum: te in tuorum glorificantes honore sanctorum, qui et illis tribuisti beatitudinem sempiternam, et infirmitati nostrae talia praeparasti suffragia, quae possis audire pro nobis
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. IIII. ITEM ALIA]
{N: 816}
Exaudi, domine, quaesumus, praeces nostras, ut populus tuus sub tantis patrociniis constitutus, et a suis offensionibus liberetur, et ab omnibus protegatur aduersis
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. IIII. ITEM ALIA]
{N: 817}
Accepta sit in conspectu tuo, domine, nostra deuotio, ut eorum nobis fiat supplicatione salutaris, pro quorum sollemnitate defertur
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. V. ITEM ALIA]
{N: 818}
Uere dignum: sacrificium quippe suum hodie frequentat aeclesia, et festiuitatem dudum muneris immolati annua festuitate concelebrant; quo pro eius confessione uel nomine, qui eam sanguine suo redemit inpenso, obsequium proprii cruoris exhibuit
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. V. ITEM ALIA]
{N: 819}
Sanctorum tuorum nobis, domine, pia non desit oratio, quae et munera nostra conciliet, et tuam nobis indulgentiam semper obtineat
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. VI. ITEM ALIA]
{N: 820}
Uere dignum: qui aeclesiae tuae toto orbe propagandae non solum tui unigeniti passionem sempiterna prouidentia contulisti sed ad maiorem gloriam conferendam mutuas mortes tibi inpendere praetiosa deuotione tribuisti
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. VI. ITEM ALIA]
{N: 821}
Uotiba, domine, dona percepimus, quae sanctorum nobis praecibus et praesentis, quaesumus, uitae pariter et aeternae tribue conferre praesidium
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. VI. ITEM ALIA]
{N: 822}
Adesto, domine, populo tuo, et concede misericordiam tuam cum sanctorum tuorum patrocinia supplicanti; ut quia tua gubernatione confidit nullis aduersitatibus opprimatur
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. VI. ITEM ALIA]
{N: 823}
Uere dignum: ecce enim, sicut sacer sermo pronuntiat, praetiosa est in conspectu domini mors sanctorum eius. Nec potest ullatenus explicari quibus modis haec interfectio gloriosa pensetur. Moriuntur abiecti et orbis terrarum capiunt principatum. Moriuntur mundanae eruditionis ignari, et exitum doctrinae caelestis auctores. Moriuntur captores piscium, et efficiuntur hominum piscatores. Moriuntur soliti maria perscrutari mediocris artis officio, redduntur saeculi examinatores et iudices. Et ideo cum angelis
[TIT: MENSE AUGUSTO. XXIII. III KALENDAS SEPTEMBRES. NATALE SANCTORUM ADAUTI ET FELICIS. VII. ITEM ALIA]
{N: 824}
Omnipotens sempiterne deus, qui nos multiplici sanctorum tuorum festiuitate laetificas: presta, ut quorum commemoratione gaudemus, praesidio muniamur
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI]
{N: 825}
Oblationes populi tui domine, quaesumus, placatus intende, quibus et sanctorum martyrum celebramus in honorem tui nominis passionem, et nobis indulgentiam suppliciter inploramus
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI]
{N: 826}
Uere dignum: immensa sunt enim opera tua et uere magna mirabilia. Tibi hominem diabolica quondam fraude prostratum sic per Iesum Christum filium tuum dominum nostrum sui tribuisti uictores esse uictorem, hunc eundem eius aduersarium, ut eum non solum uirilis sexus tuorum deinceps fidelium subiugaret, sed etiam feminea superaret infirmitas; et quae in sua est condicione fragilior, substantiae spiritalis inimico fortior redderetur: deceptionemque Euae matris ulciscens, de hoste generis humani, qui aditum per illam mortis inuenerat, triumpharet. Quas ineffabilis gloriae tuae uices in sancte martyris Eufymiae passione uenerantes
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI]
{N: 827}
Accipe, domine, quaesumus, nostrae seruitutis officia, ut suffragantibus sanctis, quod ad honorem tuae maiestatis offerimus, perpetuam nobis conferat uitam
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI]
{N: 828}
Perceptis, domine, caelestibus sacramentis gratias agimus pio nomini tuo; qui et sanctorum nos adsidua festiuitate comitaris, et diuino munere uiuificare non desines
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI]
{N: 829}
Respice propitius, domine, ad deditam tibi tui populi seruitutem; ut inter humanae fragilitatis incerta nullis aduersitatibus opprimatur, qui de tua protectione confidit
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI]
{N: 830}
Beatorum martyrum pariterque pontificum Corneli et Cypriani nos, domine, quaesumus, festa tueantur, et eorum commendet oratio ueneranda adque laetificet
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI. III. ITEM ALIA]
{N: 831}
Plebis tuae, domine, munera benignus intende, quae maiestati tuae pro sanctorum martyrum Corneli et Cypriani sollemnitatibus sunt dicata
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI. III. ITEM ALIA]
{N: 832}
Uere dignum: tuamque in sanctorum martyrum Cornelio simul etiam Cypriano praedicare uirtutem, quos discretis terrarum partibus greges sacros diuino pane pascentes, una fide eademque die diuersis licet temporibus consonante parique nominis tui confessione coronasti
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI. III. ITEM ALIA]
{N: 833}
Sacro munere uegetatos sanctorum martyrum Corneli et Cypriani natalicia nos tibi, domine, quaesumus, commendet oratio
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI. III. ITEM ALIA]
{N: 834}
Ad defensionem fidelium, domine, quaesumus, dexteram tuae maiestatis extende; et ut perpetua pietatis tuae protectione muniantur, intercessio pro his non desit martyrum continuata sanctorum
[TIT: MENSE SEPTEMBRI. XXIIII. XVIIII KALENDAS OCTOBRES. NATALE SANCTORUM CORNELI ET CYPRIANI. III. ITEM ALIA]
{N: 835}
Presta, domine, quaesumus, ut sicut sanctorum tuorum nos natalicia celebranda non deserunt, ita iugiter suffragia comitentur
[TIT: MENSE SEPTEMBRI. XXV. XVI KALENDAS OCTOBRES. IN NATALE SANCTE EUFYMIAE]
{N: 836}
Gratanter ad munera dicanda concurrimus, quae nomini tuo, domine, pro sollemnitate sancte martyris Eufymiae supplices immolamus
[TIT: MENSE SEPTEMBRI. XXV. XVI KALENDAS OCTOBRES. IN NATALE SANCTE EUFYMIAE]
{N: 837}
Uere dignum: in hac celebritate gaudentes, qua sancti spiritus feruore praeclarus beatae martyris Eufymiae sexus fragilitate praetiosior sanguis effloruit, et uirtute feminea rabiem diabolicae persecutionis elidens, geminatae gloriae triumphum uirginitas impleuit et passio
[TIT: MENSE SEPTEMBRI. XXV. XVI KALENDAS OCTOBRES. IN NATALE SANCTE EUFYMIAE]
{N: 838}
Suscipe, domine, quaesumus, hostias laetantis aeclesiae, quas pro sancte martyris Eufymiae natalicia passione maiestati tuae prompta deuouit
[TIT: MENSE SEPTEMBRI. XXV. XVI KALENDAS OCTOBRES. IN NATALE SANCTE EUFYMIAE. II. ITEM ALIA]
{N: 839}
Uere dignum: sancte martyris Eufymiae natalicia recolentes rerum diuersitate mirabili: ut diabolus, qui uirum per inuecillitatem mulieris inpulerat in ruinam, uiri condicione nunc in Christo reparante uictoriam, per muliebrem quoque fragilitatem mutuo deiceretur obtritus
[TIT: MENSE SEPTEMBRI. XXV. XVI KALENDAS OCTOBRES. IN NATALE SANCTE EUFYMIAE. II. ITEM ALIA]
{N: 840}
Sacrificium tibi, domine, nostrae seruitutis offerimus, quod ad honorem nominis tui in sancte martyris Eufymiae festiuitate debemus
[TIT: MENSE SEPTEMBRI. XXV. XVI KALENDAS OCTOBRES. IN NATALE SANCTE EUFYMIAE. III. ITEM ALIA]
{N: 841}
Uere dignum: hodiernae festiuitatis laetitiam recensentes, quam nobis sancte martyris Eufymiae ueneranda confessio fecit insignem
[TIT: MENSE SEPTEMBRI. XXV. XVI KALENDAS OCTOBRES. IN NATALE SANCTE EUFYMIAE. III. ITEM ALIA]
{N: 842}
Sanctificet nos, domine, quaesumus, tui perceptio sacramenti, et intercessio sancte martyris Eufymiae tibi reddat acceptos
[TIT: MENSE SEPTEMBRI. XXV. XVI KALENDAS OCTOBRES. IN NATALE SANCTE EUFYMIAE. III. ITEM ALIA]
{N: 843}
Exultet, domine, christianae plebis humilitas, qua in martyrum commemoratione sanctorum tua mirabilia ueneratur, et eorum tibi praecibus adiutus conplaceat
[TIT: MENSE SEPTEMBRI. XXV. XVI KALENDAS OCTOBRES. IN NATALE SANCTE EUFYMIAE. III. ITEM ALIA]
{N: 844}
Omnipotens sempiterne deus, aput quem, cum totius ratio nabilis pia merita creaturae semper accepta sint, certum est illius magis esse praecipua, quae reliquam spiritalem superat dignitatem: grata tibi sit, quaesumus, nostra festiuitas, pro ueneratione eius oblata, qui tuae maiestatis arcanis, naturali per tuam gratiam decore seruato, deuotis semper excubiis est propinquus
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA]
{N: 845}
Hostias tibi, domine, laudis offerimus suppliciter depraecantes, ut easdem angelico pro nobis interueniente suffragio et placatus accipias, et ad salutem nostram prouenire concedas
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA]
{N: 846}
Uere dignum: teque profusis gaudiis praedicare in die festiuitatis hodiernae, quo in honorem beati archangeli Michael sacrata nomini tuo loca diuinis sunt instituta mysteriis. Quamuis enim illius sublimis gloriosaeque substantiae sit habitatio semper in caelis, tuorum tamen fidelium praesumit affectus, pro tuae reuerentia potestatis, per haec piae deuotionis officia quoddam retinere pignus in terris adstantium in conspectu tuo iugiter ministrorum. Et ideo cum angelis
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA]
{N: 847}
Munus populi tui, domine, quaesumus, dignanter adsume; quod non nostris meritis, sed sancti archangeli tui Michael depraecatione sit gratum
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. II. ITEM ALIA]
{N: 848}
Uere dignum: teque in omni factura tua laudare mirabilem: in quo principaliter angelica natura praecellit, quae, etsi humano generi corpore conspectu subtrahitur ¦:negatur aspectu:¦ fidei tamen uidetur intuitu. Dignumque est pro honorificentiam nos eorum tuam suspicere maiestatem, per quos multa praesidia nostrae salutis operaris; tuamque magnificentiam hoc potius praedicare, quod te praecelsarum adque caelestium potestatum te dominum confitentur
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. II. ITEM ALIA]
{N: 849}
Oblatio tibi, domine, sit nostra semper accepta, [per] quae angelis tuis sanctisque praecantibus et indulgentiam nobis referat, et remedia procuret aeterna
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. III. ITEM ALIA]
{N: 850}
Uere dignum: multoque magis in archangelis angelisque tuis tua praeconia non tacere: quia ad excellentiam tuam recurrit et gloriam, cum angelica creatura, quae a conditione sui tuis subiecta seruitiis probabilis extitit, honoratur; et cum illa sit digna uenerari, tu quam sis inmensus et super omnia prae ferendus ostenderis
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. III. ITEM ALIA]
{N: 851}
Sumpsimus, domine, uotiua mysteria. Quaesumus clementiam tuam, ut eorum nobis fiant depraecatione salutaria, quorum celebrantur affectu
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. III. ITEM ALIA]
{N: 852}
Defende, domine, familiam tuam, et toto tibi corde prostra tam ab hostium tuere formidine. Nec bona tua difficulter inueniant, pro quibus et sancti tui et angelicae tibi supplicant potestates
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. III. ITEM ALIA]
{N: 853}
Deus qui in auxilium generis humani caelestia simul et terrena dispensas, in inferiore mundi parte laborantes super norum nos, quaesumus, praesidiis refoue propitius ministrorum
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. IIII. ITEM ALIA]
{N: 854}
In honorem beati archangeli Michael loca nomini tuo dicata mystico frequentamus obsequio. Presta, quaesumus, eorum nos gaudere suffragiis, quorum sublimia/merita recensemus
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. IIII. ITEM ALIA]
{N: 855}
Uere dignum: qui non solum nos sanctorum tuorum confessionibus benignissime consolaris, sed etiam ad caelestium familiaritatem prouehis potestatum; non tantum martyrum intercessione sustolles, sed ipsorum quoque patrociniis erigis angelorum
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. IIII. ITEM ALIA]
{N: 856}
Sanctorum, domine, sancta deferimus: quae, cum in omnium iustorum tibi commemoratione sint placita, multo magis in angelicae ueneratione substantiae grata tuis aspectibus esse confidimus
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. V. ITEM ALIA]
{N: 857}
Uere dignum: qui, sicut nos per apostolum tuum dignanter informas, iam conuersationem nostram in caelis esse benignus institues, ut illuc adtollamur mente, ubi quos ueneramur adsistunt; et in excelsa tendamus, quae in beati archangeli Michael contemplamur affectu
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. V. ITEM ALIA]
{N: 858}
Beati archangeli Michael interuentione suffulti supplices, domine, te praecamur, ut quos honore prosequimur, contingamus et mente
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. V. ITEM ALIA]
{N: 859}
Plebem tuam, quaesumus, domine, perpetua pietate custodi; ut secura semper et necessariis adiuta subsidiis, spirituum tibimet placitorum pia semper ueneratione laetetur
[TIT: MENSE SEPTEMBRI. XXVI. PRIDIE KALENDAS OCTOBRES. NATALE BASILICAE ANGELI IN SALARIA. V. ITEM ALIA]
{N: 860}
Annua nobis est, dilectissimi, ieiuniorum celebranda festiuitas, quam mensis septimi sollemnis recursus indicit. Quarta igitur et sexta feria succedente solitis eandem conuentibus exsequamur, sabbatorum die hic sacras acturi uigilias; ut per obseruantiam conpetentem, domino purificatis mentibus supplicantes, beatissimo Petro apostolo suffragante, et praesentibus periculis exui mereamur pariter et futuris
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES]
{N: 861}
Deus, qui delinquentes perire non pateris, donec conuertantur et uiuant: debitam, quaesumus, peccatis nostris, domine, suspende uindictam, et presta propitius, ne dissimulatio cumulet ultionem, sed ut potius emendatio prosit ad ueniam
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. I.]
{N: 862}
Populi tui, deus, defensor et rector, concede propitius, ut a delictis omnibus abstinentes, et necessariis foueamur alimoniis, et ab infestis hostibus liberemur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. I.]
{N: 863}
Presta nobis, omnipotens deus, ut dicatum nomini tuo sacrificium purgatis moribus offeramus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. I.]
{N: 864}
Uere dignum: quia tu quidem nobis ieiunia salubriter indidisti, quibus carnis lege sedata purior animus emineret. Sed cum in ipsis nostris obseruationibus a noxiis et inlicitis non uacamus, non hoc te ieiunium deligisse profetica uoce testaris. Quoniam non solum prodesse non poterit castigatio corporalis, si spiritus noster nefandis cogitationibus inplicetur; sed hoc constat esse deterius, si etiam terrena condicione mitigata, mens ab iniquitatibus non quiescit. Et ideo tu nobis, domine, largire placatus, ut exterius parsimonia conuenienter adhibita, intrinsecus a prauis intentionibus temperemus, ut continentiam ualeamus exercere perfectam: per Christum
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. I.]
{N: 865}
Annue, quaesumus, domine, ut et tuis semper sollemnitatibus occupemur, et mysteriis eorum mente pariter congruamus et corpore
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. I.]
{N: 866}
Sanctificata ieiunio tuorum corda filiorum, deus, habitator inlustra; et quibus prestas deuotionis affectum, praebe supplicantibus pium benignus auditum
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. I.]
{N: 867}
Exaudi, domine, praeces nostras, ut in omni natione, quod uerbi tui promissum est euangelio, conpleatur; et plenitudo adoptionis optineat, quod praedixit testificatio ueritatis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. II. ITEM ALIA]
{N: 868}
Intende, quaesumus, domine, sacrificium singulare; ut huius participatione mysterii, quae speranda credimus, expectata sumamus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. II. ITEM ALIA]
{N: 869}
Uere dignum: tuum est enim omne, quod uiuimus: quia licet peccati uulnere natura nostra uitiata sit, tui tamen est operis, ut ad terrena generati ad caelestia renascantur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. II. ITEM ALIA]
{N: 870}
Domine deus noster, qui nos uegetare dignatus es caelestibus alimentis: suauitatem uerbi tui penetralibus nostri cordis infunde; ut quae temporali deuotione percepimus, sempiterno munere capiamus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. II. ITEM ALIA]
{N: 871}
Uisita, quaesumus, domine, familiam tuam, et corda sacris dicata mysteriis peruigili tuere pietate; ut remedia salutis aeternae, quae te miserante percipiunt, te protegente custodiant
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. II. ITEM ALIA]
{N: 872}
Omnipotens sempiterne deus, in cuius arbitrio regnorum omnium iura consistunt, protege Romani nominis ubique rectores, ut eorum uotiua prosperitas pax tuorum possit esse populorum
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. III. ITEM ALIA]
{N: 873}
Adesto, domine, fidelibus tuis, et quos caelestibus institues sacramentis, a terrenis conserua periculis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. III. ITEM ALIA]
{N: 874}
Exaudi, domine, supplicum praeces, et deuoto tibi pectore famulantes perpetua defensione custodi; ut nullis perturbationibus inpediti, liberam seruitutem tuis semper exhibeamus officiis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. III. ITEM ALIA]
{N: 875}
Uere dignum: qui rationabilem creaturam, ne temporalibus debita bonis ad praemia sempiterna non tendant, ea dispensatione dignaris erudire, ut nec castigatione deficiat, nec prosperitatibus insolescat; sed hoc potius fiat eius gloriosa deuotio, quo nullis aduersitatibus obruta superetur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. III. ITEM ALIA]
{N: 876}
Omnipotens sempiterne deus, misericordiam tuam supplices exoramus, ut hoc tuum, domine, sacramentum non sit nobis reatus ad poenam, sed fiat intercessio salutaris ad ueniam: sit abolitio peccatorum, sit fortitudo fragilium, sit contra mundi pericula firmamentum
(bis) Haec nos communio purget a crimine, et caelestis gaudii tribuat esse consortes
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. III. ITEM ALIA]
{N: 877}
Da nobis, domine, rationabilem, quaesumus, actionem; ut te solum sincera mente uenerantes, et fiducialius quae tua sunt postulemus, et facilius adsequamur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. IIII. ITEM ALIA]
{N: 878}
Omnium nostrum, domine, quaesumus, ad te corda conuerte; ut ab his quibus offenderis abstinentes, non iracundiam tuam, sed misericordiam sentiamus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. IIII. ITEM ALIA]
{N: 879}
Munera tua, deus, institutor inlustra, et per has hostias quibus te placari uoluisti, sanctifica misericors immolantes
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. IIII. ITEM ALIA]
{N: 880}
Uere dignum: cuius et potentia sunt creata et prouidentia reguntur uniuersa; ideoque hac nos teneri lege merito censuisti, ut te, sub quo sunt omnia, non timentes cuncta paueamus; et rursus nulla paenitus formidemus, si unum te fideliter omnium reuereamur autorem
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. IIII. ITEM ALIA]
{N: 881}
Largire nobis, omnipotens deus, ut, a quo omne bonum est, te habentes nullis indigeamus auxiliis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. IIII. ITEM ALIA]
{N: 882}
Tibi placitam, deus noster, populo tuo tribue uoluntatem; quia tunc illi prospera cuncta prestabis, cum tuis aptum feceris institutis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. IIII. ITEM ALIA]
{N: 883}
Festina, quaesumus, ne tardaueris, domine, et praesidium nobis tuae pietatis inpende; ut oportunis consolationibus subleuentur, qui in tua miseratione confidunt
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. V. ITEM ALIA]
{N: 884}
Deuotionis nostrae tibi, domine, quaesumus, hostia iugiter immoletur, quae et sacri peragat instituta mysterii, et salutare tuum nobis potenter operetur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. V. ITEM ALIA]
{N: 885}
Uere dignum: tuaque opera continuatis laudibus praedicare, quia iusta semper et bona sunt. Quae potenter efficiunt, ut rationabiles uoluntates aut inter ista proficiant ad salutem, aut de caelesti nullatenus uigore causentur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. V. ITEM ALIA]
{N: 886}
Sit nobis, domine, quaesumus, cibus sacer potusque salutaris,qui et temporalem uitam muniat et prestet aeternam
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. V. ITEM ALIA]
{N: 887}
Adesto, domine, famulis tuis, et opem tuam largire poscentibus; ut his, qui auctore te gubernatore gloriantur, et creata restaures, et restaurata conserues
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. V. ITEM ALIA]
{N: 888}
Omnipotens sempiterne deus, cordibus benignus infunde, ut a terrenis intentionibus temperantes, propensius caelestia meditemur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VI. ITEM ALIA]
{N: 889}
Multiplices, domine, incursos quas mundus ingerit tu repelle; ut haec dona caelestia tranquillis cogitationibus capere ualeamus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VI. ITEM ALIA]
{N: 890}
Uere dignum: qui non tantum nos a carnalibus ciuis, sed ab ipsius animi noxiis delectationibus praecipis ieiunare. Nam si ideo delicias corporales abnuimus, ne spiritum nostrum obtunsis sensibus heuetemus: quanto magis ab ipsius mentis debemus excessibus abstinere, inordinatis affectibus expedita supernae lucis possit perstringere claritatem
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VI. ITEM ALIA]
{N: 891}
Salutari tuo, domine, satiasti supplices depraecamur, ut cuius laetamur gustu, renouemur effectu
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VI. ITEM ALIA]
{N: 892}
Da salutem, domine, populo tuo mentis et corporis, et perpetuis consolationibus tuorum reple corda fidelium; ut interius exteriusque releuati, et pia tibi deuotione conplaceant, et tua semper beneficia consequantur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VI. ITEM ALIA]
{N: 893}
Tribue, quaesumus, domine deus noster, ut donis interioribus fecundemur, ne exterioribus mereamur egere subsidiis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VII. ITEM ALIA]
{N: 894}
Da, quaesumus, domine, ut ieiunando robore satiemur, et abstinendo cunctis efficiamur hostibus fortiores
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VII. ITEM ALIA]
{N: 895}
Accepta tibi sint, domine, quaesumus, nostri dona ieiunii; quae et expiando nos tua gratia dignos efficiant, et ad sempiterna promissa perducant
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VII. ITEM ALIA]
{N: 896}
Uere dignum: cuius ineffabilis sapientia sic incommutabiliter perseuerat, ut in ea nec sine iustitiae perpetuitate benignitas, nec absque aeterna sit bonitate iustitiae. De quibus ita nos miseranda temeritate conquaerimur, quando non secundum nostra desideria uel fructum qualitas uel prospera quaeque proueniunt; quasi ipsi tua praecepta studeamus implere, hac non hisdem potius perniciosa dissimulatione contemptis, non solum percelli mediocribus alimentis, sed uniuersa mereamur sustentatione priuari; nisi quod ideo tua nos clementia usquequaque non deserit, ut simus et de exiguitatis castigatione solliciti, et de non abnegata pietate deuoti
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VII. ITEM ALIA]
{N: 897}
Uegetet nos, domine, semper et innouet tuae mensae sacrata liuatio, quae fragilitatem nostram et inter mundi tempestates gubernet et protegat, et in portum perpetuae salutis inducat
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VII. ITEM ALIA]
{N: 898}
Tueatur, domine, dextera tua populum depraecantem, purificet et sustentet ¦:erudiat:¦, ut consolatione praesenti ad bona futura proficiat
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VII. ITEM ALIA]
{N: 899}
Omnipotens sempiterne deus, qui nos ad obseruantiae huius annua festa perducis: concede propitius, ut pie deuotionis effectus substantiam nobis et mentium prestet et corporum
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIII. ITEM ALIA]
{N: 900}
Deus, qui pro nostrorum fructibus animorum prodire facis sufficientiam corporalem: ne exterioribus mereamur egere subsidiis, presta, quaesumus, ut donis interioribus fecundemur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIII. ITEM ALIA]
{N: 901}
Domine deus noster, qui in his potius creaturis, quas ad fragilitatis nostrae praesidium condedisti, tuo quoque nomini munera iussisti dicanda constitui: tribue, quaesumus, ut et uitae nobis praesentis auxilium et aeternitatis efficiant sacramentum
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIII. ITEM ALIA]
{N: 902}
Uere dignum: pascunt enim tua sancta ieiunia et esuriens sacrata nos reficit, si per continentiam salutarem conscientiae nostrae tribuli spinaeque deficiant, et fruges pura succedat; si uitiorum sterilitas optanda proueniat, et ubertas adsit iucunda uirtutum. Inopia quippe culparum prestat redundantiam prosperorum. Hinc est, quod restringendo copias et mediocria non negando sic nos tua moderatione disponis, ut ad superna tendentes, et temporalibus usquequaque non deseramur alimentis, et sustentaculis sic transeuntibus gubernemur, ut eorum tenuitate correpti proficiamus aeternis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIII. ITEM ALIA]
{N: 903}
Perpetuo, domine, fabore prosequere, quos reficis diuino mysterio; et quos inbuisti caelestibus institutis, salutaribus comitare solaciis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIII. ITEM ALIA]
{N: 904}
Defensio tua, domine, quaesumus, adsit humilibus, et iugiter protegat in tua misericordia confidentes; ut necessariis, quibus indiget humana condicio, conpetenter adiuti, ad inmortalitatis dona perueniant
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIII. ITEM ALIA]
{N: 905}
Hac ebdomade nobis mensis decimi sunt recensenda ieiunia. Quapropter fidem uestrae dilectionis hortamur, ut eadem quarta et sexta feria solitis processionibus exsequentes, sabbatorum die hic ipsum uigiliis sollemnibus expleamus; quatenus apostolicis suffragantibus meritis propitiationem dei nostri perseuerantiam deuitae seruitutis optineat
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIII. INUITATIO PLEBIS IN IEIUNIO MENSIS DECIMI]
{N: 906}
Omnipotens sempiterne deus, qui nos et sustentationibus annuis et sollemnitatibus consolaris: praesta, quaesumus, ut quod ex his pro nostrae conuersationis qualitate subtrahitur, omnipotentiae tuae copia suppleatur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIIII. ITEM PRACES]
{N: 907}
Concede, quaesumus, domine, morum nos correctione releuari; quia cum haec dona contuleris, cuncta nobis utilia non negabis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIIII. ITEM PRACES]
{N: 908}
Deus, qui humani generis utramque substantiam praesentium munerum et alimento uegetas et renouas sacramento: tribue, quae sumus, ut eorum et corporibus nostris subsidium non desit et mentibus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIIII. ITEM PRACES]
{N: 909}
Uere dignum: qui sempiterno consilio non desinis regere, quod creasti. Nosque delinquere manifestum est, cum supernae dispositionis ignari, de secretorum tuorum dispensatione causamur, ac tunc potius recte sentire cognoscimur, cum non nostra, sed tua prouidentia confidentes, pietatem iustitiamque tuam iugiter perpendimus exorandum: certi, quod qui iniustos malosque non deseris, multo magis quos tuos esse tribuisti clementi nullatenus gubernatione destituas
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIIII. ITEM PRACES]
{N: 910}
Guberna, quaesumus, domine, temporalibus adiumentis, quos dignaris aeternis informare mysteriis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIIII. ITEM PRACES]
{N: 911}
Rege, domine, populum tuum, et gratiae tuae, quaesumus, in eo dona multiplica; ut ab omnibus liber offensis, et temporalibus non destituatur auxiliis, et sempiternis gaudeat institutis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. VIIII. ITEM PRACES]
{N: 912}
Omnipotens sempiterne deus, qui sic hominem condedisti, ut temporalibus beneficiis conpetenter instructum ad caelestia dona prouehis: presta, quaesumus, ut sicut per inlicitos adpetitos de indultae beatitudinis regione decidimus, sic per alimoniam tuo munere destributam et transitoria sustentetur humanitas, et amissa recuperetur aeternitas
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. X. ITEM ALIA]
{N: 913}
Uere dignum: glorificantes et de praeteritis creatorem et de uenturis fructibus exorantes; ut cum de perceptis non inuenimur ingrati, de percipiendis non iudicemur indigni; sed exhibita potius sollemni deuotione ieiunii, cum subsidiis corporalibus profectum capiamus animarum
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. X. ITEM ALIA]
{N: 914}
Percepimus, domine, gloriosa mysteria, quibus in terris positos iam caelestium facis esse consortes. Tu inter ista quae uiuimus guberna nos, domine, quaesumus, ut ad illa perducas
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. X. ITEM ALIA]
{N: 915}
Adesto, domine, supplicibus tuis, et spem suam in tua misericordia conlocantes tuere propitius; ut a peccatorum labe mundati in sancta conuersatione permaneant, et consequentes sufficientiam temporalem promissionis tuae perficiantur heredes
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. X. ITEM ALIA]
{N: 916}
Concede, quaesumus, domine, ut ad praeces tuas corda nostra flectamus; et esse tibi possibilia cuncta fidentes, non de elementorum profutura nobis speremus effectu, sed de tua uirtute suppliciter inploramus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 917}
Uirtutum caelestium deus, qui plura prestas, quam petimus aut meremur: tribue, quaesumus, ut tua nobis miseri cordia conferatur, quod nostrorum non habet fiducia meritorum
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 918}
Deus, qui praeuenis uota poscentium, tribue, quaesumus, ut et corporeis non destituamur alimentis, et ab hostium formidine liberemur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 919}
Domine deus, qui fragilitati nostrae quae congruant et praeuides solus et prouidis: presta, ut et praesentibus fulciamur auxiliis, et instruamur aeternis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 920}
Tua nos, domine, quaesumus, pietate dispone: quia nullis egebimus adiumentis, si tuae prouidentiae clementia gubernemur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 921}
Dirige, domine, quaesumus, aeclesiam tuam dispensatione caelesti; ut quae ante mundi principium in tua semper est praesentia praeparata, usque ad plenitudinem gloriamque promissam te moderante perueniat
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 922}
Tanto, quaesumus, domine, placatus adsume, quanto sacrandas nomini tuo has specialiter hostias indidisti; ut quidquid nostrae non expletur seruitutis officio, indulgentiae tuae dignatione pensetur
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 923}
Uere dignum: quia tuae rationis imaginem mundanis regionibus constitutam, et humanis non desinis fouere subsidiis et reformare diuinis. Consequens enim fuit, ut transactis terrae fructibus caeleste semen oreretur, et alimonia uitae mortalis expleta germen inmortalitatis exsisteret, adque escis carnalibus expeditis cibus nasceretur mirabiliter animarum, ac tempore frumenti uini et olei mox peracto ineffabiliter ederetur, qui filiis dei ad similitudinem proficientibus angelorum, hoc totum non solum de caelo substantia deferret et nomine, sed panem praeueret aeternum
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 924}
Gratiam tuam nobis, domine, semper adcumulet diuini participatione sacramenti et sua nos uirtute mundando tanti muneris capaces efficiat
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 925}
Absolue, domine, quaesumus, tuorum delicta populorum, et quod mortalitatis contrahit fragilitate purifica; ut cuncta pericula mentis et corporis te propellente declinans, tua consolatione subsistat, tua gratia promissae redemptionis perficiatur hereditas
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XI. ITEM ALIA]
{N: 926}
Quaesumus, omnipotens deus, ut et mentes nostras caelestibus corrigas institutis, et beneficia tua non desinas prestare correctis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XII. ITEM ALIA]
{N: 927}
Ad hostes nostros, domine, superandos presta, quaesumus, ut auxilium tuum ieiuniis tibi placitis et bonis operibus impetremus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XII. ITEM ALIA]
{N: 928}
Ad altaria, domine, ueneranda cum hostiis laudis accedimus. Fac, quaesumus, ut et indulgentiam tuam nobis concilient et fauorem
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XII. ITEM ALIA]
{N: 929}
Uere dignum: qui nos ideo collectis terrae fructibus per abstinentiam tibi gratias referre uoluisti, ut ex ipsius deuotionis genere nosceremus, non haec ad exuberantiam corporalem, sed ad fragilitatis nos sufficientiam percepisse; et quod ex his parcius sumeremus, egentium proficeret alimento: ut et salutaris castigatio mortalitatis insolentiam mitigaret, et pietas imitatores nos tuae benignitatis efficeret; sicque donis temporalibus uteremur, ut disceremus inhiare perpetuis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XII. ITEM ALIA]
{N: 930}
Prosint nobis, domine, quaesumus, sumpta mysteria, pariterque nos et a peccatis exuant, et praesidiis tuae propitiationis adtollant
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XII. ITEM ALIA]
{N: 931}
Respice, domine, familiae tuae praeces, et opem tribue suppliciter imploranti; ut congruis subsidiis in confessione tui nominis perseueret
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XII. ITEM ALIA]
{N: 932}
Mores nostros, domine, quaesumus, tua pietate conpone; ut et nulla nobis dominentur aduersa, et salutaria cuncta non desint
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIII. ITEM ALIA]
{N: 933}
Ut cunctis nos, domine, foueas adiumentis, tuis apta propitius disciplinis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIII. ITEM ALIA]
{N: 934}
Sacrificium deferimus de perceptione tuorum, domine, prestitorum, ut percipienda securius uberiusque sumamus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIII. ITEM ALIA]
{N: 935}
Uere dignum: simulque pro munere generali quo uiuimus, et pro singulis quibusque subsidiis tuam munificentiam praedicare: ne conlatis ingrati beneficiis conferendis prouemur indigni; meritoque transeuntium rerum potius consolationibus adiuuemur, si bona mansura non signius sacro ieiunio purgatis sensibus appetamus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIII. ITEM ALIA]
{N: 936}
Presta, domine, quaesumus, ut temporalibus non destituamur auxiliis, quos alimoniis pascis aeternis
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIII. ITEM ALIA]
{N: 937}
Succurre, domine, quaesumus, populo supplicanti, et opem tuam tribue benignus infirmis; ut sincera tibi mente deuoti, et praesentis uitae remediis gaudeant et futurae
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIII. ITEM ALIA]
{N: 938}
Ad te corda nostra, pater aeternae, conuerte; quia nullis necessariis indigebunt, quos tuo cultui prestiteris esse subiectos
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIIII. ITEM ALIA]
{N: 939}
Deus, qui populum tuum sic corripis delinquentem, ut benigna consolatione non deseras: da, quaesumus, ut indignatio debita reis praecantibus transferatur ad ueniam
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIIII. ITEM ALIA]
{N: 940}
Ad praeces nostras, domine, quaesumus, propitiatus intende; ut sacris altaribus seruientes et fidei ueritate fundati, et mentis sint puritate conspicui
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIIII. ITEM ALIA]
{N: 941}
Uere dignum: qui creasti tui beata passione nos reparas: conserua in nobis operam misericordiae tuae, ut in huius celebritate mysterii perpetua deuotione uiuamus
[TIT: MENSE SEPTEMBRI. XXVII. ADMONITIO IEIUNII MENSIS SEPTIMI ET ORATIONES ET PRAECES. XIIII. ITEM ALIA]
{N: 942}
Exaudi, domine, supplicum praeces, ut quod nostro gerendum est ministerio, tua potius uirtute peragatur ¦:firmetur:¦
[TIT: MENSE SEPTEMBRI. XXVIII. CONSECRATIO EPISCOPORUM]
{N: 943}
Suscipe, domine, quaesumus, munera famuli tui illius, et prorpitius in eodem tua dona custodi
[TIT: MENSE SEPTEMBRI. XXVIII. CONSECRATIO EPISCOPORUM]
{N: 944}
Hanc igitur oblationem, quam tibi offerimus pro illo famulo tuo, quem ad pontificalem gloriam promouere dignatus es, quae sumus, domine, placatus accipias; ut quod diuino munere consecutus est, diuinis effectibus exsequatur
[TIT: MENSE SEPTEMBRI. XXVIII. CONSECRATIO EPISCOPORUM]
{N: 945}
Adesto, misericors deus, ut quod actum est nostrae seruitutis officio, tua benedictione firmetur
[TIT: MENSE SEPTEMBRI. XXVIII. CONSECRATIO EPISCOPORUM]
{N: 946}
Propitiare, domine, supplicationibus nostris, et inclinato super hos famulos tuos cornum gratiae sacerdotalis benedictionis tuae in eos effunde uirtutem
[TIT: MENSE SEPTEMBRI. XXVIII. CONSECRATIO EPISCOPORUM]
{N: 947}
Deus honorum omnium, deus omnium dignitatum quae gloriae tuae sacratis famulantur ordinibus, deus qui Mosen famulum tuum, secreti familiaris adfatu, inter cetera caelestis documenta culturae de habitu quoque indumenti sacerdotalis instituens, electum Aharon mystico amictu uestiri inter sacra iussisti, ut intellegentiae sensum de exemplis priorum caperet secutura posteritas, ne eruditio doctrinae tuae ulli deesset aetati; cum et aput ueteres reuerentiam ipsa significationum species optineret, et aput nos certiora essent experimenta rerum quam enigmata figurarum. Illius namque sacerdotii anterioris habitus nostrae mentis ornatus est, et pontificalem gloriam non iam nobis honor commendat uestium, sed splendor animorum: quia et illa, quae tunc carnalibus blandiebantur obtutibus, ea potius quae in ipsis erant intellegenda poscebant.
Et idcirco his famulis tuis, quos ad summi sacerdotii ministerium deligisti, hanc, quaesumus, domine, gratiam largiaris, ut quidquid illa uelamina in fulgore auri, in nitore gemmarum, in multimodi operis uarietate signabant, hoc in horum moribus actibusque clariscat. Conple in sacerdotibus tuis mysterii tui summam, et ornamentis totius glorificationis instructos caelestis unguenti fluore sanctifica. Hoc, domine, copiosae in eorum caput influat, hoc in oris subiecta decurrat, hoc in totius corporis extrema descendat, ut tui spiritus uirtus et interiora horum repleat et exteriora circumtegat. Abundet in his constantia fidei, puritas dilectionis, sinceritas pacis. Tribuas eis cathedram episcopalem ad regendam aeclesiam tuam et plebem uniuersam. Sis eis auctoritas, sis eis potestas, sis eis firmitas. Multiplices super eos benedictionem et gratiam tuam, ut ad exorandam semper misericordiam tuam tuo munere idonei, tua gratia possint esse deuoti
[TIT: MENSE SEPTEMBRI. XXVIII. CONSECRATIO EPISCOPORUM]
{N: 948}
Domine deus, praeces nostras clementer exaudi: ut quae nostro sunt gerenda seruitio, tuo prosequaris benignus auxilio; et quos sacris ministeriis exsequendis pro nostra intellegentia credimus offerendos, tua potius electione iustifices
[TIT: MENSE SEPTEMBRI. XXVIII. BENEDICTIO SUPER DIACONOS]
{N: 949}
Oremus, dilectissimi, deum patrem omnipotentem, ut super hos famulos suos, quos ad officium diaconii uocare dignatur, benedictionem gratiae suae clementer effundat, et consecrationis indultae propitius dona conseruet
[TIT: MENSE SEPTEMBRI. XXVIII. BENEDICTIO SUPER DIACONOS]
{N: 950}
Deus, conlator sacrarum magnifice dignitatum, quaesumus, ut hos famulos tuos, quos ad officium leuitarum uocare dignaris, altaris sancti ministerium tribuas sufficienter implere, cunctisque donis gratiae redundantes et fiduciam sibi tuae maiestatis adquirere, et aliis praebere facias perfectae deuotionis exemplum
[TIT: MENSE SEPTEMBRI. XXVIII. BENEDICTIO SUPER DIACONOS]
{N: 951}
Adesto, quaesumus, omnipotens deus, honorum dator, ordinum, distributor officiorumque dispositor. Qui in te manens innouas omnia, et cuncta disponis per uerbum, uirtutem sapientiamque tuam Iesum Christum filium tuum dominum nostrum, sempiterna prouidentia praeparas et singulis quibusque temporibus aptanda dispen sas. Cuius corpus aeclesiam tuam, caelestium gratiarum uarietate distinctam suorumque conexam discretione membrorum, per legem, totius mirabilem conpagis unitam, in aumentum templi tui crescere dilatarique largiris; sacri muneris seruitutem trinis gradibus ministrorum nomini tuo militare constituens, electis ab initio Leuiti filiis, qui mysticis operationibus domus tuae fidelibus excubiis permanentes, hereditatem benedictionis aeternae sorte perpetua possederent. Super hos quoque famulos tuos, quaesumus, domine, placatus intende, quos tuis sacrariis seruitoros in officium diaconii suppliciter dedicamus.
Et nos quidem tamquam homines diuini sensus et summae rationis ignari, horum uitam quantum possumus aestimamus. Te autem, domine, quae nobis sunt ignota non transeunt, te occulta non fallunt. Tu cognitor peccatorum, tu scrutator es animorum, tu ueraciter in eis caeleste potes adhibere iudicium, et uel indignis donare quae poscimus. Emitte in eos, domine, quaesumus, spiritum sanctum, quo in opus ministerii fideliter exequendi munere septiformi tuae gratiae roborentur. Abundet in eis totius forma uirtutis, auctoritas modesta, pudor constans, innocentiae puritas et spiritalis obseruantia disciplinae. In moribus eorum praecepta tua fulgeant, ut suae castitatis exemplo imitationem sancte plebis adquirant, et bonum conscientiae testimonium praeferentes in Christo firmi et stabiles perseuerent, dignisque successibus de inferiori gradu per gratiam tuam capere potiora mereantur
[TIT: MENSE SEPTEMBRI. XXVIII. BENEDICTIO SUPER DIACONOS]
{N: 952}
Oremus, dilectissimi, deum patrem omnipotentem, ut super hos famulos suos, quos ad presbyterii munus elegit, caelestia dona multiplicet: quibus quod eius dignatione suscipiunt, eius exsequantur auxilio
[TIT: MENSE SEPTEMBRI. XXVIII. CONSECRATIO PRESBYTERI]
{N: 953}
Exaudi nos, deus salutaris noster, et super hos famulos tuos benedictionem sancti spiritus et gratiae sacerdotalis effunde uirtutem; ut quos tuae pietatis aspectibus offerimus consecrandos, perpetua muneris tui largitate prosequaris
[TIT: MENSE SEPTEMBRI. XXVIII. CONSECRATIO PRESBYTERI]
{N: 954}
Domine, sancte pater, omnipotens aeterne deus, honorum omnium et omnium dignitatum quae tibi militant distributor; per quem proficiunt uniuersa; per quem cuncta firmantur, amplificatis semper in melius naturae rationabilis incrementis per ordinem congrua ratione dispositum. Unde sacerdotales grados et officia leuitarum sacramentis mysticis instituta creuerunt; ut cum pontifices summos regendis populis praefecisses, ad eorum societatis et operis adiumentum sequentis ordinis uiros et secundae dignitatis elegeris. Sic in heremo per septuaginta uirorum prudentium mentes Mose spiritum propagasti; quibus ille adiutoribus usus in populo, innumeras multitudines facile gubernauit. Sic in Eleazaro et Ithamar, filiis Aharon, paternae plenitudinis abundantiam transfudisti, ut ad hostias salutares et frequentiores officii sacramenta sufficeret meritum sacerdotum.
Ac prouidentia, domine, apostolis filii tui doctores fidei comites addedisti, quibus illi orbem totum secundis praedicatoribus impleuerunt. Quapropter infirmitati quoque nostrae, domine, quaesumus, haec adiuuenta largire; qui quanto magis fragiliores sumus, tanto his pluribus indigemus. Da, quaesumus, pater, in hos famulos tuos presbyterii dignitatem. Innoua in uisceribus eorum spiritum sanctitatis. Acceptum a te, deus, secundi meriti munus obtineant, censuramque morum exemplo suae conuersationis insinuent. Sint probi cooperatores ordinis nostri. Eluceat in eis totius forma iustitiae, ut bonam rationem dispensationis sibi creditae reddituri, aeternae beatitudinis praemia consequantur
[TIT: MENSE SEPTEMBRI. XXVIII. CONSECRATIO PRESBYTERI]
{N: 955}
Operis tui, deus, initiator et custus, suscipe gratiarum propitius actionem, quod anni cursu remeante uotiua recolimus sumptae primordia dignitatis; ut quae tuis sunt principiis instituta, tuis regantur aucta praesidiis
[TIT: MENSE SEPTEMBRI. XXVIIII. IN NATALE EPISCOPORUM]
{N: 956}
Presta, quaesumus, omnipotens deus, ut fidelibus tuis ordinatum praeueamus affectum, eisque nos similiter diligendi spiritum benignus infunde; ut in tua fide spe et caritate sincera sacrificium tibi placitum deferatur et plebis et praesulis
[TIT: MENSE SEPTEMBRI. XXVIIII. IN NATALE EPISCOPORUM]
{N: 957}
Uere dignum: teque propensius exorare, ut in me, quem ad sacerdotale ministerium nullo praeditum suffragio sanctitatis, sed sola gratiae dignatione promouisti, tua dona prosequendo perficias; et cum prouectu temporis bonorum mihi potius operum des profectum. Haec namque gloriae pontificalis erit uera festiuitas, haec certa laetitia, si per rationabilem regulam praesidendi populus tuus et numero cura regentium... et incrementum gregis adque salubritas gaudium est et corona pastorum
[TIT: MENSE SEPTEMBRI. XXVIIII. IN NATALE EPISCOPORUM]
{N: 958}
Hanc igitur oblationem, quam tibi offero ego tuus famulus et sacerdos, pro eo quod me nulla prorsus iustitia confidentem, sed ineffabilis misericordiae largitate tribuisti sacerdotalem subire famulatum, quaesumus, placatus accipias, et tua pietate confirmes quod es operatus in nobis, diesque meos clementissima gubernatione disponas
[TIT: MENSE SEPTEMBRI. XXVIIII. IN NATALE EPISCOPORUM]
{N: 959}
Qua oblatione totius mecum gratulantis aeclesiae tu, deus, in omnibus
[TIT: MENSE SEPTEMBRI. XXVIIII. IN NATALE EPISCOPORUM]
{N: 960}
Omnipotens et misericors deus, qui nos ad celebritatem uenire huius diei contulisti: presta, quaesumus, ut tui perceptione sacramenti et securitas nobis optata ¦:profutura:¦ proueniat, et religionis integritas
[TIT: MENSE SEPTEMBRI. XXVIIII. IN NATALE EPISCOPORUM]
{N: 961}
Da, quaesumus, domine, familiae tuae cum suis pacem habere rectoribus; ut quorum honore congaudent, de eorum sancta conuersatione laetentur; tuaque gratia tribuatur et moderatio gubernantum et oboedientia subditorum
[TIT: MENSE SEPTEMBRI. XXVIIII. IN NATALE EPISCOPORUM]
{N: 962}
Deus, qui magna nimis et de paruis miranda potenter operaris, misericordiae tuae dona in me placatus exsequere; ut ubi nulla conscientiae meae te digna sunt merita, sola pietatis tuae semper clara sit gratia
[TIT: MENSE SEPTEMBRI. XXVIIII. IN NATALE EPISCOPORUM. II. ITEM ALIA]
{N: 963}
Domine, sancte pater, omnipotens deus, qui dignaris infima et abiecta non despicis: adtolle quos suscitas et guberna quos eriges. Da mihi famulo tuo sufficientiam commissi moderaminis. Da aeclesiae tuae pacem, cui me praeesse uoluisti; ut in uno eodemque spiritu sit tibi grata deuotio et plebis et praesulis
[TIT: MENSE SEPTEMBRI. XXVIIII. IN NATALE EPISCOPORUM. II. ITEM ALIA]
{N: 964}
Deus mundi creator et rector, ad humilitatis meae praeces placatus adtende, et me famulum tuum, quem nullum suffragantibus meritis, sed inmensa largitate clementiae caelestibus mysteriis seruire tribuisti, dignum sacris altaribus fac ministrum; ut quod mea celebrandum uoce depromitur, tua potius sanctificatione firmetur
[TIT: MENSE SEPTEMBRI. XXVIIII. IN NATALE EPISCOPORUM. II. ITEM ALIA]
{N: 965}
Omnipotens sempiterne deus, hostilia, quaesumus, arma confringe, ut inperturbatis mentibus agere tua sancta possimus
[TIT: MENSE SEPTEMBRI. XXVIIII. IN NATALE EPISCOPORUM. II. ITEM ALIA]
{N: 966}
Concede nobis, omnipotens deus, ut ab inprobis uoluntatibus recedentes, praeceptorum tuorum rectitudinem subsequamur, et qui deuiis etiam desiderata concedes, prestis meliora correctis
[TIT: MENSE SEPTEMBRI. XXVIIII. IN NATALE EPISCOPORUM. II. ITEM ALIA]
{N: 967}
Omnis a nobis te, domine, quaesumus, expiante prauitas humana discedat, ut puris sensibus et mentibus tua mysteria celebremus
[TIT: MENSE SEPTEMBRI. XXVIIII. IN NATALE EPISCOPORUM. II. ITEM ALIA]
{N: 968}
Uere dignum: maiestatem tuam cunctis sensibus depraecari, ne propriis iucunditatibus occupati, aut familiam dissimulare commissam, aut nitamur uexare subiectam; sed euangelii tenore monstrante, conseruis ciuaria ministrantes tempore conpetenti dominico repperiamur aduentu; famulosque tuos cum dilectione corripere et cum necessaria studeamus amare censura; totumque seruitium delegatum rationabiliter exsequentes, non reatum de neglecto domini subeamus aumento, sed diuinorum nobis multiplicata proueniat dispensatio talentorum
[TIT: MENSE SEPTEMBRI. XXVIIII. IN NATALE EPISCOPORUM. II. ITEM ALIA]
{N: 969}
Deus, qui nos sacramentis tuis pascere non desistis, tribue, quaesumus, ut eorum nobis indulta refectio uitam conferat sempiternam
[TIT: MENSE SEPTEMBRI. XXVIIII. IN NATALE EPISCOPORUM. II. ITEM ALIA]
{N: 970}
Respice, domine, propitius familiam tuam, et perpetuam largire misericordiam supplicanti; ut sine qua nihil potest a te dignum prorsus efficere, per eam salutaria tua praecepta ¦: quae praecipis :¦ mereatur implere
[TIT: MENSE SEPTEMBRI. XXVIIII. IN NATALE EPISCOPORUM. II. ITEM ALIA]
{N: 971}
Deus, qui aeclesiam tuam in dilectionem tuae diuinitatis et proximi cuncta seruare caelestia mandata docuisti: da nobis spiritum pacis et gratiae, ut uniuersa familia tua et toto tibi sit corde deuota, et pura sibi uoluntate concordet
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 972}
Domine, sancte pater, omnipotens aeterne deus, da nobis gratia, tuae dignationis augeri, et mortalitatis conscientia trepidos pietatis eruditione confirma, ut te omnia in omnibus operante profectus gregis tui sit forma pastoris
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 973}
Domine, sancte pater, omnipotens aeterne deus, gratiae tuae in nobis dona prosequere; et quod possibilitas non habet fragilitatis humanae, tuo spiritu miseratus inpende; ut sacris altaribus seruientes et fidei integritate fundati, et mentis sint claritate conspicui
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 974}
Deus, qui dierum nostrorum numeros temporumque mensuras maiestatis tuae potestate dispensas: propitius ad humilitatis nostrae respice seruitutem, ut tuae pacis abundantia tempora nostra cumulentur
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 975}
Deus, qui nec aeclesiae tuae usque ad consummationem te saeculi defuturum, nec inferni portas apostolicae confessioni praeualituras esse promisisti: in nostra quoque perfice propitius infirmitate uirtutem, ut diuinae pollicitationis effectum, dum etiam infirmis tuis inesse dignaris, ostende. Quia praesentiam tuam sine dubitatione sentimus, cum et singulis quibusque temporibus conuenienter aptanda despensas, et nos a totius aduersitatis incursu perpeti protectione custodis
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 976}
Memento, domine, quod es operatus in nobis, et non quid mereamur, sed conlati gratiam tui muneris intuere; ut sicut me sacris altaribus tua dignatio pontificali seruire praecipit officio, ita dignum prestet et merito
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 977}
Presta, quaesumus, domine deus noster, ut declinemus noxios adpetitos, et reatum nobis ingerentia desideria respuamus: quia tunc exteriores hostes superare poterimus, si uincamus internos
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 978}
Da nobis, quaesumus, omnipotens deus, ut per gratiam tuam nosmetipsos, sicut te dignum est, exhibentes, tuis fidelibus ministremus recte conuersationis exemplum, et populi tui saluatio sempiterna fiat praemium sacerdotis
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 979}
Purifica nos, misericors deus, ut aeclesiae tuae praeces, quae tibi gratae sunt pia ¦: sacra:¦ munera deferentes, fiant expiatis mentibus gratiores
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 980}
Uere dignum: teque de tuis magnificare muneribus. Quis enim hoc dignus exsistat officio, nisi gratia tuae miserationis praeuentus aptetur? Cum ergo tui doni, non nostri sit meriti, tuae nihilominus gubernationis intererit, ut non sit neglegentibus poena perpetua, sed potius exsequentibus conpetenter fiat causa remunerationis aeternae
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 981}
Munerum tuorum, domine, largitate gaudentes supplices depraecamur, ut quibus donasti huius ministerii facultatem, tribuas sufficientem gratiam ministrandi
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 982}
Gaudeat, domine, quaesumus, populus tua semper benedictione confisus, et caelestium rerum frequentatione proficiat; ut et temporalibus beneficiis adiuuetur et erudiatur aeternis
[TIT: MENSE SEPTEMBRI. XXVIIII. IN NATALE EPISCOPORUM. III. ITEM ALIA]
{N: 983}
Da nobis, quaesumus, domine, sancte regimen disciplinae; ut per tuam gratiam et moderatio gubernantum, et oboedientia proueniat subditorum
[TIT: MENSE SEPTEMBRI. XXVIIII. IN NATALE EPISCOPORUM. IIII. ITEM ALIA]
{N: 984}
Tribue, quaesumus, domine, fidelibus tuis, ut ieiuniis pascalibus conuenienter aptentur, et suscepta sollemniter castigatio corporalis ad fructum cunctis transeat animarum
[TIT: MENSE SEPTEMBRI. XXVIIII. IN NATALE EPISCOPORUM. IIII. ITEM ALIA]
{N: 985}
Aufer a nobis, domine, quaesumus, iniquitates nostras, ut ad sancta sanctorum puris mereamur sensibus introire
[TIT: MENSE SEPTEMBRI. XXVIIII. IN NATALE EPISCOPORUM. IIII. ITEM ALIA]
{N: 986}
Uere dignum: qui singulis quibusque temporibus conuenienter adhibenda dispensas. Aptius siquidem adque decentius his diebus episcopalis officii suscepta principia celebramus, quibus et aeclesiae totius obseruantia deuota concurrit, et ipsius, cui sacerdotale ministerium deputatum est, natalis colitur sacramenti. Dumque restrictius castigatiusque uiuentes in summi pontificis proficiendo membra transferimus, adeptum temporaliter hunc honorem potius fieri speramus aeternum
[TIT: MENSE SEPTEMBRI. XXVIIII. IN NATALE EPISCOPORUM. IIII. ITEM ALIA]
{N: 987}
Praesta, domine, quaesumus, ut et de nostrae gaudeamus prouectionis aumento, et de congruo sacramenti pascalis obsequio
[TIT: MENSE SEPTEMBRI. XXVIIII. IN NATALE EPISCOPORUM. IIII. ITEM ALIA]
{N: 988}
Benedictionem tuam, domine, populo supplicanti benignus adcumula; ut et de bona conuersatione sui praesulis semper exultet, et de sacrae festiuitatis celebritate laetetur
[TIT: MENSE SEPTEMBRI. XXVIIII. IN NATALE EPISCOPORUM. IIII. ITEM ALIA]
{N: 989}
Domine deus, pater gloriae, fons bonorum, qui licet aeclesiam tuam toto terrarum orbe diffusam largitate munerum ditare non desinas, sedem tamen beati apostoli tui Petri tanto propensius intueris, quanto sublimius esse uoluisti: da mihi famulo tuo huius prouidentiae tuae dispositionibus exhibere congruenter officium; certus te uniuersis aeclesis collaturum, quidquid illi prestiteris, quam cuncta respiciunt
[TIT: MENSE SEPTEMBRI. XXVIIII. IN NATALE EPISCOPORUM. V. ITEM ALIA]
{N: 990}
Domine, sancte pater, omnipotens aeterne deus, da nobis gratia tuae dignationis augeri, et mortalitatis conscientia trepidos pietatis eruditione confirma, ut te omnia in omnibus operante profectus gregis tui sit forma pastoris
[TIT: MENSE SEPTEMBRI. XXVIIII. IN NATALE EPISCOPORUM. V. ITEM ALIA]
{N: 991}
Domine, sancte pater, omnipotens aeterne deus, qui me nulla praeditum fiducia meritorum ineffabilis gratiae munere familiae tuae praesidere tribuisti: adtolle quod suscitas et guberna quos eriges, ut quorum auctor tu bonorum, sis ipse perfector
[TIT: MENSE SEPTEMBRI. XXVIIII. IN NATALE EPISCOPORUM. V. ITEM ALIA]
{N: 992}
Deus, cuius uniuersae uiae misericordia est semper et ueritas: operis tui dona prosequere; et quod possibilitas non habet fragilitatis humanae, tuis beneficiis miseratus inpende; ut caelestibus mysteriis seruientes et fidei integritate fundati, et mentis luceant puritate conspicui
[TIT: MENSE SEPTEMBRI. XXVIIII. IN NATALE EPISCOPORUM. V. ITEM ALIA]
{N: 993}
Domine deus, pater gloriae, fons bonorum, qui licet aeclesiam tuam toto terrarum orbe diffusam largitate munerum ditare non desinas, sedem tamen beati apostoli tui Petri tanto propensius intueris, quanto sublimius esse uoluisti: da mihi famulo tuo prouidentiae tuae dispositionibus exhibere congruenter officium; certus te uniuersis aeclesis collaturum, quidquid illi prestiteris, quam cuncta respiciunt
[TIT: MENSE SEPTEMBRI. XXVIIII. IN NATALE EPISCOPORUM. V. ITEM ALIA]
{N: 994}
Omnipotens et misericors deus, qui benigne semper operaris, ut possimus implere quae praecipis: dilectarum tibi ouium adesto pastori; quia tui est muneris tuaeque uirtutis, ut et regendi oboedientes, et probabiles possint esse rectores
[TIT: MENSE SEPTEMBRI. XXVIIII. IN NATALE EPISCOPORUM. V. ITEM ALIA]
{N: 995}
Deus misericors, rex aeternae, da seruituti nostrae prosperum cursum; et ut tibi in populi tui deuotione placeamus, tu sancto praeside gregi; et ad tuorum obseruantiam mandatorum tu omnium dirige uoluntates
[TIT: MENSE SEPTEMBRI. XXVIIII. IN NATALE EPISCOPORUM. V. ITEM ALIA]
{N: 996}
Deus, cuius arbitrio omnium saeculorum ordo decurrit, respice propitius ad nostrae tempus aetatis; et ut tibi seruitus nostra conplaceat, tua in nobis dona conserua
[TIT: MENSE SEPTEMBRI. XXVIIII. IN NATALE EPISCOPORUM. V. ITEM ALIA]
{N: 997}
Deus, dierum temporumque nostrorum potens et benigne moderator, conlatis in me per gratiam tuam propitiare muneribus; et in hunc affectum dirige cor plebis et praesulis, ut nec pastori oboedientia gregis, nec grex desit cura pastoris
[TIT: MENSE SEPTEMBRI. XXVIIII. IN NATALE EPISCOPORUM. V. ITEM ALIA]
{N: 998}
Deus, qui propterea aeclesiae tuae gubernacula disponenda sic eius principes sublimasti, ut minimos quosque non deseras: presta, quaesumus, ut apostolicae fidei doctrinaeque uestigia uel longe sequamur imitando, quae licet infirmo comitamur officio
[TIT: MENSE SEPTEMBRI. XXVIIII. IN NATALE EPISCOPORUM. VI. ITEM ALIA]
{N: 999}
Ad gloriam, domine, tui nominis annua festa repetentes sacerdotalis exordii hostiam tibi laudis offerimus suppliciter exorantes, ut cuius ministerii uice tibi seruimus inmeriti, suffragiis eius reddamur accepti
[TIT: MENSE SEPTEMBRI. XXVIIII. IN NATALE EPISCOPORUM. VI. ITEM ALIA]
{N: 1000}
Uere dignum: cum exultatione trepidos et cum pauore laetantes. Sicut enim de tuo munere gratulamur, ita de nostra fragilitate metuimus. Et quantum de humanae condicionis excessibus formidamus, tantum de tua gratia, quae uirtutem perficit in infirmitate confidimus; propensius inplorantes, ut quem tantae sedis honore decorasti, moribus exsistere non patiaris indignum; et cuius formae successorem nomine prestitisti, quantocumque etiam bonae conuersationis adnisu fieri tribuas sectatorem
[TIT: MENSE SEPTEMBRI. XXVIIII. IN NATALE EPISCOPORUM. VI. ITEM ALIA]
{N: 1001}
Presta, quaesumus, domine, cum accessu temporum recti moderaminis incrementum; ut quod dignitate praeferimus, iustis actionibus exsequamur
[TIT: MENSE SEPTEMBRI. XXVIIII. IN NATALE EPISCOPORUM. VI. ITEM ALIA]
{N: 1002}
Multiplica, domine, quaesumus, in aeclesia tua spiritum gratiae quem dedisti, ut per dignum pontificis institutum crescat tuorum deuotio sancta fidelium
[TIT: MENSE SEPTEMBRI. XXVIIII. IN NATALE EPISCOPORUM. VI. ITEM ALIA]
{N: 1003}
Omnipotens sempiterne deus, origo cunctarum perfectioque uirtutum: da nobis, quaesumus, et exercere quae recta sunt, et praedicare quae uera: ut instructionem gratiae tuae praeueamus et agendo tuis fidelibus et docendo
[TIT: MENSE SEPTEMBRI. XXVIIII. IN NATALE EPISCOPORUM. VII. ITEM ALIA]
{N: 1004}
Suscipe, domine, quaesumus, oblationes et praeces, quas et pro reuerentia paschali supplices adhibemus, et pro sollemnitate recolenda primordii sacerdotalis offerimus: ut eorum nobis intercessione sint prospera, quos nobis huius muneris et doctores constitues et patronos
[TIT: MENSE SEPTEMBRI. XXVIIII. IN NATALE EPISCOPORUM. VII. ITEM ALIA]
{N: 1005}
Uere dignum: teque profusius implorare, ut quod nunc pii nobis est honeris, perpetui sit honoris. Neque nos magis oblectent praerogatiua fastigii quam conpetens actio dignitatis; ut quae secundum beatum apostolum Paulum docentem: episcopatum qui desiderat, bonum opus concupiscit: sacri nominis ueritatem sancte conuersationis in nobis monstret effectus. Et qui loco ceteris praesidemus, cunctis rationabili subdamur affectu. Nec nos extollat noxia potestatis elatio, sed potius modestos efficiat administratio legitima caritatis
[TIT: MENSE SEPTEMBRI. XXVIIII. IN NATALE EPISCOPORUM. VII. ITEM ALIA]
{N: 1006}
Deus, qui bona cuncta et incoas benignus et perficis: da nobis, sicut de initiis tuae gratiae gloriamur, ita de perfectione gaudere
[TIT: MENSE SEPTEMBRI. XXVIIII. IN NATALE EPISCOPORUM. VII. ITEM ALIA]
{N: 1007}
Repleantur consolationibus tuis, domine, quaesumus, tuorum corda fidelium; pariterque et de aeclesiae praesolum et de suo referant gaudia uotiua profectu; ac temporalibus solaciis incitati promptius aeterna desiderent
[TIT: MENSE SEPTEMBRI. XXVIIII. IN NATALE EPISCOPORUM. VII. ITEM ALIA]
{N: 1008}
Deus, qui licet uniuersum genus humanum caelesti lege disponas, aeclesiam tamen tuam speciali dispensatione moderaris: et dignum tibi nos exhibere ministerium concede propitius, et dignos per tuam gratiam ministros offerre
[TIT: MENSE SEPTEMBRI. XXVIIII. IN NATALE EPISCOPORUM. VIII. ITEM ALIA]
{N: 1009}
Presta, quaesumus, omnipotens deus, ut quod fragili supplemus officio, tuo potius perficiatur effectu
[TIT: MENSE SEPTEMBRI. XXVIIII. IN NATALE EPISCOPORUM. VIII. ITEM ALIA]
{N: 1010}
Omnium nostrum, domine, quaesumus, hostias propitius intuere; ut et quod actum est per obsequium deputatum et fidelium uota populorum tua potius dignatione firmentur
[TIT: MENSE SEPTEMBRI. XXVIIII. IN NATALE EPISCOPORUM. VIII. ITEM ALIA]
{N: 1011}
Uere dignum: suppliciter implorantes, ut nostram pariter et eorum, quos per tui muneris largitatem sacrae familiae subrogamus antistites, bene tibi placitam perficias seruitutem
[TIT: MENSE SEPTEMBRI. XXVIIII. IN NATALE EPISCOPORUM. VIII. ITEM ALIA]
{N: 1012}
Hanc itaque oblationem, quam tibi offerimus illius et illius famulorum tuorum, quibus summum sacerdotium contulisti, quaesumus, benignus efficias, et tua in eis dona prosequaris
[TIT: MENSE SEPTEMBRI. XXVIIII. IN NATALE EPISCOPORUM. VIII. ITEM ALIA]
{N: 1013}
Aeclesiam tuam, domine, benignus inlumina, ut et gregis tui proficiat ubique successus, et grati fiant nomini tuo te gubernante pastores
[TIT: MENSE SEPTEMBRI. XXVIIII. IN NATALE EPISCOPORUM. VIII. ITEM ALIA]
{N: 1014}
Da, quaesumus, domine, ut et fideles tui diligant praesules suos et ab eis mutuo diligantur; adque ut perpetuo perseuerent, presta, quaesumus, ut utrumque et iustitia non desit et pietas
[TIT: MENSE SEPTEMBRI. XXVIIII. IN NATALE EPISCOPORUM. VIII. ITEM ALIA]
{N: 1015}
Largire nobis, domine, quaesumus, spiritum cogitandi quae bona sunt promptius et agendi, ut qui sine te. esse non possumus, secundum te, uiuere ualeamus
[TIT: MENSE SEPTEMBRI. XXVIIII. IN NATALE EPISCOPORUM. VIIII. ITEM ALIA]
{N: 1016}
Da nobis, domine, quaesumus, ut in tua gratia ueraciter confidentes, et quae te digna sunt postulemus, et iugiter postulata sumamus
[TIT: MENSE SEPTEMBRI. XXVIIII. IN NATALE EPISCOPORUM. VIIII. ITEM ALIA]
{N: 1017}
Dicatae tibi, domine, quaesumus, capiamus oblationis effectum, ut a terraenae uetustatis conuersatione mundati, caelestis uitae profectibus innouemur
[TIT: MENSE SEPTEMBRI. XXVIIII. IN NATALE EPISCOPORUM. VIIII. ITEM ALIA]
{N: 1018}
Uere dignum: ut, qui te auctore sumus conditi, te reparante saluemur; et qui faciles a tua rectitudine discrepamus, ad eam tua miseratione reuocemur; nec relinquamur nostris excessibus, sed tuae subdamur clementer et incessabiliter uoluntati
[TIT: MENSE SEPTEMBRI. XXVIIII. IN NATALE EPISCOPORUM. VIIII. ITEM ALIA]
{N: 1019}
Perfice, domine, quaesumus, benignus in nobis, ut quae sacris mysteriis profitemur, piis actionibus exsequamus
[TIT: MENSE SEPTEMBRI. XXVIIII. IN NATALE EPISCOPORUM. VIIII. ITEM ALIA]
{N: 1020}
Plebem tuam, domine, quaesumus, interius exteriusque restaura; ut, quam corporeis non uis delectationibus inpediri, spiritali facias uigere proposito; et sic rebus foueas transituris, ut tribuas potius inherere perpetuis
[TIT: MENSE SEPTEMBRI. XXVIIII. IN NATALE EPISCOPORUM. VIIII. ITEM ALIA]
{N: 1021}
Omnipotens sempiterne deus, qui nos ab hostibus defendes inmeritos: presta, quaesumus, ut et morum nobis adsit et fidei rectitudo, qua pietatis tuae mereamur aumenta
[TIT: MENSE SEPTEMBRI. XXVIIII. IN NATALE EPISCOPORUM. X. ITEM ALIA]
{N: 1022}
Quaesumus, domine deus noster, ut propitiationis tuae nobis collata securitas non nos efficiat neglegentes, sed potius ad cultum nominis tui reddat acceptos: per
[TIT: MENSE SEPTEMBRI. XXVIIII. IN NATALE EPISCOPORUM. X. ITEM ALIA]
{N: 1023}
Sacris, domine, mysteriis expiati, et ueniam consequamur et gratiam
[TIT: MENSE SEPTEMBRI. XXVIIII. IN NATALE EPISCOPORUM. X. ITEM ALIA]
{N: 1024}
Uere dignum: clementiam tuam toto corde poscentes, ut qui nos a corporalibus tueris aduersis, ab hostibus quoque mentis expedias; et quos exteriore tribuis tranquillitate gaudere, interius facias esse pacificos
[TIT: MENSE SEPTEMBRI. XXVIIII. IN NATALE EPISCOPORUM. X. ITEM ALIA]
{N: 1025}
Repleti, domine, muneribus sacris, da, quaesumus, ut in gratiarum semper actione maneamus
[TIT: MENSE SEPTEMBRI. XXVIIII. IN NATALE EPISCOPORUM. X. ITEM ALIA]
{N: 1026}
Guberna, domine, quaesumus, tuam placatus aeclesiam; ut potenti moderatione directa, et incrementa libertatis accipiat, et in religionis integritate persistat
[TIT: MENSE SEPTEMBRI. XXVIIII. IN NATALE EPISCOPORUM. X. ITEM ALIA]
{N: 1027}
Ad te corda nostra, pater aeterne, conuerte: quia nullis necessariis indigebunt, quos tuo cultui prestiteris esse subiectos
[TIT: MENSE SEPTEMBRI. XXVIIII. IN NATALE EPISCOPORUM. XI. ITEM ALIA]
{N: 1028}
Ut cunctis nos, domine, foueas adiumentis, tuis apta propitius disciplinis
[TIT: MENSE SEPTEMBRI. XXVIIII. IN NATALE EPISCOPORUM. XI. ITEM ALIA]
{N: 1029}
Sacrificium deferimus de perceptione tuorum, domine, prestitorum, ut percipienda securius uberiusque sumamus
[TIT: MENSE SEPTEMBRI. XXVIIII. IN NATALE EPISCOPORUM. XI. ITEM ALIA]
{N: 1030}
Uere dignum: simulque pro munere generali quo uiuimus, et pro singulis quibusque subsidiis tuam munificentiam praedicare: ne conlatis ingrati beneficiis conferendis probemur indigni; meritoque transeuntium rerum potius consolationibus adiuuemur, si bona mansura non segnius sacro ieiunio purgatis mentibus adpetamus
[TIT: MENSE SEPTEMBRI. XXVIIII. IN NATALE EPISCOPORUM. XI. ITEM ALIA]
{N: 1031}
Presta, domine, quaesumus, ut temporalibus non destituamur auxiliis, quos alimoniis pascis aeternis
[TIT: MENSE SEPTEMBRI. XXVIIII. IN NATALE EPISCOPORUM. XI. ITEM ALIA]
{N: 1032}
Succurre, domine, quaesumus, populo supplicanti, et opem tuam tribue benignus infirmis; ut sincera tibi mente deuoti, et praesentis uitae remediis gaudeant et futurae
[TIT: MENSE SEPTEMBRI. XXVIIII. IN NATALE EPISCOPORUM. XI. ITEM ALIA]
{N: 1033}
Omnipotens et misericors deus, propitiationis tuae dona multiplica, et cunctis hostibus caelesti uirtute conpressis aumentum nobis tribue religionis et pacis
[TIT: MENSE SEPTEMBRI. XXVIIII. IN NATALE EPISCOPORUM. XII. ITEM ALIA]
{N: 1034}
Uirtutum caelestium deus, promissionis tuae munus exsquere, ut euangelicae ueritati reuellantium corda subdantur
[TIT: MENSE SEPTEMBRI. XXVIIII. IN NATALE EPISCOPORUM. XII. ITEM ALIA]
{N: 1035}
Muneribus nostris, quaesumus, domine, gratiam tuae placationis intersere; ut et collata nobis remedia tuearis, et conferenda perficias
[TIT: MENSE SEPTEMBRI. XXVIIII. IN NATALE EPISCOPORUM. XII. ITEM ALIA]
{N: 1036}
Uere dignum: supplicantes, ut tibi nos placatus deuoto facias corde sectari. Quia sicut totius aduersitatis est causa tuis non oboedire praeceptis, ita praecipue prosperitatis effectus est bonorum omnium sequi conuenienter auctorem
[TIT: MENSE SEPTEMBRI. XXVIIII. IN NATALE EPISCOPORUM. XII. ITEM ALIA]
{N: 1037}
Tua nos, quaesumus, domine, sancta purificent, et operationis suae perficiant nos pacatos
[TIT: MENSE SEPTEMBRI. XXVIIII. IN NATALE EPISCOPORUM. XII. ITEM ALIA]
{N: 1038}
Moueat pietatem tuam, quaesumus, domine, subiectae tibi plebis effectus, et misericordiam tuam supplicatio fidelis optineat: ut quod meritis non praesumit, indulgentiae tuae largitate percipiat
[TIT: MENSE SEPTEMBRI. XXVIIII. IN NATALE EPISCOPORUM. XII. ITEM ALIA]
{N: 1039}
Peccata nostra, domine, propitiatus absolue, et quidquid pro peccatis meremur miseratus auerte
[TIT: MENSE SEPTEMBRI. XXVIIII. IN NATALE EPISCOPORUM. XIII. ITEM ALIA]
{N: 1040}
Concede, quaesumus, omnipotens deus, ut uiam tuam deuota mente currentes, subripentium delictorum laqueos euadamus
[TIT: MENSE SEPTEMBRI. XXVIIII. IN NATALE EPISCOPORUM. XIII. ITEM ALIA]
{N: 1041}
Purificet nos, domine, caelestis exsecutio sacramenti, et ad tuam magnificentiam capiendam diuinis effectibus semper instauret
[TIT: MENSE SEPTEMBRI. XXVIIII. IN NATALE EPISCOPORUM. XIII. ITEM ALIA]
{N: 1042}
Uere dignum: ut qui te autore subsistimus, te dispensante dirigamur. Non nostris sensibus relinquamur, sed ad tuae reducti semper tramitem ueritatis, haec studeamus exercere quae praecipis, ut possimus dona percipere quae promittis
[TIT: MENSE SEPTEMBRI. XXVIIII. IN NATALE EPISCOPORUM. XIII. ITEM ALIA]
{N: 1043}
Sumpti sacrificii, domine, perpetua nos tuitio non relinquat, et noxia semper a nobis cuncta depellat
[TIT: MENSE SEPTEMBRI. XXVIIII. IN NATALE EPISCOPORUM. XIII. ITEM ALIA]
{N: 1044}
Adesto, domine, fidelibus tuis, et tua sancta celebrantibus auge deuotionis effectum; ut et tibi semper exhibeant deuitam seruitutem, et ad remedia iugiter aeterna proficiant
[TIT: MENSE SEPTEMBRI. XXVIIII. IN NATALE EPISCOPORUM. XIII. ITEM ALIA]
{N: 1045}
Respice nos, rerum omnium deus creator et rector; ut et tuae propitiationis sentiamus effectum, toto nos tribue tibi corde seruire
[TIT: MENSE SEPTEMBRI. XXVIIII. IN NATALE EPISCOPORUM. XIIII. ITEM ALIA]
{N: 1046}
Ad tua, domine, beneficia fiducialiter inpetranda quaesumus, ut exercere, quae tibi sunt placita, et uelle nobis largiaris et posse
[TIT: MENSE SEPTEMBRI. XXVIIII. IN NATALE EPISCOPORUM. XIIII. ITEM ALIA]
{N: 1047}
Deus, auctor sincerae deuotionis et pacis, da, quaesumus, ut et maiestatem tuam conuenienter hoc munere ueneremur, et sacri participatione mysterii fideliter sensibus uniamus
[TIT: MENSE SEPTEMBRI. XXVIIII. IN NATALE EPISCOPORUM. XIIII. ITEM ALIA]
{N: 1048}
Uere dignum: qui ideo nos imaginem tuam benignus exsistere uoluisti, ut tenorem summae iustitiae pariter et pietatis imitemur; quod brebi conpendio poterimus implere, hic per tuam nobis gratiam concedatur, ut et te nostrum nitamur amare factorem, et nosmetipsos ueraciter libereque diligere, quos fecisti
[TIT: MENSE SEPTEMBRI. XXVIIII. IN NATALE EPISCOPORUM. XIIII. ITEM ALIA]
{N: 1049}
Spiritum nobis, domine, tuae caritatis infunde; ut quos uno caelesti pane satiasti, una facias pietate concordes
[TIT: MENSE SEPTEMBRI. XXVIIII. IN NATALE EPISCOPORUM. XIIII. ITEM ALIA]
{N: 1050}
Confirma, domine, quaesumus, tuorum corda filiorum, et gratiae tuae uirtute corrobora; ut et in tua sint supplicatione deuoti, et mutua dilectione sinceri
[TIT: MENSE SEPTEMBRI. XXVIIII. IN NATALE EPISCOPORUM. XIIII. ITEM ALIA]
{N: 1051}
Quaesumus, omnipotens deus, ne multitudinem nostrae prauitatis adtendas; sed a peccatis abstrahe fragiles, et ad ea quae recta sunt tuorum dirige uoluntates
[TIT: MENSE SEPTEMBRI. XXVIIII. IN NATALE EPISCOPORUM. XV. ITEM ALIA]
{N: 1052}
Non retribuas nobis, quaesumus, domine, quae malis operibus promeremur; sed quos iure corripis a ueritate digressos, protege tua miseratione correctos
[TIT: MENSE SEPTEMBRI. XXVIIII. IN NATALE EPISCOPORUM. XV. ITEM ALIA]
{N: 1053}
Prosint nobis, domine, frequentata mysteria, quae nos a cupiditatibus terrenis expediant, et instituant amare caelestia
[TIT: MENSE SEPTEMBRI. XXVIIII. IN NATALE EPISCOPORUM. XV. ITEM ALIA]
{N: 1054}
Uere dignum: ut diuinam iugiter gratiam subsequentes, iustitiam tuam, quam delictis nostris incessanter offendimus, actu meliore placeamus; et quibus merita debetur poena peruersis, indulgentia tribuatur ab iniquitate cessantibus
[TIT: MENSE SEPTEMBRI. XXVIIII. IN NATALE EPISCOPORUM. XV. ITEM ALIA]
{N: 1055}
Ab omni errore nos, domine, quaesumus, expient sacramenta quae sumpsimus, et dulcedinem mentibus nostris tuae suauitatis infundant
[TIT: MENSE SEPTEMBRI. XXVIIII. IN NATALE EPISCOPORUM. XV. ITEM ALIA]
{N: 1056}
Da populo tuo, domine, quaesumus, spiritum ueritatis et pacis; ut et te tota mente cognoscant, et quae tibi sunt placita toto corde sectantes, bonorum tuorum semper munere potiantur
[TIT: MENSE SEPTEMBRI. XXVIIII. IN NATALE EPISCOPORUM. XV. ITEM ALIA]
{N: 1057}
Protector in te sperantium deus, presta, quaesumus, ut maiestatem tuam sine cessatione laudemus; et ut tibi possimus iugiter famulari, salutem nobis tribue mentis et corporis
[TIT: MENSE SEPTEMBRI. XXVIIII. IN NATALE EPISCOPORUM. XVI. ITEM ALIA]
{N: 1058}
Misericordiae tuae remediis, quaesumus, domine, fragilitas nostra subsistat, ut quae sui condicione defecit, tua uegetatione reparetur
[TIT: MENSE SEPTEMBRI. XXVIIII. IN NATALE EPISCOPORUM. XVI. ITEM ALIA]
{N: 1059}
Quaesumus, domine deus noster, ut interius nobis exterius que conferant haec mysteria sanitatem, quae famulis tuis in utroque uoluisti praeuere subsidium
[TIT: MENSE SEPTEMBRI. XXVIIII. IN NATALE EPISCOPORUM. XVI. ITEM ALIA]
{N: 1060}
Uere dignum: qui famulos tuos ideo corporaliter uerberas, ut mente proficiant: potenter ostendens, quam sit pietatis tuae praeclara saluatio, dum prestas, ut operetur nobis etiam infirmitas ipsa medicinam
[TIT: MENSE SEPTEMBRI. XXVIIII. IN NATALE EPISCOPORUM. XVI. ITEM ALIA]
{N: 1061}
Deus, qui diligendo castigas et castigando nos refoues, presta, ut de utroque tibi gratias semper referre ualeamus
[TIT: MENSE SEPTEMBRI. XXVIIII. IN NATALE EPISCOPORUM. XVI. ITEM ALIA]
{N: 1062}
Tuere, domine, populum tuum, et ab omnibus peccatis clementer emunda: quia nulla eidem noceuit aduersitas, si nulla dominetur iniquitas
[TIT: MENSE SEPTEMBRI. XXVIIII. IN NATALE EPISCOPORUM. XVI. ITEM ALIA]
{N: 1063}
Eripe nos, domine, quaesumus, ab his quae diuinae sunt contraria uoluntati; et quia tui operis est omne quod uiuimus, presta, ut tui famuli tibi placere possimus
[TIT: MENSE SEPTEMBRI. XXVIIII. IN NATALE EPISCOPORUM. XVII. ITEM ALIA]
{N: 1064}
Quaesumus, domine, ne nos talis patiaris exsistere, quibus merito dominentur aduersa; sed huiusmodi potius effici tribuas, qui beneficiis tuis non perpetuo iudicemur indigni
[TIT: MENSE SEPTEMBRI. XXVIIII. IN NATALE EPISCOPORUM. XVII. ITEM ALIA]
{N: 1065}
Oblati sacrificii, domine, quaesumus, prestet effectus, ut eidem conuenienter aptemur
[TIT: MENSE SEPTEMBRI. XXVIIII. IN NATALE EPISCOPORUM. XVII. ITEM ALIA]
{N: 1066}
Uere dignum: maiestatem tuam deuotis mentibus implorantes, ut sicut ex te habemus esse quod sumus, sic per gratiam tuam et bene uelle sumamus, et bonum posse quod uolumus
[TIT: MENSE SEPTEMBRI. XXVIIII. IN NATALE EPISCOPORUM. XVII. ITEM ALIA]
{N: 1067}
Da, quaesumus, omnipotens deus, ut mysteriorum uirtute sanctorum uita nostra firmetur
[TIT: MENSE SEPTEMBRI. XXVIIII. IN NATALE EPISCOPORUM. XVII. ITEM ALIA]
{N: 1068}
Plebs tua, domine, sacramentis purificata caelestibus, quod sumit, intellegat; quod gustu deliuat, moribus adpraehendat; quod iustis orationibus expetit, tua miseratione percipiat
[TIT: MENSE SEPTEMBRI. XXVIIII. IN NATALE EPISCOPORUM. XVII. ITEM ALIA]
{N: 1069}
Magnificamus, domine, clementiam tuam, qui et ueniam peccatoribus et miseris prestas auxilium
[TIT: MENSE SEPTEMBRI. XXVIIII. IN NATALE EPISCOPORUM. XVIII. ITEM ALIA]
{N: 1070}
Nomini tuo, quaesumus, deus aeterne, da gloriam cum et inmeritis bene facere non omittis
[TIT: MENSE SEPTEMBRI. XXVIIII. IN NATALE EPISCOPORUM. XVIII. ITEM ALIA]
{N: 1071}
Uere dignum: referentes gratias et praecantes, ut tibi nos placitos esse perficiens, quibus succurris indignis, propitieris acceptis
[TIT: MENSE SEPTEMBRI. XXVIIII. IN NATALE EPISCOPORUM. XVIII. ITEM ALIA]
{N: 1072}
Quanto te, domine, praedicare sufficimus, qui perire meritis tribuis de merore laetitiam
[TIT: MENSE SEPTEMBRI. XXVIIII. IN NATALE EPISCOPORUM. XVIII. ITEM ALIA]
{N: 1073}
Da, quaesumus, domine, populum tuum ad te toto corde conuerti: quia quos defendes etiam delinquentes, maiore pietate tueris sincera tibi mente deuotos
[TIT: MENSE SEPTEMBRI. XXVIIII. IN NATALE EPISCOPORUM. XVIII. ITEM ALIA]
{N: 1074}
Presta, quaesumus, omnipotens deus, ut inter innumeros uitae praesentis errores tuo semper moderamine dirigamur
[TIT: MENSE SEPTEMBRI. XXVIIII. IN NATALE EPISCOPORUM. XVIIII. ITEM ALIA]
{N: 1075}
Fac nos, quaesumus, domine, quae sunt recta sectari, integritatem conscientiae diligere semper et famae
[TIT: MENSE SEPTEMBRI. XXVIIII. IN NATALE EPISCOPORUM. XVIIII. ITEM ALIA]
{N: 1076}
Sacrificii tui, domine, seruimus effectibus: et nos expiari, et tua nos confidimus remedia promereri
[TIT: MENSE SEPTEMBRI. XXVIIII. IN NATALE EPISCOPORUM. XVIIII. ITEM ALIA]
{N: 1077}
Uere dignum: qui cum summa sis ratio nosque rationales efficeris, certum est, et tanto nos a tua participatione discedere, quantum ab aequitatis tramite deuiamus; et tantum in tua similitudine permaneamus, quantum non dibellimur ab ordine ueritatis
[TIT: MENSE SEPTEMBRI. XXVIIII. IN NATALE EPISCOPORUM. XVIIII. ITEM ALIA]
{N: 1078}
Sancta tua nos, domine, quaesumus, et uiuificando renouent, et renouando uiuificent
[TIT: MENSE SEPTEMBRI. XXVIIII. IN NATALE EPISCOPORUM. XVIIII. ITEM ALIA]
{N: 1079}
Fideles tuos, domine, benedictio desiderata confirmet; quae eos et a tua uoluntate numquam faciat discrepare, et tuis semper indulgeat beneficiis gratulari
[TIT: MENSE SEPTEMBRI. XXVIIII. IN NATALE EPISCOPORUM. XVIIII. ITEM ALIA]
{N: 1080}
Presta, domine, quaesumus, ut mentium reprobarum non curemus obloquia; sed eadem prauitate calcata, quae domui tuae conueniunt, rationabiliter exsequamur
[TIT: MENSE SEPTEMBRI. XXVIIII. IN NATALE EPISCOPORUM. XX. ITEM ALIA]
{N: 1081}
Quaesumus, uirtutum caelestium deus, ut dispectis falsitatibus iniquorum conscientiae famaeque nostrae profutura sectemur
[TIT: MENSE SEPTEMBRI. XXVIIII. IN NATALE EPISCOPORUM. XX. ITEM ALIA]
{N: 1082}
Da, quaesumus, omnipotens deus, ut huius oblationis effectus et tibi non placita refutare et prestet nobis amare, quae recta sunt
[TIT: MENSE SEPTEMBRI. XXVIIII. IN NATALE EPISCOPORUM. XX. ITEM ALIA]
{N: 1083}
Uere dignum: ut nos ab operariis iniquitatis dignanter expedias et nec proprio reos fieri patiaris excessu, nec alienis inpietatibus praeuere consensum; sed mores nostros ea moderatione conponas, ut tam in nobis quam in aliis quae sunt iusta seruemus
[TIT: MENSE SEPTEMBRI. XXVIIII. IN NATALE EPISCOPORUM. XX. ITEM ALIA]
{N: 1084}
Ab occultis nostris munda nos, domine, et ab alienis prauitatibus benignus absolue, ut tua sancta pura mente sumamus
[TIT: MENSE SEPTEMBRI. XXVIIII. IN NATALE EPISCOPORUM. XX. ITEM ALIA]
{N: 1085}
Familiam tuam, domine, propitiata maiestate circumspice; ut nec suis infecta sit uitiis, nec externis obligata peccatis, sed ab utrisque libera tibi semper et purgata deseruiat
[TIT: MENSE SEPTEMBRI. XXVIIII. IN NATALE EPISCOPORUM. XX. ITEM ALIA]
{N: 1086}
Da, quaesumus, omnipotens deus, ut toto tibi corde famulemur: quia nulla nobis praeualeuit hostilitas, si in te, domine, ueraciter confidamus
[TIT: MENSE SEPTEMBRI. XXVIIII. IN NATALE EPISCOPORUM. XXI. ITEM ALIA]
{N: 1087}
Huius nobis, domine, quaesumus, sacrificii placationis succurre, cuius remediis dignaris absoluere peccatores
[TIT: MENSE SEPTEMBRI. XXVIIII. IN NATALE EPISCOPORUM. XXI. ITEM ALIA]
{N: 1088}
Uere dignum: quia, dum beneficia tua largiris indignis, magna pietate nos admones, multo potiora dona sumpturos, si praeceptio num tuarum et eruditionibus proficiamus et factis
[TIT: MENSE SEPTEMBRI. XXVIIII. IN NATALE EPISCOPORUM. XXI. ITEM ALIA]
{N: 1089}
Maiestatem tuam, domine, supplices depraecamur, ut nos et caelestibus expiare mysteriis, et perpetuis non desinas fouere praesidiis
[TIT: MENSE SEPTEMBRI. XXVIIII. IN NATALE EPISCOPORUM. XXI. ITEM ALIA]
{N: 1090}
Tuere propitius, domine, quaesumus, familiam tuam; et quam benigna defensione non deseris, propensius tibi redde subiectam; ut gratiam tuam, quam sumit indebita, cupiosius deuota percipiat
[TIT: MENSE SEPTEMBRI. XXVIIII. IN NATALE EPISCOPORUM. XXI. ITEM ALIA]
{N: 1091}
Deus, qui iustitiam diligis et iniusta condemnas: da nobis, quaesumus, et amare quae recta sunt, et peruersa uitare
[TIT: MENSE SEPTEMBRI. XXVIIII. IN NATALE EPISCOPORUM. XXII. ITEM ALIA]
{N: 1092}
Ueritatis auctor et misericordiae deus, qui nos et sollicitudine non pigros esse, et neminem laedere uoluisti: presta, quaesumus, ut nulli noxia cupiamus inferre, et uexare molientium caueamus incursus
[TIT: MENSE SEPTEMBRI. XXVIIII. IN NATALE EPISCOPORUM. XXII. ITEM ALIA]
{N: 1093}
Ab occultis nostris tua nos, domine, sancta purificent, et ab externis erroribus perpetua uirtute defendant
[TIT: MENSE SEPTEMBRI. XXVIIII. IN NATALE EPISCOPORUM. XXII. ITEM ALIA]
{N: 1094}
misericordiam tuam, domine, depraecantes, ut nos diuinis rebus tribuas studere ueraciter, nec sub specie religionis sacros inpugnare patiaris effectus. Quoniam sibi modis omnibus inimici sunt, qui tuae uoluntati nituntur esse contrarii, propriae salutis operantes excidium, quam tuis dispositionibus aduersa mente nocituri
[TIT: MENSE SEPTEMBRI. XXVIIII. IN NATALE EPISCOPORUM. XXII. ITEM ALIA]
{N: 1095}
Muneris diuini perceptio, quaesumus, domine, semper a nobis et peccata nostra submoueat, et externa depellat
[TIT: MENSE SEPTEMBRI. XXVIIII. IN NATALE EPISCOPORUM. XXII. ITEM ALIA]
{N: 1096}
Populum tuum, domine, quaesumus, posside caelestibus institutis; ut omnia uitando quae mala sunt, et bona cuncta sectando, non indignationem tuam, sed iugiter misericordiam consequatur
[TIT: MENSE SEPTEMBRI. XXVIIII. IN NATALE EPISCOPORUM. XXII. ITEM ALIA]
{N: 1097}
Concede, omnipotens deus, ut et gaudiorum plenitudinem consequamur, et maiestati tuae propensius... esse deuoti
[TIT: MENSE SEPTEMBRI. XXVIIII. IN NATALE EPISCOPORUM. XXIII. ITEM ALIA]
{N: 1098}
Offerimus, domine, laudes et munera, pro concessis beneficiis exhibentes gratias, et pro concedendis suppliciter depraecantes
[TIT: MENSE SEPTEMBRI. XXVIIII. IN NATALE EPISCOPORUM. XXIII. ITEM ALIA]
{N: 1099}
Uere dignum: qui facis mirabilia magna solus, et non tantum pro peccatis nostris non retribues quae meremur, sed insuper etiam consolationis tuae dona prestas inmeritis: magis nos ad cultum nominis tui pio largiens munere prouocari, quam deuita castigatione conpelli; et clementer indulgens, ut seruilis metus in effectum transeat filiorum
[TIT: MENSE SEPTEMBRI. XXVIIII. IN NATALE EPISCOPORUM. XXIII. ITEM ALIA]
{N: 1100}
Toto tibi, domine, corde substrati bonitatem tuam supplices exoramus, ut nos et temporalibus praesidiis fouere non desinas, et aeternis instruere non omittas
[TIT: MENSE SEPTEMBRI. XXVIIII. IN NATALE EPISCOPORUM. XXIII. ITEM ALIA]
{N: 1101}
Laetetur, domine, quaesumus, populus tuus tua dextera subleuatus; et a tribulatione respirans continuis protegatur auxiliis; et religiosa conuersatione proficiens, et praesentibus bonis gaudeat et futuris
[TIT: MENSE SEPTEMBRI. XXVIIII. IN NATALE EPISCOPORUM. XXIII. ITEM ALIA]
{N: 1102}
Praecamur, omnipotens deus, omnes propitiatus a nobis remoue prauitates, et cunctas benignus depelle nequitias
[TIT: MENSE SEPTEMBRI. XXVIIII. IN NATALE EPISCOPORUM. XXIII. ITEM ALIA]
{N: 1103}
Respice, domine, propitius super has famulas tuas, ut uirginitatis sancte propositum, quod te inspirante suscipiunt, te gubernante custodiant
[TIT: MENSE SEPTEMBRI. XXX. AD UIRGINES SACRAS]
{N: 1104}
Deus, castorum corporum benignus habitator et incorruptarum, deus, amator animarum: deus, qui humanam substantiam in primis hominibus diabolica fraude uitiatam, ita in uerbo tuo per quod omnia facta sunt reparas, ut eam non solum ad primae originis innocentiam reuoces, sed etiam ad experientiam quorundam bonorum, quae in nouo saeculo sunt habenda perducas; et obstrictos adhuc condicione mortalium iam ad similitudinem proueas angelorum: respice, domine, super has famulas tuas, quae in manu tua continentiae suae propositum collocantes, ei deuotionem suam offerunt, a quo ipsa uota sumpserunt. Quando enim animus mortali carne circumdatus, legem naturae, libertatem licentiae, uim consuetudinis et stimulos aetatis euinceret, nisi tu hanc flammant clementer accenderes, tu hanc cupiditatem benignus aleres, tu fortitudinem ministrares?
Effusa namque in omnes gentes gratia tua, ex omni natione quae est sub caelo in stellarum innumerabilem numerum noui testamenti heredibus adoptatis, inter ceteras uirtutes, quas filiis tuis non ex sanguinibus neque ex uoluntate carnis, sed de tuo spiritu genitis indidisti: etiam hoc donum in quasdam mentes de largitatis tuae fonte defluxit, ut cum honorem nuptiarum nulla interdicta minuissent, ac super sanctum coniugium initialis benedictio permaneret, exsisterent tamen sublimiores animae, quae in uiri ac mulieris copula fastidirent conubium, concupiscerent sacramentum, nec imitarentur quod nuptiis agitur, sed diligerent quod nuptiis praenotatur. Agnovit auctorem suum beata uirginitas, et aemula integritatis angelicae, illius talamo, illius cubiculo se deuouit, qui sic perpetuae uirginitatis est sponsus, quemadmodum perpetuae uirginitatis est filius.Inplorantibus ergo auxilium tuum, domine, et confirmari se benedictionis tuae consecratione cupientibus da protectionis tuae munimen et regimen; ne hostis antiquus, qui excellentiora studia subtilioribus infestat insidiis, ad obscurandam perfectae continentiae palmam, per aliquam serpat mentis incuriam, et rapiat de proposito uirginum, quod etiam moribus decet inesse nuptarum. Sit in eis, domine, per donum spiritus tui prudens modestia, sapiens benignitas, grauis lenitas, casta libertas. In caritate ferueant, et nihil extra te diligant; laudabiliter uiuant laudarique non appetant. Te in sanctitate corporis, te in animi sui puritate glorificent. Amore te timeant, amore tibi seruiant. Tu eis honor sis, tu gaudium, tu uoluntas. Tu in merore solacium, tu in ambiguitate consilium, tu in iniuria defensio, in tribulatione patientia, in paupertate abundantia, in ieiunio cibus, in infirmitate medicina. In te habeant omnia, quem elegere super omnia
[TIT: MENSE SEPTEMBRI. XXX. AD UIRGINES SACRAS]
{N: 1105}
Exaudi nos, omnipotens et misericors deus, ut quod nostro ministratur officio, tua benedictione potius inpleatur
[TIT: MENSE SEPTEMBRI. XXXI. INCIPIT UELATIO NUPTIALIS]
{N: 1106}
Suscipe, domine, quaesumus, pro sacra lege coniugii munus oblatum; et cuius creator es operis, esto dispositor
[TIT: MENSE SEPTEMBRI. XXXI. INCIPIT UELATIO NUPTIALIS]
{N: 1107}
Hanc igitur oblationem famulae tuae illius, quam tibi offerimus pro famula tua illa, quaesumus, domine, placatus aspicias. Pro qua maiestatem tuam supplices exoramus, ut sicut eam ad aetatem nuptiis congruentem peruenire tribuisti, sic consortio maritali tuo munere copulatam desiderata subole gaudere perficias, adque ad optatam seriem cum suo coniuge proueas benignus annorum
[TIT: MENSE SEPTEMBRI. XXXI. INCIPIT UELATIO NUPTIALIS]
{N: 1108}
Quaesumus, omnipotens deus, instituta prouidentiae tuae pio fauore comitare; et quos legitima societate connectes, longeua pace custodi
[TIT: MENSE SEPTEMBRI. XXXI. INCIPIT UELATIO NUPTIALIS]
{N: 1109}
Adesto, domine, supplicationibus nostris, et institutis tuis, quibus propagationem humani generis ordinasti, benignus adsiste: ut quod te auctore iungitur, te auxiliante seruetur
[TIT: MENSE SEPTEMBRI. XXXI. INCIPIT UELATIO NUPTIALIS]
{N: 1110}
Pater, mundi conditor, nascentium genitor, multiplicandae originis institutor, qui Adae comitem tuis manibus addedisti, cuius ex ossibus ossa crescentia parem formam admirabili diuersitate signarent: hinc ad totius multitudinis incrementum coniugalis tori iussa consortia, quo totum inter se saeculum colligarent, humani generis foedera nexuerunt. Sic enim tibi placitum necessario, ut quia longe esset infirmius, quod homini similem quam quod tibi deo feceras, additus fortiori sexus infirmior unum efficeret ex duobus, et pari pignore suboles mixta manaret: dum per ordinem flueret digesta posteritas ac priores uentura sequerentur, nec ullum sibi finem in tam brebi termino, quamuis esset caduca posteritas+. Ad haec igitur uenturae huius famulae tuae, pater, rudimenta sanctifica; ut bono et prospero sociata consortio legis aeternae iura custodiat.
Memineritque se, domine, non tantum ad licentiam coniugalem, sed ad obseruantiam dei sanctorum pignorum custodiae delegatam. Fidelis et casta nubat in Christo, emitatrixque sanctarum permaneat feminarum. Sit amabilis ut Rachel uiro, sapiens ut Reuecca, longeba et fidelis ut Sarra. Nihil ex hac subsicibus ille auctor praeuaricationis usurpet; nixa fidei mandatisque permaneat. Muniat infirmitatem suam robore disciplinae. Uni toro iuncta contactos uitae incitos fugiat. Sit uerecundia grauis, pudore uenerabilis, doctrinis caelestibus erudita. Sit fecunda in subole, sit probata et innocens; et ad beatorum requiem adque ad caelestia regna perueniat
[TIT: MENSE SEPTEMBRI. XXXI. INCIPIT UELATIO NUPTIALIS]
{N: 1111}
Deus, in quo uiuimus mouemur et sumus, pluuiam nobis tribue congruentem, ut praesentibus subsidiis sufficienter adiuti, sempiterna fiducialius appetamus
[TIT: MENSE OCTOBRIO. XXXII. DE SICCITATE TEMPORIS]
{N: 1112}
Domum tuam, domine, quaesumus, propitiatus inlustra, et subditorum tibi fidelium corda purifica; ut bene placitis inherendo, cuncta quae bona sunt mereantur accipere
[TIT: MENSE OCTOBRIO. XXXII. DE SICCITATE TEMPORIS]
{N: 1113}
Exaudi nos, domine deus noster, et aeclesiam tuam inter mundi turbidines fluctuantem clementi gubernatione moderare; ut tranquillo cursu portum perpetuae securitatis inueniat
[TIT: MENSE OCTOBRIO. XXXII. DE SICCITATE TEMPORIS]
{N: 1114}
Respice, quaesumus, domine, nostram propitius seruitutem, ut quod offerimus sit tibi munus acceptum, sit nostrae fragilitati subsidium
[TIT: MENSE OCTOBRIO. XXXII. DE SICCITATE TEMPORIS]
{N: 1115}
Uere dignum: ad cuius inmensam pertinet gloriam, ut non solum mortalibus tua deitate succurreris, sed de ipsa etiam mortalitate nostra nobis remedium prouideris, et perditos unde¦:quo:¦ perierant, inde saluaris
[TIT: MENSE OCTOBRIO. XXXII. DE SICCITATE TEMPORIS]
{N: 1116}
Quaesumus, omnipotens deus, ut inter eius membra numeremur, cuius corpori communicamus et sangui
[TIT: MENSE OCTOBRIO. XXXII. DE SICCITATE TEMPORIS]
{N: 1117}
Familiam tuam, domine, dextera tua perpetuo circumdet auxilio, et ab omni prauitate defensam donis caelestibus prosequatur, bonam faciat et ad bonorum praemia gratiae suae largitate perducat
[TIT: MENSE OCTOBRIO. XXXII. DE SICCITATE TEMPORIS]
{N: 1118}
Omnipotens sempiterne deus, sensibus nostris propitiatus intende, ut a terrenis delectationibus abstinentes, propensius caelestia meditemur
[TIT: MENSE OCTOBRIO. XXXII. DE SICCITATE TEMPORIS. II. ITEM ALIA]
{N: 1119}
Presta, domine, quaesumus, ut per haec, quae his oblationibus sunt agenda, saluemur
[TIT: MENSE OCTOBRIO. XXXII. DE SICCITATE TEMPORIS. II. ITEM ALIA]
{N: 1120}
Uere dignum: clementiam tuam profusis praecibus inplorantes, ut condicionis humanae respiciens facultatem, quibus tanta remedia prouidisti tribuas, ut eorum per tuam gratiam sint capaces
[TIT: MENSE OCTOBRIO. XXXII. DE SICCITATE TEMPORIS. II. ITEM ALIA]
{N: 1121}
Mentes nostras et corpora, domine, quaesumus, operatio tuae uirtutis infundat; ut quod participatione sumpsimus, plena redemptione capiamus
[TIT: MENSE OCTOBRIO. XXXII. DE SICCITATE TEMPORIS. II. ITEM ALIA]
{N: 1122}
Proficiat, quaesumus, domine, fidelis populus tuae pietatis instinctu, et salubri conpunctione deuotus, gratanter quae praecipis exsequatur, ut quae promittis accipiat
[TIT: MENSE OCTOBRIO. XXXII. DE SICCITATE TEMPORIS. II. ITEM ALIA]
{N: 1123}
Indulgentiam nobis, domine, tribue peccatorum, ut instituta pascalia tibi placitis sensibus operemur
[TIT: MENSE OCTOBRIO. XXXII. DE SICCITATE TEMPORIS. III. ITEM ALIA]
{N: 1124}
Muneribus nostris, domine, praecibusque susceptis, et caelestibus nos munda mysteriis et clementer exaudi
[TIT: MENSE OCTOBRIO. XXXII. DE SICCITATE TEMPORIS. III. ITEM ALIA]
{N: 1125}
Uere dignum: suppliciter exorantes, ut et securitatem nobis temporum tribuas et religionis aumentum, quo magnum pietatis tuae sacramentum et quietis celebremus mentibus et deuotis
[TIT: MENSE OCTOBRIO. XXXII. DE SICCITATE TEMPORIS. III. ITEM ALIA]
{N: 1126}
Diuini muneris largitate satiati quaesumus, domine deus noster, ut in huius semper participatione uiuamus
[TIT: MENSE OCTOBRIO. XXXII. DE SICCITATE TEMPORIS. III. ITEM ALIA]
{N: 1127}
Conserua domine, quaesumus, familiam tuam, et benedictionum tuarum propitius ubertate purifica; ut eruditionibus tuis multiplicetur et donis
[TIT: MENSE OCTOBRIO. XXXII. DE SICCITATE TEMPORIS. III. ITEM ALIA]
{N: 1128}
Propitiare, domine, in te confidentibus populis,et ad custodiam Romani nominis dexteram tuae protectionis extende; ut regnum maiestati tuae deditum tua semper sit uirtute defensum
[TIT: MENSE OCTOBRIO. XXXII. DE SICCITATE TEMPORIS. IIII. ITEM ALIA]
{N: 1129}
Suscipe, domine, quaesumus, hostias mentium tuo nomini deuotarum, quibus nos et a terrenis contagiis expiari, et caelestibus contulisti propinquare consortiis
[TIT: MENSE OCTOBRIO. XXXII. DE SICCITATE TEMPORIS. IIII. ITEM ALIA]
{N: 1130}
Uere dignum: cuius ineffabilis gratiae circa nos hoc singulare mysterium est, ut dudum perditi adque prostrati ad eam nunc gloriam rediremus, qua per Iesum Christum filium tuum dominum nostrum genus electum, regale sacerdotium, populus adquisitionis et gens sancta uocaremur
[TIT: MENSE OCTOBRIO. XXXII. DE SICCITATE TEMPORIS. IIII. ITEM ALIA]
{N: 1131}
Hoc nobis tuum, quaesumus, domine, sacramentum sit abolitio peccatorum, sit fortitudo fragilitatis humanae, sit contra mundi pericula firmamentum.
(bis) Haec nos communio purget a crimine, et caelestis gaudii tribuat esse consortes
[TIT: MENSE OCTOBRIO. XXXII. DE SICCITATE TEMPORIS. IIII. ITEM ALIA]
{N: 1132}
Omnipotens sempiterne deus, in protectione fidelium populorum antiqua brachii tui operare miracula, ut hostibus nostris tua uirtute conpressis secura tibi seruiat Romana deuotio
[TIT: MENSE OCTOBRIO. XXXII. DE SICCITATE TEMPORIS. V. ITEM ALIA]
{N: 1133}
Suscipe, domine, quaesumus, hostias, quas tibi pro salute tuae plebis offerimus; et sacramentis caelestibus seruientes ab omni culpa liberos esse concede
[TIT: MENSE OCTOBRIO. XXXII. DE SICCITATE TEMPORIS. V. ITEM ALIA]
{N: 1134}
Uere dignum: qui per ineffabilem potentiam uerbi tui, sicut humani generis es conditor, ita benignissimus reformator
[TIT: MENSE OCTOBRIO. XXXII. DE SICCITATE TEMPORIS. V. ITEM ALIA]
{N: 1135}
Deus, qui remedia salutis humanae in praesentis mysterii sollemnitate posuisti: da nobis, ut sicut haec apostolorum tuorum praedicatione cognouimus, ita eorum suffragiis consequamur
[TIT: MENSE OCTOBRIO. XXXII. DE SICCITATE TEMPORIS. VI. ITEM ALIA]
{N: 1136}
Munera, quaesumus, domine, tuae plebis propitiatus adsume; ut quae fidei pietate profitentur, sacramentis caelestibus adpraehendant
[TIT: MENSE OCTOBRIO. XXXII. DE SICCITATE TEMPORIS. VI. ITEM ALIA]
{N: 1137}
Uere dignum: in cuius resurrectione mirabili mors occidit redemptorum, et orta est uita credentium. Et ideo cum angelis
[TIT: MENSE OCTOBRIO. XXXII. DE SICCITATE TEMPORIS. VI. ITEM ALIA]
{N: 1138}
Omnipotens sempiterne deus, qui contulisti fidelibus tuis remedia uitae post mortem: presta, quaesumus, propitius ac placatus, ut anima famuli tui illius a peccatis omnibus expiata[m] in tuae redemptionis sorte requiescat
[TIT: MENSE OCTOBRIO. XXXIII. SUPER DEFUNCTOS]
{N: 1139}
Hostias tibi, domine, humili supplicatione deferimus, ut anima famuli tui illius per haec piae placationis officia perpetuam misericordiam consequatur
[TIT: MENSE OCTOBRIO. XXXIII. SUPER DEFUNCTOS]
{N: 1140}
Hanc igitur oblationem illius famuli tui, quam tibi offeret pro animam famuli tui illius, quaesumus, domine, propitiatus accipias, et miserationum tuarum largitate concedas, ut quidquid terrena conuersatione contraxit, his sacrificiis emundetur, ac mortis uinculis absolutis transitum mereatur ad uitam
[TIT: MENSE OCTOBRIO. XXXIII. SUPER DEFUNCTOS]
{N: 1141}
Omnipotens et misericors deus, in cuius omnis humana condicio potestate consistit: animam famuli tui illius, quaesumus, ab omnibus absolue peccatis; ut paenitentiae fructum, quem uoluntas eius optauit, praeuentus mortalirtate non perdat
[TIT: MENSE OCTOBRIO. XXXIII. SUPER DEFUNCTOS. II.]
{N: 1142}
Satisfaciat tibi, domine, quaesumus, pro anima famuli tui illius sacrificii praesentis oblatio; et peccatorum ueniam quam quaesiuit inueniat
[TIT: MENSE OCTOBRIO. XXXIII. SUPER DEFUNCTOS. II.]
{N: 1143}
Et quod officio uocis inplere non potuit, desideratae paenitentiae conpensatione percipiat
[TIT: MENSE OCTOBRIO. XXXIII. SUPER DEFUNCTOS. II.]
{N: 1144}
Omnipotens et misericors deus, aput quem uoluntas habetur humana pro factis: presta, quaesumus, ut animae famuli tui illius ad perfectum remedium consequendum paenitentiam desideranter uoluisse sufficiat
[TIT: MENSE OCTOBRIO. XXXIII. SUPER DEFUNCTOS. III.]
{N: 1145}
Animae famuli tui, quaesumus, domine, per haec sacrificia redemptionis aeternae remissionem tribue peccatorum; ut deuotio paenitentiae, quam gessit eius affectus, perpetuae salutis consequatur effectum
[TIT: MENSE OCTOBRIO. XXXIII. SUPER DEFUNCTOS. III.]
{N: 1146}
Deus, a quo inspiratur humanis cordibus omne quod bonum est: sicut animae famuli tui paenitentiam uelle donasti, sic indulgentiam tribue miseratus optatam
[TIT: MENSE OCTOBRIO. XXXIII. SUPER DEFUNCTOS. III.]
{N: 1147}
Deus cui soli conpetit medicinam prestare post mortem: presta, quaesumus, ut anima famuli tui illius terrenis exuta contagiis, in tuae redemptionis parte numeretur
[TIT: MENSE OCTOBRIO. XXXIII. SUPER DEFUNCTOS. III.]
{N: 1148}
His, quaesumus, domine, sacrificiis, quibus purgationem et uiuentibus tribuis et defunctis, animam famuli tui benignus absolue; ut resurrectionis diem spe certae gratulationis expectet
[TIT: MENSE OCTOBRIO. XXXIII. SUPER DEFUNCTOS. III.]
{N: 1149}
Presta, domine, quaesumus, animae famuli tui misericordiam sempiternam inmensam, ut eam mortalibus nexibus expeditam lux aeterna possideat
[TIT: MENSE OCTOBRIO. XXXIII. SUPER DEFUNCTOS. III.]
{N: 1150}
Fidelium, deus, animarum conditor et redemptor, famulo tuo cunctorum remissionem tribue peccatorum, ut quam semper optauit indulgentiam consequatur
[TIT: MENSE OCTOBRIO. XXXIII. SUPER DEFUNCTOS. III.]
{N: 1151}
Beati martyris tui Laurenti, domine, quaesumus, intercessione nos protege, et animam famuli tui illius episcopi sanctorum tuorum iunge consortiis
[TIT: MENSE OCTOBRIO. XXXIII. SUPER DEFUNCTOS. IIII.]
{N: 1152}
Oblationes nostras, domine, quaesumus, propitiatus intende, quas et ad honorem sancti martyris tui Laurenti nomini tuae maiestatis offerimus et pro requiem famuli tui illius episcopi suppliciter immolamus
[TIT: MENSE OCTOBRIO. XXXIII. SUPER DEFUNCTOS. IIII.]
{N: 1153}
Uere dignum: qui nos sanctorum tuorum et commemoratione refoues et oratione defendes
[TIT: MENSE OCTOBRIO. XXXIII. SUPER DEFUNCTOS. IIII.]
{N: 1154}
Hanc igitur: et in numerum tibi placentium censeri facias sacerdotum
[TIT: MENSE OCTOBRIO. XXXIII. SUPER DEFUNCTOS. IIII.]
{N: 1155}
Adiuua nos, domine deus noster, beati Laurenti martyris tui praecibus exoratus, et animam famuli tui illius episcopi in beatitudinis sempiternae luce constitue
[TIT: MENSE OCTOBRIO. XXXIII. SUPER DEFUNCTOS. V.]
{N: 1156}
Memento, domine, quaesumus, animae famuli tui illius episcopi, et quem in corpore constitutum sedis apostolicae gubernacula tenere uoluisti, in electorum numero constitue sacerdotum
[TIT: MENSE OCTOBRIO. XXXIII. SUPER DEFUNCTOS. V.]
{N: 1157}
Suscipe, domine, quaesumus, hostias pro animam famuli tui illius episcopi, ut cui pontificale donasti meritum, donis et praemium
[TIT: MENSE OCTOBRIO. XXXIII. SUPER DEFUNCTOS. V.]
{N: 1158}
Hanc igitur: ut qui beati Petri apostoli sedem uicario secutus officio, tuae quoque gratiae largitate perpetuam dignitatis apostolicae percipiat portionem
[TIT: MENSE OCTOBRIO. XXXIII. SUPER DEFUNCTOS. V.]
{N: 1159}
Presta, quaesumus, domine, ut anima famuli tui illius episcopi, quam in hoc saeculo commorantem sacris muneribus decorasti, caelesti sede gloriosa semper exultet
[TIT: MENSE OCTOBRIO. XXXIII. SUPER DEFUNCTOS. V.]
{N: 1160}
Deus, qui inter apostolicos sacerdotes famulum tuum illum fecisti uigere pontificem: presta, quaesumus, ut eorum perpetua quoque sede potiatur
[TIT: MENSE OCTOBRIO. XXXIII. SUPER DEFUNCTOS. V.]
{N: 1161}
Deus, confitentium te portio defunctorum, praeces nostras, quas in famuli tui Siluestri episcopi depositione deferimus, propitiatus adsume; ut qui nomini tuo ministerium fidele dependit, perpetua sanctorum tuorum societate laetetur
[TIT: MENSE OCTOBRIO. XXXIIII. SANCTI SILUESTRI]
{N: 1162}
Hanc igitur oblationem, quaesumus, domine, placatus intende, quam in sancti Siluestri confessoris et episcopi tui commemoratione suppliciter immolamus; ut et nobis proficiat huius pietatis affectus, et illum beatitudo sempiterna glorificet
[TIT: MENSE OCTOBRIO. XXXIIII. SANCTI SILUESTRI]
{N: 1163}
Maiestatem tuam, domine, supplices exoramus, ut animam famuli tui Simplici episcopi ab omnibus, quae humanitus adtraxit, exuta in sanctorum censeatur sorte pastorum
[TIT: MENSE OCTOBRIO. XXXIIII. SANCTI SILUESTRI]
{N: 1164}
Annua martyrum tuorum, domine, uota recurrimus, maiestatem tuam suppliciter depraecantes, ut cum temporalibus incrementis prosperitatis aeternae capiamus aumentum
[TIT: MENSE NOBEMBRI. XXXV. IN NATALE SANCTORUM QUATTUOR CORONATORUM]
{N: 1165}
Pro martyrum nataliciis, domine, tua muneribus comulamus altaria. Da, quaesumus, ut gaudia nobis sancta succrescant, quibus proficiat nostrae deuotionis affectus
[TIT: MENSE NOBEMBRI. XXXV. IN NATALE SANCTORUM QUATTUOR CORONATORUM]
{N: 1166}
Uere dignum: celebrantes sanctorum natalicia patronorum: quia dum tui nominis per eos gloria frequentatur, nostrae crescit fragilitatis auxilium
[TIT: MENSE NOBEMBRI. XXXV. IN NATALE SANCTORUM QUATTUOR CORONATORUM]
{N: 1167}
Hostias tibi, domine, pro martyrum tuorum commemoratione deferimus supplicantes, ut indulgentiam nobis pariter conferant et salutem
[TIT: MENSE NOBEMBRI. XXXV. IN NATALE SANCTORUM QUATTUOR CORONATORUM. II. ITEM ALIA]
{N: 1168}
Uere dignum: quoniam tu magnificaris in tuorum laudes sanctorum, et quidquid ad eorum praetiosam pertinet passionem, tuae sunt opera miranda potentiae: qui huius fidei tribuis clementer ardorem, qui suggeris tolerantiae firmitatem, qui largiris in agone uictoriam
[TIT: MENSE NOBEMBRI. XXXV. IN NATALE SANCTORUM QUATTUOR CORONATORUM. II. ITEM ALIA]
{N: 1169}
Sanctorum tuorum nos, quaesumus, domine, semper festa laetificent, et maiestati tuae perpetua placatione commendent
[TIT: MENSE NOBEMBRI. XXXV. IN NATALE SANCTORUM QUATTUOR CORONATORUM. II. ITEM ALIA]
{N: 1170}
Presta, domine, quaesumus, ut sicut populus christianus martyrum tuorum temporali sollemnitate congaudet, ita perfruatur aeterna; et quod uotis celebrant, conpraehendant effectu
[TIT: MENSE NOBEMBRI. XXXV. IN NATALE SANCTORUM QUATTUOR CORONATORUM. II. ITEM ALIA]
{N: 1171}
Propitiationem tuam, domine, quaesumus, sentiamus de celebritate praesenti; ut oblationibus nostris sancti illius interueniente susceptis, et indulgentiam nobis tribuas et salutaria dona concedas
[TIT: MENSE NOBEMBRI. XXXVI. IN NATALE SANCTE CAECILIAE]
{N: 1172}
Uere dignum: in die festiuitatis hodiernae, quo sancta Caecilia in tui nominis confessione martyr effecta est. Quae dum humanis deuota nuptiis, talamos temporales contemneret, sponsum sibi, qui perpetuus esset, praesumpto praemio castitatis adhibuit; et aeternitatem uitae maluit, quam ut mundo procrearet originem. In cuius gloriam etiam illud accessit, ut Ualerianum, cui fuerat matrimonii iure copulanda, in perpetuum sibi socians martyr casta consortium, secum duceret ad coronam:
[TIT: MENSE NOBEMBRI. XXXVI. IN NATALE SANCTE CAECILIAE]
{N: 1173}
Exultamus pariter et de percepto pane iustitiae et de tuorum, domine, festiuitate sanctorum: quia interuentionibus tibi placentium confidimus nobis ad perpetuam uitam censura ¦: profutura :¦ quae sumpsimus
[TIT: MENSE NOBEMBRI. XXXVI. IN NATALE SANCTE CAECILIAE]
{N: 1174}
Auxilium tuum, domine, nomini tuo subdita poscunt corda fidelium; ut quia sine te nihil possunt inplere quod iustum est, tua misericordia largiente et quae recta sunt adpraehendant, et omnia sibi profutura percipiant
[TIT: MENSE NOBEMBRI. XXXVI. IN NATALE SANCTE CAECILIAE]
{N: 1175}
Omnipotens sempiterne deus, qui elegis infirma mundi, ut fortia quaeque confundas: da nobis in festiuitate sancte martyris Caeciliae congrua deuotione gaudere; ut et potentiam tuam in eius passione laudemus, et prouiso nobis percipiamus auxilium
[TIT: MENSE NOBEMBRI. XXXVI. IN NATALE SANCTE CAECILIAE. II. ITEM ALIA]
{N: 1176}
Bonorum omnium, deus, auctor adque largitor, qui ut humanum genus ad confessionem tui nominis prouocaris, etiam in fragili perfecisti condicione martyrium: presta, quaesumus, ut aeclesia tua hoc exemplo commonita nec pati pro te metuant, et caelestis praemii gloriam concupiscant
[TIT: MENSE NOBEMBRI. XXXVI. IN NATALE SANCTE CAECILIAE. II. ITEM ALIA]
{N: 1177}
Super has, quaesumus, hostias, domine, benedictio cupiosa descendat, quae et sanctificationem nobis clementer operetur, et de martyrum nos sollemnitate laetificet
[TIT: MENSE NOBEMBRI. XXXVI. IN NATALE SANCTE CAECILIAE. II. ITEM ALIA]
{N: 1178}
Uere dignum: qui perficis in infirmitate uirtutem, qua beata gloriosaque Caecilia despecto mundi coniugio ad consortia superna contendens, nec aetate nutabili praepedita est, nec reuocata carnalis inlecebram, nec sexsus fragilitate deterrita. Sed inter puellares annos, inter saeculi blandimenta, inter supplicia persequentum, multiplicem uictoriam uirgo casta martyr expleuit; et ad potiorem triumphum secum ad regna caelestia, cui fuerat nuptus, perduxit
[TIT: MENSE NOBEMBRI. XXXVI. IN NATALE SANCTE CAECILIAE. II. ITEM ALIA]
{N: 1179}
Fiant, domine, tuo grata conspectui munera supplicantis aeclesiae; et ut nostrae saluti proficiant, adsit intercessio beata sanctorum
[TIT: MENSE NOBEMBRI. XXXVI. IN NATALE SANCTE CAECILIAE. III. ITEM ALIA]
{N: 1180}
Uere dignum: qui, ut de hoste generis humani maior pompa duceretur, non solum per Christum dominum nostrum diabolicam destrueres tyrannidem, nec tantum pro subuersione protoplasti per uirilem sexum martyrum beatorum meritum deceptori reciprocas ultionem; sed etiam in Euae matris inimicum per femineam condicionem retorques iure uindictam; ut qui male in sua paradisi felicitate fidentem sexum utrumque prostrauerat, nunc ab utroque per tuam gratiam calcaretur. Quod sancta Caecilia hodierna confessione testificans ¦: perficiens:¦, ne de fide tamen conuuii promissa discederet, eum quem coniugem fuerat habitura ¦:quem fuerat susceptura coniugio:¦, fecit comitem passionis
[TIT: MENSE NOBEMBRI. XXXVI. IN NATALE SANCTE CAECILIAE. III. ITEM ALIA]
{N: 1181}
Da, quaesumus, omnipotens deus, ut sancte Caeciliae martyris et annua sollemnitate laetemur, et tantae fidei proficiamus exemplo
[TIT: MENSE NOBEMBRI. XXXVI. IN NATALE SANCTE CAECILIAE. IIII. ITEM ALIA]
{N: 1182}
Sancte Caeciliae festa recolentes praeces offerimus, hostias immolamus. Presta, domine, quaesumus, ut cum praesidio temporali et uitae nobis praeueant incrementa perpetuae
[TIT: MENSE NOBEMBRI. XXXVI. IN NATALE SANCTE CAECILIAE. IIII. ITEM ALIA]
{N: 1183}
Uere dignum: quoniam sicut humanum genus in utroque sexu diabolus merito prauae consensionis elisit, sic utroque confessione magnifica per tuam gratiam triumphatur. Clariorque uictoria est, cum sublimis illa substantia, quae similem se iactabat altissimo, et in hominis casu dei opus subruisse plaudebat, feminea condicione superatur. Cuius gloriae nobis diem beata Caecilia martyr inlustrat, quae nuptis deputata terrenis nubsit in caelo, et mundano dicata coniugio diuinum est sortita consortium; ipsumque temporalem uirum, cui mortali fuerat more nectenda, martyrii foedere secum uirgo casta fecit aeternum
[TIT: MENSE NOBEMBRI. XXXVI. IN NATALE SANCTE CAECILIAE. IIII. ITEM ALIA]
{N: 1184}
Quaesumus, uirtutum caelestium deus, ut sacrificia pro sancte Caeciliae sollemnitate delata desideriorum nos temporalium doceant habere contemptum, et ambire dona faciant caelestium gaudiorum
[TIT: MENSE NOBEMBRI. XXXVI. IN NATALE SANCTE CAECILIAE. V. ITEM ALIA]
{N: 1185}
Uere dignum: quia uicissitudo nobis est hodie collata mirabilis: cum ille noster inimicus, qui hominem paradisi felicitate conspiquum et totius mortis ignarum, dum propria integritate fidendo praesidia diuina non quaereret, uiperea calliditate subuertit, nunc inter huius mundi miserias et in exilio damnatae condicionis humanae a mortali fragilitate sed in te fidente prosternitur; et cum prima mulier uiro suo dux fuisse referatur ad labsum, nunc confessio puellaris uirum praecedens ducit ad praemium
[TIT: MENSE NOBEMBRI. XXXVI. IN NATALE SANCTE CAECILIAE. V. ITEM ALIA]
{N: 1186}
Exaudi nos, deus salutaris noster, ut sicut de sancte Caeciliae festiuitate gaudemus, ita piae deuotionis erudiamur adfectu
[TIT: MENSE NOBEMBRI. XXXVI. IN NATALE SANCTE CAECILIAE. V. ITEM ALIA]
{N: 1187}
Respice, domine, quaesumus, pleuem tuam de sancte Caeciliae martyris glorificatione gratulantem; et bene placitum fieri tribue sacratarum tibi mentium famulatum: ut qui in sanctis tuis te honorare non desinunt, perpetua donorum tuorum largitate potiantur, et quod uisibiliter exsequuntur, inuisibiliter adpraehendant
[TIT: MENSE NOBEMBRI. XXXVI. IN NATALE SANCTE CAECILIAE. V. ITEM ALIA]
{N: 1188}
Omnipotens sempiterne deus, qui in omnium sanctorum tuorum es uirtute mirabilis: da nobis in beati Clementis annua sollemnitate laetari, qui filii tui martyr et pontifex, quod ministerio gessit, testimonio conprouauit; et quod praedicauit ore, firmauit exemplo
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS]
{N: 1189}
Propitiationem tui, domine, quaesumus, sentiamus de celebritate praesenti; ut oblationibus nostris sanctorum tuorum intercessione susceptis, et indulgentiam nobis tribuas et salutaria dona concedas
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS]
{N: 1190}
Uere dignum: sancti Clementis martyris tui natalicia celebrantes, qui cognationem reliquit et patriam, et post odorem tui nominis terras mariaque transmittens, abnegansque semetipsum crucem peregrinationis adsumpsit, ut te per apostolorum tuorum uestigia sequeretur. Cui tu, domine, secundum promissionem filii tui, tam in praesenti saeculo quam futuro centupli muneris praemia repensasti. Nam beatissimi Petri mox tradito disciplinis parentes, quos in genitali solo perdiderat, in externa regione restitues; quos terrenae generationis amiserat, diuinae reddis naturae participes. Deinde magistri sui uicarium per ordinem subrogando Romanae urbis, cuius propter te despexerat dignitatem, tenere constitues principatum, proquae transituria claritate caelesti facis honore conspiquum. Postremo martyrii gloria sublimatum pro temporalibus gestis ad aeternam prouehis ad coronam
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS]
{N: 1191}
Ascendant ad te, domine, praeces nostrae, et tuorum uota fidelium munera suppliciter oblata concilient; quod etiamsi nostris operibus non meremur, quaesumus, sanctorum nos intercessione mereamur
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. II. ITEM ALIA]
{N: 1192}
Uere dignum: merito etenim, domine, de triumphis tuorum martyrum gloriamur: quia in uictoriis eorum tua mirabilia confitemur, sancti Clementis hodie sacerdotis et martyris tui festiuitate gaudentes: quem beati apostoli Petri eruditionibus institutum, et in pontificatum apostolicae sedis euectum, adque in martyrii inclyti finis gloria coronatum habitatio caelestis excepit
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. II. ITEM ALIA]
{N: 1193}
Beati Clementis sacerdotis et martyris tui natalicia ueneranda, domine, quaesumus, aeclesia tua deuota suscipiat, et fiat magnae glorificationis amore deuotior
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. III. ITEM ALIA]
{N: 1194}
Intercessio sancti Clementis sacerdotis et martyris misericordiae tuae, domine, munera nostra conciliet; ut quod merita nostra non supplent, sanctorum tuorum depraecatione pensetur
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. III. ITEM ALIA]
{N: 1195}
Uere dignum: quoniam per sancti spiritus largitatem beatus ille Clemens hodiernae nobis exultationis affectum magnificae passionis agone sacrauit: qui mundo nobilis, amore Christi nobilior, pio lauore conspicuus, et inter parentum uel inquisitione uel receptione mirabilis, apostolicae praedicationis fidelissimus et alumnus acceptus, sacerdos refulsit egregius et martyr insignis
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. III. ITEM ALIA]
{N: 1196}
Accipe, quaesumus, domine, hostias tua nobis dignatione collatas: quoniam et te creante procedunt, et tu causas humanae salutis et gloriae, quibus tibi gratae sunt, condedisti
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IIII. ITEM ALIA]
{N: 1197}
Uere dignum: beati nobis enim Clementis hodie praeconia repetenda sunt. Qui diuina inspiratione flammatus reliquid patriam in tuis praedicatoribus sequendo, et amissos parentes alienis inuenit in terris. In exteris regionibus humiles Christi secutus est gloriam, et summam recipit ciuitatis propriae dignitatem. Praesentem uitam Christo postposuit, et meruit triumphum beatitudinis sempiternae
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IIII. ITEM ALIA]
{N: 1198}
Presta, quaesumus, omnipotens deus, ut pro honorem nominis tui quorum celebramus insignia, continuis etiam praecibus foueamur
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IIII. ITEM ALIA]
{N: 1199}
Misericors et omnipotens deus, qui nos de uirtute in uirtutem deuita ueneratione ¦:seruitute:¦ currentes tuorum facis ... gaudere sanctorum: presta, ut quorum sollemnitatibus consolamur, orationibus adiuuemur
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS]
{N: 1200}
Intende munera, domine, quaesumus, altaribus tuis pro sancte Felicitatis martyris tuae commemoratione proposita; ut sicut per haec beata mysteria illis gloriam contulisti, nobis indulgentiam largiaris
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS]
{N: 1201}
Uere dignum: in exultatione festiuitatis hodiernae, qua beata genetrix sacratum tibi gregem carne procreatum per tuam gratiam mente perfecit. Ecce uere in qua, sicut scribtum est, fabricauit sibi sapientia domum septem columnis instructam. Ecce quae, quod nomine praeliuauit, rebus inpleuit; et non solum fecunditatis prosperitate gloriosa, sed cum eadem etiam mansit et inter aduersa Felicitas, quam eidem nec mors auferre potuit, sed effecit potius sempiternam
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS]
{N: 1202}
Libantes, domine, mensae tuae beata mysteria quaesumus, ut martyrum interuentione sanctorum temporalem et praesentem nobis misericordiam conferant et aeternam
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS]
{N: 1203}
Protege, domine, plebem tuam, et quam martyrum tuorum adsidua tribues festiuitate deuotam, tibi semper placitam fieri praecibus concede iustorum
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS]
{N: 1204}
Da nobis, domine deus noster, sanctorum martyrum palmas incessabili deuotione uenerari; ut quos digna mente non possumus celebrare, humilibus saltem frequentemus obsequiis
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. II. ITEM ALIA]
{N: 1205}
Fidelium tuorum munera, domine, pro sanctorum martyrum sollemnitate propitiatus adsume; et ut tibi nostra sint grata seruitia, gratiae tuae largitate concede
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. II. ITEM ALIA]
{N: 1206}
Uere dignum: quoniam magna sunt opera tua, domine, et inmensa magnalia, per quae nobis laetitia hodiernae festiuitatis accessit. Uere enim Felicitatis filii et uera est suorum felicitas filiorum, quos et casto fetu sancti coniugii mater fecunda progenuit, et rursus confessionis sacrosancte uisceribus martyr beata conceptos per fidem denuo felicius peperit martyres ad coronam
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. II. ITEM ALIA]
{N: 1207}
Presta nobis, domine, quaesumus, intercedentibus sanctis tuis, ut quae ore contegimus, pura mente capiamus
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. II. ITEM ALIA]
{N: 1208}
Libera, domine, quaesumus, a peccatis et hostibus tibi populum supplicantem; ut in sancta conuersatione uiuentes nullis adfligantur aduersis
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. II. ITEM ALIA]
{N: 1209}
Sancti martyres, domine, quaesumus, et nominibus suis nobis suffragentur et praecibus: ut et Clemens tuus sapientem clementiam sequi, et tibi sacrata Felicitas nos poscat ueraciter esse felices
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. III. ITEM ALIA]
{N: 1210}
In sanctorum tuorum passionibus praetiosis te, domine, mirabilem praedicantes munera uotiua deferimus. Presta, quaesumus, ut sicut illorum tibi grata sunt merita, sic nostrae seruitutis accepta reddantur officia
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. III. ITEM ALIA]
{N: 1211}
Uere dignum: hodie quippe, domine, et tuo munere celebratur magnifica mater et martyr, praeclara progenies simili passione, gloriosa in talibus membris aeclesia, meritoque in omnibus beata Felicitas
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. III. ITEM ALIA]
{N: 1212}
Repleti sumus, domine, sacramentis et gaudiis, quae in sanctorum tuorum celebritatibus et frequentamus et sumimus
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. III. ITEM ALIA]
{N: 1213}
Semper, domine, quaesumus, fac populum tuum sanctorum martyrum patrocinio gratulari; ut beneficia tua, quae propriis obsecrationibus obtinere non sufficit, iustorum tuorum suffragiis incessanter accipiat
[TIT: MENSE NOBEMBRI. XXXVII. VIIII KALENDAS DECEMBRES. NATALE SANCTORUM CLEMENTIS ET FELICITATIS. IN NATALE SANCTE FELICITATIS. III. ITEM ALIA]
{N: 1214}
Exultamus, domine, multiplicata festiuitate sanctorum: quia non difidimus tua nos dona sumpturos, pro quibus inpetrandis tanta nobis patrocinia contulisti
[TIT: MENSE NOBEMBRI. XXXVIII. VIII KALENDAS DECEMBRES. NATALE SANCTORUM CHRYSOGONI ET GREGORI]
{N: 1215}
Perfice, domine, uotiua mysteria, et quae in martyrum ueneratione te praedicant, suffragia nobis perpetuae redemptionis exsistant
[TIT: MENSE NOBEMBRI. XXXVIII. VIII KALENDAS DECEMBRES. NATALE SANCTORUM CHRYSOGONI ET GREGORI]
{N: 1216}
Uere dignum: quia pectora martyrum beatorum sic ignis ille caelestis inflammat, ut omne, quod in huius mundi luce iucundum est, amore tui nominis refutetur; et subeatur quidquid temporaliter est aceruum, ut promissionis tuae praemia capiantur
[TIT: MENSE NOBEMBRI. XXXVIII. VIII KALENDAS DECEMBRES. NATALE SANCTORUM CHRYSOGONI ET GREGORI]
{N: 1217}
Patientia praetiosa iustorum tuae nobis, domine, quaesumus, affectum dilectionis adcumulet, et in cordibus nostris sacrae fidei semper exerceat firmitatem
[TIT: MENSE NOBEMBRI. XXXVIII. VIII KALENDAS DECEMBRES. NATALE SANCTORUM CHRYSOGONI ET GREGORI]
{N: 1218}
Deus, qui sanctis tuis dedisti piae confessionis inter tormenta uirtutem: largire fidelibus populis inter huius mundi temptamenta constantiam ueritatis; ut sicut illos sanctus spiritus roborando sempiternam prouexit ad gloriam, sic istos iugiter tua gratia gubernando ad misericordiam perducat aeternam
[TIT: MENSE NOBEMBRI. XXXVIII. VIII KALENDAS DECEMBRES. NATALE SANCTORUM CHRYSOGONI ET GREGORI]
{N: 1219}
Da nobis, quaesumus, domine deus noster, beati apostoli tui Andreae intercessionibus subleuari; ut per quos aeclesiae tuae superni muneris rudimenta donasti, per eos subsidia perpetuae salutis inpendas
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI]
{N: 1220}
Respice, quaesumus, domine, munera, quae pro beati Andreae apostoli tui commemoratione deferimus suppliciter exorantes, ut eius interuentionibus adiubemur, pro cuius meritis immolantur
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI]
{N: 1221}
Uere dignum: qui aeclesiam tuam in apostolicis tribuisti consistere fundamentis. De quorum collegio beati Andreae sollemnia celebrantes tua, domine, praeconia non tacemus
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI]
{N: 1222}
Sumpsimus, domine, diuina mysteria, beati apostoli tui Andreae festiuitate laetantes: quae sicut tuis sanctis ad gloriam, ita nobis, quaesumus, ad ueniam prodesse perficias
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI]
{N: 1223}
Tribue, domine, quaesumus, familiae tuae, ut exultationem cordis sui, quam de beati Andreae apostoli tui ueneratione percepit, et secura concelebret, et tota semper mente sectetur
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI]
{N: 1224}
Supplices te rogamus, deus: conpetentibus gaudiis diem nos celebrare concedas, quo maiestatis tuae confessione magnifica beati apostoli tui Andreae sacer natalis inluxit; pariterque nobis deuotionis huius tempora largiora tribuas et profectum
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. II. ITEM ALIA]
{N: 1225}
Sacrandum tibi, domine, munus offerimus, quo beati Andreae sollemnia recolentes, purificationem quoque nostris mentibus inploramus
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. II. ITEM ALIA]
{N: 1226}
Uere dignum: in festiuitate praesenti, quo beati Andreae apostoli tui uenerandus sanguis effusus est. Qui gloriosi apostoli tui Petri pariter sorte nascendi, consortia fidei, apostolicae collegio dignitatis et martyrii est claritate germanus; ut quos in huius uitae cursu gratia tua tot uinculis pietatis obstrinxerat, similis in regno caelorum necteret et corona
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. II. ITEM ALIA]
{N: 1227}
Prosit nobis, quaesumus, domine, sacramenti tui perceptio salutaris pro tuorum commemoratione sanctorum; ut nos et a uitiis mortalitatis expediat, et perpetuae socios miserationis efficiat
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. II. ITEM ALIA]
{N: 1228}
Esto protector, domine, populi tui propitiatus et rector, eique depraecantibus sanctis tuis remissionem tribue peccatorum; presta uitae melioris effectum, temporalia benignus praeue solacia, et aeternitatis promissa dona largire
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. II. ITEM ALIA]
{N: 1229}
Omnium uirtutum, deus, bonorumque largitor: da, quaesumus, ut beati apostoli tui Andreae semper nobis adsint et honoranda sollemnia et desiderata praesidia
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. III. ITEM ALIA]
{N: 1230}
Oblatis muneribus, domine, plebs fidelis exultet: quia pariter apostolicae gaudia passionis et in eis te praedicare mirabilem confidit ad suae pertinere salutis aumenta
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. III. ITEM ALIA]
{N: 1231}
Uere dignum: qui per cultum nominis tui, ueneratio nemque sanctorum nobis remedia mirabiliter operaris. Hoc ipso namque ieiunio, quod beati apostoli tui Andreae festa praeuenientes oculis tuae maiestatis offerimus, simul et continentiam salutarem capiamus mentis et corporis; et profutura nobis obseruatione proficiamus, et mitigatis sensibus corporis puriores tantis nataliciis praeparemur
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. III. ITEM ALIA]
{N: 1232}
Erudiamur, domine, quaesumus, his celebritatibus et iuuemur, quibus beati apostoli Andreae caelestem nobis tribuant martyria praeuenta laetitiam
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. III. ITEM ALIA]
{N: 1233}
Referat, domine, populus christianus, quos pia deuotione prae sumpsit, sancte gratulationis effectus: ut beati apostoli tui Andreae simul fiat et ueneratione iucundus et intercessione securus
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. III. ITEM ALIA]
{N: 1234}
Maiestatem tuam, domine, suppliciter exoramus, ut sicut aeclesiae tuae sanctus Andreas apostolicus extitit praedicator et rector, ita sit perpetuus suffragator
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. IIII. ITEM ALIA]
{N: 1235}
Beati apostoli Andreae, domine, sollemnia recensemus, ut eius auxilio tua beneficia capiamus, pro quo tibi hostias laudis offerirmus
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. IIII. ITEM ALIA]
{N: 1236}
Uere dignum: adest enim dies magnifici uotiua martyrii, quo uenerandus Andreas germanum se beati apostoli Petri tam praedicatione Christi tui quam confessione monstrauit, et apostolicae numerum dignitatis simul passione suppleuit et gloria; ut quibus erat una causa certaminis, una retributio esset et praemii
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. IIII. ITEM ALIA]
{N: 1237}
Quaesumus, omnipotens deus, ne nos mundanis sauciari patiaris incursibus, quos tuae prouidentiae constitutis apostolica praesidia non relinquunt
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. IIII. ITEM ALIA]
{N: 1238}
Presta, domine, quaesumus, aeclesiam tuam sub tantis gaudere principibus, et intellectu capere quod deuotione sectatur; ut tuis dispositionibus gubernata, quos praesenti ueneratur obsequio, participatione perpetua contingere mereantur
[TIT: MENSE NOBEMBRI. XXXVIIII. PRIDIE KALENDAS DECEMBRES. NATALE SANCTI ANDREAE APOSTOLI. IIII. ITEM ALIA]
{N: 1239}
Deus, qui in humanae substantiae dignitate et mirabiliter condedisti et mirabilius reformasti: da, quaesumus, nobis Iesu Christi filii tui ¦: eius:¦ diuinitatis esse consortes, qui humanitatis nostrae fieri dignatus est particeps
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE]
{N: 1240}
Da nobis, quaesumus, omnipotens et misericors deus, et sempiterne pater, ut natiuitatis domini nostri Iesu Christi sollemnia, quae praesentibus officiis praeuenimus, sic noua sint nobis, et continuata permaneant; sic perpetua perseuerent, ut pro sui miraculo noua semper exsistant
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE]
{N: 1241}
Uere dignum: quoniam quidquid christianae professionis deuotione celebratur, de hac sumit sollemnitate principium et in huius muneris mysterio continetur. Hoc in ipsis generis humani parentibus declaratum est, apostolo praetestante cum de primis hominibus loqueretur: sacramentum hoc magnum est, ego autem dico in Christo et in aeclesia. Hoc patriarchae diuersis actionibus et uocibus signauerunt. Hoc illa legis obseruantia figuralis adseruit. Hoc praedixerunt cunctorum praeconia profetarum. In hoc cerimoniarum ueterum plenitudo est. In hoc praesens caelestium ministratio gratiarum. In hoc bonorum pollicitatio futurorum. In quo, dum manifestissimae conprobantur quae fuerant praedicta conpleri, rationabiliter credimus et prudenter, quae promittuntur esse uentura
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE]
{N: 1242}
Da nobis, quaesumus, domine deus noster, ut qui natiuitatem domini nostri Iesu Christi nos frequentare gaudemus, dignis conuersationibus ad eius mereamur pertinere consortium
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE]
{N: 1243}
Largire, quaesumus, domine, famulis tuis fidei et securitatis aumentum; ut qui de natiuitate domini nostri tui filii gloriantur, et aduersa mundi te gubernante non sentiant, et quae temporaliter celebrare desiderant, sine fine percipiant
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE]
{N: 1244}
Deus, qui per beatae sacrae uirginis partum, sine humana concupiscentia procreatum, in filii tui membra uenientes paternis fecisti praeiudiciis non teneri: presta, quaesumus, ut huius creaturae nouitate suscepti, uetustatis antique contagiis exuamur
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. II. ITEM ALIA]
{N: 1245}
Uere dignum: ecce enim, sicut per os locutus est profetarum, uirgo in utero accepit et peperit filium et uocamus nomen eius Emmanuhel et nobiscum deus est: quia uerbum caro factum habitauit in nobis. Ecce puer natus est nobis, paruulus datus est nobis; et factus est principatus, cuius potestas super humeros eius; et uocabitur admirabilis, consiliarius, deus fortis, pater futuri saeculi, princeps pacis. Multiplicabitur eius imperium, et pacis non erit finis super solium Dauid et super regnum eius, ut confirmet illud et corroboret amodo et usque in sempeternum. In quibus omnibus euidenter deum hominemque cognoscimus, qui suscipiendo quod nostrum est, dignatus est nobis conferre quod suum est. Unde profusis gaudiis
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. II. ITEM ALIA]
{N: 1246}
Munus populi tui, domine, placatus intende, quo non altaribus tuis ignis alienus, nec inrationabilium cruor effunditur animantum; sed sancti spiritus operante uirtute sacrificium iam nostri corpus et sanguis est ipsius sacerdotis
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. III. ITEM ALIA]
{N: 1247}
Uere dignum: hoc praesertim die, quo ipsum salutis nostrae sacramentum in lucem gentium reuelasti, et ab uteri uirginalis arcano ineffabili editione promisisti: erigens nobis cornum salutis in domo Dauid pueri tui, ad dandam scientiam salutis populo tuo in remissionem peccatorum eorum, per uiscera misericordiae tuae, in quibus uisitauit nos oriens ex alto. Benedictus, qui uenit in nomine domini; qui tamquam sponsus procedens de talamo suo deus dominus et inluxit nobis, ut nos de tenebris et umbra mortis regnum perpetuae lucis¦:aeternae:¦ efficeret. Unde profusis
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. III. ITEM ALIA]
{N: 1248}
Omnipotens sempiterne deus, qui in domini nostri Iesu Christi filii tui natiuitate tribuisti totius religionis initium perfectionemque constare: da nobis, quaesumus, in eius portione censeri, in quo totius salutis humanae summa consistit
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. IIII. ITEM ALIA]
{N: 1249}
Grata tibi sit, domine, quaesumus, hodiernae festiuitatis oblatio; ut tua gratia largiente per haec sacrosancta commercia in illius inueniamur forma, in quo tecum est nostra substantia
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. IIII. ITEM ALIA]
{N: 1250}
Uere dignum: tuae laudis hostiam iugiter immolantes, cuius figuram Abel iustus instituit, agnus quoque legalis ostendit, celebrauit Abraham, Melchisedehaec sacerdos exhibuit, sed uerus agnus et aeternus pontifex hodie natus Christus impleuit. Unde profusis
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. IIII. ITEM ALIA]
{N: 1251}
Concede, quaesumus, domine deus noster, ut qui ad destructionem diaboli et remissionem natus est hodie peccatorum, et a culparum subreptione nos expiet, et ab hostium incursione defendat
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. IIII. ITEM ALIA]
{N: 1252}
Da, quaesumus, domine, populo tuo inuiolabilem fidei firmitatem; ut qui unigenitum tuum in tua tecum gloria sempiternum in ueritate nostri corporis natum de matre uirgine confitentur, et a praesentibus liberentur aduersis, et mansuris gaudiis inserantur
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. IIII. ITEM ALIA]
{N: 1253}
Da nobis, omnipotens deus, ut sicut adoranda filii tui natalicia praeuenimus, sic eius munera capiamus sempiterna gaudentes
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. V. ITEM ALIA]
{N: 1254}
Tanto nos, domine, quaesumus, promptiore seruitio haec praecurrere concede sollemnia, quanto in his constare principium nostrae redemptionis ostendis
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. V. ITEM ALIA]
{N: 1255}
Uere dignum: sollemnitas enim, domine, caelestis pacis ingreditur. Quaesumus, ut per eam gratiam, per quam tibi reconciliatus est mundus peccatorum remissione cunctorum, nos quoque delictis omnibus expiati remediis tuae pietatis aptemur; et mysterium, quod extitit mundo salutare, principalis recordatione muneris adsequamur
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. V. ITEM ALIA]
{N: 1256}
Deus, qui nos sacramenti tui participatione contingis, uirtutis eius effectus in nostris cordibus operare, ut suscipiendo muneri tuo per ipsum munus aptemur
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. V. ITEM ALIA]
{N: 1257}
Benedictio tua, domine, super populum supplicantem copiosa descendat: ut qui te factore conditus, te est reparatus auctore, te iugiter operante saluetur
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. V. ITEM ALIA]
{N: 1258}
Deus, qui restaurationem condicionis humanae mirabilius operaris, quam substantiam condedisti: tribue, quaesumus, ut simul perficiatur in nobis et quod creauit uerbi tui diuina generatio, et quod eius hominis facti gloriosa natiuitas reformauit
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VI. ITEM ALIA]
{N: 1259}
Tot sensibus hodiernum, domine, sacrificium celebramus, quo nobis ipsius sacrificii sunt nata primordia
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VI. ITEM ALIA]
{N: 1260}
Uere dignum: quoniam magnificum nostrae commercium reparationis effulsit: cum de homine ueteri homo nouus exsisteret, curatus mortalitate mortalitas; cum humana condicio de ipsius humanae condicionis confecta medicatione sanatur, et de obnoxia generatione peccato totius peccati nescia proles exoritur, ac non solum nostra a uerbo tuo suscepta fragilitas perpetui fit honoris, sed nos quoque mirando consortio reddit aeternos
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VI. ITEM ALIA]
{N: 1261}
Exultantes, domine, cum muneribus ad altaria ueneranda concurrimus: quia et omnium nobis hodie summa uotorum et causa nostrae redemptionis exhorta est
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VII. ITEM ALIA]
{N: 1262}
Uere dignum: quoniam uerae magnum, quod sine exemplo est singulare, quod sine humana ratiocinatione mirabile tuae pietatis editum sacramentum, adque ideo sicut primis fidelibus extitit in sui credulitate praetiosum, ita nunc excusabilem conscientiam non relinquit, quae salutaris mysterii ueritatem toto etiam mundo testificante non sequitur. Ut enim in principio difficile uideretur, cum ad hoc sacramentum genus humanum diceretur esse uenturum: sic opus maiestatis inmensae negari nefas est, cum cernitur ubique conspicuum. Unde profusis
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VII. ITEM ALIA]
{N: 1263}
Concede nobis, domine, quaesumus, ut sancta tua tibi placito corde sumamus, et quidquid in nostra mente uitiosum est, ipsius doni medicatione curetur
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VII. ITEM ALIA]
{N: 1264}
Deus, qui humanum genus a suo principe laetaliter sauciato Christi tui natiuitate saluare dignaris: presta, quaesumus, ut non hereamus in perditionis auctorem, sed ad redemptoris nostri consortia transferamur
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VIII. ITEM ALIA]
{N: 1265}
Oblatio tibi sit, domine, hodiernae festiuitatis accepta; qua et nostrae reconciliationis processit perfecta placatio, et diuini cultus nobis est indita plenitudo, et uia ueritatis et uita regni caelestis apparuit
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VIII. ITEM ALIA]
{N: 1266}
Uere dignum: quia nostri saluatoris hodie lux uera processit, quae clara nobis omnia et intellectu manifestauit et uisu. Quibus non solum praesentem uitam suo splendore dirigeret, sed ad ipsam nos maiestatis inmensae gloriam perduceret intuendam
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VIII. ITEM ALIA]
{N: 1267}
Da nobis, domine, quaesumus, ipsius recenseta natiuitate uegetari, cuius caelesti mysterio pascimur et potamur
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VIII. ITEM ALIA]
{N: 1268}
Ut ad salutaris hodiernae generationis exordium pertinere mereamur, apostolicis tribue nos, domine, quaesumus, praecibus adiubari
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VIIII. ITEM ALIA]
{N: 1269}
Praesenti sacrificio, domine, tua generaliter exultet aeclesia, quo infirmitatis eius sunt adsumptae primitiae, ut diuinae particeps fieret ipsa potentiae
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VIIII. ITEM ALIA]
{N: 1270}
Uere dignum: in die sollemnitatis hodiernae, quo licet ineffabile, tamen utrumque conueniens editur sacramentum: quia et mater uirgo non posset nisi subolem proferre diuinam, et deus homo nasci dignatus congruentibus non deberet nisi uirgine matre generari. Propterea
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VIIII. ITEM ALIA]
{N: 1271}
Presta, misericors deus, ut natus hodie saluator mundi, sicut diuinae nobis generationis est auctor, ita et inmortalitatis sit ipse largitor
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VIIII. ITEM ALIA]
{N: 1272}
Deus, qui creationem condicionis humanae diabolicis non es passus perire nequitiis, remedia tuae propitiationis exsequere; ut in eadem non praeualeat inimica subreptio, sed redemptio tuae miserationis ¦:pietatis:¦ obtineat
[TIT: MENSE DECEMBRI. XL. VIII KALENDAS IANUARIAS. NATALE DOMINI ET MARTYRUM PASTORIS BASILEI ET IOUIANI ET UICTORINI ET EUGENIAE ET FELICITATIS ET ANASTASIAE. VIIII. ITEM ALIA]
{N: 1273}
Omnipotens sempiterne deus, qui huius diei uenerandam sanctamque laetitiam beati apostoli tui Iohannis euangelistae festiuitate tribuisti: da aeclesiae tuae, quaesumus, et amare quod credidit, et praedicare quod docuit
[TIT: MENSE DECEMBRI. XLI. IN NATALE SANCTI IOHANNIS EUANGELISTE]
{N: 1274}
Deus, qui per os beati apostoli tui Iohannis euangeliste uerbi tui nobis arcana reserasti: presta, quaesumus, ut quod ille nostris auribus excellenter infudit, intellegentiae conpetentis eruditione capiamus
[TIT: MENSE DECEMBRI. XLI. IN NATALE SANCTI IOHANNIS EUANGELISTE]
{N: 1275}
Munus populi tui, domine, quaesumus, apostolica depraecatione sit gratum; ut aeclesia tua eorum semper intercessionibus adiubetur, quorum iugiter instruitur disciplinis
[TIT: MENSE DECEMBRI. XLI. IN NATALE SANCTI IOHANNIS EUANGELISTE]
{N: 1276}
Uere dignum: beati apostoli tui Iohannis euangelistae natalicia uenerantes. Qui domini nostri Iesu Christi filii tui uocatione suscepta, terrenum respuit patrem ut possit inuenire caelestem; retia saeculi quibus inplicabatur abiecit, ut aeternitatis dona mente libera sectaretur; nutantem fluctibus nauem reliquid, ut in aeclesiasticae gubernationis tranquillitate consisteret; a piscium captione cessauit, ut animas mundanis gurgitibus inmersas calamo doctrinae salutaris abstraheret; destitit pelagi profunda rimari, secretorum scrutator redditus diuinorum eo usque procedens, ut et in cenae mysticae sacrosancto conuiuio in ipsius recumberet pectore saluatoris; et eum in cruce dominus constitutus uicarium sui matri uirgini filium subrogaret; et in principio uerbum, quod deus erat apud deum, ipsi prae ceteris ostenderet praedicandum
[TIT: MENSE DECEMBRI. XLI. IN NATALE SANCTI IOHANNIS EUANGELISTE]
{N: 1277}
Presta nobis, domine, quaesumus, apostolicis doctrinis et praecibus adiubari; ut quod praesentibus celebramus officiis, perpetuae saluationis ¦:redermptionis:¦ gaudiis adsequamur
[TIT: MENSE DECEMBRI. XLI. IN NATALE SANCTI IOHANNIS EUANGELISTE]
{N: 1278}
Prosequere, domine, populum tuum, ut apostolorum natalicia beata sanctorum et temporali consolatione fultus semper exerceat, et aeterna miseratione redemptus agnoscat
[TIT: MENSE DECEMBRI. XLI. IN NATALE SANCTI IOHANNIS EUANGELISTE]
{N: 1279}
Natalicia sancti Iohannis apostoli, quaesumus, domine, munera capiamus, ut suis praecibus gloriosis et credendum nobis iugiter postulet et sequendum beatus euangelista, quod docuit
[TIT: MENSE DECEMBRI. XLI. IN NATALE SANCTI IOHANNIS EUANGELISTE. II. ITEM ALIA]
{N: 1280}
Supplicationibus apostolicis beati Iohannis euangelistae, quae sumus, aeclesiae tuae, domine, commendetur oblatio, cuius magnificis praedicationibus eruditur
[TIT: MENSE DECEMBRI. XLI. IN NATALE SANCTI IOHANNIS EUANGELISTE. II. ITEM ALIA]
{N: 1281}
Uere dignum: beati Iohannis apostoli gloriam recensentes. Qui ab unigenito tuo sic familiariter est dilectus et inmensae gratiae reuelationibus inspiratus, ut omnem transgrediens creaturam excelsa mente conspiceret et euangelica uoce proferret, quia in principio erat uerbum et deus erat uerbum, qui hoc erat in principio aput deum. Dicendo quippe erat, perpetuitatem sine initio demonstrauit. Addendo et deus erat uerbum et hoc erat in principio aput deum, et distinctionem protulit personalem et unam te cum filio tuo patefecit habere deitatem. Qua maiestatis aeternae claritate deprompta summae diuinitati cederet uocata gentilitas, et hereticorum confutata uersutia nec confusionem praetenderet unionis, nec consempiternitatis minueret ueritatem
[TIT: MENSE DECEMBRI. XLI. IN NATALE SANCTI IOHANNIS EUANGELISTE. II. ITEM ALIA]
{N: 1282}
Miserator et misericors domine, qui nos continuis caelestium martyrum non deseris sacramentis: presta, quaesumus, ut quae sedulo celebramus affectu, grato tibi percipiamus obsequio
[TIT: MENSE DECEMBRI. XLI. IN NATALE SANCTI IOHANNIS EUANGELISTE. II. ITEM ALIA]
{N: 1283}
Aeclesiam tuam, domine, benignus inlustra, ut apostolicis beati Iohannis euangelistae inluminata doctrinis ad dona perueniat, quae de tua fidelibus retributione promisit
[TIT: MENSE DECEMBRI. XLI. IN NATALE SANCTI IOHANNIS EUANGELISTE. II. ITEM ALIA]
{N: 1284}
Deus, qui bonis tuis infantum quoque tui nescia sacramenti corda praecedes: tribue, quaesumus, ut nostrae conscientiae fiduciam non habentes, indulgentia semper copiosa praeueniat
[TIT: MENSE DECEMBRI. XLII. IN NATALE INNOCENTUM]
{N: 1285}
Suscipe, domine, quaesumus, deuotorum munera famulorum; et tuis diuinis purifica seruientes pietate mysteriis, quibus etiam iustificas ignorantes
[TIT: MENSE DECEMBRI. XLII. IN NATALE INNOCENTUM]
{N: 1286}
Uere dignum: praetiosis enim mortibus paruolorum, quos propter filii tui domini nostri et saluatoris infantiam bestiali saeuitia Herodes funestus occidit, inmensa clementiae tuae dona cognoscimus. Fulget namque magis sola gratia quam uoluntas, et clara est prius confessio quam loquella; ante passio quam membra passionis exsisterent; testes Christi, qui eius nondum fuerant agnitores. O infinita benignitas, cum pro suo nomine trucidatis etiam nescientibus meritum gloriae perire non patitur, sed proprio cruore perfusis et salus regenerationis expletur, et inputatur corona martyrii
[TIT: MENSE DECEMBRI. XLII. IN NATALE INNOCENTUM]
{N: 1287}
Hodiernae sollemnitatis effectum sumpsimus, domine, gaudia magna de paruis, suppliciter exorantes, ut hanc abundantiam in nostra quoque saluatione defendas
[TIT: MENSE DECEMBRI. XLII. IN NATALE INNOCENTUM]
{N: 1288}
Laetetur semper aeclesia tua, domine, tuorum celebritate sanctorum et misericordiae tuae iugiter experiatur effectum, quo et fragilitas humana subsistat, et diuina supplici redemptio non negetur
[TIT: MENSE DECEMBRI. XLII. IN NATALE INNOCENTUM]
{N: 1289}
Deus, qui licet sis magnus in magnis, mirabilia tamen gloriosius operaris in minimis: da nobis, quaesumus, in eorum celebritate gaudere, qui filio tuo domino nostro testimonium praebuerunt etiam non loquentes
[TIT: MENSE DECEMBRI. XLII. IN NATALE INNOCENTUM. II. ITEM ALIA]
{N: 1290}
Adesto, domine, muneribus Innocentum festiuitate sacrandis, et presta, quaesumus, ut eorum sinceritatem possimus imitari, quorum tibi dicatam ueneramur infantiam
[TIT: MENSE DECEMBRI. XLII. IN NATALE INNOCENTUM. II. ITEM ALIA]
{N: 1291}
Uere dignum: audiuimus etenim profetam dicentem, quod Rachel plorans filios suos noluerit consolari, quia non sunt. Maerebat ergo, quod de eius subule non uenirent, qui tanto sunt munere coronati. De Liae quippe sunt stirpe progeniti, quorum diuina gratia praeuenit et sensum, intellegentiam passio, et martyrii palma mirabilis praecessit aetatem; ut etiam ueneranda nostri saluatoris infantia coetaneis testificationibus exsisteret gloriosa
[TIT: MENSE DECEMBRI. XLII. IN NATALE INNOCENTUM. II. ITEM ALIA]
{N: 1292}
Annuae, quaesumus, omnipotens deus, ut sicut eos, quorumnatalicia recensemus, per tuam gratiam bene placitos fecit aetas exitu, sic nos tuae pietati salutaris humilitas prestet acceptos
[TIT: MENSE DECEMBRI. XLII. IN NATALE INNOCENTUM. II. ITEM ALIA]
{N: 1293}
Tribue, domine, quaesumus, fidelibus tuis: ut, sicut ait apostolus, non efficiantur pueri sensibus, sed malitia innoxii repperiantur et paruuli: ut martyres festiuitatis hodiernae, quos meritis aequare non possunt, mentis simplicitate sectentur
[TIT: MENSE DECEMBRI. XLII. IN NATALE INNOCENTUM. II. ITEM ALIA]
{N: 1294}
Deus, qui singulis quibusque conpetenter aptanda temporibus sempiterno cernis intuitu: da nobis, quaesumus, ut cum rerum uicissitudine mundanarum ad bona quoque perpetua piae deuotionis crescamus accessu
[TIT: MENSE DECEMBRI. XLIII. IN IEIUNIO MENSIS DECIMI]
{N: 1295}
Dies nostros, domine, placatus intende; et quos praesenti cursu multiplicas, iustis operibus redde fecundos
[TIT: MENSE DECEMBRI. XLIII. IN IEIUNIO MENSIS DECIMI]
{N: 1296}
Aeclesiae tuae, domine, munera placatus adsume, quae et misericors offerenda tribuisti, et in nostrae salutis potenter efficis transire mysterium
[TIT: MENSE DECEMBRI. XLIII. IN IEIUNIO MENSIS DECIMI]
{N: 1297}
Uere dignum: quia per ea quae conspiciuntur instruimur, quibus modis ad inuisibilia tendere debeamus. Denique commonemur anni docente successu, de praeteritis in futura et ad nouitatem uitae de uetustate transire; ut terrenis sustentationibus expediti, caelestis doni capiamus desiderabilius ubertatem, et per eum ciuum, qui beneficiis praerogatur alternis, perueniamus ad uictum sine fine mansurum
[TIT: MENSE DECEMBRI. XLIII. IN IEIUNIO MENSIS DECIMI]
{N: 1298}
Tuorum nos, domine, largitate donorum et temporalibus adtolle praesidiis, et renoua sempiternis
[TIT: MENSE DECEMBRI. XLIII. IN IEIUNIO MENSIS DECIMI]
{N: 1299}
Diuersis plebs tua, domine, gubernata subsidiis et praesentia pietatis tuae remedia capiat et futura; ut transeuntium rerum necessaria consolatione foueant, et fiducialius ad aeterna contendat
[TIT: MENSE DECEMBRI. XLIII. IN IEIUNIO MENSIS DECIMI]
{N: 1300}
Cognoscimus, domine, tuae circa nos clementiae largitatem. Et ideo fiducialius inploramus, ut, quos pascere non desistis inmeritos, et digne tibi seruire perficias, et donis uberioribus prosequaris
[TIT: MENSE DECEMBRI. XLIII. IN IEIUNIO MENSIS DECIMI. II. ITEM ALIA]
{N: 1301}
Da, quaesumus, domine, nostris effectum ieiuniis salutarem, ut castigatio carnis adsumpta ad nostrarum uegetatione transeat animarum
[TIT: MENSE DECEMBRI. XLIII. IN IEIUNIO MENSIS DECIMI. II. ITEM ALIA]
{N: 1302}
Suscipe, domine, sacrificium, cuius te uoluisti / dignanter immolatione placari, et presta, quaesumus, ut huius operatione mundati bene placitum tibi nostrae mentis offeramus affectum
[TIT: MENSE DECEMBRI. XLIII. IN IEIUNIO MENSIS DECIMI. II. ITEM ALIA]
{N: 1303}
Uere dignum: qui nos tamquam nutrimentis instituens paruulorum, dispensatis mentis et corporis alimentis per humanorum foues crementa prouectuum, donec inmortalem satietatem, pro nostro quisque modulo, finita mortalitate capiamus
[TIT: MENSE DECEMBRI. XLIII. IN IEIUNIO MENSIS DECIMI. II. ITEM ALIA]
{N: 1304}
Mysteriis tuis, domine, ueneranter adsumptis quaesumus, ut contra nostrae condicionis errorem et contra diabolicas armemur insidias
[TIT: MENSE DECEMBRI. XLIII. IN IEIUNIO MENSIS DECIMI. II. ITEM ALIA]
{N: 1305}
Sit plebi tuae, domine, continuata defensio diuini participatio sacramenti: ut carnalibus uitiis non teneatur obnoxia; ut spiritali delectatione sit libera; ut maiestati tuae plena sit deuotione subiecta; ut saluationem mentis et corporis et incessabiliter expetet, et adfluenter accipiat
[TIT: MENSE DECEMBRI. XLIII. IN IEIUNIO MENSIS DECIMI. II. ITEM ALIA]
{N: 1306}
Supplices, domine, te rogamus, ut fructum terrenorum commodis sufficienter adiuti, ad te omnium proficiamus auctorem
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1307}
Cordibus nostris, quaesumus, domine, benignus infunde, ut sicut ab escis corporalibus temperamus, ita sensos quoque nostros a noxio retrahamus excessu
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1308}
Huius nobis parsimoniae, quaesumus, domine, praeue mensuram; ut quod licentiae carnis auferimus, salutarem nobis fructum mentis adquirat
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1309}
Subde tibi nostras, quaesumus, domine, uoluntates; ut semper et fide, quae praecipis, et actione sectemur
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1310}
Praecamur, omnipotens deus, ut de transitoriis opibus ea potius operemur, quibus ad aeterna gaudia consequenda et spes nobis suppetat et facultas
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1311}
Pacem nobis tribue, domine, mentis et corporis, ut nostrae fragilitati et manifesti subiciantur hostes, et inuisibiles excludantur
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1312}
Presta, domine, quaesumus, ut dicato muneri congruentem nostrae deuotionis offeramus affectum
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1313}
Uere dignum: quoniam salubri meditante ieiunio necessaria curatione tractamus, et per obseruantiae conpetentis obsequium de perceptis grati muneribus de percipiendis efficimur gratiores; ut non solum terrena fertilitate laetemur, sed natiuitatem panis aeterni purificatis suscipiamus mentibus honorandam
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1314}
Sumpsimus, domine, celebritatis annuae uotiua sacramenta. Presta, quaesumus, ut et temporalis uitae nobis remedia praeueant et aeternae
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1315}
Tuere, domine, plebem tuam, et sacram sollemnitatem recolentem caelestis gratiae largitate prosequere; ut uisibilibus adiuta solaciis, ad inuisibilia bona promptius incitetur
[TIT: MENSE DECEMBRI. XLIII. IN IEIUNIO MENSIS DECIMI. III. ITEM ALIA]
{N: 1316}
Da nobis, quaesumus, domine, firmitatem religionis et pacis, ut quanto tibi deuotius famulamur, tanto diebus nostris prospera cunctaque succedant
[TIT: MENSE DECEMBRI. XLIII. IN IEIUNIO MENSIS DECIMI. IIII. ITEM ALIA]
{N: 1317}
Respice, domine, propitius ad pleuem tuam; et quam diuinis tribuis profiteri sacramentis, ab omnibus absolue peccatis
[TIT: MENSE DECEMBRI. XLIII. IN IEIUNIO MENSIS DECIMI. IIII. ITEM ALIA]
{N: 1318}
Succurre, domine, quaesumus, populo tuo, et nullum sequi patiaris errorem, quem tuae uis conplicem fieri ueritatis
[TIT: MENSE DECEMBRI. XLIII. IN IEIUNIO MENSIS DECIMI. IIII. ITEM ALIA]
{N: 1319}
Quaesumus, omnipotens deus, aeclesiae tuae tempora clementi gubernatione dispensa; ut cum sollemnitatum multiplicatione sanctorum et intellectum rerum caelestium capiat et profectum
[TIT: MENSE DECEMBRI. XLIII. IN IEIUNIO MENSIS DECIMI. IIII. ITEM ALIA]
{N: 1320}
Presta, quaesumus, domine, spiritalibus gaudiis nos repleri, ut quae actu gerimus, mente sectemur
[TIT: MENSE DECEMBRI. XLIII. IN IEIUNIO MENSIS DECIMI. IIII. ITEM ALIA]
{N: 1321}
Offerimus tibi, domine, munera supplicantes, ut quae subditis ¦:piis:¦ celebramus officiis, plenis affectibus exsequamur
[TIT: MENSE DECEMBRI. XLIII. IN IEIUNIO MENSIS DECIMI. IIII. ITEM ALIA]
{N: 1322}
Uere dignum: qui non solum ineffabilis in excelsis, sed etiam inmensus probaris in minimis. Nam cum filius tuus dominus noster Iesus Christus mundum diceret uniuersum in suum nomen esse cessurum, quis non ueluti putaret absurdum ? quis, cum fieri uideat, neget esse diuinum? Cernensque promissa conpleri, merito secutura non dubitet, quae pariter praedicata sunt esse uentura. Sicut autem beatiores illi qui nondum apparentia crediderunt, ita nos et inexcusabiliores, si nec experta fateamur; et nihilominus gratiores exsistimus, si quae manifestata non sunt, confidimus adfutura
[TIT: MENSE DECEMBRI. XLIII. IN IEIUNIO MENSIS DECIMI. IIII. ITEM ALIA]
{N: 1323}
Refecti uitalibus alimentis quaesumus, domine: quod tempore nostrae mortalitatis exsequimur, inmortalitatis tuae munere consequamur
[TIT: MENSE DECEMBRI. XLIII. IN IEIUNIO MENSIS DECIMI. IIII. ITEM ALIA]
{N: 1324}
Super populum tuum, domine, quaesumus, benedictio copiosa descendat, indulgentia ueniat, consolatio tribuatur, fides sancta succrescat, redemptio sempiterna firmetur
[TIT: MENSE DECEMBRI. XLIII. IN IEIUNIO MENSIS DECIMI. IIII. ITEM ALIA]
{N: 1325}
Esto, domine, propitius pleui tuae, et temporali consolatione non deseras, quam uis ad aeterna contendere
[TIT: MENSE DECEMBRI. XLIII. IN IEIUNIO MENSIS DECIMI. V. ITEM ALIA]
{N: 1326}
Sacrificiis praesentibus, domine, quaesumus, intende placatus, ut et deuotioni nostrae proficiant et saluti
[TIT: MENSE DECEMBRI. XLIII. IN IEIUNIO MENSIS DECIMI. V. ITEM ALIA]
{N: 1327}
Uere dignum: qui non solum peccata dimittis, sed ipsos etiam iustificas peccatores; et reis non tantum poenam relaxas, sed donas et praemia
[TIT: MENSE DECEMBRI. XLIII. IN IEIUNIO MENSIS DECIMI. V. ITEM ALIA]
{N: 1328}
Presta, quaesumus, domine deus noster, sacramentum hoc in aecclesiis tuis indiffidenter intellegi, ut unus Christus in dei adque hominis ueritate nec a nostra diuisus natura, nec a tua descretus adoretur essentia: per Christum dominum nostrum
[TIT: MENSE DECEMBRI. XLIII. IN IEIUNIO MENSIS DECIMI. V. ITEM ALIA]
{N: 1329}
Laudent te, domine, ora nostra, laudet anima, laudet et uita; et quia tui muneris est quod sumus, tuum sit omne quod uiuemus: per Christum dominum nostrum
[TIT: MENSE DECEMBRI. XLIII. IN IEIUNIO MENSIS DECIMI. V. ITEM ALIA]
{N: 1330}
Suscipite, uenerabiles martyres, etsi indigni cultoris officium et uota totius populi praecantis adtendite; ut qui de uestrorum meritorum estes remuneratione securi, sitis de nostrorum criminum remessione sulliciti
[TIT: MENSE DECEMBRI. XLIII. IN IEIUNIO MENSIS DECIMI. V. ITEM ALIA]
{N: 1331}
Praecem tibi fundimus, domine, rerum genitor aeternae, omnipotens deus, cuius spiritus ferebatur super aquas, cuius oculi excelsi aspexerunt super Iordanen fluuium, dum tinguiret Iohannes in paenitentia confitentes peccata sua. Ideoque petimus sanctam gloriam tuam, ut sit absconsa manus tua in hanc aquam; ut emundes et purifices interiorem hominem, qui baptizabitur ex ea, et mortiferis delectis renascatur ac reuiuiscat per hominem nouum, creatum in Christo Iesu: cum quo uiues et regnas in unitate spiritus sancti in saecula
[TIT: MENSE DECEMBRI. XLIII. IN IEIUNIO MENSIS DECIMI. V. INCIPIT BENEDICTIO FONTES]
{N: 1332}
bric aduen r n num
[I DER ROTULUS VON RAVENNA 1]
{N: 1333}
Deus, qui splendorem gloriae tuae per sacrae uterum uirginis in mundi fine in... dignatus es reuelare, quatenus densis errorum tenebris effugatis, ueritas fulgeat perpetuae claritatis; tribue, quaesumus, ut tantae incarnationis mysterium humiles famuli et fidei integritate colamus, et deuoto semper obsequio fraequentemus
[I DER ROTULUS VON RAVENNA ITEM ALIA 2]
{N: 1334}
PROPITIARE, DOMINE DEUS, supplicationibus nostris et tribulantibus, quaesumus auxilium tuae piaetatis concede, ut de filii tui uenientis praesentia consolati, nullis iam polluamur contagiis uetustatis
[I DER ROTULUS VON RAVENNA ITEM ALIA 3]
{N: 1335}
UNIGENITUM OMNIPOTENS pater, prophetarum oraculis declaratum, tota nunc gaudet ecclesia in mundo uenturum sicut pluuia super uellos, oriatur, quaesumus, abundantia pacis... eius aduentum, simul...exultet terra caelesti rore perfusa, ut redemptori sui leta ualeat offere splendida uota
[I DER ROTULUS VON RAVENNA ITEM ALIA 4]
{N: 1336}
INENARRAUILEM potentiae tuae, deus, uirtutem extende, et populo supplicanti per filii tui praesentiam defensor accede, ut ad uotiua desideria ipso iuuante perueniat
[I DER ROTULUS VON RAVENNA 5]
{N: 1337}
OMNIPOTENS deus, qui nos praecipis per portam iustitiae transire et iter Christo domino praeparare: concede propitius, ut nullis infirmitatibus fatigemur, qui celestis medici fulgentem praesentiam sustinemus
[I DER ROTULUS VON RAVENNA 6]
{N: 1338}
DEUS QUI AD LIUERANDUM humanum genus a uetustatis condicione tua clementia procurasti: largire deuotae expectantibus gratiam tuae supernae piaetatis, ut ad ueram perueniamus praemium libertatis
[I DER ROTULUS VON RAVENNA 7]
{N: 1339}
EXAUDI praeces populi tui, omnipotens deus, et radiante de caelo iustitia omnis germinet terra letitiam; ut in filii tui redemptoris mundi aduentum, quaesumus, desiderantes animae nostrae benedictione pinguissima repleantur
[I DER ROTULUS VON RAVENNA ITEMA ALIA 8]
{N: 1340}
UENIAM praecamur offensis, caelorum conditur, deus, ut redemptoris nostri sustinentes praesentiam, peccatorum mereamur percipere indulgentiam
[I DER ROTULUS VON RAVENNA 9]
{N: 1341}
DEUS, QUI UIA EST ueritatis et ineffauilis unitas trinitatis: concede propitius, tua in nobis gratia operante, ut uenienti saluatori mereamur cum dignis operibus obuiare, et beatitudinis praemia promereri
[I DER ROTULUS VON RAVENNA 10]
{N: 1342}
REPLE bonis, omnipotens deus, terram tuam redemptoris sui praesentiam cupientem, ut consolationis aeternae gratia circumdata plebs tua caelesti permaneat auxilio guuernata
[I DER ROTULUS VON RAVENNA 11]
{N: 1343}
DEUS, QUEM OLIM diuina praeconia cecinerunt in mundo uenturum, concede propitius desideranti populo tuo sollemnem redemptoris sui natiuitatem suscipere et caelestia ab eo dona consequi benedictionisquae plenitudinem possidere
[I DER ROTULUS VON RAVENNA 12]
{N: 1344}
DIRIGATUR, quaesumus domine, in conspecto tuo nostrae petitionis oratio, ut ad magnae incarnationis tuae mysterio nostrae seruitutis uota, inlibata puritate, perueniant
[I DER ROTULUS VON RAVENNA 13]
{N: 1345}
DEUS, QUI SALUTARE tuum totis terrae finibus nuntiatum signis fulgentibus declarasti: tribuae quaesumus, ut qui natiutitatis eius gloriam sollemniter praestolamus, nullis iam inimicorum fraudibus mancipemur
[I DER ROTULUS VON RAVENNA ITEM ALIA 14]
{N: 1346}
OMNIPOTENS et inuisiuilis deus, qui mundi tenebras lucis tuae aduentu fugasti, sereno nos, quaesumus, uultu circumspice, ut magnificentiam natiuitatis tuae dignis praeconiis conlaudemus
[I DER ROTULUS VON RAVENNA ITEM ALIA 15]
{N: 1347}
DEUS, QUI HOMINEM olim perditum et densis uitiorum nebulis obscuratum gloriosae natiuitatis tuae lumine radiasti: concede propitius, ut quem tante salutis beneficio munerasti, quaesumus, nullis malorum patiaris subiacere periculis
[I DER ROTULUS VON RAVENNA ITEM ALIA 16]
{N: 1348}
OMNIPOTENS sempiterne deus, celi terreque dominator, respice propitius ad orationem familiae tuae et unigenito tuo uenienti pia uota soluere cupientem placatus exaudi
[I DER ROTULUS VON RAVENNA 17]
{N: 1349}
DOMINE AETERNAE, dei filius, ante cuius inenarrauile incarnationis mysterium exultauerunt montes et iocundati sunt colles: concede propitius, ut te in secundo aduentu nullo modo formidemus, sed absoluti a uinculis delictorum, redemptorem humani generis sensiamus, quem ueraciter confitemur deum et dominum angelorum
[I DER ROTULUS VON RAVENNA ITEM ALIA 18]
{N: 1350}
ORIATUR, quaesumus, omnipotens deus, in cordibus nostris splendor gloriae, dominus noster Iesus Christus; ut omnem noctis obscuritate sublata, filios nos esse diei uere lucis manifestat aduentus
[I DER ROTULUS VON RAVENNA ITEM ALIA 19]
{N: 1351}
TRIBUAE, QUAESUMUS, domine deus, ut deuotis mentibus diuinum expectemus aduentum, quo sacratissimus uirginis partus ex spiritu sancto nobis generet deum, quatenus appareat in hominibus Christus dominus et saluator: qui cum ingenito patre uiuit et regnat nunc et per omnia secula seculorum
[I DER ROTULUS VON RAVENNA ITEM ALIA 20]
{N: 1352}
CLEMENS et misericors deus, ad tuorum propitius intende praecibus famulorum, ut qui redemptoris mundi sustinemus aduentum, quaesumus, nostrae salutis capiamus premium sempiternum
[I DER ROTULUS VON RAVENNA 21]
{N: 1353}
DEUS, TURRIS inexpugnabilis et ciuitas fortitudinis nostrae: esto nobis, quaesumus, protectio salutaris et desiderauilis uirtus; ut futura natiuitas saluatoris generalem letitiam et plenissimam omnibus conferat sanitatem
[I DER ROTULUS VON RAVENNA 22]
{N: 1354}
PROPITIARE, DOMINE DEUS, supplicationibus nostris et suffragante tuae incarnationis aduentu, quaesumus, praeces nostras dignanter exaudi et ueniam tribuae omnium peccatorum
[I DER ROTULUS VON RAVENNA 23]
{N: 1355}
OMNIPOTENS SEMPITERNE DEUS, natiuitatem Christi filii tui secundum carnem propinquare cernentes, quaesumus, ut nobis indignis famulis misericordiam prestet ipse, qui pro nobis dignatus est ingredi utero sanctae uirginis, ut uerbum caro fieret et habitaret in nobis
[I DER ROTULUS VON RAVENNA 24]
{N: 1356}
DEUS, QUI CONSPICIS populum tuum incarnationem dominicam fideliter expectare; presta quaesumus, ut ualeamus ad tante salutis gaudia peruenire et uotis sollemnibus alacri semper letitia caelebrare
[I DER ROTULUS VON RAVENNA ITEM ALIA 25]
{N: 1357}
INGENITI filius patris, domine omnipotens Christe, nostram, quaesumus, dignanter absque macula suscipe carnem; ut et te humanae substantiae participem esse probemus, et nos ad celestia dona ut perducere iubeas postolamus
[I DER ROTULUS VON RAVENNA ITEM ALIA 26]
{N: 1358}
LARGIRE, QUAESUMUS, domine, famulis tuis fidei et securitatis augmentum; ut qui de uentura natiuitate domini nostri tui filii gloriantur, et aduersa mundi te guuernante non sentiant, et, quae temporaliter caelebrare desiderant, sine fine percipiant
[I DER ROTULUS VON RAVENNA 27]
{N: 1359}
EXCELSI FILIUS DEI, humani generis conditor et inmaculate saluator: procede iam, quaesumus, de incontaminata uirgine pro mundi redemptione; ut sentiamus per eandem nos gratiam liuerare a peccatis, per quam ipse fieri dignatus est absque delicto similis nobis
[I DER ROTULUS VON RAVENNA ITEM ALIA 28]
{N: 1360}
IAM REFULGENS aduentus filii tui, quaesumus omnipotens pater, et laetitiam nobis praesentis exhibeat temporis et aeternae gloriae praestet esse participes
[I DER ROTULUS VON RAVENNA ITEM ALIA 29]
{N: 1361}
DEUS, AETERNA maiestas, cuius ineffauile uerbum angelo deferente uirginitas inmaculata suscepit et, domicilium deitatis effecta, sancti spiritus luce repletur; quaesumus, ut fidelem populum ipsa suis orationibus protegat, quae deum et hominem sacris castisque uisceribus meruit baiulare
[I DER ROTULUS VON RAVENNA ITEM ALIA 30]
{N: 1362}
DEUS, HUMANAE conditor et redemptor naturae, qui uerbum tuum in utero perpetuae uirginitatis carnem adsumere uoluisti: respice propitius ad praeces nostras, ut unigeniti tui natiuitate suscepta, ipsius aetiam redemptoris mereamur diuino consortio sociari
[I DER ROTULUS VON RAVENNA ALIA 31]
{N: 1363}
DEUS, QUI INITIO statim mundi promulgans lucem densas tenebrarum nebulas dissipasti: quaesumus, ut ipse iam procedat, conditor lucis, sponsus ueri thalami, ante secula quaem parasti, ut populus a uetustatis errore liueratos, in occursum filii tui adueniat, cum dignis operibus praeparatus
[I DER ROTULUS VON RAVENNA ITEM ALIA 32]
{N: 1364}
OMNIPOTENS SEMPITERNE DEUS, qui per incarnationem unigeniti tui mundum tuae maiestati reconciliare dignatus est: tribuae, quaesumus, ut nubila peccatorum fugiant a corde sereno et mysteria dominicae natiuitatis luce crescentia casta semper laetitia caelebrentur
[I DER ROTULUS VON RAVENNA ITEM ALIA 33]
{N: 1365}
LUMEN UERUM, quod ex fonte cordis tui, domine deus noster, salutiferum eructuare dignatus es[t] uerbum: quaesumus, ut sicut beatae Mariae intemeratae uirginis mirabiliter ingressus est uterum, ita nobis concedas tuis famulis eius cum gaudio praestolare gloriosae natiuitatis praesentiam
[I DER ROTULUS VON RAVENNA ALIA 34]
{N: 1366}
OMNIPOTENS SEMPITERNE DEUS, maiestatem tuam supplices deprecamus, ut refulgente iam dominicae carnis aduentu ad nostras praeces aures placidas praebeas et orationes fidelium famulorum exaudire digneris
[I DER ROTULUS VON RAVENNA ITEM ALIA 35]
{N: 1367}
DEUS, QUI FILIUM tuum uirginalibus membris receptum nostrae carnis tunicam indui uoluisti: presta quaesumus, ut et te humanae substantiae esse participem gaudeamus et nos ad celestia dona ut peruenire iubeas postolamus
[I DER ROTULUS VON RAVENNA ITEM ALIA 36]
{N: 1368}
DEUS, CUIUS UERBI aeternitas caeli faciem decorauit et uirginis uterum dominicae carnis gloriam fecundauit: quaesumus, ut splendor iam nouae lucis appareat et salus humani generis de castis uisceribus pro mundi redemptione procedat
[I DER ROTULUS VON RAVENNA ITEM ALIA 37]
{N: 1369}
DEUS, QUI INTRA UIRGINALIS uteri mansionem, ineffauili arte sanctum tibi carnis cubiculum condedisti, procede iam, quaesumus, placauilis et formam redime serui, quam ante secula promisisti, ut et tibi digna caelebraetur laudatio et nobis fiat aeterna saluatio
[I DER ROTULUS VON RAVENNA 38]
{N: 1370}
DOMINE DEUS, IAM UIRGINEI thalami pulchritudo ornamentis insignibus praeparatur, ut regalibus nuptiis caelebratis, procedat exinde sponsus prae filiis hominum speciosus, qui letitiam et pacem de sua plaenitudinem populis omnibus donet et splendorem praesentiae suae nostrarum inluminet tenebras animarum
[I DER ROTULUS VON RAVENNA 39]
{N: 1371}
INEFFAUILEM magni decretum consilii fideles populi humiliter ueneremus, quia in uirginis partum beatae stupendum uidemus miraculum coruscare, dum humanae naturae deitas sociata genimina in Christo fulgit substantia, cui caelestia famulantur obsequia et cuncta mundi subiacent aelementa, proinde tante diuinitatis parente. . . fes . . . er
[I DER ROTULUS VON RAVENNA 40]